2026 July Archive - People's Balita

Archive for July, 2026

Napagkasunduan ng Kamara at ng Office of the President na gawing “simple but dignified” ang SONA

Posted on: July 23rd, 2026 by Francis Paolo Torres No Comments

NAKAHANDA na ang lahat sa ika-limang State of the Nation Address (SONA) ni Pangulong Ferdinand R. Marcos Jr. na gaganapin sa House of Representatives sa darating na Lunes, July 27.

Ito ang inihayag ni House Speaker Faustino “Bojie” G. Dy III matapos niyang personal na ininspeksyon ang plenary hall, maging ang mga pasilidad ng Batasan Complex sa Quezon City kung saan matatagpuan ang gusali ng House of Representatives.

“Tungkulin nating tiyakin na ang bawat aspeto ng SONA ay magiging maayos, ligtas, at karapat-dapat sa kahalagahan ng okasyong ito. Mahalaga ang araw na ito hindi lamang para sa pamahalaan kundi para sa bawat Pilipino, dahil ito ang pagkakataong magbibigay ang Pangulo ng ulat sa kalagayan ng bansa at ng direksiyong ating tatahakin. Handa na ang Kamara para sa ikalimang State of the Nation Address ng Pangulo,” pahayag ni Dy.

Ayon kay Dy, napagkasunduan ng Kamara at ng Office of the President na gawing “simple but dignified” ang SONA. Ito ay matapos ang ginanap na inter-agency coordination meeting ng mga opisyales ng House of Representatives, Office of the President, at ng Senado.

“We’re all set,” pahayag naman ni House Secretary General Atty. Cheloy Velicaria-Garafil kung saan sinamahan niya ang mga opisyales sa gagawing seating arrangements para sa mga dignitaries at viewing rooms sa mga hindi makakapasok sa plenary hall.

Sinamahan din ni Garafil ang mga opisyales ng Office of the President sa ruta na dadaanan ni Pangulong Marcos hanggang sa plenary hall kung saan magaganap ang kanyang ika-limang SONA.

Magkakaroon din ng deployment ng medical personnel mula sa House Medical and Dental Service, kasama ang ilang medical teams mula sa St. Luke’s Medical Center, Diliman Doctors Hospital, Philippine Heart Center, at East Avenue Medical Center.

Nakaantabay naman ang emergency services ng Department of Health, local government units, Bureau of Fire Protection, at ang Philippine National Police para sa seguridad ng SONA.

(VINA de GUZMAN)

“Benteng Bigas Meron Na” , umabot na sa 12 milyon

Posted on: July 23rd, 2026 by Francis Paolo Torres No Comments

TINATAYANG umabot na sa mahigit 12 milyong benepisaryo sa iba’t ibang lugar sa bansa ang nakikinabang na sa P20-per-kilo rice na ipinangako ni Pangulong Ferdinand R. Marcos Jr. sa panahon ng kampanya noong 2022.

Sa katunayan, sinabi ni Agriculture Secretary Francisco P. Tiu Laurel Jr. na ang flagship “Benteng Bigas, Meron Na!” ng gobyerno ay patuloy na lumalawak, dahilan para ang 20-peso-per kilo rice ay available na ngayon sa 800 participating outlets sa buong bansa.

Target ng Department of Agriculture (DA) ang magkaroon ng 1,500 outlets bago matapos ang taon upang makapagbigay ng “affordable, dekalidad na bigas na mas malapit sa pamilyang Filipino sa mas maraming komunidad habang pinalalakas ang suporta para sa lokal na magsasaka at mangingisda.

“Ang target natin ay ‘yung mga lower income lalo na ang mga PWD, 4Ps, single parents at seniors. Target natin is 15 million households,” ayon kay Tiu Laurel.

Sa kasalukuyan, ang programa ay namahagi na ng 15,000 hanggan 20,000 metric tons ng P20 bigas kada buwan, na ang layunin ng DA ay doblehin ang 40,000 metric tons kada buwan hanggang Disyembre upang masiguro na mas maraming pamilyang filipino ang maaaring magkaroon ng access sa abot-kayang pangunahing pagkain sa gitna ng global at local challenges.

