NAKATAKDANG magtalaga nang higit sa 100,000 na kapulisan ang Philippine National Police (PNP) para sa inasahang dagsa ng tao ngayong linggo para sa holiday exodus.

Ayon kay Acting PNP Chief PLtGen. Jose Melencio Nartatez Jr. na layon nito na mabantayan ang mga terminal, transport hubs at iba pang mga lugar na inaasahang dadagsain ng publiko upang magpatupad ng seguridad at tiyaking ligtas ang mga mananakay na magsisisuwian ngayong Pasko ata Bagong Taon.

Mas pinaigting din ang seguridad kumpara sa nakaraang taon kung saan ang deployment ay hindi bababa sa 60,000.

Paliwanag ni Nartatez, ang kanilang deployment ay nakabatay sa kung ano man ang kasalukuyang sitwasyon sa mga komunidad at mga lansangan sa bansa kung saan binigyang diin niya ang kapansin-pansin paglobo ng bilang ng mga tao. (Richard Mesa)

SAMANTALANG kahit di man nakaupo ay patuloy pa rin ang pagseserbisyo publiko niya sa mga kababayan natin sa Victoria Laguna.

Di man pinalad noong nakaraan eleksyon ay hindi ito naging hadlang upang tumulong sa ating mga kababayan sa Victoria Laguna.

Dahil sa kasalukuyan ay wala pang ayuda mula sa mga nahalal kaya’t bilang inisyatibo niya sa mga kababayan ay nagdaos siya ng isang sama-samang pagsasalo para sa miyembro ng kababaihan at mga senior citizens.

Sa panayam ng grupo ng mga mamahayag na pinangunahan ni Bb. Yvonne Bagang ng Bagong Henerasyon News Tv at ng People’s Balita ay inilahad ng dating Administrator at dating tumakbo bilang Punong Bayan ang kanyang pagmamahal sa mga mamayan nito.

Aniya, ” Kahit di man tayo pinalad ay mahal ko pa rin ang mga kababayan namin sa Victoria, hindi po ako kahit kailanman nagtampo sa aking mga kababayan, pero kung ako man ay kanilang pinagbigyan ay di lang ayuda ang matatanggap kundi babaguhin ang sistema ng ating Pamahalaan dito sa Victoria “.

Namahagi si Mayora Corazon Almeida ng mga bigas at groceries para sa mga dumalo at nagkaroon din sila pa-raffle sa nasabing programa.
(Text & Photos by Boy Morales Sr. )

BINIGYAN ng buong suporta ni ACT Teachers Representative at Deputy Minority Leader Antonio Tinio ang petisyon ng Alliance of Concerned Teachers para sa pagbibigay ng Government Service Insurance System (GSIS) ng P20,000 calamity aid sa lahat ng disaster-affected members.
“Lubos kong sinusuportahan ang petisyon ng ACT para sa agarang tulong pinansyal sa ating mga kawani ng gobyerno na nasalanta ng sunud-sunod na kalamidad. Ito ang mga taong patuloy na naglilingkod sa sambayanang Pilipino kahit nawalan na ng tahanan, ng ari-arian, at sa ilang kaso, ng mga mahal sa buhay. Nararapat silang bigyan ng tunay na suporta, hindi ng walang kwentang pangako o alok ng mas maraming utang na lalo lang magpapahirap sa kanila,” anang mambabatas.
Ayon kay Tinio, 59 sa 82 probinsiya na naapektuhan ng nagdaang mga bagyo, pagbaha at lindol, kung saan nasa tinatayang 126,000 teachers at education workers ang naapektuhan din ng bagyong Uwan at Tino.
“Our teachers are reporting to damaged classrooms, using salvaged materials to continue educating our children, all while their own homes remain in ruins. Our health workers are treating patients in hospitals that were themselves damaged by disasters. Our government employees across all sectors are keeping public services running despite immense personal losses. This is the time for GSIS to step up and provide real, immediate relief,” saad nito.
Hindi aniya sapat ang loans o payment moratoriums bilang tugon sa mga apektadong government workers.
“Loans are not aid—they are deferred burdens. Payment moratoriums only postpone the problem. What our government workers need right now is immediate cash assistance to repair their homes, replace lost belongings, and restore some semblance of normalcy to their lives before Christmas and the New Year,” pahayag pa ni Tinio.
Bilang isa sa top-earning government-owned and controlled corporations (GOCCs), ang GSIS ay may kapasidad at mandato na makapagbigay ng tulong kapag may kalamidad.
“GSIS has the resources. GSIS has the mandate. What we are asking is for GSIS to fulfill its social security obligations to its members who have faithfully contributed to the system and who now desperately need support. The P20,000 calamity aid is not a handout—it is a rightful benefit that our public servants have earned through years of service and contributions,” giit nito.
Nanawagan naman ito sa kapwa mambabatas na suportahan ang petition at i-pressure ang GSIS na agad umaksyon.
(Vina de Guzman)

