WALANG naka-iskedyul na miting sina Pangulong Ferdinand Marcos Jr. at United States President Donald Trump sa panahon ng 2025 APEC Summit sa South Korea
”At the moment, there is no scheduled meeting with the US leader,” ayon kay Department of Foreign Affairs (DFA) spokesperson Angelica Escalona.
At nang tanungin kung may nakatakdang pagpulong sina Pangulong Marcos at Chinese President Xi Jinping, sinabi ni Escalona na sa ngayon ay walang naka-iskedyul na pulong sina Pangulong Marcos at Xi.
”Also, no scheduled meeting,” ani Escalona.
Sa ulat, kinumpirma ng White House na makakapulong ni Trump ang kanyang Chinese counterpart sa South Korea.
Gayunman, sinabi ng opisyal ng DFA na mayroong dalawang bilateral meetings na pina-plantsa subalit hindi naman nagbigay ng karagdagang detalye ang nasabing opisyal ng departamento.
”We are looking at possibly two bilateral meetings but these are still being finalized,” aniya pa rin.
Sinabi ni Escalona na ang partisipasyon ni Pangulong Marcos ay nakasentro sa pagsusulong ng economic interests ng bansa, mas palalimin ang ugnayan kasama ang APEC members at muling pagtibayin ang commitment sa pananaw ng APEC na a ”more open, prosperous and dynamic Asia-Pacific in a rapidly transforming regional landscape.”
Aniya pa, ang dalawang sesyon ng APEC Economic Leaders Meeting ay inaasahang magbubunga ng outcome documents, kabilang na ang deklarasyon ng mga lider at maging ang tatlong kalatas ukol sa ‘artificial Intelligence, demographic change at cultural creative industries.’
”These topics reflect the priorities set by Korea as this year’s APEC host and tackle trends that impact economic growth across the region,” aniya pa rin.
Maliban sa leaders meeting, dadalo rin ang Pangulo sa Leaders’ Dialogue kasama ang APEC Business Advisory Council o ABAC.
Inaasahan din na magbibigay ng talumpati ang Pangulo sa APEC CEO Summit.
”This gathering brings together representatives from APEC members and top business executives to discuss key economic issues facing the region,” ang sinabi ni Escalona.
( Daris Jose)
- April 18, 2026
Ang Diyaryong Pinagkakatiwalaan
Archive for October, 2025
Miting kay Trump, Xi wala sa iskedyul ni PBBM sa panahon ng APEC Summit — DFA
PCG, naka-heightened alert status para sa Undas
NAKA-HEIGHTENED alert status na ang Philippine Coast Guard (PCG) para sa paghahanda sa paggunita ng Undas 2025 mula Oktubre 30 hanggang Nobyembre 4.
Lahat ng distrito, istasyon at sub-stations ay inatasan ni CPG Commandant Admiral Ronnie Gil Gavan na magpatupad ng mahigpit na pagbabantay sa mga pantalan at dalampasigan sa buong bansa upang matiyak ang kaligtasan ng mga biyahero.
Kasama ang Department of Transportation, Philippine Ports Authority, at Maritime Industry Authority, magbabantay ang PCG sa mga Malasakit Help Desk sa pangunahing pantalan upang magbigay ng agarang tulong at impormasyon sa mga pasahero.
Ang mga medical team, K9 units, at lifeguards ay naka-deploy na rin sa mga pantalan, dalampasigan, at tourist areas para sa seguridad at kaligtasan ng publiko.
Patuloy na pinaaalalahanan ng Coast Guard ang mga biyahero na sumunod sa mga patakaran at makipagtulungan sa mga awtoridad para sa ligtas at maayos na paglalakbay ngayong Undas.
(Gene Adsuara)
Brazilian National naharang sa NAIA, ₱10 milyon na halaga ng liquid cocaine na kumpiska
NAHARANG ng mga awtoridad ang humigit-kumulang 1,899 gramo ng pinaghihinalaang Liquid Cocaine na nagkakahalaga ng ₱10,064,700.00 sa interdiction operation sa Customs International Arrival Area, NAIA Terminal 3, na nagresulta sa pagkakaaresto ng isang Brazilian national nitong Oktubre 24, 2025, sa lungsod ng Pasay.
