SINIBAK sa kanilang kasalukuyang puwesto ang apat (4) na Law Enforcement Officers ng Land Transportation Office–National Capital Region (LTO-NCR) kaugnay ng kanilang pagkakasangkot sa isang insidente ng pangingikil na naganap noong Abril 23, 2026, sa kahabaan ng C3 Road sa Navotas City.

Alinsunod sa isang pormal na kautusan, inatasan ang mga nasabing tauhan na isuko ang lahat ng law enforcement paraphernalia at iba pang pananagutan sa Operations Division sa loob ng 24 na oras mula sa pagtanggap ng kanilang relief at reassignment orders, ayon sa umiiral na mga pamantayan.

Binigyang-diin ni LTO Chief, Assistant Secretary Markus V. Lacanilao, ang matibay na paninindigan ng ahensya laban sa anumang uri ng maling asal sa hanay nito. Aniya, ang pagsugpo sa katiwalian ay nananatiling pangunahing bahagi ng kanyang 7-Point Priority Agenda.

“Hindi kukunsintihin ng LTO ang anumang pang-aabuso sa kapangyarihan. Nananatili kaming nakatuon sa pagtiyak na ang aming mga kawani ay ginagampanan ang kanilang tungkulin nang may pinakamataas na antas ng integridad at propesyonalismo,” pahayag ni Lacanilao.

Tiniyak din niya sa publiko na magsasagawa ang ahensya ng masusi at patas na imbestigasyon, at ang sinumang mapatunayang may pananagutan ay haharap sa kaukulang administratibo at legal na parusa.

Bilang bahagi ng patuloy na pagsulong ng pananagutan, transparency, at kaligtasan sa kalsada, hinihikayat ng LTO ang publiko na iulat ang anumang insidente ng maling asal na kinasasangkutan ng kanilang mga tauhan. (PAUL JOHN REYES)

MULING ininspeksyon ni Department of Public Works and Highways (DPWH) Secretary Vince Dizon, kasama sina Navotas Mayor John Rey Tiangco, DENR Secretary Juan Miguel Cuna, Office of Civil Defense (OCD), Ambassador of Japan to the Philippines Kazuya Endo, Minister for Economic Affairs Naobumi Yokota, JICA Philippines Office Chief Representative Baba Takashi, at JICA technical experts ang nasusunog na lumang Navotas landfill kung saan umano na aniya sa halos kalahati ng apektadong lugar ang naapula na ang sunog. (Richard Mesa)

MULA nang maupo ang masipag na Kapitan ng Brgy. 8 Zone 1 District 2 ng Caloocan City na si Kapitan Ricardo B. Villanueva ay agad niyang pinagawa ang kanilang Barangay Hall upang magkaroon nang maayos na opisina ang kanilang komunidad!
Naniniwala kasi si Kap. Villanueva na dapat nagsimula sa kanyang opisina ang kalinisan upang sa gayon ay maayos niyang nakakaharap dito ang kanyang mga ka-barangay.
Bukod sa maaliwalas na Barangay Hall na mayroong tatlong palapag, makikita dito na halos kumpleto ang kanilang kagamitan sa kanilang opisina gaya ng computers,
printer, copier, air-conditioned at iba pang mga gamit

Nag-provide din si Kap. Villanueva ng eco-bus, fire trucks, ambulance at iba’t ibang sasakyan na panggamit sa kanilang mga kabarangay. Pinanatili rin ni Kap. ang kalinisan sa kanilang kapaligiran higit sa lahat ang kaayusan at katahimikan katulong ang mga kapulisan sa kanilang barangay.
Minsan ay nagsagawa rin sila Kap kasama ang mga alagad ng batas ng “Oplan Galugad” sa kanilang lugar para lumayo ang mga anay sa lipunan sa kanyang nasasakupan.
Katuwang niya sa pananatili ng katahimikan ang Station 4 at naglagay din siya ng mga CCTV sa bawat sulok ng Barangay 8 at mga Solar Lights para manatili ang liwanag sa kapaligiran.
Naglagay din sila ng Public Address para mapadali ang pag-abot ng mga impormasyon sa kanyang nasasakupan. Meron din silang HAPAG na siyang katumbas ng Clean & Green na nasa 3rd floor. Ang mga SK naman at mga Senior Citizens ay may mga sariling opisina upang sa gayon ay maayos ang kanilang lugar tuwing may mga meetings na nagaganap.
Nagpapasalamat din ang masipag na Kapitan sa kanyang mga kabarangay sa kanilang pagkakaisa at pakikipagtulungan sa kanyang mga proyekto na alam naman ng lahat na ito’y para sa kanilang kabutihan.
( Sonny Asignacion)

PINANGUNAHAN ni DAR Secretary Conrado M. Estrella III ang pamamahagi ng 3,486 Certificates of Condonation with Release of Mortgage (CoCRoMs), bilang bahagi ng patuloy na pagsisikap na tiyakin ang seguridad sa lupa at mapabuti ang kabuhayan ng mga Agrarian Reform Beneficiaries (ARBs).
Sa kabuuan, umabot sa ₱439,486,847.66 ang pinatawad na utang na sumasaklaw sa 2,150.9559 ektarya ng lupang sakahan, na direktang nakatulong sa 2,121 ARBs.,,Isinagawa ang aktibidad Abril 23, 2026 sa Pontevedra Public Gymnasium, Negros South Road, Pontevedra, Negros Occidental. ( BOY MORALES SR.)