BAGO pa man na-delete ang post ng isang kaibigan ni Matteo Guidicelli, marami na ang nakabasa nito.

Ayon sa na-delete na post kino-congratulate nito si Matteo at inilarawan bilang isang “soon to be daddy”.

Malinaw na ang lahat!  Talagang nagdadalang-tao nga si Sarah Geronimo.

Maraming espekulasyon ang naglabasan ukol dito. Pero nanatiling tikom ang mga bibig nina Matteo at Sarah. Maging ang mga taong malapit sa kanila.  

Hanggang sa mag-post nga ang isang kaibigan ng aktor/host.  Dahil agad nitong dinelete ang nasabing post, marami na ang nakakita ang nabasa ang nabanggit na post.

Hindi naman siguro gagawa ng kuwento ang kaibigang ito ni Matteo kung walang basehan.

Maaaring kaya nito binura ang post ay sa dahilang may pumigil dito, at malamang si Matteo iyon.     

Marahil hindi pa ito handang ibunyag kung nao talaga ang kasalukuyang sitwasyon ng asawa.     

Well, sooner or later lalabas din naman ang totoo.     

Wala naman kasing masama kung magbuntis man si Sarah dahil may asawa naman siya.     

At isa pa, matagal na rin namang umaasa ang mga ito na makabuo na nga ng sarili nilang pamilya.

***  

TOTOO ba ang balitang 7.5 millioin views na raw ang bagong vertical drama nina Francine Diaz at Seth Fedelin?

Ito yung bagong mapapanood sa iWant vertical drama na may titulong “A Cake to Remember”.

Binasag nito ang record ng ibang vertical drama na mapapanood sa Facebook, TikTok at YouTube sa ikalimang episode pa lamang nito.     

Trending din siya sa “X” at nangunguna na sa most-watched list.

Ang “A Cake to Remember” ay kuwento ng dalawang dating nag-iibigan na pinaglaruan ng tadhana.

Si Mandy (Francine) ay isa pastry chef ng isang naghihingalong bakery.  Tinanggap niya ang order na gumawa ng isang wedding cake. 

Wala sa hinagap niyang ang cake ay order ng magpapakasal na si Landon (Seth). Si Landon ay ex ni Mandy na siyang nang-iwan sa kanya sa altar.

Lingid sa kanyang kaalaman naaksidente pala itong si Landon at nawalan ng memorya. Kaya’t ginamit ni Mandy ang cake para ipaalala kay Landon ang kanilang nakaraan.

Isang madamdaming pag-iibigan na kahit makalimot ang isip, ngunit hindi kailan man ang puso.

KATULAD ng kanyang ipinangako, ipinasilip na ng actress-TV host at vlogger na si Alex Gonzaga-Morada ang face ng kanilang first baby ni Lipa Vice Mayor Mikee. 

Masayang-masaya ngang ibinahagi ni Alex sa kanyang social media accounts na maayos niyang naipanganak ang panganay nila ni Mikee.

Makikita sa short video nina Alex at Mikee ang kaganapan kasama ang sobrang cute na newborn baby.

Caption ni Mommy Alex sa IG post, “Now there are three of us, with our very own little baby boy.” 

Matatandaan na ikinasal sina Alex at Mikee noong 2021. Last May naman, ibinalita ng mag-asawa na magiging parents na sila matapos nilang makaranas ng tatlong miscarriage.

Samantala, naikuwento naman ni Alex sa kanyang vlog na noong huling bahagi ng June ay pinayuhan siya ng mga doktor na kailangang mag-total bed rest dahil matuklasang may maliit na pagbubukas sa kanyang cervix. 

Nagpahinga naman siya nang husto at pinagbigyan ang ilan sa kanyang mga food cravings.

Bandang July naman nang magsimula ang kanyang third trimester, nalaman ni Alex na mayroon siyang gestational diabetes. 

Kaya kinailangan niyang regular na bantayan ang kanyang blood sugar bago at pagkatapos kumain.Sa kanyang vlog, kinumpirma ni Alex na nanganak na siya noong first part ng August, na kung saan marami nga naging usap-usapan na nagsilang na siya. Pero walang pagkumpirma mula sa mag-asawa.

Dumagsa naman ang pagbati mula sa kanyang celebrity friend sa kanyang latest IG post…

Comment ni Gladys Reyes, “In God’s perfect time! So happy for u Alex and Mikee.”

Say naman ni Jolina Magdangal, “I am so happy for you and Mikee. answered prayers.”

“Congratulations, Moradas!,” pagbati naman ni Carla Abellana.

Kaaliw naman ng komento ni Luis Manzano, “Ay suuuuuussss [three red heart emojis].

Comment naman ng netizen, “@luckymanzano may bff na si peanut.”

Ilan pa sa nagpaabot ng bumati sa mag-asawa ay sina Jessy Mendiola, Kim Molina, Rodjun Cruz, Iza Calzado, Mariel Padilla, Pauleen Luna, Maja Salvador, Vina Morales, Chynna Ortaleza, Megan Young, Rica Peralejo, Iya Villania, Arci Muñoz at Michelle Dee.

MINSAN talaga, tumulong ka na nga, nalait ka pa.

Ganyan ang nangyari sa sikat na aktres at content creator na si Ivana Alawi na alaga ni Perry Lansigan ng PPL Entertainment, Inc. kung saan ang publicist ay ang MTRCB Board Member/showbiz reporter at kumare namin na si Rose Garcia.

Na-bash kasi si Ivana na nagmagandang-loob na nga na mamigay ng ayuda sa mga binaha sa pananalasa ng Habagat sa bansa.

Bakit daw sa mismong gitna ng baha na hanggang binti namahagi ng relief goods at pera si Ivana at hindi sa mga evacuation center?

Ipinaliwanag naman ni Ivana kung bakit…

“Sana alamin niyo din kung bakit nandoon sa gitna ng baha ang truck natin, nasiraan ito at hindi na makaandar ng bandang hapon.

“Kaya habang sinusubukan naming ayusin para lumipat sa ibang area, may mga biglang pumila at nag-stop din kung saan tumirik.”

Saad pa ni Ivana, nagpabalik-balik na nga sila sa nasirang truck para hakutin ng kung ilang beses ang relief goods na ipinamigay nila sa mga nasalanta ng baha.

Pakiusap pa ni Ivana, bago raw sana mam-bash o manghusga ang ilan ay alamin at intindihin muna ang buong pangyayari at sitwasyon bago manghusga.