Sa kabila ng epekto ng El Niño, tiniyak ng DA sa publiko na nananatiling matatag ang food supply, binigyang diin na walang dahilan para mag-alala habang patuloy na nagpapatupad ang gobyerno ng mga hakbang upang matiyak ang pagkain na kakailanganin ng bansa.

“Marami naman tayong supply, ample, walang cause for any alarm, we are food secure,” ayon sa Kalihim.

Maliban sa gawing mas affordable ang bigas, nilikha rin ng inisyatiba ang reliable market para sa locally produced palay, pinapayagan ang mga magsasaka na kumita ng mas maayos habang sinisiguro na mas makikinabang ang mga consumers mula sa mas mababang halaga ng pagkain.

“Masayang-masaya ang farmers… Nakakatulong talaga sa kanilang kabuhayan,” ang sinabi ng Kalihim.

Upang mas lalo pang palakasin ang agriculture sector, patuloy na namumuhunan ang DA sa long-term interventions gaya ng solar-powered irrigation systems, farm-to-market roads, agricultural credit sa pamamagitan ng Agricultural Credit Policy Council (ACPC), climate resilience programs para sa mga magsasaka at mangingisda, at mga hakbang para mapigilan ang pumatay ng isa sa panahon ng matinding weather conditions.

Gayundin, pinabilis naman ng DA ang infrastructure investments sa pamamagitan ng public-private partnerships, na may target na pagpapatayo ng 10,000 kilometers ng farm-to-market roads sa loob ng dalawan taon, habang isinusulong ang unang tatlong mega hatcheries para palakasin ang aquaculture production at paghusayin ang pangkabuhayan ng fishing communities.

Itinutulak din ng DA ang reporma na “that encourage greater investments in rice milling, drying, and storage facilities to strengthen the local rice industry, reduce dependence on imports, and create more opportunities for Filipino farmers over the long term.”

( DARIS JOSE)

BI LUMAHOK SA IMMIGRATION CONFERENCE SA INDONESIA HINGGIL SA HUMAN TRAFFICKING

Posted on: July 23rd, 2026 by Francis Paolo Torres No Comments

DUMALO ang Bureau of Immigration (BI) sa Bali Process Immigration Officials’ Conference sa Bali, Indonesia, upang palakasin ang kooperasyon ng mga bansa laban sa human trafficking para sa sapilitang kriminalidad at iba pang transnational crimes.

Pinangunahan ni BI Commissioner Joel Anthony Viado ang delegasyon ng Pilipinas. Naging resource speakers naman sina Ann Camille F. Mina, Deputy Chief ng Immigration Protection and Border Enforcement Section, at Bienvenido Castillo III, Deputy Chief ng BI Anti-Terrorist Group.

Ibinahagi ng delegasyon ng Pilipinas ang whole-of-government approach ng bansa sa paglaban sa human trafficking, kabilang ang mahigpit na departure screening ng mga outbound Filipino passengers, intelligence-based risk profiling, masusing pagsusuri ng mga dokumento, at pakikipag-ugnayan sa Inter-Agency Council Against Trafficking (IACAT) upang matukoy at matulungan ang mga posibleng biktima bago sila makaalis ng bansa.

Tinalakay din ang lumalalang kaso ng online recruitment para sa cyber scam operations at iba pang uri ng sapilitang kriminalidad, at binigyang-diin ang kahalagahan ng mas matatag na intelligence sharing at cross-border cooperation.

Ayon kay Viado , mahalaga ang naturang kumperensya sa pagpapalakas ng ugnayan ng mga immigration authority sa rehiyon upang mas epektibong labanan ang human trafficking at iba pang transnational crimes.

