2026 March Archive - People's Balita

Archive for March, 2026

Fish vendor na bumaril sa OFW sa Valenzuela, nasabat sa QC

Posted on: March 12th, 2026 by @peoplesbalita No Comments

NAARESTO ng pulisya ang 37-anyos na fish vendor na bumaril sa isang overseas Filipino worker (OFW) sa Valenzuela City habang patakas na patungong Samar, Martes ng madaling araw sa isang bus station sa Quezon City.
Nakapiit ngayon sa Custodial Facility Unit ng Valenzuela Police ang suspek at nahaharap sa kasong Frustrated Homicide at paglabag sa Republic Act 10591 (Comprehensive Firearms and Ammunition Regulation Act).

Ayon kay Valenzuela police chief P/Col. Joseph Talento, nangyari ang pamamaril ng suspek sa 43-anyos na OFW Lunes ng alas-10:00 ng gabi matapos ang kanilang mainitang pagtatalo na nagsimula nang mangulit umano ang biktima habang nasa impluwensiya ng alak.

Nagtamo ng dalawang tama ng bala sa tiyan at isa sa kanang braso ang biktima na agad isinugod sa pinakamalapit na pagamutan kung saan siya patuloy na inoobserbahan habang tumakas naman ang suspek matapos ang pamamaril.

Mismong ang suspek naman ang nagpahamak sa kanyang sarili nang ikuwento sa katabing pasahero ang ginawa niyang pamamaril na dahilan para marinig ng isang concerned citizen na siyang nagsuplong sa mga tauhan ng Cubao Police Station na nagpapatrulya malapit sa bus station sa Harvard St. sa Cubao, Quezo City na nagresulta sa kanyang pagkakadakip dakong alas-4:30 ng madaling araw.

Nakuha naman nina P/Capt. Robin Santos, hepe ng Station Investigation and Detective Management Branch (SIDMB) ng Valenzuela police sa bahay ng suspek ang hindi lisensiyadong kalibre .22 na kargado ng limang basyo at isang bala sa chamber na ginamit sa pamamaril.

Pinuri naman ni Northern Police District (NPD) Acting Director P/BGen. Christopher Dela Cruz ang pagtutulungan ng Quezon City at Valenzuela City Police Stations sa pagkakadakip sa suspek na umano’y binigyan pa ng pera ng kanyang ama para tumakas patungo sa kanilang lalawigan sa Samar. (Richard Mesa)
Fish vendor na bumaril sa OFW sa Valenzuela, nasabat sa QC

Gilas Pilipinas Women all-set na para sa FIBA World Cup Qualifying tournament sa France HANDA na ang Gilas Pilipinas Women para sa 2026 FIBA Women’s World Cup Qualifying Tournament.

Posted on: March 12th, 2026 by @peoplesbalita No Comments

Nitong Martes, Marso 10 ay inilabas ng Samahang Basketbol ng Pilipinas (SBP) ang final 12 women lineup para sa qualifiers na gaganapin sa Lyon-Villeurbanne, France.

Sa nasabing line up ay siyam dito ang bahagi na ng SEA Games sa Thailand kung saan nagkamit sila ng gintong medalya.

Pinangungunahan ito ng nagbabalik mula sa National University na si Afril Bernardino kasama sina Janine Pontejos, Trina Guytingco at mga baguhan na sina Kacey Dela Rosa, Louna Ozar, Angel Surada, Sophia Dignadice, Sarah Heyn, Kent Pastrana, Sumayah Sugapong at Ann Pingol.
Unang makakaharap nila ang France sa Marso 12 dakong 3:30 ng umaga habang makakaharap nila ng Germany sa Marso 13 ng alas-12 ng madaling araw.

Makakasagupa naman nila ang Nigeria sa Marso 14 ng alas-9 ng gabi habang ang South Korea sa Marso 15 ng 7:30 ng gabi at Colombia sa darating na Marso 17 ng alas-9 ng gabi.

Filipinas pasok na sa quarterfinals ng AFC Women’s Asian Cup 2026

Posted on: March 12th, 2026 by @peoplesbalita No Comments

PASOK na sa quarterfinals ng AFC Women’s Asian Cup 2026 ang Philippine women’s national football team o Filipinas.

Ito ay matapos na talunin ng Japan ang Vietnam 4-0 sa final Group C match na ginanap Vietnam.

