2026 May Archive - People's Balita

Archive for May, 2026

4 drug suspects, timbog sa sugal sa Valenzuela

Posted on: May 27th, 2026 by Francis Paolo Torres No Comments

ISINELDA ang apat drug suspects kabilang ang 18-anyos na teenager nang maaktuhan naglalaro ng illegal na sugal kasama ng apat pang kelot sa magkahiwalay na lugar sa Valenzuela City.

Sa ulat ni Police Investigator P/MSgt. Carlito Nerit Jr. kay Valenzuela Police Chief P/Col. Joseph Talento, nagsasagawa ng Anti-Criminality Operation ‘Oplan Galugad’ ang mga tauhan ng Police Sub-Station 6 sa D. Santiago St., Brgy. Malanday nang maaktuhan nila ang dalawang kelot na nagka-cara y cruz alas-9:30 ng gabi.

Nasamsam sa kanila ang bet money, pangara at isang plastic sachet ng hinihinalang shabu na nakuha umano sa 18-anyos na si alyas “Lito”.

Nauna rito, huli rin sa akto ng mga tauhan ng Police Sub-Station 1 ang dalawang kelot na nagsusugal umano ng ‘lucky 9’ sa Wistaria St., De Castro Subdivision, Brgy. Paso De Blas alas-7:30 ng gabi at nasamsam sa kanila ang perang taya, baraha at isang plastic sachet ng umano’y shabu na nakuha alyas “Cliford”.

Naaresto rin ng mga tauhan ni Police Sub-Station 5 Commander P/Capt. Doddie Aguirre ang dalawang lalaki habang nagsusugal umano ng ‘cara y cruz’ sa San Diego St., Brgy., Arkong Bato alas-10:10 ng gabi at nakuha sa kanila ang bet money, pangara at isang plastic sachet ng umano’y shabu na nasamsam umano kay alyas “Efren”.

Samantala, nakumpiska naman ng mga tauhan ng Police Sub-Station 4 kay alyas “Jun” ang isang plastic sachet ng hinihinalang shabu nang mahuli sa akto na nagsusugal umano ng ‘Dice’ kasama ang isa pang lalaki pasado alas-3:19 ng hapon sa Area 3, Pinalagad, Brgy., Malinta.

(Richard Mesa)

NHA, AGARANG AAGAPAY SA MGA BIKTIMA NG SUNOG SA TONDO, MANILA

Posted on: May 27th, 2026 by Francis Paolo Torres No Comments

NAGSAGAWA ng agarang aksyon ang National Housing Authority (NHA) para mabigyan ng tulong at suporta ang mahigit 2,000 pamilyang naapektuhan ng malawakang sunog na naganap sa Parola Compound, Tondo, Maynila.

Sa direktiba ni NHA General Manager Joeben A. Tai, ang NHA ay aktibong nakipagtulungan sa lokal na pamahalaan ng Maynila upang lubusang masuri at maitala ang pangkalahatang bilang ng mga apektadong pamilya na nawalan ng tahanan.

Iniulat ni GM Tai na inihahanda na ng NHA ang mga posibleng tulong na ibibigay ng ahensya sa mga pamilyang naapektuhan ng sunog.

“Nakahanda po ang pagpapaabot ng NHA ng tulong pinansyal sa ilalim ng Emergency Housing Assistance Program o EHAP. Layunin po ng programa na makatulong sa pagbili ng mga pangunahing materyales sa pagtatayo ng mga pansamantalang masisilungan o pambili ng mga agarang pangangailangan ng mga pamilya habang bumabangon mula sa trahedya,” ani GM Tai.

Sa kaugnay na balita, nakasama rin si GM Tai sa isinagawang relief operation sa Delpan Sports Complex ngayong araw, Mayo 25, 2026, sa pangunguna ni Pangulong Ferdinand “Bongbong” Marcos, Department of Social Welfare and Development (DSWD) Secretary Rexlon T. Gatchalian, Manila City Mayor Francisco “Isko Moreno” Domagoso, at iba pang lokal na opisyal ng lungsod.

Ang NHA, sa ilalim ng pamumuno ni GM Tai, ay patuloy na sumusuporta at tutulong para sa ganap na pagbangon ng ating mga kababayang Manileño. (PAUL JOHN REYES)

Loan para sa Evehicle ibinibigay ng DTI para sa mga PUVs

Posted on: May 27th, 2026 by Francis Paolo Torres No Comments

INIHAYAG ng Department of Trade and Industry (DTI) na may programa ang kanilang ahensiya para magbigay at magpautang sa mga drivers at operators ng mga public utility vehicles (PUVs) na gagamit ng electric vehicle (Evehicle). Nagbigay sa unang pagkakataon ng loan sa mga drivers at operators ng PUVs ang DTI sa ilalim ng programang P2 billion E-Transport Loan. Mayroong labing-tatlong (13) kooperatiba ang nabigyan ng P3 milyon na pautang bawat isa upang palitan na ang mga traditional jeepneys at gamitin ang E-vehicle.