“Habang patuloy na nagbabago ang mga taktika ng mga trafficking syndicate at ginagamit ang teknolohiya sa kanilang operasyon, kinakailangang paigtingin ang pagbabahagi ng impormasyon, palakasin ang seguridad sa hangganan, at pagtibayin ang pagtutulungan ng mga bansa upang maprotektahan ang mga mamamayan at mapanatiling ligtas ang ating mga hangganan,” ani Viado. (Gene Adsuara)

Malapitan, Sandoval, Tiangco, Gatchalian kabilang sa Top-Performing and Most Trusted City Mayors sa bansa

Posted on: July 23rd, 2026 by Francis Paolo Torres No Comments

KABILANG ang mga alkalde ng Caloocan, Malabon, Navotas at Valenzuela Cities sa pinakabagong “Boses ng Bayan” Index of Governance (IOG) Trust and Performance Ratings, na nanguna sa listahan ng mga top-performing and most trusted city mayors sa bansa, batay sa isinagawang survey na inilabas noong Hulyo 20.

Ang mga ranking na inilabas ng RPMD Foundation Inc., ay tinasa ang city mayor sa buong bansa gamit ang pinagsamang trust at performance ratings sa ilalim ng “Boses ng Bayan” Index of Governance nito.

Sa ilalim ng proseso ng kwalipikasyon, ang mga alkalde ng lungsod ay unang sinuri ng kani-kanilang mga nasasakupan at kinailangang lumabas sa mga top-performing, most trusted local chief executives sa kanilang mga rehiyon bago sumulong sa national assessment.

Nanguna sa top-ranked si Quezon City Mayor Joy Belmonet na nagtala ng IOG of 88.73%, with 88.52% trust and 88.94% performance; kasunod sina Candon City Mayor Eric Singson na may 88.45% IOG, 88.30% trust, and 88.61% performance; Naga City Mayor Leni Robredo na may 88.08% IOG, 87.90% trust, and 88.26% performance; Malabon City Mayor Jeannie Sandoval na may 88.02% IOG, 87.85% trust, and 88.20% performance; at Navotas City Mayor John Rey Tiangco na may 87.78% IOG, 87.62% trust, and 87.95% performance.

Sa second-ranked, nanguna naman sina Valenzuela City Mayor Wes Gatchalian na may 86.98% trust and 87.33% performance, at Caloocan City Mayor Dale Gonzalo “Along” Malapitan na may 87.01% IOG, 86.75% trust, and 87.28% performance na sinundan ng iba pang mga alkalde sa iba’t-ibang lungsod sa bansa na kasamang kinilala ng RPMD Foundation Inc.

Ang independent, non-commissioned survey ay isinagawa noong Abril 2026, na may 5,000 rehistradong botante na sumasagot na random na nakapanayam sa bawat rehiyon sa lahat ng socioeconomic classes. Ang mga respondent ay timbangin nang proporsyonal sa bilang ng mga rehistradong botante sa bawat lungsod at mga barangay nito upang matiyak na ang mga resulta ay tumpak na sumasalamin sa mga damdamin ng kani-kanilang mga nasasakupan.

Nagpasalamat naman sina Malapitan, Sandoval, Tiangco at Gatchalian sa kanilang mga nasasakupan sa ibinigay na tiwala sa kanilang kakayahanna dahilan upang makamit nila ang mataas na job performance rating.

Samantala, kabilang naman si Lone District Navotas City Congressman Toby Tiangco na nanguna sa performance sa Top-Performing and Most District Representatives sa bansa, sa isinagawa ring survey ng RPMD Foundation Inc. na inilabas noong Hulyo 20 matapos makakuha ito ng 88.70% in IOG, 88.51% in trust, and 88.90% in performance.

Nakasama rin si Caloocan City 1st District Congressman Oscar ‘Oca’ Malapitan na nakakuha ng 86.47% IOG, 86.32% trust and 86.63% performance. (Richard Mesa)

Pagbubukas ng sesyon ng Kamara, hindi makakaapekto sa impeachment trial ni VP Sara

Posted on: July 23rd, 2026 by Francis Paolo Torres No Comments

HINDI makakaapekto ang muling pagbubukas ng sesyon ng Kamara sa susunod na linggo sa ginaganap na impeachment trial ni Vice President Sara Duterte.