Dahil dito ay nagtapos ang Filipinas bilang second-best third place team.

Natapos sila sa Group A ng mayroong isang panalo at dalawang talo na mayroong minus-2-goal differences.

Nakapasok din ang Uzbekistan sa third-placer sa GroupB na mayroong minus two goal differences.
Makakaharap ng Filipinas ang Japan sa darating na Marso 15 na gaganapin sa Sydney.

Pagdaraos ng National Food Security Day tuwing October 16, inaprubahan na ng Kamara

Posted on: March 12th, 2026 by @peoplesbalita No Comments

INAPRUBAHAN ng Kamara ang panukala na pagdaraos National Food Security Day tuwing October 16 ng bawat taon.
Ayon kay House Majority Leader Ferdinand Alexander “Sandro” Marcos ng Ilocos Norte, naaprubahan ang House Bill No. 8042, o kilalang National Food Security Day Act, nitong Martes na may 248 votes na pabor, zero againstat isang abstention.
Ang National Food Security Day ay kasabay sa pagdiriwang ng World Food Day, ayon kay Marcos.
“A National Food Security Day is a clear signal that the fight against hunger and high food prices has to stay on the national agenda, with real work behind it, from farm productivity to nutrition and less food waste,” pahayag ni Marcos.
Sinabi ni Marcos na ang pagdiriwang ng National Food Security Day ay upang ma-focus ang gobyerno at ang publiko sa mga ginagawang hakbang hinggil sa seguridad ng pagkain, partikular sa mga problema sa presyo at kakulangan sa supply bunsod ng mga bagyo at sakuna.
Ang nasabing HB 8042 ay iniakda nila Reps. Raymond Adrian E. Salceda, Jose Manuel
Lagdameo, Timothy Joseph Cayton, Ciriaco Gato, Jr., Jennifer Lagbas, Lani Mercado-Revilla, Eulogio Rodriguez, Arlyn Ayon, Robert Nazal, at Sarah Jane Elago. (Vina de Guzman)

Bawas singil sa bayarin sa mga paliparan, ikinukunsidera ng DOTR

Posted on: March 12th, 2026 by @peoplesbalita No Comments

IKINUKUNSIDERA ng pamahalaan na ibaba ang mga bayarin sa nga paliparan sa buong bansa para makatulong na mapanatiling matatag ang singil sa pamasahe sa eroplano sa harap ng inaasahang pagdagsa ng mga biyahero sa panahon ng Holy Week.
Ayon sa Department of Transportation, bahagi ito ng mga hakbang na iniutos ni Pangulong Ferdinand R.Marcos Jr. upang mabawasan ang matinding epekto ng tumataas na presyo ng gasolina.
Sa press briefing sa Malakanyang, sinabi ng DOTr Acting Secretary Giovanni Lopez na isinasaalang-alang nila ang pagbabawas ng ilang bayarin sa paliparan dahil sa inaaasahang pagdagsa ng mga pasahero sa Holy Week.
Kabilang na dyan ang landing at take off fee na ipinatutupad ng Civil Aviation Authority of the Philippines (CAAP).
“Una, may mga pagpupulong kami with the airlines natin. Alam din po namin na talaga maapektuhan sila dito and we’re thankful that they’re still holding on. Ganoon pa man, we have to do some mitigating measures also. Not for the airlines necessarily, but more so dun sa epekto sa mga pamasahe sa airfare ng mga gustong bumiyahe,” ayon kay Lopez.
Hindi pa masabi ng Kalihim kung magkano ang maaaring ibaba sa mga bayarin pero ito aniya’y pinag-aaralan na ng DOTR
Ang anumang mabubuong proposal ay ipiprisinta aniya sa board para paaprubahan at posibleng makapaglabas sila ng desisyon para sa posibleng adjustment sa pamasahe sa susunod na linggo.
“So isa sa mga tinitingnan namin sa CAAP, ‘yung ating aviation authority, kung pwede ba namin ibaba ‘yung mga ibang fees. Landing fees, take-off fees, yung mga sa tingin namin na kaya naman namin i-adjust. And that will, I think, that will ripple down doon naman sa airfare. At least may stabilize namin kahit pa paano,” dagdag pa ng opisyal
Nauna nang ini-anunsyo ni Pangulong Marcos ang ilang mga hakbang ng gobyerno para bawasan ang matinding epekto ng pagtaas ng presyo ng mga produktong petrolyo na dulot ng nangyayaring krisis sa Middle East. (Daris Jose)

