2026 July Archive - People's Balita

Archive for July, 2026

Na-link na noon pero hindi natuloy sa relasyon…ALDEN, inamin na mas naging close kay ANDREA sa muling pagsasama (ni: REY PINEDA)

Posted on: July 3rd, 2026 by Francis Paolo Torres No Comments

INAMIN ni Alden Richards na may namuong closeness sa kanila ng kanyang co-star na si Andrea Torres.

Naganap ang kanilang pagiging close sa isa’t isa habang ginagawa nila ang upcoming GMA’s medical drama “Code Grey”.

Ayon mismo kay Alden, swak! agad ang pagsasama nilang ito ni Andrea sa nasabing proyekto.

Hindi raw mahirap pakisamahan ang aktres dahil magaan itong katrabaho.

Dahil sa sobrang kampante na sila pati ibang cast, may mga eksena daw na bigla na lamang silang nagkakatawanan.

Sa kasalukuyan, habang ginagawa ang “Code Grey”, dumadaan pa rin sila sa medical training.

Isang doktor ang role ni Alden dito. Para sa kanya itong ang unang beses na gagampanan niya ang isang mature at seryosong role.

Unang nagkasama sisna Alden at Andrea sa fantaseryeng “Victor Magtanggol”.

Bagama’t naiugnay ang dalawa, inamin ni Andrea na close friends lang ang turingan nila ni Alden.

Hindi kaya maging makatotohanan na ang pagsasamang muli nina Alden at Andrea?Well, hindi naman siguro masama kung magkatuluyang maging magkarelasyon ang mga ito.

Afterall, pareho naman silang single!

***

BILLY, nagwagi sa Season 9 of ‘Mask Singer France’

NAKAKA-PROUD naman si Billy Crawford!

Kamakailan lamang ay naging laman ng mga pangunahing pahayagan at TV shows si Billy dahil itinanghal siyang winner sa Season 9 of ‘Mask Singer France’.

Nag-disguise siya bilang si L’Ane (The Donkey).

Nakuha ng singer/actor ang atensyon ng mga audience at judges sa pamamagitan ng pagkanta ng pinaghalong tracks ng english at French.

Tinalo nito ang 22 kilalang mga singers sa bandang huli.

Napili ni Billy na mag-disguise bilang si L’Ane (The Donkey) dahil nasa isip nito ang anak na si Amari.

Alam niya sa kanyang sarili na maraming bata ang matutuwa sa kanyang disguise.

Sa final round, pinataob ni Billy ang singer na si Carla Lazzari na nakipag-compete bilang Le Poussin. Kinanta niya ang “Beat It” ni Michael Jackson.

Nauna na rito yung pagkapanalo nito sa reality TV show na French edition ng “Dancing With the Stars (Danse avec les stars) nuong 2022.

Sana lang, muling magtuluy-tuloy ang showbiz career nito.

‘Di nga ba’t may mga ilang kinasangkutang isyu ang singer.

Well, siguro naman naging leksiyon na rin ito hindi lamang kay Billy kundi sa mga taga-industriya na medyo nalilihis nang landas.

Ice Seguerra Returns to Complicated Love in New Single “Sa’yo Bumabalik” (by: ROHN ROMULO)

Posted on: July 3rd, 2026 by Francis Paolo Torres No Comments

ICE Seguerra has always had a way of turning quiet emotions into songs that stay. With his newest single “Sa’yo Bumabalik,” the Filipino singer-songwriter and multi-platinum recording artist steps into the ache of a love that refuses to disappear even when walking away seems like the wiser choice.

Released under Fire & Ice Music, “Sa’yo Bumabalik” is the third single from Ice’s upcoming EP, Tamang Panahon. Since its release last Friday, the song has already reached over 20,000 streams, marking a strong early response to Ice’s latest chapter in OPM.

The song also marks another creative collaboration between Ice and his wife, Liza Diño, an emerging songwriter who previously wrote songs for Ice including “Natapos Ang Lahat” and “Ikaw Pala ’Yon” from the Being Ice album. For “Sa’yo Bumabalik,” Diño wrote the lyrics and collaborated with Ice on the song’s music, shaping a track that feels intimate, vulnerable, and emotionally specific.

For Diño, the writing process began with an unusual exercise: imagining what Ice would feel if he were writing a song for her.

“It’s funny how this song came about because I kept asking myself: Kung si Ice ang susulat ng kanta para sa akin, ano kaya ang sasabihin niya? Since he didn’t write the lyrics, I did the next best thing. I became dramatic on his behalf,” shares Liza Diño.