Ayon kay 1-RIDER Party-list Rep. Rodge Gutierrez, magagawa namang rebisahin ang schedule na nangangailangan lamang ng minor physical at logistical adjustments para sa prosecution team.

“I think there won’t be that big adjustment. The only adjustment really would be ‘yung physical adjustment natin,” ani Gutierrez sa isang press briefing.

Ang ikalawang regular session ng 20th Congress ay magsisimula sa susunod na linggo. Sa kasalukuyan, ang Senate impeachment court ay nagsasagawa ng pagdinig mula Lunes hanggang Miyerkules ng alas-2 ng hapon.

Sa pagsisimula ng sesyon, ang trial ay inaasahang gagawin mula alas-10 ng umaga hanggang alas-3 ng hapon. Maliban lamang sa susunod na linggol na gagawin ang trial ng Miyerkules lamang, habang balik sa regular na Lunes hanggang Miyerkules na schedule.

Sinabi ni Gutierrez na inihahanda at pinaghati-hatian na ng mga miyembro ng prosecution panel ang kanilang oras para sa impeachment case, kabilang na ang legislative responsibilities at pagtugon sa pangangailangan ng kanilang constituents.

“As it is, even before session, divided na rin po talaga ‘yung time ng prosecution. We still have our constituents to serve. So I think it should be very, very much manageable,” anang mambabatas.

Sinabi naman ni Deputy Speaker Francisco Paolo Ortega V ng La Union na maaari namang magtrabaho nang mas mahabang oras ang mga mambabatas kapag nagbalik sesyon na ang kongreso.

“Well, at least naman po medyo mas may flexibility kasi may schedule na. Kumbaga time management na lang po. But siguro makikita natin na medyo mag-o-overtime po ang House of Representatives lalo ‘pag nag-start na po ‘yung session,” pahayag ni Ortega.

(VINA de GUZMAN)

NBI INARESTO ANG ISANG INA DAHIL SA ONLINE SEXUAL EXPLOITATION SA 2 MENOR DE EDAD NA ANAK

Posted on: July 23rd, 2026 by Francis Paolo Torres No Comments

INARESTO ng National Bureau of Investigation–Violence Against Women and Children Division (NBI-VAWCD) ang isang babae sa Tarlac dahil sa diumano’y pag-exploit sa kanyang dalawang menor de edad na anak na babae sa pamamagitan ng pag-aalok sa kanila para sa mga online sexual activity kasama ang mga dayuhang kliyente.

Binigyang-diin ni NBI Director Atty. Melvin Matibag na nananatiling matatag ang ahensya sa komitment nitong protektahan ang mga bata laban sa exploitation, partikular na sa digital na kapaligiran.

“Patuloy na lulubusin ng NBI ang pagtugis sa mga indibidwal na nag-eexploit sa mga bata at gumagamit ng teknolohiya upang mapadali ang mga krimeng ito. Sa pamamagitan ng intelligence-driven na imbestigasyon, kakayahang digital forensic, at malapit na kooperasyon sa ating mga kasosyong dayuhan sa pagpapatupad ng batas, patuloy nating tutukuyin ang mga salarin, sasagipin ang mga biktima, at pananagutin ang mga nagkasala sa ilalim ng batas,” dagdag pa niya.

Nagsimula ang kaso sa isang referral na natanggap mula sa U.S. Department of Homeland Security Homeland Security Investigations (HSI) Manila noong Disyembre 1, 2025. Sa malawak na imbestigasyong isinagawa ng NBI—kabilang ang pagpapatunay ng identidad, pagsusuri sa digital na ebidensya, paghiling ng impormasyon mula sa GCash, PayPal, at Philippine Statistics Authority, open-source intelligence, pagmamatyag (surveillance), at pakikipagtulungan sa HSI—napatunayan na ginamit diumano ng Subject ang WhatsApp upang makipag-ugnayan sa mga dayuhang kliyente, mag-ayos ng mga mapang-abusong aktibidad gamit ang kanyang mga anak, at tumanggap ng mga bayad. Noong Marso 5, 2026, isang ahente ng NBI-VAWCD, sa pamamagitan ng isang live Zoom session na pinangasiwaan ng HSI, ang mismong nakasaksi sa pagtawag ng respondent sa isang WhatsApp video call kasama ang isang undercover agent ng HSI. Sa tawag na ito, inialok diumano niya ang mapang-abusong online activities gamit ang kanyang mga anak kapalit ng bayad. Batay sa mga nakalap na ebidensya, nag-apply at kumuha ang NBI ng Warrant to Search, Seize, and Examine Computer Data (WSSECD) mula sa Regional Trial Court, Branch 113, Concepcion, Tarlac.

