TINANONG namin si Aiko Melendez kung ano ang dream wedding niya.
Sagot ng actress/politician, “Simple lang pero gusto ko solemn siya and parang ano mas gusto ko, kasi Christian wedding ang gagawin ko, di ba, so iyon.
“Invited ko lang kung sino yung parte ng journey namin.”
Beach o garden wedding?
“Beach or garden would do.”
Going strong ang relasyon nina Aiko at Onemig Bondoc kaya tinanong rin namin si Onemig ng same question.
“Well basta gusto ko lang makasama si Aiko, iyon lang, iyon lang ang dream wedding ko, wala ng iba, kahit ano’ng wedding basta siya yung kasama ko.
“Kahit saan pa iyan, kahit sa garden, kahit sa city hall, kahit saan,” ang nakakakilig na sagot sa amin ni Onemig.
Sa recent vlog nila ay tinanong si Onemig kung handa na siyang pakasalan si Aiko at sumagot siya na oo, handa siya.
Proposal na ba iyon?
“Hindi pa naman, we’re taking it slowly,” pakli ni Onemig.
“Praying na hopefully makarating doon. Road to forever.”
Handa na ba si Aiko?
“I feel in my heart na he is my end game.
“Lahat nasasabi ko sa kanya na walang filter, hindi ako natatakot na ma-judge, hindi de-numero ang kilos ko, na kailangan ganito ako in public.
“Kung sino ako tanggap niya ako,” lahad ni Aiko.
***
PATULOY ang pagbibigay ng karangalan sa Pilipinas at pagpapakilala ng kanyang kuwento sa international stage ng Filipino journalist at documentary filmmaker na si Editha Caduaya.
Pinarangalan ang kanyang documentary film na Sa Likod ng Tsapa (Beneath The Badge: The Story of Police Colonel Hansel M. Marantan) bilang Outstanding Excellence Award sa Documentaries Without Borders International Film Festival nito lamang March 15, 2026.

Ang nabanggit na pagkilala ay karagdagang parangal sa pelikula na patuloy na hinahangaan sa iba’t-ibang bansa.

Bukod dito, nitong January 18, 2026 ay pinarangalan ang Sa Likod Ng Tsapa/Beneath the Badge ng Special Mention Award sa Dhaka International Film Festival, isa sa mga tinitingalang platforms para sa global cinema. Ang naturang dokumentaryo ay tungkol sa tagos sa puso at makatotohanang kuwento ni Hansel M. Marantan, isang Philippine National Police officer na ang buhay at karera ay hinubog ng kontrobersiya, sakripisyo, tibay ng loob at pagpapakita ng katotohanan.

Sa pamamagitan ng mga panayam, archival footage, at naratibong paglalahad, ibinahagi ng pelikula ang emosyunal at moral na kabuuuan ng pagiging isang alagad ng batas bilang pagpapakita, sa bihirang pagkakataon, ng personal na laban sa likod ng tsapa.

Para kay Ms. Caduaya, ang pagkilala ay hindi lamang tagumpay sa kanyang pagiging isang direktor at manunulat kundi isa ring pagpupugay sa mga nakatagong kuwento sa likod ng serbisyo ng mga alagad ng batas at sa mga kababaihang filmmakers sa bawat rehiyon sa bansa.

Ayon sa kanya, “This documentary was created to show the human side of those who dedicate their lives to public service.

“Behind every badge is a story of sacrifice, pain, courage, and hope. These awards remind us that these stories deserve to be heard.”

Si Caduaya, isang journalist na may mahigit dalawang dekada ng karanasan sa pagbabalita ng pamamahala, pakikibaka at social issues sa Mindanao ay pumasok sa mundo ng dokumetaryo upang mailahad ang mas malalim na kuwento ng mga nilalang na minsan ay hindi nakikita sa mga headlines.

“There were moments when telling this story was emotionally heavy,” pahayag ni Caduaya, “But I believed the world needed to see the person behind the uniform—the man who endured trials and accusations yet continued to serve his country.”

Ang Documentaries Without Borders International Film Festival ay nagbibigay-halaga sa mga tunay na kuwento mula sa iba’t-ibang sulok ng mundo na tumatalakay sa katotohanan at karanasan ng bawat tao, tulad ng Sa Likod Ng Tsapa/Beneath the Badge, na nagwagi dahil sa makabuluhan at masusing paglalahad nito.

Ayon pa rin kay Caduaya, “This award is not just for the film, it is for every officer who continues to serve despite hardship, for every family who stands behind them, and for every storyteller who believes that truth and humanity matter.”

Sa patuloy na pagkilala sa international platforms, inaasahan na ang Sa Likod Ng Tsapa/Beneath the Badge ay aabot pa sa mas malawak na manonood sa pamamagitan ng mga screening at mga kaganapang pangkultura na magdadala ng mga kuwentong Pilipino ng serbisyo, tibay ng pagkatao at hustisya sa buong mundo.