“I tried to imagine what he would feel and what kind of song he would write if it were coming from him. I wanted him to sing something that felt honest in his voice, even if the words came from me. So it was part wife privilege, part songwriter experiment, but mostly love.”

The result is a song about emotional return and the pull toward someone you know you should stay away from, but cannot fully let go of. In “Sa’yo Bumabalik,” the singer finds himself drawn back to a person who still belongs, at least in part, to another life. There is restraint, conflict, longing, and surrender in the story: the recognition that even after trying to leave, the heart keeps finding its way back.

With lines that speak of trying to forget but still choosing the same person again and again, “Sa’yo Bumabalik” captures the emotional gray area between desire and timing, between what is right and what remains true. It is a love song, but not a simple one and that complexity is exactly where Ice’s voice finds its power.

As part of Tamang Panahon, the track continues the EP’s exploration of love, memory, timing, and the different seasons of the heart. It follows Ice’s ongoing return to music that feels deeply personal while still resonating with listeners across generations.

With its warm arrangement, intimate storytelling, and lived-in sincerity, “Sa’yo Bumabalik” is both a continuation and a quiet evolution of Ice Seguerra’s place in OPM: an artist whose songs do not need to shout to be felt.

Listeners can now stream, save, and add “Sa’yo Bumabalik” to their playlists.

Listen to “Sa’yo Bumabalik” here:

https://bit.ly/SayoBumabalik

Alegasyon laban kay Romualdez, hindi tumutugma sa proseso ng pagbabalangkas ng national budget sa Kamara

Posted on: July 3rd, 2026 by Francis Paolo Torres No Comments

WALANG ebidensiya o sinumpaang salaysay na nag-uugnay kay Leyte Rep. Ferdinand Martin G. Romualdez sa anumang anomalya hinggil mga flood control projects.

Ito ang iginiit ni Atty. Elaine A. Atienza, tagapagsalita ni Romualdez, tungkol sa mga alegasyon na kinasasangkutan ng dating House Speaker sa mga anomalya.

Ayon kay kay Atienza, ang mga alegasyon laban kay Romualdez ay hindi tumutugma sa proseso ng pagbabalangkas ng national budget sa Kamara.

Sa gitna ng malawakang imbestigasyon ng Kamara at ng Senado, walang sinumang opisyal ng Department of Public Works and Highways (DPWH) ang direktang nagturo kay Romualdez na sangkot sa mga anomalya.

Kahit si dating DPWH Manuel Bonoan mismo ay hindi itinuro si Romualdez, tinukoy ni Atienza.

“Simple lang kung bakit — because Rep. Romualdez was not involved,” sabi ni Atienza..

“The issue traces back to the national budget process. Sa prosesong iyan — no single person—not even the Speaker of the House—can control,” aniya.

Pinaliwanag ni Atienza na ang National Expenditure Program (NEP) ay binabalangkas ng Executive branch sa pangunguna ng Department of Budget and Management (DBM) at ibang ahensiya ng gobyerno, kabilang ang DPWH, bago ito isumite sa Kamara at sa Senado.

“No Speaker can dictate upon Cabinet secretaries. Neither can he dictate upon senators, who exercise their own independent constitutional mandate. Sila po ay pantay-pantay diyan being elected officials. Primus inter pares,” sabi ni Atienza.

Aniya, sa oras na maisabatas ang national budget, wala nang kapangyarihan o impluwensiya ang Speaker sa mga project bidding, contract awards, implementation, inspections, payments or the release of government funds.

“Hindi niya po saklaw ang pagpapa-release ng budget. Those are functions vested by law in the Executive Branch,” sabi ni Atienza. “Hindi kayang utusan ng Speaker ang DPWH Secretary. Hindi niya kayang diktahan ang DBM o ang Senado. At lalong hindi siya ang nagpa-plano ng proyekto, nagpapa-bid, nag-a-award ng kontrata, nag-iinspeksyon, o naglalabas ng pondo.”

Ayon kay Atienza, ang mga alegasyon na pumipilit na si Romualdez ay “mastermind” ng mga anomalya sa budget at infrastructure process ay isang “political convenience” ng mga kalaban ng administrasyon.

“Ang gustong palabasin ng iba, parang iisang tao ang may hawak ng buong gobyerno. Hindi po ganoon ang ating Konstitusyon. If there were irregularities in any infrastructure project, then those who actually exercised legal and operational authority should be identified and held accountable. Accountability must follow the evidence—not political convenience,” ani Atienza.