Noong Hulyo 14, 2026, isinagawa ng NBI-VAWCD, sa tulong ng NBI-Digital Forensic and Laboratory Division (DFLD) at sa pakikipagtulungan sa HSI, ang isang entrapment at rescue operation kasabay ng pagpapatupad ng WSSECD. nakumpiskang aparato ay naglalaman ng WhatsApp account na ginamit diumano ng Subject upang makipag-ugnayan sa mga dayuhang kliyente.

Ang mga kasong paglabag sa RA No. 11930 (Anti-Online Sexual Abuse or Exploitation of Children and Anti-Child Sexual Abuse or Exploitation Materials Act) at RA No. 9208, na inamyendahan ng Republic Acts Nos. 10364 at 11862 (Expanded Anti-Trafficking in Persons Act), ay isinampa laban sa Subject sa Provincial Prosecutor para sa inquest proceedings. (PAUL JOHN REYES)

Paghabol sa mga dapat na may pananagutan sa serbisyo ng Prime Water, magpapatuloy- Malakanyang

Posted on: July 23rd, 2026 by Francis Paolo Torres No Comments

MAPAPANAGOT ang dapat na managot.

Ito ang siniguro ng Malakanyang sa kabila ng pagkakabenta sa Prime Water na una nang inulan ng iba’t ibang reklamo dahil sa palpak na serbisyo nito.

Sinabi ni Presidential Communications Office (PCO) Undersecretary at Palace Press Officer Claire Castro na sa kasalukuyan ay may mga hakbanging legal ng ginagawa upang masiguro na haharapin ng mga dating may- ari ang kanilang naging pagkukulang sa kanilang customers.

Ani Castro, ang Crystal Bridges na ang water concessioner matapos na mabili nito ang dating pag- aari ng mga Villar na Prime Water.

Winika pa nito na aprubado ng Philippine Competition Commission ang nangyaring bentahan at ang mga naging pagkukulang ng nakalipas na nagpapatakbo ng water concessioner ay patuloy na hahabulin ng gobyerno.

Ads July 23, 2026

Posted on: July 23rd, 2026 by Francis Paolo Torres No Comments

PNP TUMULONG SA PAGLIKAS NG MGA RESIDENTE MATAPOS ANG LANDSLIDE SA MATI CITY

Posted on: July 22nd, 2026 by Francis Paolo Torres No Comments

AGAD na rumesponde ang mga tauhan ng Philippine National Police sa Mati City Police Station upang tulungan ang mga residenteng naapektuhan ng landslide sa Sitio Colilisi, Brgy. Tagabakid, Mati City, Davao Oriental noong Hulyo 19.

Sa gitna ng panganib dulot ng pagguho ng lupa, inalalayan ng mga pulis ang mga pamilya sa ligtas na paglikas at nakipag-ugnayan sa iba pang ahensya upang matiyak ang maayos na pagresponde sa insidente.

Limang bahay ang nawasak habang ilan pang kabahayan ang nagtamo ng pinsala. Pansamantalang hindi rin madaanan ang bahagi ng Pres. Diosdado Macapagal National Highway. Gayunman, naibalik ang one-lane access matapos ang isinagawang clearing operations.

Pinuri ni Police General Jose Melencio C. Nartatez Jr., Chief, Philippine National Police, ang mabilis at makataong pagtugon ng mga pulis sa lugar.

