PINANGUNAHAN ni Mayor John Rey Tiangco at Vice Mayor Tito Sanchez ang pamamahagi ng noche buena family food packs at pinansyal na tulong sa mga pamilyang naapektuhan ng sunog sa Barangay Tanza 2 na kasalukuyang nasa evacuation center sa Tanza National High School. (Richard Mesa)
- June 22, 2026
Ang Diyaryong Pinagkakatiwalaan
Archive for December 27th, 2025
REP. TIANGCO: ‘NON-NEGOTIABLE’ BAGO ANG BOTOHAN SA 2026 GAA
NAGBABALA si Navotas City Representative Toby Tiangco na bago ang Disyembre 29 vote sa iminungkahing 2026 General Appropriations Act (GAA) na ang buong budget allocations is non-negotiable.
Sinabi ni Tiangco na ang House of Representatives ay dapat maglabas ng detalyadong impormasyon kung paano ibinabahagi ang mga pondo sa bawat distrito ng kongreso at bawat party-list bago bumoto ang mga mambabatas sa pambansang badyet.
“Dapat ipost na sa website ng Congress ang per district at per party-list DPWH allocations para sa proposed 2026 GAA bago ang botohan sa December 29. Full disclosure is non-negotiable,” pahayag ni Tiangco.
“Since October 13 ko pa hinihingi ito. Tapos na ang bicam, kailangan ipakita ang resulta,” dagdag niya.
Nagbabala siya na kung walang pagsisiwalat, walang paraan ang mga mambabatas para beripikahin kung ang ilang distrito o party-list group ay nakatanggap ng disproportionate budget increases.
“Kapag hindi ito inilabas, mahirap magbigay ng boto dahil walang paraan para ma-check kung may mga distrito o party-list na lumobo ang budget. Dapat siguraduhin na hindi na maulit ang nangyari sa 2025 GAA, na may mga distrito na biglang lumobo ang budget dahil pinasukan ng pondo na hindi alam ng district representative,” giit ni Tiangco.
Binanggit din niya ang kakulangan ng transparency sa mga alokasyon ng party-list noong nakaraang badget cycle, na binanggit na walang malinaw na paraan upang matukoy kung magkano ang pondo na natanggap ng bawat grupo.
“Walang malinaw na paraan para malaman kung magkano ang budget ng bawat party-list. Hindi na dapat maulit ang nangyari sa Tingog, Ako Bicol, at BHW na napakalaki ng mga budget sa bicam. Tingog topped the list with P5.96 billion, followed by Ako Bicol with P2.295 billion and BHW with P2.064 billion. Paano natin masisigurado na hindi na ito mangyayari kung hindi ilalabas ang listahan?” dagdag niya.
Binigyang-diin niya ang agarang pangangailangang ilathala hindi lamang ang pagkasira ng mga alokasyon bawat distrito at party-list, kundi pati na rin ang mga partikular na programa at proyekto kung saan sa huli ay ipapamahagi ang mga pondong ito.
“Importante na alam ng mga mamamayan kung magkano ang budget ng kanilang distrito at kung sinu-sino ang proponent ng mga proyektong ito. Kung walang itinatago, ilabas nila ang listahan. Kung ayaw ilabas, natural lang na isipin na may tinatago,” aniya.
Ayon kay Tiangco, ang ganap na pagsisiwalat sa publiko bago ang botohan ay mahalaga upang matiyak ang pananagutan, matalinong paggawa ng desisyon, at tiwala ng publiko sa paghawak ng Kongreso sa pambansang badyet.
“Kailangan mailabas ito para maiwasan ang substandard at ghost projects, dahil alam ng mga mamamayan ang mga proyekto sa kanilang lugar,” pagwawakas niya. (Richard Mesa)
Mas marami pang personalidad sa flood control mess ang makukulong ngayong Bagong Taon- PCO
MARAMI PANG indibidwal ang inaasahang mapananagot ngayong Bagong Taon, habang gumugulong at nagpapatuloy ang imbestigasyon ukol sa flood control anomaly.
