NAGPASAKLOLO na si Pangulong Ferdinand Marcos Jr., sa mga operator at driver upang mabawasan ang epekto ng pagtaas ng presyo ng langis sa mga mananakay.“Please help us so that our riding public will not have too much difficulty, first of all, and won’t be too heavily burdened by fares, because we all know what’s happening—the price of oil is changing all over the world,” ang sinabi ni Pangulong Marcos Jr. sa harap ng mga operator at driver matapos pangunahan ang pamamahagi ng fuel subsidy sa Parañaque Integrated Terminal Exchange (PITX), #1 Kennedy Road, Barangay Tambo, City.Layon nang ipinamahaging fuel subsidy ay maibsan ang epekto ng pagtaas ng presyo ng langis sa mga bus operator at drayber.“That’s why this is the government’s response. And, of course, we are always in need of assistance, support, and cooperation from the operators, the drivers—the entire system,” dagdag pa niya.Nauna rito, nanawagan si Pangulong Marcos na gawing mas maayos at episyente ang pamamahagi ng fuel subsidy para sa mga driver at operator, kabilang ang paggamit ng digital payment systems.Inihayag ito ng Pangulo habang pinangungunahan ang pamamahagi ng P10,000 fuel subsidy kada bus unit sa Parañaque Integrated Terminal Exchange (PITX), kung saan 27 bus operators na may kabuuang 1,096 unit ang nakatanggap ng ayuda.“I’m making sure that the system becomes orderly. So, we are now providing a 10,000 subsidy for each bus unit. Then for the method of payment, all kinds of payment methods are allowed,” ayon kay Pangulong Marcos.Bagama’t kinilala niyang may ilan pa ring mas nais ang tradisyunal na paraan, sinabi niyang, “There are still some who really prefer not to go digital. That’s also fine. They can issue a check, and if really necessary, even cash is still allowed.”“But perhaps it’s more convenient, easier and more practical if, as much as possible, we use digital payment,” dagdag na wika ng Pangulo.Samantala, nakatakda namang simulan ang nationwide rollout ng P10,000 fuel subsidy sa Abril 6. (Daris Jose)

TINIYAK ng Department of Enery (DoE) na sapat ang suplay ng fuel hanggang sa ikalawang linggo ng Mayo.Sinabi Energy Secretary Sharon Garin na “on average, there is around 45 days worth of supply for the whole country to date,” base sa kanilang pakikipag-usap sa mga fuel company.Sa partikular, ang kasalukuyang domestic supply ng gasolina ay inaasahan na magtatagal para sa susunod na 53.14 araw; diesel, 45.82 araw; kerosene, 97.93 araw; jet fuel, 38.62 araw; fuel oil, 61.49 araw; at liquified petroleum gas, 23.51 araw.Winika ni Garin na patuloy na pumapasok ang suplay sa bansa simula nang makipag-usap ang gobyerno ng Pilipinas sa mga gobyerno ng supplier-countries gaya ng South Korea, Japan at Tsina.Nakakontrata na rin aniya ang 400 barrel ng Philippine National Oil Company (PNOC) at nakatakda namang um-order ang gobyerno ng mahigit sa 600 barrel ngayong linggo, may kabuuang halaga na P10 billion, mula sa iba’t ibang sources, bilang buffer na requirement para sa buong linggo.“We are building our buffer despite our limitations. Our team is hard at work in trying to make sure that, kahit na isa or dalawang araw yan that’s an important addition para lang sigurado po na our country does not run dry,” aniya pa rin.Kaya nga umapela si Garin sa publiko na huwag makipag-ugnayan o madawit sa hoarding at profiteering “because that will really affect the supply of the entire country.”Sa kabilang dako, sinabi pa rin ni Garin na ang pagtaas ng presyo ng fuel ngayong linggo ay mas maliit kumpara sa nakalipas na linggo.Ngayong linggo, ayon sa Kalihim, ang pagtaas ay nananatiling makabuluhan at may malaking epekto sa ‘transport industry, manufacturing sector, at perang pambili o panggastos ng sambahayan’ bunsod ng mga kaganapan sa Gitnang Silangan.Gayunman, tinukoy nito ang ilang ahensiya ng gobyerno na nagpapatupad ng mga hakbang para sa kanilang focused-clients para mapagaan ang epekto ng sumirit na presyo ng langis.Para sa DOE, tungkulin nito na tiyakin ang availability ng suplay.“Supply is still sufficient. It has not arrived at an alarming level because our regulations require 15 days but so far, we have not gone down to 15 days. We are still at a comfortable level,” aniya pa rin.Samantala, para kay DOE Energy Utilization Management Bureau director Patrick Aquino, tsinek ng energy audit teams mula sa ahensiya ang 400 government offices sa buong bansa kung saan nakapagrehistro ito ng 87% ng pagsunod.Para sa DOE lamang, ang compressed workweek, alinsunod sa direktiba ng Malakanyang ay nagresulta ng 40% na pagbaba sa energy consumption simula ng ikasa ang work-from-home arrangement noong Marso 9. (Daris Jose)

MARAMING residente ng Lungsod ng Navotas ang nakapag-avail ng serbisyong legal sa isinagawang Katarungan Caravan na pinangunahan Department of Justice (DOJ) na ginanap sa Navotas Convention Center.Sa tulong ng mga kinatawan mula sa DOJ at volunteer lawyers, nakapag-bigay ang Pamahalaang Lungsod ng libreng serbisyo at kapanatagan ng loob sa mga Navoteño na nangailangan ng PSA documents, NBI at Prosecutor’s clearance, pati na rin ang ginawang libreng konsultasyong legal.Nagkaroon din ng mga lecture sa anti-Violence Against Women and Children Act, Katarungang Pambarangay, Safe Spaces Law, Sextortion at Cybercrime.Dahil dito, marami ang nasiyahan sa mga nag-avail ng serbisyong legal dahil hindi na kailangan silang pumunta sa ibat-ibang ahensya na malalayo para lang kumuha ng mga kailangang dokumento at lisensiya.Lubos namang nagpasalamat si Mayor John Rey Tiangco sa DOJ at volunteer lawyers sa matagumpay na Katarungan Caravan.“Patuloy po tayong magiging katuwang sa paghahatid ng programang direktang nakikinabang ang mga taong-bayan,” ani Mayor Tiangco.“Katulad ng DOJ, nais natin ang pantay na hustisya para sa mga Navoteño anuman ang kasarian, katayuan sa buhay at paniniwala,” dagdag niya. (Richard Mesa)