Ang operasyon, na isinagawa bandang alas-5:00 ng hapon ay humantong sa pagkakaaresto kay “Elysa”, 32 taong gulang, may asawa at isang negosyanteng babae mula sa Chapadinha, Maranhao, Brazil.
Nakumpiska mula sa kanyang pag-aari ang isang itim na brassiere na may label na “DelRio” na naglalaman ng sampung knot-tied transparent latex na piraso na puno ng isang madilaw na likidong substance na pinaghihinalaang Liquid Cocaine, na may kabuuang tinatayang timbang na 1,899 gramo.
Kasama sa iba pang nasamsam na mga bagay ang kanyang Brazilian passport, boarding documents, foreign currency, assorted bank cards, cellphones, at iba’t ibang personal na gamit.
Ang interdiction ay magkatuwang na isinagawa ng mga miyembro ng NAIA Inter-Agency Drug Interdiction Task Group (NAIA-IADITG) na binubuo ng mga tauhan ng Philippine Drug Enforcement Agency (PDEA), Bureau of Customs (BOC), PNP Aviation Security Group (AVSEGroup), Airport Police Department (APD), PNP Drug Enforcement Group (DEG), National Bureau of Investigation (N).
Kakasuhan ang suspek ng Paglabag sa Section 4 (Importation of Dangerous Drugs) sa ilalim ng Article II ng Republic Act 9165, o mas kilala bilang Comprehensive Dangerous Drugs Act of 2002 na may parusang habambuhay na pagkakakulong at multang mula ₱500,000 hanggang ₱10 milyon at depende sa dami ng sangkap.
Ang nakumpiskang substance ay isinumite na sa PDEA Laboratory Service para sa qualitative at quantitative examination. Kasalukuyang nasa kustodiya ng Philippine Drug Enforcement Agency (PDEA) ang suspek para sa inquest proceedings. Ang lahat ng mga operating personnel ay iniulat na ligtas. (PAUL JOHN REYES)
Pinas, kumpiyansa na makaka-attract ng mas maraming investments sa APEC Summit 2025
KUMPIYANSA ang Pilipinas na makapaghahatid ng mas maraming investments sa bansa ang 2025 APEC Summit sa Gyeongju, South Korea sa kabila ng usapin ukol sa korapsyon sa bansa.
Inanunsyo ng Department of Foreign Affairs (DFA), araw ng Martes na magpapartisipa si Pangulong Ferdinand Marcos Jr. sa Summit, nakasentro sa kalakalan at ekonomiya, mula October 30 hanggang November 2.
”Yes, these are opportunities for us to get more investments from the Republic of Korea,” ayon kay DFA spokesperson Angelica Escalona sa press briefing nang tanungin kung ang corruption scandal sa Maynila ay makaaapekto sa mga plano ni Pangulong Marcos na ligawan ang mga investors sa sidelines ng Summit.
Ani Escalona, nagkaroon ng interes ang Pilipinas pagdating sa economic aspect.
At nang tanungin naman si Escalona ukol sa 700-billion won o P28-billion infrastructure loan project sa Pilpinas na ipinag-utos ni President Lee Jae-Myung na itigil, sinabi ni Escalona na naplantsa na ang usaping ito.
”’Yung issue na ‘yun, ‘yung alleged loan, we consider that a closed matter. The Republic of Korea has issued a clarification on this at sinabi na rin ng Korea, they reassured us of their support for advancing development cooperation with the Philippines,” ang sinabi ni Escalona.
Sa kabilang dako, inaasahan naman na magkakaroon ng mga miting si Pangulong Marcos sa mga business leaders sa sidelines ng APEC Summit.
Magkakaroon din siya ng ‘meet and ‘meet and greet’ sa Filipino community sa Busan.
Ani Escalona, mayroong 70,000 na mga Filipino sa South Korea, kung saan 42,000 ay pawang mga overseas Filipino workers. (Daris Jose)
Never na pumasok sa isip niya dahil takot sa Diyos: LOTLOT, nagbigay kanyang opinyon sa talamak na kaso ng suicide
TUNGKOL sa suicide, depresyon, anxiety, multo, at demons ang horror film na “Near Death”.
Isa sa mga lead characters sa pelikula ang mahusay na aktres na si Lotlot de Leon bilang si Salve.