Ito’y matapos na kilalanin at tanggapin ng ilang quarters ang controversial contractor couple na sina Pacifico “Curlee” Discaya at Cezarah Rowena “Sarah” Discaya, bilang mga “bagong Napoles.”
Sinabi ni Presidential Communications Office (PCO) Acting Secretary Dave Gomez na ang ‘unexplained wealth’ ng Discaya couple ay “ten times” na mas malaki kaysa sa ill-gotten wealth ng mga Napoles.
Sinabi ni Gomez na ang mga sangkot sa flood control mess ay mabilis na napanagot, idagdag pa na ang mga Discaya ay nag-Pasko sa kulungan.
“The flood control investigation does not end on Dec. 25. It’s only been a little over four months,” ayon kay Gomez.
“The Napoles probe took almost a year before people were sent to jail. There will surely be more thrown behind bars in the New Year,”aniya pa rin.
Sa kabilang dako, sinabi naman ni Presidential Communications Office (PCO) Undersecretary at Palace Press Officer Claire Castro na ang laban ng administrasyong Marcos kontra korapsyon ay “far from over.”
Ang lahat aniya ng kaugnay at makabuluhan na investigative bodies, kabilang na ang Independent Commission for Infrastructure, ay nagtatrabaho para makapangalap ng ebidensiya upang ang mga culprits o salarin ay mapanagot para sa kanilang ilegal na gawain.
“Rule of law should always be observed, and mere hearsay evidence is generally inadmissible and has no room to be entertained,” ang winika ni Castro.
“President Marcos, Jr. is clear in his pronouncement, ‘Managot ang lahat ng dapat managot ,’ whether they are relatives, friends, and allies,” aniya pa rin.
(Daris Jose)
Mister na akusado sa statutory rape sa Valenzuela, isinelda
MAGPA-PASKO sa loob ng selda ang isang mister na wanted sa kaso ng statutory rape matapos masakote ng pulisya sa manhunt operation sa Valenzuela City.
Ayon kay Valenzuela Police Chief P/Col. Joseph Talento, may warrant of arrest na inilabas ang Valenzuela Regional Trial Court (RTC) Branch 172, noong December 12, 2025 para sa kasong Statutory Rape laban sa 45-anyos na akusado.
Nang makatanggap ng impormasyon ang mga tauhan ng Malinta Police Sub-station 4 hinggil sa kinaroroonan ng akusado, agad nilang ikinasa ang operation laban dito.
Dakong alas-2:00 ng hapon nang tuluyang makorner ng mga tauhan ng SS4 ang akusado sa kahabaan ng Salambao Street, Barangay Wawang Pulo.
Hindi naman umano pumalag ang akusado nang isilbi ng pulisya ang warrant na walang inirekomendang piyansa para sa kanyang pansamantalang paglaya.
Pinuri naman ni Northern Police District (NPD) District Director P/BGen. Christopher Dela Cruz ang Valenzuela CPS sa kanilang pagsisikap sa paghahanap ng mga taong wanted para mapanagot sa nagawa nilang kasalanan at mabigyan ng hustisya ang kanilang mga naging biktima. (Richard Mesa)
2 grupong nagrambulan sa kalsada, viral sa social media, 6 timbog
TIMBOG ang anim na kalalakihan matapos magrambulan makaraang mabilis na kumalat sa social media ang video ng pangyayari sa Valenzuela City.
Sa kanyang ulat kay Northern Police District (NPD) District Director P/BGen. Christopher Dela Cruz, kinilala ni P/Col Joseph Talento, hepe ng Valenzuela City Police Station (VCPS) ang mga dinakip na sina “Jonathan”, 26, “George”, 30, “Mark”, 31, “Ariel”, 29, “Mark”, 33, at “Bernard”, 32.
Ayon kay P/Cpt. Jhonnie Beltran, Sub-Station 3 commander, ang unang grupo ay tatlong lalaking sakay ng isang SUV na pawang mga empleyado ng isang Gay bar habang ang ikalawang grupo ay tatlong lalaki rin na sakay naman ng motorsiklo na aniya’y aminadong nakainom ang anim na mga sangkot.