“Kung may nagkasala, papanagutin natin. Pero huwag nating gawing shortcut ang paghahanap ng isang malaking pangalan para lang may maipakita sa publiko. Sa paghahanap ng hustisya, hindi puwedeng mauna ang akusasyon bago ang ebidensya. Sa batas, ang ebidensya ang nagtuturo kung sino ang mananagot,” dagdag nito.

(VINA de GUZMAN)

Mister, timbog sa baril sa Navotas

Posted on: July 3rd, 2026 by Francis Paolo Torres No Comments

SHOOT sa kulungan ang 52-anyos na mister nang makuhanan ng hindi lisensyadong baril sa bisa ng ipinatupad na search warrant ng pulisya sa Navotas City.

Sa kanyang ulat kay Northern Police District (NPD) Acting Director P/BGen. Benliner Capili, sinabi ni Navotas Police Chief P/Col. Renante Pinuela na nakatanggap sila ng impormasyon na nagmamay-ari umano ng ilegal na baril ang suspek na si alyas “Romy”.

Nang mag-isyu ng search warrant ang Regional Trial Court, Branch 288, Navotas City , kaagad bumuo ng team ang mga tauhan ni Col. Pinuela na kinabibilangan ng Intelligence Section, Patrol Base 2, at SWAT bago sinalakay ang bahay ng suspek.

Sa bisa ng nasabing search warrant, hinalughog ng mga pulis ang loob ng bahay ng suspek sa Brgy. Tangos South, kung saan nasamsam ang isang calibre .38 revolver na may tatlong bala.

Nang hanapan siya ng kaukulang mga dokumento hinggil sa ligaledad ng nasabing baril ay wala siyang naipakita na dahilan upang posasan ng mga pulis ang suspek na mahaharap sa kasong paglabag sa Republic Act 10591 (Comprehensive Firearms and Ammunition Regulation Act).

Sinabi ni Col. Pinuela na patuloy ang mahigpit nilang pagpapatupad ng batas laban sa ilegal na pagmamay-ari ng mga baril upang matiyak ang kaligtasan ng publiko at maiwasan ang mga insidenteng maaaring magdulot ng panganib sa buhay at ari-arian. (Richard Mesa)

Sundalo na may kasong murder, tiklo sa Caloocan

Posted on: July 3rd, 2026 by Francis Paolo Torres No Comments

BAGSAK sa kulungan ang 46-anyos na sundalo ng Philippine Army na nahaharap sa kasong Murder may sampung taon na ang nakalilipas matapos maaresto habang nasa bisinidad ng Caloocan Judicial Complex sa Caloocan City.

Sa ulat ng tanggapan ni Northern Police District (NPD) Director P/BGen. Benliner Capili. nagtungo si alyas “Erwin”, residente ng Brgy. Tabuk, Isabela City, Basilan, sa Judicial Complex sa 10th Avenue dakong ala-1:25 ng hapon upang kumuha ng court clearance sa pag-aakalang na-dismiss na ang kanyang kaso na dahilan para siya maaresto.

Nagtago umano ang sundalo matapos masangkot sa kasong murder at lumutang lang muli sa pag-aakalang sarado na ang usapin matapos ibasura ng hukuman ang kaso laban sa kanyang mga kasama.

Hindi na nakapalag ang akusado nang isilbi sa kanya ng pulisya, kasama ang legal officer ng hukuman, ang warrant of arrest na inilabas noong Mayo 16, 2016, ni Caloocan Regional Trial Court (RTC) Assisting Judge Rosalia Hipolito-Bunagan ng Branch 121 ng walang piyansang inirekomenda.

Ani Bgen. Capili, ang operasyon ay bahagi ng pinaigting na kampanya ng NPD laban sa mga wanted na indibidwal at sa patuloy na pagsusulong ng kapayapaan, kaayusan, at hustisya sa lugar ng CaMaNaVa.