Kaya naman tinanong namin si Lotlot kung sa tunay na buhay ba ay nagkaroon na siya ng mga karanasang may kinalaman sa pelikula?
“Sa multo, oo. May mga…. oo, meron, may experience.
“Pero yung ano, [about suicide], hindi! Lord! Takot ako!
“Oo, mumu lang na-experience ko.”
Ano ang reaksyon o opinyon niya tungkol sa mga kaso ng suicide na talamak dito sa ating bansa at maging sa ibang bansa?
Lahad ni Lotlot, “I think it’s good that everyone should always look out for others.
“Hindi naman masama na kamustahin ninyo or maybe be a little kinder to everyone you meet.
“Kasi hindi natin din alam kung ano yung mga pinagdadaanan nila.
“So, I think that’s also something that they can take out from the film.”
Kasali ang “Near Death” (kung saan si direk Richard ay isa rin sa mga producer ng pelikula) sa Sine Sindak Film Festival sa mga SM Cinemas.
Bida rito si Charlie Dizon kung saan kasama rin sina Xyriel Manabat, Soliman Cruz at RK Bagatsing.
Produced ng Diamond Productions, CMB Films at RVS Studios, ang “Near Death” ay mapapanood sa mga sinehan simula ngayong October 29, 2025.
Samantala, tila may horror filmfest si Lotlot dahil bukod sa “Near Death” ay kasali rin siya sa mga katatakutang pelikula na “KMJS Presents Gabi ng Lagim” ng GMA Pictures at GMA Public Affairs kung saan ina ni Jillian Ward ang role ni Lotlot at sa “Poon” na malapit na ring ipalabas.
***
MAY mga nakatadhana talaga na tamang direksyon para sa bawat artista.
Tulad na lamang ng showbiz career ni Bea Binene.
Nagsimula bilang Kapuso si Bea at nagsimula bilang contestant sa ‘StarStruck Kids’ noong 2004.
Nasundan ito ng marami-rami ring serye at TV shows na nagawa sa GMA.
Hindi man nagkaroon ng solid na ka-loveteam noon sa GMA, ngayon ay sikat ang tambalan nila ni Wilbert Ross sa Viva One; bida sila sa seryeng ‘Golden Scenery of Tomorrow.’
“After GMA 7, nagkakaroon po tayo ng mga project na nagkaroon ng kasama sa show,” umpisang lahad ni Bea.
“But yung masasabing loveteam talaga, ngayon lang ulit dito sa Viva. I am very excited.
“Napaka-talented ni Wilbert.
“Dati ko pa naman sinasabi na I feel like Wilbert is such a very reliable loveteam, at napatunayan ko yun.
“I think masuwerte ka kapag nakahanap ka ng katrabaho at kapartner dito sa industriya that really takes care of you at hindi lang yung mema.”
“I feel very blessed to do this project with Wilbert.
“For this series, we want to know each other more and, I think, we’re still getting to know each other more.
“Dito sa series na ito, talagang we became really closer.
“He’s very into arts. Ako po, medyo maarte lang po ako. Talagang healthy lifestyle siya. Ako, medyo-medyo lang po.
“Pero there are things naman na nagkakasundo kami,” kuwento pa ni Bea.
Bukod kina Bea at Wilbert ay nasa Golden Scenery of Tomorrow rin sina Heaven Peralejo, Marco Gallo, Krissha Viaje, Jerome Ponce, Hyacinth Callado, Gab Lagman, Aubrey Caraan, Lance Carr, Nicole Omillo, at Jairus Aquino.
Sa direksyon ni Victor Villanueva ang streaming nito ay bagong episode kada linggo.
(ROMMEL L. GONZALES)
Sila ang sinisisi sa pagkamatay ni Emman: KUYA KIM, kinastigo ang netizen at tinawag na ‘evangelical bully’
IBANG klase talaga ang ibang Pinoy netizen.
Hindi na halos nag-iisip o lumalabas talaga ang hindi kagandahang pag-uugali.
Kahit na grieving pa rin si Kuya Kim Atienza sa untimely death ng anak na si Emman Atienza, hindi niya napigilang hindi sagutin ang in-appriate comment sa kanila.
Sila ang sinisi ng nagpapaka-relihiyosong netizen. Pinangaralan pa sila at sinabing hindi raw ang Panginoon ang kumuha ng buhay nito, ito mismo ang gumawa sa sarili. At silang mga magulang, hindi nila naprotektahan. Nag-quote pa ng verse sa bible.