Lumabas sa imbestigasyon, nagkagitgitan umano ang dalawang grupo sa Mac Arthur Highway, BBB, Brgy., Marulas hanggang sa babaan ng mga nasa SUV ang mga sakay ng motorsiklo at nang magpang-abot ay nagsapakan ang mga ito.
Sa presinto, nagkaayos ang dalawang grupo at nagkasundong hindi na magsasampa ng reklamo ang magkabilang panig.
Gayunman, nasa kustodiya ng VCPS ang anim na arestado na nahaharap sa kasong paglabag sa Article 155 (Alarms and Scandal) ng RPC, at karagdagang RA 10054 (Motorcycle Helmet Act of 2009) sa grupo ng mga sakay ng motorsiklo.
“Huwag magmamaneho kung nakainom at maging mahinahon sa kalsada.” paalala ni Col. Talento. (Richard Mesa)
LTO NAGLABAS NG SCO KAUGNAY NG VIRAL NA HIT-AND-RUN NA KINASANGKUTAN NG ISANG TOYOTA CAMRY
PINAGPAPALIWANAG ng Land Transportation Office (LTO) ang may-ari at driver ng isang Toyota Camry, na nasangkot sa viral video na nagpapakita ng hinihinalang hit-and-run incident.
Batay sa video, makikita ang Toyota Camry na bumibiyahe sa kalsada kung saan nasagi ng isang motorsiklo ang hulihang bahagi ng sasakyan. Dahil sa insidente, nawalan ng kontrol ang motorsiklo na naging sanhi ng pagbagsak sa kalsada ng driver at ang nakaangkas na pasahero nito. Makaraang mangyari ito, patuloy na umabante ang sasakyang nakasagi papalayo mula sa pinangyarihan ng insidente.
Dahil dito, inatasan ni LTO Chief, Assistant Secretary Markus V. Lacanilao, ang nakarehistrong may-ari at ang itinalagang driver ng Toyota Camry, na personal na humarap sa LTO- Intelligence and Investigation Division (IID) sa East Avenue, Quezon City, sa ika-6 ng Enero 2026 (Martes).
Inaatasan silang magsumite ng kanilang sinumpaang komento o paliwanag kung bakit hindi dapat managot sa kasong administratibo ang driver ng naturang sasakyan dahil sa Reckless Driving, at kung bakit hindi dapat bawiin o suspendihin ang kaniyang lisensya dahil sa pagiging isang Improper Person to Operate a Motor Vehicle.
Habang isinasagawa ang imbestigasyon, ipinag-utos ni Asec. Lacanilao na isasailalim sa preventive suspension sa loob ng siyamnapung (90) araw ang lisensya ng drayber. Inaatasan din siyang isuko ang kanyang driver’s license sa mismong petsa ng itinakdang pagdinig. Inilagay din sa ilalim ng alarm ang Toyota Camry habang nagpapatuloy ang imbestigasyon.
Binigyang-diin ni LTO Chief Lacanilao na ang kabiguang humarap at magsumite ng kinakailangang beripikado o sinumpaang paliwanag ay ituturing bilang pagtalikod sa karapatang marinig, at ang kaso ay papasyahan batay sa mga ebidensiyang nasa talaan ng LTO.
Muling iginiit ni Asec. Lacanilao na mahigpit ang alituntunin ng LTO sa pagtitiyak ng kaligtasan sa kalsada at sa pananagutan ng mga motorista sa paglabag sa mga batas trapiko, lalo na kung nalalagay sa panganib ang buhay ng publiko at mga kapwa motorista sa lansangan. (PAUL JOHN REYES)
Pagdiriwang ng Pasko sa Luneta buhay na buhay pa
DAGSA pa rin ang tao sa Rizal Park o Luneta na mas piniling mag-bonding sa araw ng Pasko na matagal nang nakaugaliang puntahan lalo ng mga pamilyang Pinoy.
Maaga pa ay makikita na sa nasabing parke ang grupo-grupo ng mga nagkakasiyahan na pawang mga naglatag ng mga banig, at iba pang uri ng sapin para sa kanilang upuan at higaan habang nasa tabi ang mga baong pagkain.