Ang unang batch ay mga drivers at operators na kung saan ibibili nila ng 2 E-vehicle para gamitin bilang pampublikong transportasyon. “The loan which is being facilitated by our attached agency, the Small Business Corporation, will help public utility drivers and even transport network vehicle service (TNVS) drivers to shift to electric vehicles, which also include electric motorcycles,” wika ni DTI secretary Cristina Roque.

Sa ilalim ng programa ay sa loob ng isang (1) taon ay wala munang babayaran na interest mula sa principal loan upang ang mga operators at drivers ay makausad muna dahil mayroon pang krisis at ayaw ng pamahalaan na mahirapan sila. Ang interest ay 6.7 percent kada taon. Ang nasabing programa ay magbibigay ng suporta sa mga small transport operators upang mag shift sa paggamit ng electric vehicles.

Ang utang ay babayaran sa loob ng 5 taon. Kasama sa mga qualified na beneficiaries ay ang mga valid na jeepney operators ganon din ang mga affiliated sa kumpanya tulad ng Grab Philippines, JoyRide Philippines, InDrive kung saan sila ay maaaring makakuha ng pautang hanggang P1.5 million kada sasakyan o di kaya ay hanggang P3 million kada beneficiary.

Si Pasang Masda National President Obet Martin ay nagalak sa nasabing programa ng pamahalaan at sinabing maaari na nilang simulan ang pagpapalit ng mga traditional jeepney upang maging E-vehicle na. Kasabay din niyang sinabi na dahil mataas ang presyo ng krudo sa pandaigdigan, ang programa ay isang pagkakataon upang gumamit na sila ng E-vehicle.Ang naunang batch ng programa ay katuwang ang Global Electronic Transport (GET) Philippines kung saan sila rin ang naglungsad ng “Love Bus” na E-vehicles na tumatakbo sa ilang lugar ng Metro Manila. Dagdag naman ni Roque na mas maraming drivers at operators ang maeengganyo na kumuha ng loan para sa E-vehicles at umaasa siya na mas tataas pa ang pondo ng programa at magiging P2 billion. (LASACMAR)

Ads May 27, 2026

Posted on: May 27th, 2026 by Francis Paolo Torres No Comments

Krimen sa Metro Manila bumaba ng 39 porsyento

Posted on: May 27th, 2026 by Francis Paolo Torres No Comments

INIULAT ng National Capital Region Police Office (NCRPO) na bumaba ng 39% ang kriminalidad sa Metro Manila sa nakalipas na isang linggo dahil sa mas mabilis at malawakang pagpapatupad ng batas sa ilalim ng Enhanced Managing Police Operations (EMPO).

Ayon kay NCRPO Director PMGen. Anthony Aberin, mula Mayo 18 hanggang 24, 2026, nakapagtala lamang ang NCRPO ng 78 index crimes o 39.06% na pagbaba mula sa 128 kaso na naitala sa parehong panahon noong nakaraang taon.

Ang murder ay bumaba ng 42.86%; homicide 83.33%; physical injuries 50%; rape 68.75%; robbery 42.86%; theft 24.56%; at motorcycle carnapping 44.44%.

Nangunguna pa rin ang illegal na droga sa target ng operasyon ng isang linggo na 228 buy-bust at drug enforcement missions, kung saan naaresto ang 281 suspek at nakumpiska ang P11,009,205.60 na halaga ng ilegal na droga — kabilang ang 870.69 gramo ng shabu, 11,616.22 gramo ng pinatuyong dahon ng marijuana, 1,548 ecstasy tablets, at 436.20 gramo ng Kush marijuana.

Umakyat sa 71.79% ang Crime Solution Efficiency (CSE) ng NCRPO, isang 10.08-puntong pagtaas mula sa 61.72% noong nakaraang taon, na nagbibigay-diin hindi lamang sa rami ng mga naaresto kundi pati na rin sa mas malakas na pagbuo ng kaso sa likod ng bawat isa.