Sinagot ito ni Kuya Kim na, “You’re evangelical bully. My Emman did not make that choice as clearly as you make choices. My Emman was clinically depressed.”
Siyempre, marami ang kumampi kay Kuya Kim.
***
JUDY ANN, kinikilig ‘pag tinatawag na Chef Juday
PROUD is an understatement sa na-feel namin kay Judy Ann Santos nang humarap siya sa media.
Masayang-masaya ang actress at very proud na siya ang kinuhang celebrity ambassador ng Kyowa.
Sabi nga ni Juday, “Very grateful! Itong year na ‘to, although, always naman akong grateful sa mga blessing, pero specifically talaga this year, yung tiwala ng mga brands, and Kyowa.”
Hindi raw talaga siya naniwala noong una na nag-inquire ang Kyowa na gagawin siyang ambassador. Ang dahilan, alam daw niya na wala itong ambassador for the longest time.
“Malaki na silang brand, parang hindi na sila maghahanap ng ambassador. They’ve been here for almost four decades. Wala ng kailangang patunayan.”
Sa totoo lang, perfect naman talaga si Juday bilang ambassador ng Kyowa dahil nagre-resonate ito sa kanyang totoong personalidad.
Napakahusay ni Juday na during her younger years, talagang 24/7 siya halos mag-trabaho. Pero nang mag-asawa, nagawa niyang balansehin o mas i-prayoridad ang family life.
Pero heto, very relevant pa rin. Bukod nga sa mga endorsements, ang taon din na ito ang nagbigay sa kanya ng left and right awards.
At hindi lang siya Queen of Soap Opera, kinikilig daw siya lalo kapag naririnig ang tawag sa kanya bilang ‘Chef’ o ‘Chef Juday.’
(ROSE GARCIA)
Nag-viral ang photo nila ni First Lady Liza: KRIS, muling ibinahagi ang pagbo-voice lesson ni BIMBY
MULING ibinahagi ni Kris Aquino ang patuloy na pagbo-voice lesson ng anak na si Bimby Yap kay Coach Thor, na kung saan kinakanta nito ang ’Nandito Ako’ ni Ogie Alcasid.
Sa kanyang instagram post, “Bimb’s ongoing music classes and afterwards his stage performances lessons plus Kuya’s therapy and workout sessions keep our home a busy one.
“I’m blessed my 2 boys don’t complain about the many times in a day they need to shower before coming into my room to hug and kiss me. I’m a mama doing her best together with her sons and my nurses, my doctor lives with us because pain management is so important for me to become active with personalized physical therapy.”
Kaya naghahanap si Kris ngayon ng, “Looking for a very good licensed P.T. Plus 2 male nurses to add to my team as well as 2 male caregivers for night duty.
“Lastly, we need a chef who is aware about nutritional needs and calorie counting as well as portioning for kuya. I like the idea of bento boxes. I realize how busy you are because of the season- 2X a week is all we need.”
Dagdag pa niya, “Good Night @michaelleyva_only for you would i have climbed your endless steps. To think the @chefjessiesincioco’s catered lunch was my birthday gift and my #happy10thanniversary reminder.
“Para kay nanay whom i promised she’d be able to listen to a sample of my bimb’s singing. Have a healthy weekend.”
Samantala, dumalo siya sa birthday ni Michael Leyva, ito ang first public appearance niya. Makikita nga sa hitsura ni Kris na tumataba na siya at gumaganda na rịn ang kanyang awra. At mukhang gumagaling na siya nang pakonti-konti.
Nag-viral naman ang photo niya na kasama si First Lady Liza Marcos, na kuha sa naturang birthday event ni Michael.
***
“GUILTY” ang naging hatol ng korte sa kasong Acts of Lasciviousness na isinampa ni Kapuso Actress Rita Daniela laban sa aktor na si Archie Alemania.
Sa Instagram account ni Rita, ipinahayag niya ang nararamdamang kaligayahan matapos malamang pumabor sa kanya ang desisyon ng Bacoor Municipal Trial Court sa kaso.
Inialay din niya ang nakuhang hustisya sa lahat ng mga nabiktima rin ng pang-aabuso tulad niya.