NEWS 2 ( PHOTO ATTACHED)
Mayor JRT, namahagi ng hard hats sa mga mag-aaral
PINANGUNAHAN ni Mayor John Rey Tiangco ang ceremonial turnover ng hard hats para sa mga mag-aaral sa Navotas City bilang bahagi ng mas pinaigting na paghahanda nito sa mga sakuna tulad ng lindol.
Ani alkalde, naniniwala siya na ang kahandaan ay nagsisimula sa kaalaman at tamang kagamitan. Sa pamamagitan aniya ng mga ganitong hakbang, mas natutulungan maging handa at manatiling ligtas ang mga kabataan sa oras ng emergency.
Dagdag niya, patuloy ang lokal na pamahalaan ng Navotas sa pagpapatupad ng mga programa at hakbang upang matiyak na ang bawat sektor ng komunidad, mga bata, pamilya, at buong pamayanan ay handa at protektado sa panahon ng sakuna.
Layunin aniya ng programa: NavReady — Handang Pamilya, Matatag na Lungsod. (Richard Mesa)

Sa gitna ng umiigting na tensyon sa Gitnang Silangan… Pinas, naghahanap na ng ibang bansa na mapagkukuhanan para sa suplay ng langis- PBBM

Posted on: March 12th, 2026 by @peoplesbalita No Comments

NAGHAHANAP na ang Pilipinas ng ibang bansa na maaaring mapagkukuhanan para sa suplay ng langis sa gitna ng umiigting na tensyon sa Gitnang Silangan.
“In terms of supply, we are in good shape. And not only do we have inventory in the Philippines, we also are awaiting some supplies coming in that are in transit,” ang sinabi ni Pangulong Ferdinand Marcos Jr. sa mga mamamahayag sa New York City.
“We are talking to many other countries [whom] we normally do not buy oil from, but hopefully, we will be able to come to an agreement with them and that we will get further supply from them,” aniya pa rin.
Tinukoy ng Pangulo ang “volatility” ng labanan bilang isang hamon sa oil supply sa bansa, sabay sabing hindi niya tiyak kung hanggang kailan ang itatagal ng labanan.
Kamakailan, tiniyak ng Pangulo sa publiko na ang Pilipinas ay may sapat na suplay ng petroleum products na may stockpiles na sapat at tatagal ng hanggang 50 hanggang 60 araw.
At nang tanungin naman kung ano ang hakbang ng pamahalaan para mapalambot ang epekto ng oil price hikes sa mga pangunahing bilihin, ang naging tugon ng Pangulo ay “We’re trying to keep prices down, but there’s an inevitable effect.”
Sinabi pa niya na ang presyo ng langis ay umabot sa $100 per barrel subalit bumaba naman sa $90, araw ng Martes.
“That gives us a little better chance of providing subsidies for our people, for providing support for the affected sectors,” ang winika ng Pangulo. ( Daris Jose)

PBBM, sa batas na papayagan siyang magsuspinde ng fuel excise tax: I’ll declare it as urgent