MAAGANG nakipagkita kay kamatayan ang 18-anyos na binata matapos pagtulungan pagsasaksakin ng dalawang teenager habang pauwi galing pumasan sa prusisyon ng imahe ng Mahal na Poong Nazareno sa Caloocan City.
Nalagutan ng hininga dakong alas-10:39 ng gabi habang ginagamot ang tinamong tama ng saksak sa likod at tagiliran sa Caloocan City Medical Center ang biktimang si alyas “RJ”.
Timbog naman sa follow-up operation ng mga tauhan ng Maypajo Police Sub-Station 1 sa Tamban St. alas-3:00 ng Sabado ng hapon si alyas “Romel”, 18, ng Libis Ortega St. Brgy. 20, na positibong kinilala ng 16-anyos na testigo sa harap ni Caloocan police chief P/Col. Joey Goforth habang tinutugis pa ang kanyang kasabuwat na si alyas “Geofrey” 18, ng Libis Ortega Street.
Sa imbestigasyon ni P/MSG Marvin Doctor ng Investigation and Detective Management Section (IDMS) ng Caloocan police, katatapos lang pumasan ng bikima sa prusisyon ng imahe ng Nazareno sa kahabaan ng C-3 Road nang umangkas sa likod ng e-bike ng testigo na kanyang kaibigan Biyernes ng alas-8 ng gabi pauwi sa kanilang tirahan.
Pagsapit sa kanto ng Talakitok St. at C-3 Road. Brgy. 22, naispatan umano ng mga nakatambay na suspek sa lugar ang biktima na umano’y miyembro ng kanilang kalabang gang kaya’t hinarang nila at pinagtulungang pagsasaksakin.
Matapos ang insidente, mabilis na tumakas ang mga suspek habang isinugod naman ang biktima ng kanyang kaibigan sa nasabing pagamutan subalit, hindi na rin ito nailigtas. (Richard Mesa)

ISINUSULONG ng mga mambabatas na palawigin at linawin ang depinisyon ng kasong treason sa ilalim ng Revised Penal Code.
Nakapaloob ito sa panukalang inihain nina Rep. Harold Duterte ng Pwersa ng Pilipinong Pandagat (PPP) Party-list, Davao City 1st at 2nd District
Representatives Paolo Duterte at Omar Duterte, Pwersa ng Pilipinong Pandagat (PPP).
Sa House Bill No. 6975 o an act amending article 114 sa probisyon ng kasong treason ng Revised Penal Code (RPC).
Isinusulong ng mga mambabatas na linawin ang mga aksyon na taliwas o tumataliwas sa national sovereignty at lumabag sa tungkulin ng gobyerno na protektahan ang mamamayan nito.
“This measure will classify as treason the following act: Any Filipino citizen who surrenders or facilitates the surrender of a Filipino national to a foreign state or international body, resulting in or leading to the interrogation, imprisonment, torture, or death of that Filipino national,” paliwanag ni PPP Party-list Rep. Duterte.

Sa ilalim ng panukala, ang sinumang napatunayang nagkasala dito ay mapaparusahan ng mula reclusion perpetua hanggang sa bitay at multang ₱4 milyon.

“If the offender is a public officer, the bill mandates immediate removal from office, without prejudice to criminal prosecution,” dagdag naman ni Rep. Paolo Duterte.

Naka-angkla ang panukala sa prinsipyo na ang bawat pilipino ay makakaasa sa kanilang bansa at opisyal ng protesyon, at hindi ipagkakanulo.
Walang opisyal anila ng gobyerno ang may kapangyarihan na isuko ang isang Pinoy sa dayuhan, lalo na kung ang hakbang ay dala ng pulitika o external pressure.
“Public office is a public trust. Those who swear an oath to serve the Republic are expected to defend Filipino citizens, uphold national sovereignty, and place loyalty to country above partisan or political interests,” paliwanag pa Rep. Harold. (Vina de Guzman)