Ilan din ang may dala dalang sariling upuan at mga pet o alagang aso.
Isang malaking picnic area ang Luneta na may magandang tanawin at open-air para sa mga nagtitipid na pamilya o mga limitado lamang ang badyet ngayong okasyon.
Patunay na hindi pa rin kumukupas ang halaga ng Luneta sa usapang tradisyunal na pamamasyal na tinatangkilik ng mga Pinoy sa loob ng maraming dekada.
Pinagtanggol ni Sofia ang kanyang coach and mentor… ZACK, tinawanan lang ang isyu dahil siguradong ‘di mabaho
PINAGTANGGOL ng ‘The Voice Kids’ season 2 champion na si Sofia Mallares ang kanyang coach and mentor na si Zack Tabuldo sa issue na may naamoy na hindi maganda rito noong mag-perform ito sa University of Santo Tomas (UST) Paskuhan.
Nag-share si Sofia ng photo na magkayap sila ni Zack during the finals of The Voice Kids at may caption na: “I can attest… Mabango po talaga si Coach Zack!! Hindi po nakakadagdag sa buhay mo ang bashing, pero nakakasira sa buhay ng iba. Is that what you want to contribute to the world?? I hope that bashers and trolls find peace of mind and heart.”
Bukod kay Sofia, pinagtanggol din si Zack ng ibang netizens at mga kaibigan sa industriya.
Tinawanan na lang ng singer ang issue sa kanyang pinost na video on social media.
“Sabi nila, ‘Tindi ng amoy n’ya, beh, nu’ng andiyan kami.’ Sure ba kayo ako ‘yun? Baka naman… ewan ko. Okay, noted. Next gig, bawal mag-gray shirt tsaka fitted kasi pawisin po ako, pero promise, ‘di po tayo mabaho.”
***
BINALIKAN ni Sparkle artist Charlie Fleming ang naranasan niyang panic attack sa loob ng Bahay ni Kuya.
Isa raw iyon sa pinaka-memorable niyang journey ngayong 2025.
“’Yung pinakamalala kong moment talaga sa loob ng bahay is nag-panic attack ako na hindi nila inere ‘yun, and that’s why naging close kami ni Ate Michelle Dee
“I was having a panic attack parang early symptoms na siya, nasa corner ako ng room sa Bahay ni Kuya. There was a corner na I was sitting at and then, kasi I was breathing, kasi I noticed na parang hala hindi na ako makahinga, iiyak na ako tapos biglang lumapit si Kira [Balinger] then lumapit si Josh [Ford] tapos unti-unting na-notice na nila na parang may panic attack na akong nangyayari, and they don’t know what to do.
“They kept coming closer, they kept surrounding me and mas lalo akong na-overwhelm, mas lalo akong umiyak, and then sabi ko talaga “No, it’s okay, I’m okay” gumaganon ako, humahagulgol ako na hindi makahinga.”
Laking pasasalamat ni Charlie nang lapitan at tulungan siya ni Michelle upang makontrol muli ang kanyang paghinga.
“Ate Michelle, na-notice niya, and she knew how to handle it kaya nilapitan niya ako tapos she’s just ‘Everyone, move away’ ganon tapos si Ate Michelle, ako tapos she let everyone move away, I couldn’t even look at them like hindi ako nakatingin talaga sa kanila ng maayos.”
Inamin ni Charlie na inabot siya ng tatlong oras bago tuluyang naka-recover mula sa panic attack habang nasa confession room siya.
(RUEL J. MENDOZA)
Ranking ng MMFF entries, magbabagjo after ng awards night… ‘Call Me Mother’ ni VICE GANDA, nangunguna sa takilya tulad ng inaasahan
KATULAD nang inaasahan, sa opening day ng 51st Metro Manila Films Festival noong araw ng Pasko, mangunguna sa takilya ng pelikulang Call Me Mother nina Vice Ganda at Nadine Lustre, kasama ang batang si Lucas Andalio na talaga namang marami ang pinahangan sa ginanap na MMFF Premiere Night noong December 23 sa SM Megamall.
Ayon sa bali-balita naka-49M pesos daw ang kinita ng naturang pelikula.
