POC tiwalang mahihigitan ng Pilipinas ang medalyang mahahakot sa Asian Games

Kumpiyansa si Philippine Olympic Committee President Abraham “Bambol” Tolentino na malalagpasin ng atleta ng bansa ang apat na gintong medalya na nakamit noong nagdaang Asian Games.

Sinabi nito na mayroon pang mga atleta ng bansa ang nakatakdang sumabak pa.

Ilan sa mga dito ay ang pamamayagpag ni Pinoy boxer Carlo Paalam para sa 55 kilogram division at si Pinay tennis star Alex Eala.

Nandiyan din aniya ang pambato ng bansa sa beach volleyball na sina Sofiah Pagara at Khy Progelia na nakaabot na sa semifinals.

Ngayong araw din ay sasabak ang pambato ng Archery sa quarterfinals ganun din sa Jiu-jitsu.

Pasok na rin sa round 2 ang mga pambato ng bansa sa Golf, wrestling, volleyball, beach volleyball, taekwondo , sepak takraw, Judo at Padel.