Posted on: March 12th, 2026 by @peoplesbalita No Comments

IDEDEKLARA ni Pangulong Ferdinand Marcos Jr. bilang urgent ang panukalang batas na magbibigay sa kanya ng emergency power para pansamantalang suspendihin o bawasan ang oil excise tax.
”Actually, I will declare it as urgent once the…Because there’s no point declaring it as urgent before the committee report has been completed,” ang sinabi ni Pangulong Marcos sa mga mamamahayag sa New York City.
”And that is what I told them, both Houses. And I said, the minute that you have completed your committee reports…Because the – when you declare a bill as urgent, it the – the shortcuts, if we say, only begin on the plenary debates,” dagdag na pahayag ng Pangulo.
Sa kabilang dako, inaprubahan na ng House ways and means committee, araw ng Martes, Marso 10, ang isang walang bilang na substitute bill na pinapayagan si Pangulong Marcos na suspindihin o bawasan ang excise tax sa gasolina sa gitna ng alitan ng mga puwersa ng US-Israel at Iran.
Espesipikong pinahihintulutan ng panukalang batas ang Pangulo na bawasan ang excise tax sa mga produktong gasolina sa loob ng anim na buwan sa maximum nito, sa kondisyon na lalampas ang average na presyo ng krudo sa Dubai sa US$80 kada bariles sa loob ng isang buwan bago ang suspensiyon o pagbawas ng excise tax.
Gayundin, isinasaad sa panukalang batas na may karagdagang awtoridad ang Pangulo hanggang Disyembre 31, 2028 lamang.
Sa ulat, lumampas na sa US$100 noong Marso 9 ang presyo ng krudong langis sa Dubai.
Magsasagawa ng pagdinig ang Senate committees on ways and means and energy sa Miyerkoles, Marso 10, sa hindi bababa sa limang panukalang batas na naglalayong payagan ang Pangulo na suspindihin ang excise tax sa langis.
Nauna nang inihayag ni Energy Secretary Sharon Garin ang kaniyang suporta sa panukala, na sinabing maaaring magpababa ng presyo ng diesel ng hanggang P6 kada litro ang dalawang buwang suspensiyon.
Nito ring Martes, sinabi ni Presidential Communications Office Undersecretary at Palace Press Officer Claire Castro na hihintayin ng Pangulo ang ulat ng komite sa iminungkahing panukala bago ito isertipika bilang urgent. (Daris Jose)

Nagpakalat ng private and intimate content, kakasuhan… ARRON, naglabas na rin ng official statement sa viral sex video scandal

Posted on: March 12th, 2026 by @peoplesbalita No Comments

LAST Tuesday, March 10, naglabas na rin ng official statement ang Tarlac Provincial Board Member at aktor na si Arron Villaflor tungkol sa viral sex video scandal na pinagpipiyestahan hanggang ngayon sa social media.
Isa nga si Arron sa tinaguriang “Big 4” kasama sina Gil Cuerva at Nikko Natividad, at Ron Angeles na may leaked sex video.
Sa kanyang Instagram post, nagdesisyon na si Arron na magsalita tungkol sa pinag-uusapang sex scandal.
Panimula ng aktor, “I am formally addressing the unauthorized recording and illegal distribution of private video materials that have been circulating online in recent days.
“My previous statement dated February 27 referred only to old film clips taken from past projects. However, the recent coordinated release of alleged private footage is a serious criminal matter.
Pagpapatuloy pa ni Arron, “The unauthorized recording and distribution of private and intimate content is a clear violation of Republic Act No. 9995 and other laws that protect individuals from digital abuse and violations of privacy.
“As both a citizen and a public servant, I strongly condemn the weaponization of private content and all forms of digital violence. No person deserves to have their dignity violated in this way.”
Pagtatapos sa kanyang statement, “The matter has now been formally referred to the authorities for proper investigation. Out of respect for the legal process, I will refrain from making further comments while the investigation is ongoing.”

(ROHN ROMULO)

Isang malaking sorpresa ang pagkakaroon ng anak… SMOKEY, inamin ang kalagayan ni KIKO na na-diagnose with autism