Hanggang isang taong pagkakulong ang sintensiya ng korte kay Archie at babayaran din niya si Rita ng P20,000 in civil indemnity at P20,000 in moral damages.
“The justice I received today is not just for me. This is also for all the women and me who were abused, harassed, and molested that didn’t have the voice and platform to fight for their own rights,” pahayag ni Rita.
“So, I am celebrating with justice with you. Today, we all won. We won. God loves us.”
Matatandaang idinemanda ni Rita si Archie noong October, 2024 matapos na hawakan at haplusin ng aktor sa ilang bahagi ng katawan nang walang pahintulot.
Naganap daw ito nang ihatid ni Archie si Rita sa kanilang bahay matapos um-attend sa thanksgiving party ni Bea Alonzo para sa buong production para sa kanilang serye na “Widow’s War”.
Naghain naman si Archie ng counter-affidavit laban sa Acts of Lasciviousness case na isinampa ni Rita pero kinontra rin ito ng aktres sa pamamagitan ng six-page reply affidavit.
(ROHN ROMULO)
Nakatanggap ng P5 million production grant: Seven full-length official entries ng ‘Puregold CinePanalo 2026’, ini-reveal na
NAGANAP na ang big reveal ng seven official entries sa full-length category ng Puregold CinePanalo 2026, noong Sabado, October 25 sa Cinema 12 ng Gateway Cineplex 18.
Sa big screen may nakita ang isang babaeng kinukuha ang cocktail can na kung saan nakasulat ang titulo ng pelikula. Ang cinematic moment na ito ay nagdulot ng drama at excitement sa mga magagaling na filmmaker na ang mga pangarap na proyekto ay nakatakdang mabuhay.
Mula sa 203 entries na masusing kinalatis at in-screen, umabot ito sa 70 entries na sa tingin ng filmfest committee na most qualified, na na-trim down sa 33 entries.
Hanggang sa tuluyan na nilang nasala ang 15 semi-finalist at mula rito ay napili nga ang pitong pelikulang magtutunggali sa patuloy na lumalaganap na Puregold CinePanalo.
Kinabibilangan ito ng ‘Wantawsan’ ni Joseph Abello, ‘Mono No Aware’ ni BC Amparado, ‘Apol of My Ai’ ni Thop Nazareno, ‘Patay Gutom (Dead Hungry)’ nina Carl Papa at Ian Pangilinan, ‘Beast’ ni Lawrence Fajardo, ’Stuck on You’ ni Mikko Baldoza, at ‘Multwoh’ ni Rodina Singh.
Tulad ng naunang inanunsyo, ang bawat isa sa pitong entries ay tatanggap ng production grant na P5,000,000 at ng pagkakataong makipag-compete para sa mga parangal sa festival.
Ang mga napiling feature films ay ipapalalabas sa big screen kasama ng dalawampung maikling pelikula na eksklusibong ginawa ng mga student filmmakers.
Bilang karagdagan sa mga cinematic reveal videos, ipinakita rin ng event ang retail roots nito sa pamamagitan ng paggawad sa bawat isa sa pitong opisyal na entry ng higanteng stylized grocery receipt na nagpapahiwatig ng kanilang record-breaking production grant.
“The upcoming 2026 Puregold CinePanalo is going to be the festival’s biggest installment yet,” pahayag ni Puregold Senior Marketing Manager Ivy Hayagan-Piedad. “It was only right that we revealed the Top 7 films with a splash of our own.”
Pinaninindigan din ng mga organizer ng Puregold CinePanalo na ang bawat isa sa pitong pelikula entries ay tiyak na magpapahanga sa mga manonood at matutugunan ang matataas na inaasahan na itinakda ng tagumpay ng mga nakaraang festivals nito.
“Puregold CinePanalo is giving its biggest grants to date, largesse that all seven participants truly deserve by showing us the passion, creativity, and ‘panalo sa husay spirit that only Filipino filmmakers can bring,” ayon naman kay festival director Chris Cahilig.
“These films are going to make audiences laugh, cry, and everything in between. We can hardly wait for audiences to see what lies ahead at the festival.”
Ngayon sa ikatlong taon nito, ang Puregold CinePanalo ay nagsilbing plataporma para sa matatapang na Filipino filmmakers sa pagbuo ng kanilang mga pangarap na proyekto, ang ilan sa mga ito ay napiling lumahok sa mga international film festival sa buong Europe, Asia, at Africa.