“Sa ganitong mga pagkakataon, higit na mahalaga ang presensya ng pulis na handang tumulong at magbigay ng pag-asa. Hindi lang pagpapatupad ng batas ang ating tungkulin—kundi ang pagprotekta sa buhay at kapakanan ng bawat Pilipino. Ipagpapatuloy natin ang ganitong uri ng serbisyo saanman tayo kailangan.”

Nanawagan din ang Chief PNP sa publiko na manatiling mapagmatyag, sumunod sa mga abiso ng lokal na pamahalaan at mga awtoridad, at agad na lumikas sa oras ng panganib upang maiwasan ang mas malaking sakuna.

Patuloy na nakikipagtulungan ang PNP sa mga concerned agencies upang matiyak ang kaligtasan ng mga apektadong komunidad, bilang pagpapatunay ng Bagong PNP para sa Bagong Pilipinas: Serbisyong Mabilis, Tapat at Nararamdaman.

(PAUL JOHN REYES)

Ka-tie niya si Kara bilang Best Host for Public Service…IVANA, ‘di pa rin makapaniwalang nanalo ng dalawang FAMAS Awards (ni: ROHN ROMULO)

Posted on: July 22nd, 2026 by Francis Paolo Torres No Comments

HINDI pa rin makapaniwala ang Kapamilya actress at content creator na si Ivana Alawi na nagwagi siya ng dalawang awards sa 1st FAMAS Broadcast Awards.

Wagi si Ivana bilang Best Host for Public Service at ka-tie niya ang broadcast journalist na si Kara David.

Nakuha rin niya ang tropeo para Best Public Service Show dahil sa mga ginagawa niyang pagtulong sa pamamagitan ng kanyang vlogs.Sa Facebook post niya, mababasa na, “Still can’t believe na nanalo tayo ng 2 FAMAS Awards.

“Thank You, Lord, for always reminding me that Your plans are always greater than mine. Lagi Mo akong sinusurpresa sa tamang panahon.

“Maraming salamat, FAMAS, sa tiwala. At higit sa lahat, maraming salamat sa bawat isa sa inyo na patuloy na nanonood, sumusuporta, at naniniwala sa lahat ng ginagawa ko.”Dagdag pa ng actress/vlogger, “nagsimula lang ako sa simpleng pangarap na makapagpasaya at makatulong sa kapwa. Kaya bawat blessing na natatanggap ko, mas lalo akong naniniwala na hindi ito para sa akin lang, kundi para maibahagi rin sa mas maraming tao.

“Hangga’t may kakayahan ako, hindi ako magsasawang tumulong at ibalik ang pagmamahal na binibigay ninyo sa akin.

“Maraming salamat. Mahal na mahal ko kayo.”

Si Kara naman ay nanalong Best Public Affairs Talk Show para sa “I-Listen”

Wagi rin si Kara ng Best Documentary para sa kanyang “I-Witness” episode na “Embalsamador de Motor.”

Present pareho sina Kara at Ivana para personal na tanggapin ang kani-kanilang award.

Binigyang-pugay ni Kara sa kanyang acceptance speech ang mga sakripisyo at paghihirap ng kanyang crew at staff kasabay ng pasasalamat sa mga taong nagtiwala para ilahad sa publiko ang kanilang mga kuwento.

Samantala, ibinahagi naman ni Ivana ang kanyang award sa kapwa niya mga nominado na sina Kara David, Jessica Soho, PAO Chief, Atty. Persida Rueda-Acosta, Dra. Edinell Calvario at Vicky Morales.

“Maraming, maraming salamat po ulit sa FAMAS for this award. I actually want to share this with also my co-nominees dahil napakaganda talaga ng mga ginagawa rin nila.

“And again, with everything that’s happening in this world, I think it’s very important na nagse-share tayo ng positive content and tumutulong tayo sa ating mga kababayan because ‘di ba, sino pa bang magtutulungan kundi tayo-tayo lang,” ayon pa speech ng aktres at content creator.