At katulad ng mga nagdaang taon, hindi naglabas ng official box-office results ang pamunuan ng MMFF sa first day ng naturang film festival.
Positive nga ang feedbacks sa ‘Call Me Mother’ sa premiere night hanggang sa first day of showing kaya siguradong makukuha na nila ang Top 1 sa buong pagpapalabas ng pelikula hanggang sa January.
Sumunod naman na tinangkilik ng mga Pinoy ay ang ‘Shake, Rattle & Roll: Evil Origins’, na sa umpisa pa lang ay hinulaan na tatabo rin sa takilya kahit na media malayo sa kinita ng pelikula ni Vice Ganda.
Nasa Top 3 din namin na kikita sa takilya ang UnMarry nina Angelica Panganiban at Zanjoe Marudo, na tiyak na lalakas pa pagkatapos ng awards night na mangyayari ngayong gabi sa Dusit Thani Manila sa Makati City.
Paniwala ng mga unang nakapanood sa premiere night, posibleng humakot ito ng awards, puwede pang rumatsada sa takilya at mag-number 2.
Sumunod naman sa UnMarry na pinakamalakas sa takilya ay ang Bar Boys: After School.
Kaya nag-post ang 901 Studios na may additional cinemas ang movie nina Carlo Aquino, Rocco Nacino, Enzo Pineda, Kean Cipriano, Will Ashley, at Odette Khan. Inaasahan naming mananalo sina Will at Ms. Odetter ng acting awards.
Samantala, nasa panlimang puwesto raw ang Love You So Bad nina Will Ashley, Bianca de Vera, at Dustin Yu.
Sumunod naman ang pinag-uusapang I’mPerfect nina Earl Amaba at Krystel Go, ang mga aktor na parehong may Down syndrome.
Nasa ika-pitong puwesto ang Manila’s Finest nina Piolo Pascual at Enrique Gil.
At panghuli ang Rekonek nina Gerald Anderson, Legaspi family, Bela Padilla, Andrea Brillantes, at Gloria Diaz.
Ayon lumabas na balita, umabot daw ng PHP98M ang kinita ng walong pelikulang kalahok sa unang araw at kalahati nito ay ang kinita ng Call Me Mother.
Tama rin ang desisyon ng MMFF na walong pelikula lang ang official entries, para lahat ay puwede pa ring kumita.
Ayon naman sa post ng MMFF sa kanilang Facebook page, dumagsa ng moviegoers sa mga sinehan after ng Christmas day, dagsa rin today, dahil nag-umpisa na ring magami ang complimentary pass ng MMFF 2025.
Samantala, kaabang-abang naman ang magiging resulta ng ’51st MMFF Gabi ng Parangal’ na gaganapin ngayong gabi sa Dusit Thani Hotel, Makati City.
May livestream ito umpisa 8:00 P.M. sa Facebook page ng TV5.
Bukas, araw ng Linggo, tiyak na lalong dadagsa ang manonood dahil nahayag na ang mga nanalo sa 51st MMFF.
***
Purple Hearts Foundation, naghatid ng saya sa Year-End Gift-Giving Outreach
MATAGUMPAY na isinagawa ng Purple Hearts Foundation ang kanilang year-end outreach progr
am na pinamagatang “Purple Hearts Foundation Gives Back” sa Kryzl Farmland, kung saan 150 kabahayan mula sa mga kalapit na barangay ang nabiyayaan ng tulong, saya, at makabuluhang samahan.
Bawat kabahayan ay kinatawan ng buong pamilya—mga magulang at anak—bilang pagpapakita ng paniniwala ng Foundation na ang tunay na diwa ng pagbibigay ay mas nararamdaman kapag magkakasama ang pamilya.
Ang programa ay pinangunahan nina Love Kryzl at ng kanyang mga kapatid, na personal na nagplano at lumahok sa gift-giving, mga laro, at salu-salo. Bilang pasasalamat sa patuloy na biyayang kanilang natatanggap sa pamamagitan ng Purple Hearts Supplement Products, pinili nilang ibahagi ang tagumpay sa komunidad sa isang personal at taos-pusong paraan.