Posted on: March 12th, 2026 by @peoplesbalita No Comments

ACHIEVE na achieve ni Ashley Ortega ang pagiging kontrabida sa kanyang karakter sa ‘Apoy sa Dugo’.
Ibinahagi ng aktres na sumailalim siya sa konsultasyon sa isang psychiatrist upang mas maunawaan niya ang kanyang karakter na si Angel Sangalang, na may borderline personality disorder.
“In preparation for my character, nag-usap kami ng producer, director, and mga writers, and I also talked to a psychiatrist para mapag-usapan namin kung ano ‘yung disorder ni Angel, and kung ano ‘yung mga behavior na ginagawa niya,” kuwento niya.
Ikinuwento rin ni Ashley na mas naging maingat siya sa pagganap sa kanyang karakter dahil tinatalakay sa serye ang usapin ng mental health.
“The show is about mental health as well, so it is something na we have to take seriously as well, kasi sensitive siya, kasi may mga tao talagang ganon na disorder, so I really have to take care of my character,” paliwanag niya.
“Kasi parang ito rin ‘yung point of view nila, I mean ayun rin ‘yung sinabi ko kila Direk na bilang antagonist, ayoko ‘yung nagma-maldita lang siya for the away away lang,” aniya.
Dagdag pa niya, “Parang sabi ko game naman na magkaroon ng mga breakdowns si Angel. Basta may pinanggalingan para makita rin ng mga tao ‘yung mga taong pinagdadaanan ‘yun. Meron talaga silang pinanggagalingan and may mga trigger moments sila.”
***
NAGING isang malaking sorpresa para sa actor na si Smokey Manaloto at sa kanyang non-showbiz partner nang i-welcome nila ang anak na si Kiko noong 2022, lalo na at 51 na siya nang magkaroon ng anak.
Isang “welcome accident” ang pagkakaroon niya ng anak, lalo na at matagal na niyang gustong mangyari ito.
“I’ve always wanted to have a kid. Kaso lang, ang problema, I haven’t found the perfect partner to have a kid with. And now, I’m very happy, very satisfied that the person I am with right now, I can truly say is my soulmate,” sabi ni Smokey.
Pero inamin din ni Smokey ang kalagayan ng kanyang anak.
“My son is diagnosed with autism. He’s in the spectrum and it’s tough, pero every milestone — alam mo, napapansin ko nga na ibang tao, they take for granted ‘yung maliliit na mga bagay na nagagawa ng anak.
“Pero for a parent who has a kid who’s on the spectrum, the small things mean a lot. Tapos it’s very emotional for me to talk about it pero I really, really love my kid, kahit ano pa siya.”
Ayon pa ng ‘Born To Shine’ cast member, mas na-a-appreciate niya ngayon ang maliliit na bagay na nagagawa ng anak niya na madalas ay hindi napapansin ng ibang magulang.
***
HINDI raw muna titira ang singer na si Rihanna sa kanyang Beverly Hills mansion pagkatapos na pagbabarilin ito ng isang stalker.
Ayon sa report ng TMZ, ang stalker na bumaril sa mansion ng “Umbrella” singer ay nagngangalang Ivanna Ortiz.
“Ivanna Ortiz was booked for attempted murder at 2:06 a.m. Monday. Her bail has been set at $10.225 million.”
Pinost pa raw ni Ortiz sa social media ang pagratrat niya ng AR-15 type rifle sa bahay ni Rihanna
Sa isang YouTube video, sinabi ni Ortiz na: “Rihanna’s face is the devil. I don’t like her and she’s always trying to steal from me… She only did her little music thing so she could do witchcraft and so that she can steal from people. Yeah, she’s a witch. I’m a watchman. She’s a witch… Get that stupid girl out of here.”
Kinasuhan na si Ortiz for attempted murder.

(RUEL J. MENDOZA)

Marami ang kinikilig sa nabubuo nilang tandem… JILLIAN, nababaitan kay EMAN at willing makasama sa project

Posted on: March 12th, 2026 by @peoplesbalita No Comments

MARAMI ang kinikilig sa nabubuong tandem nina Jillian Ward at Eman Bacosa Pacquiao.
At ngayong kakapirma lang ni Jillian ng renewal contract niya on her 16th year sa Sparkle GMA Artist Center, papayag ba siya kung sakaling magkakaroon ng project sa GMA na sila ni Eman ang magkapareha?
“If that means na mas lagi kaming magkikita, siguro yes,” ang tumatawang bulalas ni Jillian.
“Well siyempre open po ako and sobrang bait niya po e, as in,” pagtukoy pa ni Jillian sa binatang anak ng Pambansang Kamao na si Manny Pacquiao.
“Kahit this morning he texted me, nangangamusta siya. So if I will be working with somebody that supportive, why not, di ba?”
Ano ang opinyon ni Jillian tungkol sa mga loveteams sa Philippine showbiz?
“Kasi po, ano iyan e, to each to their own, siyempre kung saan kumportable ang isang artista, but personally, when I was younger gusto ko talaga na, I wanna do everything solo pero ngayon I’m open to everything.
“Kasi gusto ko po talagang matuto pa and maging versatile talaga.”
Ano ang career plans para kay Jillian this year?
“Well sobrang dami po akong plans for this year and the next few years pa po.
“Siyempre gusto ko pong ma-challenge yung sarili ko in terms of acting and I want to kumbaga mag-grow pa po in terms of my performer side.
“Gusto ko po talaga na ma-master ko yung craft ko this year so mas marami po akong mga ginagawang trainings.
“I’m planning to do more workshops, more classes para po sa dancing, singing and acting,” sinabi pa ni Jillian, ang itinuturing ngayon na Star of the New Gen.

(ROMMEL L. GONZALES)