MATAPOS tanggapin ni Panuglong Marcos ang pagbibitiw ni Department of Public Works and Highways (DPWH) Secretary Manuel Bonoan, dapat magkaroon pa rin ng malawak na imbestigasyon sa “sindikato” na nago-operate sa loob ng DPWH.

Ayon kay Kamanggagawa Partylist Rep. Elijah “Eli” San Fernando, ang “sindikato” ay isang organized network ng mga opisyal, contractors, at kanilang political backers sa kamara at senado na matagal nang nakinabang sa maanomalyang flood control projects.

“I commend President Marcos for accepting Bonoan’s resignation. Pero malinaw: resignation is not enough. Panahon na para simulan ang imbestigasyon sa sindikatong bumabalot sa DPWH at tunay na may mapanagot. Hindi pinanganak kahapon ang mga kababayan natin para maniwalang walang magkakasabwat sa malawakang korapsyon na ito. Kailangang may kasunod na malawak at malalim na imbestigasyon. Managot ang dapat managot. Pagulungin ang ulo ng mga contractor at mga protektor nilang pulitiko,” ani San Fernando.

Nanawagan pa ito sa Malacañang at kongreso na isulong pa rin ang accountability sa lahat ng lebelo.

Sinabi nito na hindi kaya ng kahit isang opisyal na mag-isa ang ganitong klaseng well-orchestrated na korapsyon.

“Malinaw na may sindikato umano sa loob ng DPWH, kasabwat ang mga contractors, DPWH officials, COA officials, Congressmen at mga Senador. Lahat ng mapatunayang nagnakaw sa kaban ng bayan ay dapat kasuhan at ikulong,” pahayag ni San Fernando.

Hinikayat pa nito ang gobyerno na magpalabas ng hold departure order sa lahat ng DPWH officials, mula sa Office of the Secretary hanggang sa regional directors at district engineers, kabilang na ang dati at retiradong opisyal upang masiguro ang accountability.

Ipinalalabas din nito sa publiko ang lifestyle checks, SALN audits, at bank account investigations ng mga DPWH personnel na sangkot kabilang na ang blacklist ng mga contractors na sangkot sa anomalya at i-freeze ang kanilang assets.

“Kung seryoso si PBBM na resolbahin ang isyu ng korapsyon, itodo na niya! Huwag palusutin ang mga opisyal at contractor na yumaman sa pandarambong. The people want their heads. Pagulungin ang ulo ng mga walanghiyang umuubos at nagnanakaw sa kaban ng bayan!” anang mambabatas. (Vina de Guzman)

NAKIPAGTULUNGAN ang Pamahalaang Lungsod ng Navotas sa Department of Environment and Natural Resources–Environmental Management Bureau National Capital Region (DENR-EMB NCR) at Therma Mobile, Inc. (TMO), isang subsidiary ng Aboitiz Power para sa pagsasaayos at pag-protekta sa isang bahagi ng Navotas River sa ilalim ng Adopt-an-Estero/Waterbody Program.

Nilagdaan ni Mayor John Reynaldo M. Tiangco ang Memorandum of Agreement (MOA) kasama si DENR-EMB NCR Regional Director-in-Charge Engr. Divina C. Camarao at AboitizPower AVP for Corporate Services Engr. Lou Jason Deligencia na sinaksihan ng mga barangay officials at community stakeholders.

Sakop ng kasunduan ang isang one-kilometer stretch ng Navotas River na tumatawid sa Barangays NBBS Dagat-dagatan at NBBS Kaunlaran, na dumadaloy sa Manila Bay. Sinusuportahan ng pagsisikap na ito ang patuloy na mandamus ng Supreme Court para sa rehabilitasyon at pagpapanumbalik ng bay at mga sanga nito.

“Navotas is a coastal city that faces challenges from flooding and water pollution. By joining forces with DENR and Therma Mobile, we are making a strong commitment to cleaner waterways, healthier communities, and a more sustainable future for our people,” ani Mayor Tiangco.

Sa ilalim ng MOA, nangako ang pamahalaang lungsod na mahigpit na ipatupad ang environmental laws tulad ng Clean Water Act, Ecological Solid Waste Management Act, at Toxic Substances and Hazardous Waste Control Act.

Pangungunahan din ng lungsod ang tree-planting, greening initiatives, at community mobilization activities habang nagtatrabaho para ilipat ang mga informal settlers na nasa tabing ilog.

Ang DENR-EMB NCR ay magsasagawa ng quarterly water quality monitoring at magbibigay ng suportang teknikal at pagpapatupad, habang nangunguna rin sa mga kampanya sa eduksyong pangkalikasan.

Bilang bahahi ng corporate social responsibility nito, ang TMO ay magsasagawa ng buwanang bioremediation activities at extend support para sa cleanup drives, greening projects, at public awareness campaigns.

Hinimok din ni Mayor Tiangco ang iba pang kumpanya sa lungsod at kalapit na lugar na makiisa at lumahok sa mga katulad na environmental programs.

“We are thankful to Therma Mobile for setting an example of responsible corporate citizenship. I encourage other companies to follow suit and adopt their own waterways. Together, we can transform Navotas into a city where development and environmental care go hand in hand,” pahayag niya. (Richard Mesa)

PINANGUNAHAN  ni Manila Mayor Isko Moreno-Domagoso ang groundbreaking ceremony ng Manila-Sacramento Friendship Library sa Canonigo corner Zamora Streets , Paco, Maynila para sa kapakinabangan ng mga kabataan at mag-aaral sa Maynila.