Bilang bahagi ng outreach, tumanggap ang mga pamilya ng mga grocery package, habang ang mga bata naman ay nabigyan ng mga laruan. Nagkaroon din ng mga laro, raffle, at sabayang tanghalian na nagpatibay ng diwa ng pagkakaisa at pasasalamat.
Kasabay ng programa, inilunsad din ang bagong music video ni Love Kryzl na pinamagatang “Opo, Thank You Po,” isang awiting nagbibigay-diin sa pananampalataya at taos-pusong pasasalamat.
Ang mensahe ng awitin ay lubos na tumimo sa puso ng mga dumalo at nagdagdag ng emosyonal na lalim sa okasyon.
Naging posible ang tagumpay ng programa sa tulong ng Purple Hearts Foundation, Purple Hearts Production, at ng mga kawani ng Kryzl Farmland at Kryzl Gamefarm, na nagkaisa upang matiyak ang maayos, ligtas, at masayang karanasan ng lahat.
Nagtapos ang programa sa isang panalangin ng pasasalamat, na muling pinagtibay ang layunin ng Purple Hearts Foundation na maging patuloy na daluyan ng pagmamahal, malasakit, at serbisyo sa komunidad.
Ngayong Linggo, ilalalabas ang “Opo, Thank You Po” na latest single ni Love Kryzl kasabay ng official music video nito sa Facebook page at YouTube channel ni Love Kryzl.
Sa kasalukuyan ay available na for streaming ang nasabing kanta sa spotify worldwide.
(ROHN ROMULO)
Mula ito sa kinita ng kanyang famous vlog… ALEX, namahagi kasama si MIKEE ng Noche Buena package sa 100 families
EVERY Christmas, namamahagi talaga si Alex Gonzaga ng pang-Noche Buena para sa mahihirap na nakatira sa kalye o kalsada.
At ang ipinamimigay na ito ni Alex ay galing sa lahat ng mga nalikom niya sa pangangaroling mula sa mga bigating pulitiko at negosyante at sa sarili niyang bulsa.
Pero this year, dahil sa pagod na, at nagahol na sa oras. Yung bahagi ng kinita ni Alex sa kanyang famous and well watched vlog ng netizens ang kanyang personal na ipinamili sa supermarket kasama ang bestfriend na si Fifth Solomon at personal assistant na si JC Bagio.
At sangkaterbang grocery items talaga ang binili ni Alex. Siniguro talaga niya yung importanteng daily needs tulad ng kape, asukal, gatas, de lata, noodles, pasta and spaghetti sauce, fruit salad at mustard cake para sa panghanda ang kanyang mga ipagkakaloob.
Ipinamigay niya ito kasama ang mister na si Lipa City Vice Mayor Mikee Morada bago mag-Pasko. Inikot talaga ng famous couple ang mga kalsada kung saan nakatira sa kariton at naglalatag lang ng karton ang mga homeless nating mga kababayan.
At parehong masaya at fulfilled sina Alex at VM Mikee sa kanilang goal na makatulong sa maliit nilang pamamaraan, na kung saan nakapagbigay sila this Christmas sa 100 families.
***
EARLY December pa lang ay sunod-sunod na ang dating ng regalo sa famous celebrity lawyer na si Atty. Maggie Abraham-Garduque.
Galing ang Christmas gifts sa mga friends and super generous clients ni Atty. Maggie. This is their way para pasalamatan ang friend naming lawyer, na base sa record ay marami ng mga naipanalong kaso dito sa iba’t-ibang lugar sa Mega Manila at probinsya.
And wow super fabulous yung gift na natanggap ni Atty. Maggie from her friend Happy Marnique Del Rosario na set of diamonds na ring and earings.
Well, nakapag-build-up naman kasi ng friendship ang nasabing celeb lawyer sa mga ito. At pagdating naman sa kanyang mga client, they are all in good hands.
By the way, sa kanyang social media accounts ay pinasalamatan lahat ni Atty. Maggie ang lahat ng mga nakaalala sa kanya ngayong Pasko.
(PETER S. LEDESMA)