(ROMMEL L. GONZALES)

Tom Holland surrounded by fans celebrating the launch of the official trailer for “Spider-Man: Brand New Day” on top of the Empire State Building

A one-of-a-kind trailer debut event was spearheaded by actor Tom Holland for his latest film “Spider-Man: Brand New Day.” Local fans were invited to join Holland in the grand launch of the trailer. The iconic Empire State Building was lit in Spider-Man’s iconic red and blue in time with the release of the trailer.

Watch the Empire State Building light for the trailer launch: https://youtu.be/9JbeVupC5gE

Watch the trailer: https://youtu.be/WMSNBV12MYs?si=f_DaGH3-pUQjjfiw

Fans all over the world celebrated a brand new day with a special video sharing personal stories about what Spider-Man meant to them. It’s then followed by an exclusive piece of the official trailer, with the fan tagging the next one in the sequence. They encouraged audiences to follow the relay across time zones to simultaneously celebrate a “Brand New Day.”

image.jpegimage.jpeg

L: Tom Holland preparing to pull the lever that will turn on the Spider-Man themed lights of the Empire State Building | R: Tom Holland posing with a miniature display of the Empire State Building

Watch the “Spider-Man: Brand New Day” be celebrated across the globe: https://youtu.be/SdRr0urgZFo

“Spider-Man: Brand New Day” arrives in Philippine cinemas on July 29.

About Spider-Man: Brand New Day

After the record-breaking global success of Spider-Man: No Way Home, Spider-Man: Brand New Day marks an entirely new chapter for Peter Parker and Spider-Man. Four years have passed since the events of No Way Home, and Peter is now an adult living entirely alone, having voluntarily erased himself from the lives and memories of those he loves. Crime-fighting in a New York that no longer knows his name, he’s devoted himself entirely to protecting his city — a full-time Spider-Man — but as the demands on him intensify, the pressure sparks a surprising physical evolution that threatens his existence, even as a strange new pattern of crimes gives rise to one of the most powerful threats he has ever faced.

Directed by: Destin Daniel Cretton

Written by: Chris McKenna & Erik Sommers

Based on the MARVEL Comic Book by: Stan Lee and Steve Ditko

Produced by: Kevin Feige, Amy Pascal, Avi Arad, Rachel O’Connor

Executive Producers: Louis D’Esposito, David Cain

Cast: Tom Holland. Zendaya, Sadie Sink, Jacob Batalon, Jon Bernthal, Tramell Tillman, Michael Mando, and Mark Ruffalo

Credit: “Columbia Pictures”

(ROHN ROMULO)

DUMALO si Bela Padilla sa House of Representatives’ committee on creative industries hearing, para suportahan ang panukalang batas na naglalayong palakasin ang lokal na pelikula sa pamamagitan ng Philippine Film Commission.

At sa kanyang Instagram post, sinabi ni Bela na…

“I was only able to stay for everybody’s opening statements but I actually had answers for the ten questions I was sent beforehand, when asked for suggestions to help fix problems that I see as a filmmaker today.

“The reaction was always the same. They’re amazed at our output when our budgets are so low.”

Dagdag pa ng aktres, “Honestly, I always get sad when I hear a Filipino put down a local film or review a local film harshly and compare our work to an international project that has a budget we can only dream of, because I see foreigners appreciate our work more than we do.”

“And sadly, that lack of patriotism or pride in our work is apparent not only in the film industry but in every sector,” saad niya pa.

May nakita namang oportunidad si Bela na makatulong sa industriya sa pamamagitan ng mga ideya ni Negros Occidental Rep. Javi Benitez, chairman ng House Special Committee on Creative Industries.

“I was pleasantly surprised to see the other day that the bill covers so much of what needs to be addressed like fair equity for creatives and producers,” pahayag pa ng aktres.

Ipinangako naman ni Bela na palagi siyang susuporta sa film industry.

“I wish I got to stay longer but I had to go back to set. But I obviously will always be here to help the industry I love most in any way I can.

Dagdag pa niya, “What I clearly saw the other day is that one truly doesn’t need to be elected to help. And that there are people elected who still care.”

“We have a long way to go. But this bill, if passed and done correctly, will get us closer.” (ROHN ROMULO)