“Puregold has always believed in the power of supporting and nurturing Filipino artists.” Sabi pa ni Hayagan-Piedad.
“It is one of Puregold’s greatest prides that CinePanalo has grown to this level and given so many Filipino filmmakers the chance to produce world-class movies. We have no doubt that the seven films competing next year will be no exception.”
Ang 2026 Puregold CinePanalo ay gaganapin sa susunod na taon sa Gateway Cineplex 18 at Ayala Malls. Ang Festival ay buong pagmamalaki na sinusuportahan ng Canon Marketing Philippines, CMB Film Board Services, Terminal Six Post, IM Rentals, Asia Pacific Film Institute, Stage Post Audio Classification at Music Productions Inc., ang Film Development Council of the Philippines, at ang Movie and Television Review and Classification Board.
Para sa karagdagang impormasyon sa Puregold CinePanalo, maging updated sa pamamagitan ng official Festival Facebook page sa facebook.com/puregoldcinepanalo
(ROHN ROMULO)
Balitang kasal sa December, ayaw pag-usapan: CARLA, naghahanap ng trabaho para sa kanyang aso at pambayad ng tax
NAUSISA si Carla Abellana tungkol sa napapabalitang kasal niya sa isang doktor sa December 27, 2025.
“Kung totoo man po iyon o hindi, of course that’s part of my private life.
“I would like to keep it private. Sa rami naman po ng aking pinagdaanan na very publicized before, may choice naman po ako, kumbaga, kung ilalabas ko po yun or hindi, if I want to keep it private.
“So, kung may kailangan man po akong sabihin, sa akin po manggagaling yun nang diretso at hindi po sa iba,” pahayag ni Carla.
Kasama si Carla sa ‘Shake, Rattle & Roll: Evil Origins’ na isa sa mga entries sa MMFF 2025 at dahil mahusay na aktres si Carla, malamang pasok siya sa mga nominado bilang Best Actress.
A-attend ba siya kung sakali sa awards night ng MMFF 2025 na saktong sa December 27 idaraos?
“Aba, siyempre naman po! Bakit hindi?”
Iyon din ang napababalitang araw ng wedding niya.
Engaged na nga ba talaga siya?
“I invoke my right to self-incrimination. So I refuse to say yes, I refuse to say no.”
Sobrang busy ba siya sa December?
Aniya, “Hindi po. Hindi po ako busy ng December. Naghahanap po ako ng trabaho.”
Siguradong todo ang promo nila para sa ‘Shake, Rattle & Roll: Evil Origins’ kung saan artista rin sina Ivana Alawi, Francine Diaz, Kaila Estrada, Fyang Smith, Loisa Andalio, Manilyn Reynes, Janice de Belen, Ysabel Ortega, Ashley Ortega, Elijah Alejo, Richard Gutierrez, Ryan Bang, JM Ibarra, Dustin Yu and Seth Fedelin, directed by Shugo Praico, Joey de Guzman and Ian Lorenos…
“Parang tatlo lang po yata yung promo namin sa Shake, Rattle & Roll. Bigyan niyo po akong trabaho, please.
“Please po, more work. Wala na pong pangkain yung aking mga aso,” sinabi pa ni Carla.
“Wala na pong pambayad ng tax ko next week. PHP364,000 po ang aking ano, hindi ko po alam kung saan pupulutin iyong aking pambayad sa tax,” bulalas pa niya bilang isang law-abiding citizen.
Ang iba pang MMFF entries sa December 25 ay ang ‘Call Me Mother’ starring Nadine Lustre and Vice Ganda, directed by Jun Robles Lana; ‘Rekonek’ starring Gerald Anderson, Gloria Diaz, Alexa Miro, Carmina Villaroel, and Zoren Legaspi, directed by Jade Castro; ‘Manila’s Finest’ starring Piolo Pascual, directed by Rae Red; ‘Love You So Bad’ na collab ng ABS-CBN Films at GMA Pictures starrring “Pinoy Big Brother” alums Bianca de Vera, Dustin Yu and Will Ashley directed by Mae Cruz-Alviar; ‘UnMarry’ nina Angelica Panganiban at Zanjoe Marudo directed by Jeffrey Jeturian; Bar Boys: After School nina Carlo Aquino, Kean Cipriano, Enzo Pineda, Klarisse de Guzman, Will Ashley directed by Kip Oebanda at ang ‘I’mPerfect’ nina Sylvia Sanchez, Tonton Gutierrez, Joey Marquez at Lorna Tolentino with newbies Krystel Go at Earl Amaba directed by Sigrid Andrea Bernardo.