(Richard Mesa)

HIGIT ₱10.1-M HALAGA NG SUSPECTED ECSTASY NAKUMPISKA NG NAIA-IADITG SA CMEC, FOREIGN NATIONAL ARESTADO

Posted on: July 3rd, 2026 by Francis Paolo Torres No Comments

MATAGUMPAY na naharang ng mga operatiba ng NAIA Interdiction and Airport Investigation Task Group (NAIA-IADITG), sa pangunguna ng Philippine Drug Enforcement Agency (PDEA), at sa pakikipagtulungan ng Bureau of Customs (BOC), Philippine National Police (PNP) Aviation Security Group, Airport Police Department, PNP Drug Enforcement Group, National Bureau of Investigation (NBI), at Bureau of Immigration (BI), ang isang papasok na parsela na naglalaman ng mahigit 2.3 kilo ng pinaghihinalaang MDMA (Ecstasy) na tinatayang aabot sa halagang ₱10,136,250.00 sa isang interdiction operation sa Central Mail Exchange Center (CMEC) sa Domestic Road, Pasay City noong Hunyo 30, 2026.

Ang operasyon ay isinagawa bandang alas-3:50 ng hapon, ay nagresulta sa pagkakaaresto kay alyas “Olu,” isang 37-taong-gulang na taga Estados Unidos, na humarap sa CMEC bilang awtorisadong kinatawan at naghahabol ng parsela.

Narekober mula sa parsela ang humigit-kumulang 2,385 gramo ng itim na mala-kristal na substansiya na pinaghihinalaang MDMA (Ecstasy) na nakatago sa loob ng iba’t ibang pakete ng pagkain, pati na rin ang 942 piraso ng pink na tableta na suspected dangerous drugs. Ang parsela, na nagmula sa Vancouver, Canada, ay idineklarang naglalaman ng iba’t ibang pagkain, gamit sa banyo, kendi, cereal, damit, at iba pang personal na gamit sa isang pagtatangkang itago ang mga ilegal na sangkap.

Narekober din ng mga awtoridad ang ilang ebidensya, kabilang ang mga identification card, authorization letter, mga bank card, isang cellular phone, isang relo, at iba pang personal na gamit na may kaugnayan sa patuloy na imbestigasyon.

Ang mga nakumpiskang ebidensyang droga ay isusumite sa PDEA Laboratory Service para sa forensic examination. Samantala, si alyas “Olu” ay patuloy na iniimbestigahan at mahaharap sa mga kasong paglabag sa Section 4, Article II ng Republic Act No. 9165, o mas kilala bilang Comprehensive Dangerous Drugs Act of 2002.

(PAUL JOHN REYES)

EDSA nabulaga sa ‘emergency rally’ ng INC

Posted on: July 3rd, 2026 by Francis Paolo Torres No Comments

AMINADO ang Quezon City government at Philippine National Police (PNP) na nabulaga sila sa ‘emergency rally’ ng Iglesia Ni Cristo (INC) malapit sa People Power Monument kasabay ng pahayag na walang permit ang rally noong June 30 at July 1.

Ayon kay Quezon City Department of Public Order and Safety head Elmo San Diego, biglaan ang dagsa ng mga sumama sa rally na nagsimula bandang alas-3 ng madaling araw.

“Biglaan lahat. Hindi naman kami prepared na magkaka-rally. Katatapos lang ng malaking event namin diyan sa People Power Monument noong Sunday at matahimik naman.

Nagulat na lang kami kaninang madaling-araw na nagsimula na ‘yung mobilization,” ani San Diego.

Ani San Diego maituturing na illegal assembly ang ginawa ng INC bunsod ng kawalan ng permit subalit ipinatutupad pa rin nila ang maximum tolerance.

“Walang timeline, dahil wala silang permit, hindi napag-usapan. Hindi namin alam kung anong oras sila matatapos. ‘Yun ang malaking challenge sa atin ngayon,” ani San Diego.

Kaugnay nito sinabi ni PNP Public Information Office chief PCol. Allen Rae Co, tatlong raliyista ang inaresto habang tatlong pulis naman ang sugatan matapos magkatensiyon nang tangkain ng mga raliyista na iharang ang mga bus sa northbound lane ng EDSA.

Pinag-aaralan na rin ng PNP ang posibleng pagsasampa ng kaso sa mga nasa likod ng protesta at nakikipag-ugnayan na rin sila sa INC upang maresolba ang isyu.

Ginamit ang INC rally para siraan si PBBM: Imee Marcos, tinawag na ‘obstructionist’ ng Malakanyang

Posted on: July 3rd, 2026 by Francis Paolo Torres No Comments

TINAWAG ng Malakanyang na ‘obstructionist’ si Senator Imee Marcos matapos na muling nagbitaw ng matitinding pahayag laban sa administrasyon ng kanyang kapatid na si Pangulong Ferdinand Marcos Jr. sa isang rally ng Iglesia Ni Cristo (INC) sa EDSA-White planes nitong Martes, Hunyo 30.