Ads May 26, 2026

Posted on: May 26th, 2026 by Francis Paolo Torres No Comments

‘Master of the Universe’ and ‘Queer’, opening in cinemas in June 3, 2026

Posted on: May 26th, 2026 by Francis Paolo Torres No Comments

June 3 – Masters of the Universe (Columbia Pictures)

Cast: Nicholas Galitzine, Camila Mendes, Alison Brie, James Purefoy, Morena Baccarin, Jóhannes Haukur Jóhannesson, Charlotte Riley. Featuring Kristin Wiig as the voice of “Roboto” with Jared Leto and Idris Elba

Directed by: Travis Knight

Trailer: https://www.youtube.com/watch?v=dRGbJIiNDqc

Official synopsis:

In “Masters of the Universe,” director Travis Knight brings the legendary franchise back to the big screen in this epic live-action adventure. After being separated for 15 years, the Sword of Power leads Prince Adam (Nicholas Galitzine) back to Eternia where he discovers his home shattered under the fiendish rule of Skeletor (Jared Leto). To save his family and his world, Adam must join forces with his closest allies, Teela (Camila Mendes) and Duncan/Man-At-Arms (Idris Elba), and embrace his true destiny as He-Man – the most powerful man in the universe.June 3 – Queer (Ayala Malls Cinemas exclusive)

Cast: Daniel Craig, Drew Starkey, Lesley Manville, Jason Schwartzman

Directed by: Luca Guadagnino

Trailer: https://youtu.be/eknj5_0tF2s

Official Synopsis:

In 1950s Mexico City, William Lee, an American ex-pat in his late forties, leads a solitary life amidst a small American community. However, the arrival in town of Eugene Allerton, a young student, stirs William into finally establishing a meaningful connection with someone.

*Schedules are subject to change without prior notice.*

(ROHN ROMULO)

North Korea nagkampeon sa Asian Women’s Champions League

Posted on: May 26th, 2026 by Francis Paolo Torres No Comments

NAGKAMPEON ang North Korea sa Asian Women’s Champions League.Soccer

Sila ang unang sports team na bumisita sa South Korea sa loob ng walong taon.

Tinalo nila ang Tokyo Verdy Beleza ng Japan sa score na 1-0.

Itinuturing na naging susi sa panalo ng Naegohyang Women si Kim Kyong Yong na siyang nakapasok ng goal bago ang half-time sa laro na ginanap sa Suwon City sa South Korea.

Ang women’s football ay siyang itinuturing na pinakamalakas na international sports ng North Korea kung saan regular silang lumalahok sa mga kompetisyon sa Asya at ibang bansa.

Dahil sa panalo ay maglalaro ang North Korea sa FIFA Women’s Champions Cup.

Chrisia Mae Tajarros, 1st gold medalist ng Palarong Pambansa 2026 sa athletics

Posted on: May 26th, 2026 by Francis Paolo Torres No Comments

BINUKSAN ni Chrisia Mae S. Tajarros ng Eastern Visayas ang medalya ng Palarong Pambansa 2026 matapos mangibabaw sa 3,000-meter athletics event para sa secondary girls at maiuwi ang unang gintong medalya sa regular sports.

Patuloy ang kanyang pagdomina sa naturang event matapos ding maging unang gold medalist noong 2025 Palarong Pambansa sa Ilocos Norte, na nagpatibay sa kanyang reputasyon bilang isa sa mga pinakamahuhusay na batang atleta ng bansa.

Nakamit naman ni Angel Lumacang ng Eastern Visayas ang pilak, habang si Charlen Cos ng Davao ay nakakuha ng tanso. Ang tagumpay ni Tajarros ay nagdadagdag sa kasaysayan ng Eastern Visayas na kilala sa pagbibigay ng mga de-kalibreng atleta sa larangan ng athletics.

Ang Palarong Pambansa ay taunang multi-sport event na nilalahukan ng mga estudyanteng atleta mula sa iba’t ibang rehiyon ng Pilipinas, nagsimula pa noong 1948 bilang pambansang paligsahan para sa kabataan.

Nag-aalaga nang tatlong anak na may sakit:KIM, naging emosyonal nang mabunot ang letter ng isang security guard (ni: ROHN ROMULO)

Posted on: May 26th, 2026 by Francis Paolo Torres No Comments

NAGSAMA-SAMA sina Vice Ganda, Kim Chiu, Julie Anne San Jose, Yeng Constantino, Darren Espanto, Nina, Bamboo at ilan pang OPM icons na sina Chito Miranda at Ely Buendia para sa isang special entertainment and rewards event na ‘BingoPlus Night 2026’ hosted by Joy Barcoma, Rufa Mae Quinto, and Markki Stroem.

Bonggang-bongga ang selebrasyon para sa naganap na wish-granting initiative na bahagi ng charity event ng kilalang digital gaming platform noong May 19, sa Pasay City.

Tampok nga sa nnaturang event ang mga musical performance at isang espesyal na bahagi kung saan bumunot ng mga letter ang mga celebrity guest para tuparin ang kanilang mga kahilingan.

Sinimulan ang programa sa pasabog na performance ni Darren na kung saan nakailang kanta siya.

Sunundan ito ni Kim with her version of “Opalite” ni Taylor Swift at “Man I Need” ni Olivia Dean.

