Former Sen. Manny Pacquiao, ginawaran ng honorary doctorate

PINARANGALAN ng Philippine Normal University ng digring Doctor in Physical Education and Sports, Honoris Causa, ang dating kampeon sa larangan ng boxing na si Manny Pacquiao nitong Miyerkules, Setyembre 16.

Ipinagkaloob ang nasabing parangal sa ika-125 Founding Anniversary ng pamantasan bilang pagkilala sa kaniyang malaking ambag sa palakasan at sa pagiging inspirasyon sa mga Pilipino.

Sa kanyang talumpati, ibinahagi ni Pacquiao na ang disiplina at mga aral mula sa palakasan ang tumulong sa kanya upang magsumikap at lumaban sa mga hamon ng buhay.

Ipinahayag din ng kampeon na ang tunay na edukasyon ay dapat naglilinang sa karakter, pamumuno, at pagkatao ng isang indibidwal.

Hinimok ni Pacquiao ang mga kabataang Pilipino na patuloy na mangarap nang malaki, magpakumbaba, at gamitin ang tagumpay upang makatulong sa kapwa.