NATAGPUANG patay ang isang mag-ina matapos ang isang sunog sa isang residential area sa Bacoor City kamakalawa ng hapon.

Kinilala ang natagpuang patay na si alyas Liezel, 57, dalaga, isang vendor at kanyang ina na si alyas Fe, 79, isang balo at kapwa residente ng L. Castro St., Tabing Dagat, Brgy Poblacion, Bacoor City, Cavite.

Sa ulat, bandang alas-2:15 ng hapon nang nagsimula ang sunog sa Barangay Poblacion, Bacoor City, Cavite.

Mabilis naman ang pagresponde ng mga pamatay sunog na umabot sa unang responde at bandang alas-3:29 ng hapon ng ideklara na fire under control.

Pero paghupa ng apoy, natuklasan ang bangkay ng mag-ina sa loob ng nasunog nilang bahay.

Tinatayang 30 kabuhayan ang naapektuhan sa sunog.

Patuloy pa ang isinasagawang imbestigasyon sa pinagmulan ng sunog. (Gene Adsuara)

SINABI ni Pangulong Ferdinand R. Marcos Jr. na nangako ang mga ferry at bus operators na hindi sila magtaaas ng pamasahe ngayong Semana Santa sa gitna ng kasalukuyang hamon sa enerhiya.
Sinabi ni Pangulong Marcos na sinusubukan ng gobyerno na pagaanin ang epekto ng pagtaas ng presyo ng fuel sa mga manananakay at middle class, habang papalapit ang paggunita sa Holy Week sa bansa, kung saan dagsa ang mga taong inaasahan na ba-byahe.
“We’ve gotten commitments from ferries that they will not raise their fares, we’re doing the same thing with buses that they will not raise their fares and they do not limit or cut down the trips they will be taking,” ayon sa Pangulo.
“We’re doing everything we can so the riding public, the general public, the people who are working, the middle class, they are the ones we are most concerned about, so it does not become a drag to their livelihood,” aniya pa rin.
At nang tanungin kung ano ang magiging tugon ng gobyerno sa adjustments sa fuel prices, winika ng Pangulo na ang gobyerno ay nagbibigay ng subsidiya, pangunahin na sa transport sector “because these are the workers who will be most affected.”
Sinabi ng Pangulo na ang fuel subsidies at straight-out cash subsidies ay iaabot sa mga operators at drivers ng mga barko, buses, public transport, at delivery systems para pagaanin ang epekto ng pagtaas ng fuel prices sa mga consumer.
“In the next two days, we’re going to be spending about 2.5 billion pesos in fuel subsidies. We have planned four of those rounds of subsidies.”
Nauna rito, nilagdaan ni Pangulong Marcos ang Executive Order 110 na nagdedeklara ng state of national energy emergency, kasama ang Unified Package for Livelihoods, Industry, Food, and Transport o UPLIFT na magsisilbing kabuuang balangkas ng pagtugon ng pamahalaan sa epekto ng mataas na presyo ng produktong petrolyo.
(Daris Jose)

TINIYAK ni Pangulong Ferdinand R. Marcos Jr. sa mga magsasaka na ang bansa ay may sapat na suplay ng fertilizers para sa nalalapit na planting season sa kabila ng nagpapatuloy na global oil supply challenges.
“As of today, we have sufficient fertilizer supply for the next planting. So, at least until the next planting, we have the sufficient amount of urea and potash. Those are the main fertilizers that we are using,” ang sinabi ni Pangulong Marcos sa kanyang Presidential Address sa Palasyo ng Malakanyang ukol sa pagprotekta sa mga pamilyang Filipino sa gitna ng global price increases.
Ang Urea ay isang petroleum-based fertilizer, habang ang while potash ay isang mined mineral fertilizer, bagaman hindi naman klasipikado bilang fuel-based, ang potash production ay nangangailangan pa rin ng mahalagang energy inputs.
Winika pa ng Pangulo na patuloy na ginagalugad ng gobyerno ang mga hakbang at makakuha ng kasunduan sa ibang bansa para mapanatiling matatag ang fertilizer supply.
“Iyong mga nagsu-supply sa atin ay nakikipag-usap din tayo at tinitiyak natin na mayroon tayong fertilizer supply. At gumagawa nga tayo ng mga pamamaraan at mga kontrata para tiyakin na mayroon tayong sapat na fertilizer supply,” ang sinabi ni Pangulong Marcos.
Sa kasalukuyan, ang bansa ay kumukuha ng fertilizer mula Indonesia at Tsina.
Gayunman, sinabi ng Pangulo na nagpapatuloy ang fertilizer subsidies para suportahan ang mga magsasaka sa gitna ng situwasyon. (Daris Jose)