LIBRENG SAKAY SA MAYNILA

NAKA-standby ang libreng sakay ng Pamahalaang Lungsod ng Maynila sa Kartilya ng Katipunan upang tumulong sa mga commuter na naapektuhan ng tigil-pasada.
Sa pangunguna ng Manila City Disaster Risk Reduction and Management Department (MCDRRMD), alinsunod sa direktiba ni Mayor Isko Moreno Domagoso, ay nag-deploy ng mga sasakyan ang lungsod at mga katuwang na ahensya, kabilang ang:
• 2 trucks at 2 Hilux units mula sa City Government of Manila
• 1 DFP truck at 14 back-to-back mobile units mula sa Manila Police District (MPD)
Saklaw ng libreng sakay ang mga rutang:
• Vito Cruz hanggang Welcome Rotonda
• Vito Cruz hanggang Monumento
• Kartilya ng Katipunan bilang pangunahing jump-off point
Nagsimula ang deployment kaninang alas-5:00 ng umaga at magpapatuloy hanggang alas-7:00 ng gabi, o hanggang magbigay ng abiso ang Manila Traffic and Parking Bureau (MTPB) na wala nang stranded na commuter sa mga lansangan.
Patuloy na nakaantabay ang Pamahalaang Lungsod ng Maynila upang matiyak ang maayos at ligtas na biyahe ng bawat Manileno. (Gene Adsuara)