HINDING-HINDI raw tututol si Andre Yllana kung magpapakasal ang kanyang mommy na si Aiko Melendez sa bago nitong boyfriend na si Onemig Bondoc, dahil botong-boto siya.
Ayon pa sa naging pahayag ng Viva Artists Agency (VAA) talent nang matanong sa relasyon nina Aiko at Onemig…
“Parang dalaga si mommy ngayon. She is really happy. Pa-out-of-town lang nang pa-out-of-town.
“Nakikita ko sila, mapapa-‘sana all’ ka na lang. Happy talaga sila and masaya rin ako for them dahil nararamdaman ko namang mahal talaga nila ang isa’t isa,” pahayag pa ng anak ni Jomari Yllana kay Aiko.
Pag-amin pa niya ‘pag nakikitang super sweet ang mag-dyowa, “Aminin ko, minsan cringe ako, pag nagti-TikTok sila, but this must be love!”
Payag na payag nga siya kung sakaling magdesisyon na silang magpakasal.
“Go! Maging masaya ka, mommy. Unspoken na ever since dati, kapag gusto niya ulit, basta mahal mo at masaya, go!
“Dati sinasabi niya sapat na kami sa kanya. Pag hindi naman siya pagpalain, nandito lang kami palagi, Ma,” pahayag pa ng aktor.
Samantala, masayang-masaya si Andre at labis ang pasasalamat sa big bosses ng Viva Entertainment sa muli niyang pinapirma ng kontrata.
Mula sa success ng first two seasons ng “Ang Mutya ng Section E” (2025-2026) and the thriller-mystery drama series “Hell University” (2026), mas dumami pa ang supporters ni Andre sa Viva One streaming platform.
Ang iba pa niyang nagawa ang horror film na ‘Pasahero’ (2024), ang drama series ng TV5 na ‘Lumuhod Ka Sa Lupa’ (2024-2025), na nagpakita ng pagiging versatile actor niya.
Nakasama rin siya sa ‘The Seniors’ (2022), ‘Expensive Candy’ (2023), ‘The Rain in España’ (2023), at ‘Safe Skies, Archer’ (2023-2024).
At sa bago niyang kontrata sa VAA, handang-handa na siya sa bagong hamon sa pag-arte at ma-establish na isa sa sought-after young actors ng Viva.
***
7 Pelikula, lusot sa mahigpit na pagsusuri ng MTRCB

KASAMA ang “Songs for Selina,” isang Filipino musical drama, sa bagong hanay ng mga pelikulang pinayagang ipalabas ng Movie and Television Review and Classification Board (MTRCB) ngayong linggo matapos itong bigyan ng R-18 rating.
Ang pelikula, na pinagbibidahan nina Rachel Alejandro, Mica Javier, Jay R at Rachel Coates, ay tumatalakay sa mas mabibigat na tema gamit ang musika at drama kaya ito binigyan ng R-18 classification.
Ang R-18 ay nangangahulugang para lamang ito sa mga nasa hustong gulang at maaaring maglaman ng matitinding tema, wika, karahasan, sex, kahubaran, horror o paggamit ng droga na hindi angkop sa mga wala pang 18 taong gulang, ayon kay MTRCB Chairperson at Chief Executive Officer Lala Sotto.
Iba’t ibang genre ang tampok sa lineup ngayong linggo—mula drama, science fiction, horror, animation hanggang fantasy.
Kabilang sa mga lokal na pelikula ang “The Graduation Day,” na pinagbibidahan Nina Jeric Gonzales, Elizabeth Oropesa at Simon Ibarra, na nakakuha ng PG o Parental Guidance rating.
Ang PG rating ay nangangahulugang may ilang sensitibong elemento ang pelikula ngunit maaari pa ring panoorin ng mas batang audience basta may gabay ng magulang o nakatatanda, paliwanag ni Chairperson Sotto.
Sa mga international releases, kabilang ang science fiction film na “Project Hail Mary” na pinagbibidahan ni Ryan Gosling, na binigyan ng PG rating dahil sa action-driven na kwento. Gayundin ang biographical sports drama na “Giant,” na tampok sina Pierce Brosnan at Amir El-Masry, na PG din ang rating.
Patok pa rin ang horror sa lineup. Ang “Mudborn,” na tampok sina Cecilia Choi at Yo Yang, at “Mortuary Assistant,” na pinagbibidahan ni Willa Holland, ay parehong nakakuha ng R-16 rating dahil sa matitinding eksena at nakakagulat na imahe.
Ang R-16 ay nangangahulugang maaaring maglaman ang pelikula ng mas mabibigat na tema, karahasan o nakaaalarmang eksena na hindi angkop sa mga wala pang 16 taong gulang.
Samantala, ang anime na “Gintama on Theatre 2D: Shinsen-Gumi Doukan Arc” ay binigyan ng PG rating kaya maaari itong panoorin ng mas batang audience basta may gabay ng magulang.
Para sa special screenings mula Marso 20 hanggang 22, ipapalabas sa sinehan ang extended edition ng “The Lord of the Rings: The Return of the King,” na pinagbibidahan nina Elijah Wood, Ian McKellen, Viggo Mortensen, Liv Tyler at Orlando Bloom. Ito ay may PG rating dahil sa mga eksena ng fantasy violence.
May sneak preview rin ng “Ready or Not 2: Here I Come,” isang horror-comedy na pinagbibidahan Nina Shawn Hatosy, Samara Weaving at Sarah Michelle Gellar, na binigyan ng R-16 rating dahil sa karahasan, suspense at dark humor.

(ROHN ROMULO)