Inilarawan kasi ng senadora ang kasalukuyang pamahalaan bilang isang “gobyernong tulog” at umano’y “lasing sa kapangyarihan,” habang binigyang-diin ang sitwasyon ng mga magsasaka at mangingisda sa bansa.

Ang buweltang tugon ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang ay nakakaawa ang mga obstructionist na tulad ng senadora dahil malinaw na gumagamit ito ng fake news para makapanira lamang at makapagpakalat ng maling impormasyon.

“Napanood po natin mismo personal ang nasabing pagsasalita at pagtatalumpati ni Senator Imee Marcos sa INC rally kagabi.

Pero mas nakakaawa ang mga taong pumalakpak habang nakikinig kay Senator Imee Marcos dahil malamang hindi nila alam na ang mga sinasabi ni Senator Imee Marcos ay mga kuwentong walang basehan. Nakakaawa dahil malamang ay hindi nila alam na sila ay ginagawa lamang mangmang,” ayon kay Castro.

Isang malaking katanungan din ayon kay Castro para sa kanila kung bakit napakasigasig ni Imee Marcos na manira sa gobyerno samantalang 2019 siya ay senadora na, 2016 siya ay gobernador at kilala niya si dating Pangulong Rodrigo Duterte kung saan umamin si Duterte sa paggamit ng iligal na droga.

“Pinaghandaan po natin talaga ito para maipakita natin kung sino ba talaga ang gumagamit ng iligal na droga sa panahon na siya ay pangulo na. Pero sa mga pag-amin na ito, ni dating Pangulong Duterte, tumahimik siya at wala siyang anumang pintas. Maliban pa diyan, bakit natin sinasabi na walang basehan ang kaniyang mga sinasabi, dahil pinag-iigting niya ang galit sa mga farmers at mga mangingisda na mga kababayan natin at sinasabing walang tulong na pinapaabot ang gobyerno,” ang sinabi ni Castro.

Hindi rin aniya niya alam kung bulag, nagbubulag-bulagan o talagang pinipikit lamang ni Imee Marcos ang kanyang mata sa katotohanan para magamit niya sa paninira sa gobyernong ito.

“Marami na po ang naipaabot na tulong ng ating gobyerno lalong-lalo na sa ating mga magsasaka at sa mga mangingisda.

Ilan lamang ito sa ibibigay ko sa inyo na mga ebidensiya: June 30, 2026 – 186 Pangasinan fisherfolk received livelihood grants, bago lamang po ito. So, nakakataka kung bakit hindi po yata updated si Senator Imee Marcos sa mga pangyayari, sa mga programa ng gobyerno; at April 12, 2026 – PBBM strengthens support for farmers and fisherfolk. So, ano po ang kaniyang basehan sa pagsasabing hindi tumutulong ang gobyerno sa mga magsasaka at sa mga mangingisda natin? At ito pa po: June 12, 2026 – PBBM food assistance program reaches 703 Camiguin farmers/fisherfolk. So, hindi po mas nakakaawa ang mga taong nakikinig sa kaniya dahil kung hindi magkakaroon ng pagsusuri, ang mga nakikinig ay talagang mananatili silang mangmang sa katotohanan,” litanya ni Castro.

“At mayroon pa po siyang nasabi patungkol sa nagkukunwaring hindi nakikita ang sambuntong na ebidensiya at dose-dosenang testigo, itong baha at flood control na lulunod sa ating lahat. 2019 naging senadora si Senator Imee Marcos, 2020 uulitin natin, umamin si dating Pangulong Duterte na marami siyang ghost projects. 2018 nagsabi si Congressman Andaya na maraming flood control projects na hindi maayos. Nasaan siya? nagpaimbestiga ba siya?

So, ang nakakataka lamang, bakit noong panahon kaya ni dating Pangulong Duterte siya ay nanahimik at ngayon lamang siya nag-iingay habang ang kaniyang kapatid – si Pangulong Marcos Jr. – ay masigasig na mapanagot ang dapat na mapanagot,” aniya pa rin.

Samantala, halatang-halata naman aniya na may bahid politika ang mga ginagawa at sinasabi ni Imee Marcos.

“Obviously, halatang-halata. Alam naman natin kung sino ang kaniyang ipinagtatanggol at sino ba ang nais niyang hindi na sana mailagay sa isang paglilitis,” anito.