Sinabi ni Domagoso na naipasa ang ganitong pagpopondo sa mga proyekto dahil na rin sa tulong ng mga halal na opisyal ng bayan gayundin sa pamumuno ni Manila Vice Mayor Chi Atenza .

Ipinangako ng alkalde sa pamunuan ng library na magkakaroon na ng maayos na pasilidad na hindi na tumutulo kapag tag-ulan.

“Magkakaroon na kayo ng maayos na pasilidad. Ito inaalay namin para sa mga bata at matanda–we wanted you to give space and comfortable space for learning for our kids,” saad ng alkalde.

Tiniyak din ng alkalde na maraming kabataan o bata ang makikinabang sa library dahil magkakaroon ito ng mga kagamitan na magagamit na siguradong ikatutuwa ng mga ito gayundin sa mga matatanda.(Gene Adsuara)

MAY mga nakapilang torneo pa na lalahukan si Pinay tennis sensation Alex Eala.

Ito ay matapos ang kauna-unahan niyang paglalaro sa US Open nitong nakaraang linggo kung saan umabot siya ng hanggang ikalawang round.

Nagpapasalamat si Eala sa mga fans na sumuporta sa kaniya lalo na ang mga nanood ng kaniyang laro sa New York.

Marami aniya siyang natutunan na mga aral mula sa pagkatalo na kaniyang gagawin sa mga torneo na lalahukan.

Magugunitang umukit ng kasaysayan si Eala matapos ang tagumpay nito sa unang round laban kay World Number 15 na si Clara Tauson.

Subalit pagdating ng ikalawang round ay nabigo na ito kay Cristina Bucsa ng Spain.

Nakatuon ngayon ito sa pagsali sa Guadalajara Open Akron sa Mexico at Sao Paulo Open sa Brazil.

Pagkatapos noon ay sasabak din ito sa mga torneo sa Beijing, Wuhan at Hong Kong at posible sa Japan bago ang pagbandera niya sa Southeast Asian Games sa buwan ng Disyembre.

MAGHAHAIN ang Duterte Youth Party List ng petisyon sa Supreme Court upang ipadeklarang unconstitutional ang naging pinal na desisyon ng Commission on Elections na nagkakansela sa rehistrasyon ng nasabing party list.

Sinabi ni Duterte Youth Party-List Chairman Ronald Cardema na maghahain sila ng Petitioisang graven for Review sa SC sa Lunes (Setyembre 1) upang hamunin ang naging hakbang ng Comelec na malinaw umanong unconstitutional at isang grave abuse of discretion.

Pinasalamatan naman nito si Comelec Second Division Presiding Commissioner Rey Bulay, sa pagkiling sa batas at nagdeklara na walang nilabag ang Duterte Youth Party-List.

Iginiit nito na ang Comelec ang dapat na mag-publish sa partylist at hindi sila.

Gayundin, ang alegasyon laban sa kanila ng makakaliwang grupo na kahit walang pruweba ang siya pang kinatigan umano.

Aniya, ang Duterte Youth Party-List ang nakakuha ng pinakamalaking boto ng mga OFWs sa iba’t ibang bansa sa buong mundo at maging mula sa mga pulis, sundalo, at tropa ng gobyerno sa pamamagitan ng Local Absentee Voting (LAV) at boto pa ng milyon-milyong Pilipino.

“Ang ating nominees ay puro Iskolar ng Bayan galing PMA, PNPA, UP, at Philippine Science High School. Puro mga kabataang matatalino na pinag-aral ng mga Pilipino at inihalal para kanilang maging matatapang na Kinatawan sa Kongreso. Pinanalo ng todo todo ng Sambayanang Pilipino, pilit na ipinapatalo ng COMELEC. Nasa Korte Supreme ang pag-asa. Tatag Lang.” nakasaad pa sa statement.

(Vina de Guzman)

TININTAHAN ng Department of Budget and Management (DBM) at Department of the Interior and Local Government (DILG) ang isang joint memorandum circular (JMC) na naglalayong padaliin ang pagpapalabas ng P700 million na financial assistance para sa local government projects sa ilalim ng 2025 Support and Assistance Fund to Participatory Budgeting (SAFPB) Program.

Ang pondo ay mapakikinabangan ng mahigit sa 40 local government units (LGUs) sa buong bansa, ayon sa DBM sa isang Facebook post, araw ng Miyerkules, kasunod ng paglagda sa JMC.

Sa kabuuang benepisaryo, may 35 LGUs ang magpapatupad ng nilalayon ng proyekto na ayusin ang access para sa ‘safe at resilient water supply at sanitation services’ habang ang siyam na disaster-prone LGUs ay makatatanggap ng suporta para sa konstruksyon ng climate-smart evacuation centers.

Sa kabilang dako, sina DBM Undersecretary Wilford Will Wong at DILG Undersecretary Marlo Iringan ang nagpormalisa ng kasunduan.

Samantala, ang mga local chief executives mula Cagayan, Ilocos Sur, at Surigao del Sur ay nakapagpakita ng ‘best practices’ sa paggamit ng SAFPB-funded projects sa kani- kanilang komunidad.

Ang programa ay kabilang sa ‘key efforts’ ng gobyerno para palakasin ang ‘participatory budgeting’ o ang participatory budgeting ay pagbibigay ng karapatan sa mga mamamayan ng isang lugar na makibahagi sa pagba-budget ng kanilang natipong buwis at tiyakin ang ‘responsive delivery’ ng mga pangunahing serbisyo sa lokal na antas. ( Daris Jose)