(ROMMEL L. GONZALES)
Matatagalan bago magkita at magkausap: ALLEN, suportado si SOFIA sa pagpasok sa Bahay ni Kuya
SUPORTADO ni Allen Ansay ang pagpasok ng ka-loveteam niyang si Sofia Pablo sa ‘Pinoy Big Brother Celebrity Collab Edition 2.0.’
Kabilang sa top loveteams ng Kapuso network ang AlFia o mas kilala bilang Team Jolly. Naging top-raters ang mga pinagbidahan nila teleserye na ‘Luv Is: Caught In His Arms’ at ‘Prinsesa Ng City Jail.’ Pati na sa sitcom na ‘Open 24/7.’
Bago pumasok sa Bahay ni Kuya si Sofia, tinapos nila ni Allen Ansay ang shooting para sa GMA Films horror flick na ‘Huwag Kang Titingin.’
“Siyempre, mami-miss ko si Aki. Ilang taon kaming nagkasama as a Team Jolly, hanggang sa pagpasok namin sa college, magkasama pa rin kami. Ito ang magiging pinapamatagal na hindi kami magkikita o mag-uusap kapag pumasok na siya sa Bahay ni Kuya. But I will be supporting, cheering, loving and always be proud of her,” sey ni Allen.
Kaya habang nasa loob ng PBB si Sofia, solo flight muna ang Sparkle young actor sa mga projects niya sa TV tulad sa ginagawa niyang pag-co-host sa ‘TiktoClock.’
Makikilala si Sofia bilang ‘Ang Strong-willed Sunshine ng Quezon City’ sa PBB Collab.
***
SARILING sikap pala ang paggawa ng content ni Gabbi Garcia noong rumampa siya sa ‘Paris Fashion Week 2025’ kamakailan.
Kung yung iba raw ay may bitbit na social media team sa Paris, two-man team lang daw sina Gabbi at Khalil na parati nilang ginagawa sa mga travels nila.
“Khalil took all of my content, video, photo, lahat. Nag pre-prod kami dito sa Manila para pagdating namin doon smooth sailing na lahat which I think is also very successful and easier for me.
“Kasi at least may communication na kami ni Khalil na walang makakapantay ng iba,” sey ni Gabbi na wala rin bitbit na professional glam team at siya lang ang gumawa ng hair and makeup niya.
Kung titingnan nga ang mga post ni Gabbi sa social media, parang professional ang gumawa, pero hands-on lang ang lahat.
Anyway, nagbabalik si Gabbi bilang isa sa hosts ng ‘Pinoy Big Brother Celebrity Collab Edition 2.0’ with Bianca Gonzalez, Robi Domingo, Kim Chiu, Melai Cantiveros-Francisco, Enchong Dee, Alexa Ilacad, and Mavy Legaspi.
Nagbabalik din sa pagho-host ng PBB si Luis Manzano.
***
NA-DIAGNOSE with brain aneurysm si Kim Kardashian.
Nagpa-MRI ang 45-year old reality TV star noong makaramdam ng kakaibang sakit ng ulo. After the procedure, she called her family to share, “There was a little aneurysm.”
According to the Mayo Clinic, a brain aneurysm “is a bulge or ballooning in a blood vessel.”
May hinala si Kim na nagsimula ang kanyang sakit dahil sa stress na pinagdaanan niya sa pakikipag-divorce kay Kanye West na lagi raw siyang tinatakot na kukunin ang kanilang mga anak (North, 12, Saint, 9, Chicago, 7, and Psalm, 6).
“I felt more stressed, probably just because I had to super, super protect what I had to protect. We have four kids together. It’s very confusing, because it’ll be all this talk on the internet of like, ‘I’m keeping the kids.’ He’s never once called and asked. I can’t engage all the time.”
Kim and Kanye were married from 2014-2021.
(RUEL J. MENDOZA)