Sa ulat, sinabi pa ni Imee Marcos na tila hindi rin umano pinakikinggan ng pamahalaan ang hinaing ng mga ordinaryong mamamayan.

Kinuwestiyon din ng kapatid ng pangulo ang nakatakdang working visit ni Marcos Jr. sa Canada mula Hulyo 1 hanggang 4, at iginiit na dapat ay mas inuuna ng administrasyon ang mga suliranin sa loob ng bansa, kabilang ang mataas na presyo ng langis at mga pangunahing bilihin.

Hindi ito ang unang pagkakataon na hayagang binatikos ng senadora ang administrasyon ng kanyang kapatid. Sa mga nakalipas na buwan, ilang ulit na rin siyang naghayag ng kritisismo sa ilang polisiya ng pamahalaan.

Kaugnay nito, dumalo rin sa naturang pagtitipon si dating Senate President at Senate Minority Leader Alan Peter Cayetano, na kalaunan ay humingi ng paumanhin sa mga naapektuhan ng pagsisikip ng trapiko dulot ng rally. ( DARIS JOSE)

Ads July 3, 2026

Posted on: July 3rd, 2026 by Francis Paolo Torres No Comments

Dahil daw sa unforeseen circumstances…Concert tour ng BINI sa Europe, hindi na muna matutuloy (ni: ROSE GARCIA)

Posted on: July 2nd, 2026 by Francis Paolo Torres No Comments

NAKU, hindi na matutuloy or sana nga, pansamantala lang itinigil ang supposedly BINI concert tour sa Europe na “Signals.”

Naglabas ng pahayag na diumano’y may unforseen event daw.

“Due to unforeseen circumstances beyond our control, the European leg of the BINI Signals World Tour 2026 will be postponed.

“We sincerely apologize for the disappointment and inconvenience this may cause.

“We are working to reschedule the tour and will share updated information as soon as possible.

“Ticket buyers will be refunded accordingly from their point of purchase.”

Siyempre, nakaka-curious malaman kung ano ang sinasabing unforseen event. Habang ang isang maingay sa socmed naman, nakaisip agad ng rason na kesyo konti lang daw kasi ang bumili ng tickets.

***

Evette, ‘di na ka-join sa upcoming concert tours ng Sexbomb

ANG una kong narinig, kesyo hindi raw okay sina Evette Pabalan at Rochelle Pangilinan.

Kaya ending, hindi na rin makakasama si Evette sa mga upcoming concert tour ng Sexbomb.

At sa Calgary na lang siya kasama.

Pero sa mismong Facebook post ni Evette, naglabas siya ng statement kung bakit only in Calgary lang siya makakasama ng grupo.

Aniya, “ONLY IN CALGARY.

”I’ve been reading all your sweet messages, and my heart is just so full. Salamat sa inyong pagmamahal. I have always wanted to be up on that stage performing for all of you again. I love my Sexbomb sisters so much, and I am cheering them on completely as they travel across Canada!

“Gustong-gusto ko man sanang makasama sa ibang tour, I just want to clear my heart despite the rumors. My not being part of the full tour was never because I didn’t want to be there. Hindi lang po tayo napahintulutang sumama na makapag-perform with them.

“Some things simply don’t happen the way we hope, and that’s okay. Minsan, hindi lang talaga nag-a-align ang lahat. But I want you to know that my heart has always been to sing for all of you.

“While I truly wish I could be in every city and in every Sexbomb Tour. But I am beyond grateful that we found a way to make one beautiful night happen.

“On July 25, I will be performing as a Special Guest, exclusively right here in my hometown of Calgary!

“This special moment is happening dahil sa inyong mga sumusuporta sakin at sa grupo. And most importantly, it’s happening because of the incredible dedication of Northern Lights & Sanrillo Entertainment and Services Inc. and 5 Stars Production. They worked tirelessly, and moved mountains just to make sure I could share this night with you. Dahil sa kanila, hindi nila pinayagan na manuod lang ako but to share what you guys deserve.

”Let’s make July 25 entirely about love, nostalgia, and the music that brought us all together. Sa ating mga Kapamilya, Kapuso, Kapatid sa Calgary, tara na! I am so excited to see my SBG sisters at kayo na patuloy na sumusuporta sa amin!

”Let’s make it one to remember! Dito lang yan sa Calgary!!! Spread the love!”

Si Evette ang pinaka-lead vocalist ng grupo kaya malaking kawalan din kapag wala siya.