After ng performance ay bumunot siya mula sa mga sulat ng mga kababayan na may pangangailangan.

Isa sa mga letter na nabunot ni Kim ay mula sa isang security guard na may tatlong anak — isa na may sakit sa puso, isa na may diabetes, at isang may autism.

Wish lang ng ama ang isang e-bike upang makapagtrabaho siya bilang part-time delivery rider at masuportahan ang kanyang pamilya.

Dahil sa nabasa naging emosyonal si Kim kaya ipinagpatuloy na lamang ito ni Joy Barcoma. Hindi na raw niya kayang tapusin ang pagbabasa dahil naiiyak na siya.

Bumunot muli si Kim ng isa pang liham kung saan wish naman nito na magkaroon ng laptop para sa nakababatang kapatid na isang IT student para magamit sa pag-aaral.

Agad naman itong tinugunan ng BingoPlus, kaya wish granted agad.

Marami talagang napaligaya ng gabing yun, lalong-lalo na ang nanalo ng luxury car.

***

PlayTime Entertainment at Miss Grand International All Stars 2026, nagsama sa isang natatanging ugnayan

PINASOK ng PlayTime Entertainment, isang integrated entertainment company ang makabagong panahon ng global entertainment sa pamamagitan ng makabuluhang pakikipag-ugnayan sa Miss Grand International All Stars 2026. Ito ay tanda ng isang mahalagang milestone ng brand sa pangako nitong ipagdiwang ang mga Pilipino sa pandaigdigang entablado sa pamamagitan ng world-class entertainment, empowerment, at pagpapataas ng kagandahan at kulturang tunay na ipagmamalaki.

Bilang opisyal na entertainment partner, ang PlayTime Entertainment ay maghahatid ng one-stop exclusive entertainment content at behind-the scenes ng mga sandali ng paglalakbay ng mga kandidata para makamit ang inaasam-asam na korona. Ang mga tumatangkilik ng pageant ay maaaring makapanood ng LIVE at LIBRE sa YouTube channel ng PlayTime Entertainment.

Narito ang mga mahahalagang petsa sa linggo ng pageant:

Mayo 27 — Preliminary Round 1: Evening Gown & Bare Face Competition

Mayo 28 — Preliminary Round 2: Swimsuit Competition

Mayo 30 — Grand Coronation Night

Lahat ng streams ay live at libre, eksklusibo lamang sa YouTube channel ng PlayTime Entertainment.

Ang pagtatagpo ng world-class entertainment at global cultural representation, muling pinagtitibay ng PlayTime Entertainment ang pangakong i-angat ang talento ng mga Pilipino sa pandaigdigang entablado. Bilang bahagi ng pananaw na ito, ipinagmamalaki ng brand na palawakin pa ang kanilang suporta sa limang Pilipina na makikipagtagisan ng galing sa darating na Miss Grand International All Stars 2026, kung saan ay kakatawanin nila ang kakisigan, kumpyansa at pambansang pagmamalaki sa harap ng pandaigdigang madla.

Ang mga kinatawan ng Pilipinas sa naturang kompetisyon ay sina Gazini Ganados, dating Miss Philippines Earth titleholder na si Imelda Schweighart, ang nanalong Miss International Queen 2022 na si Fuschia Ravena, ang Manila-based Brazilian-Filipino Beauty Queen na si Alexia Nuñez at ang Universal Woman Arabia 2025 titleholder na si Keylyn Trajano. Ang bawat isang kandidata ay may pagmamalaking dala-dala ang sash ng Pilipinas na siyang sumasagisag sa kariktan, kahusayan at pandaigdigang pagkakaiba.

“This landmark collaboration signals PlayTime Entertainment’s continued evolution as a forward-thinking entertainment brand,” pahayag ni Adela Mae Marshall, PlayTime Entertainment Spokesperson.

“Beyond traditional partnerships, we aim to create meaningful engagements that seamlessly merge entertainment, empowerment, and cultural storytelling on a global scale.”

Ang ugnayan sa pagitan ng PlayTime Entertainment at Miss Grand International All Stars 2026 ay sumasalamin sa nakabahaging pananaw na muling pagtukoy sa kanilang mga karanasan sa pandaigdigang entablado habang ipinagdiriwang ang kumpyansa, pagkakaiba-iba at kulturang tunay na ipinagmamalaki sa pandaigdigang tanghalan.

Ang pagsasama-sama ng mga natatanging kababaihan mula sa buong mundo, ang kanilang pagtutulungan ay magbibigay ningning sa mga indibidwal na nagpakita ng kahusayan at namumukod-tangi sa kani-kanilang larangan, ay siyang magsisilbing inspirasyon sa mga manonood sa pamamagitan ng kanilang mga tagumpay, layunin, at natatanging paglalakbay.