BINIGYANG diin ng Malakanyang ang kahalagahan ng ‘responsible at ethical journalism’ para i-navigate ang mga hamon at sunggaban ang mga oportunidad sa digital era.

Sa pagsasalita sa harap ng mga media practitioners sa Ibis Styles Hotel Manila Araneta City sa Quezon City, kinilala ni Presidential Communications Office Undersecretary at Palace Press Officer Claire Castro ang mahalagang papel ng Philippine press na pinangangalagaan ang demokrasya sa pamamagitan ng pagbibigay ng ‘accurate, fair, at transparent information’ sa publiko.

“This conference is more than just a gathering of writers, reporters, scholars, and journalists. It is an exercise in ethical and responsible reporting – a reassurance that information is power and those who wield it have more responsibility than they can imagine,” ayon kay Castro sa idinaos na National Press Freedom Day conference.

“As we conclude this conference, I hope all the lessons you’ve learned will continue to empower you to do your absolute best in defending press freedom. May these learnings open new doors to you as you improve your craft. May they also mold into champions of responsible and ethical journalism in a rapidly evolving media landscape,” aniya pa rin.

Nanawagan naman si Castro sa mga miyembro ng media na manatiling matatag sa kanilang commitment sa ‘katotohanan, transparency, equality o pagkakapantay-pantay sa kabila ng mga hamon na kanilang hinaharap, kabilang na ang pagtaas ng misinformation at disinformation sa social media at tumataas na pag-aalinlangan ng publiko.

Sinabi pa ni Castro na patuloy ang mga mamamahayag na gampanan ang kanilang mahalagang papel na panatilihin ang demokrasya na “alive, healthy and working.”

“Challenges will always be present in any profession and era. I pray you see them just as they are and not as an obstacle to run away from it. Whether you are in print, radio, TV, or digital media, let these challenges shape you into members of the press that future generations of citizens and journalists will look up to,” ang winika ni Castro.

Muli namang pinagtibay ni Castro ang commitment ng administrasyong Marcos na panindigan ang press freedom at patuloy na pagsuporta sa media.

“As your partners in government, we, too, strive to defend the citizens’ right to free speech. We expect your desire to bring forward the truth in every article you write, in every broadcast you air, and every story you pursue,” aniya pa rin.

Pinuri naman ni Castro ang mga guest speakers gaya nina Peterno Esmaquel II ng Rappler, Presidential Task Force on Media Security executive director Undersecretary Jose Torres Jr., at Department of Information and Communication Technology Undersecretary Sarah Sisob — sa pagbabahagi ng mga ito ng kanilang mahahalagang pananaw sa pagpapanatili ng ‘journalistic integrity’ sa isang mabilis na media landscape na dino-dominahan ng digital platforms.

Binigyang diin din ng mga ito ang nagpapatuloy na government initiatives para pangalagaan ang mga journalists at talakayin ang umuusbong na digital threats at legal challenges na nakaaapekto sa media workers.

Ang event, may temang “Press Freedom in the Digital Age: Rights, Responsibilities and Realities,” pinagsama ang mga kinatawan mula sa state media, media professionals, at journalism students.

Samantala, inorganisa naman ng Presidential Communications Office ang one-day conference alinsunod sa Republic Act 11458, dinedeklara ang Aug. 30 ng bawat taon bilang National Press Freedom Day bilang pagbibigay galang kay Marcelo H. del Pilar, kilala sa kanyang pen name na Plaridel at kinokonsidera bilang Ama ng Philippine Journalism. ( Daris Jose)

BUKAS ang Pilipinas na makatrabaho ang Estados Unidos “to an even greater extent” habang mainit na tinanggap ni Pangulong Ferdinand Marcos Jr., ang mga miyembro ng mga bumisitang US Senate Armed Services Committee Congressional Delegation sa Palasyo ng Malakanyang.

Mainit at malugod na tinanggap ni Pangulong Marcos sina Senator Roger Wicker at Senator Deb Fischer, binigyang diin ang “very, very close partnership” sa pagitan ng Maynila at Washington na nakayanan ang pagsubok ng panahon.

“We are greatly appreciative of all the support that the United States has given us in the face of the challenges that we in the Philippines are facing… and we hope to continue working with you to an even greater extent,” ang sinabi ni Pangulong Marcos sa mga bumisitang delegasyon.

Binigyang diin pa rin ng Chief Executive ang pangangailangan ng mas malalim na kolaborasyon hindi lamang sa bilateral level kundi maging sa pamamagitan ng multilateral arrangements sa Indo-Pacific.

Sa kabilang dako, ang pulong ay nakatuon sa pagpapalakas ng defense cooperation, pagsuporta sa modernisasyon ng Armed Forces of the Philippines at i-promote ang kapayapaan at katatagan sa rehiyon.

Para naman kay Wicker, inilarawan nito ang the Philippines-US alliance bnilang “one of the most important” at “growing in terms of closeness.”

Ang two-day visit ng mga mambabatas ay kasunod ng serye ng ‘high-level exchanges’ sa pagitan ng Maynila at Washington sa itna ng regional security tensions, partikular na sa South China Sea, kung saan ang Pilipinas at Tsina ay mayroong ‘overlapping claims’ sa ilang bahagi ng West Philippine Sea.

( Daris Jose)

PINAPURIHAN din ni Speaker Ferdinand Martin Romualdez ang ginawang pagsasama sa mga jeepney at tricycle driver sa “Benteng Bigas Meron Na” (BBM Na) program ng Department of Agriculture.

Ayon sa mambabatas, ang programa ay nagpapakita sa determinasyon ng pangulo para maipamahagi ang serbisyo sa publiko.

“Apektado ang ating mga jeepney at tricycle driver sa magkakasunod na pagtaas ng presyo ng produktong petrolyo, kaya’t madalas silang nag-aalala kung paano pagkakasyahin ang kanilang kita para sa pangangailangan ng kanilang pamilya. Sa tulong ng Department of Agriculture at ng Kadiwa ng Pangulo, makakahinga na nang maluwag ang ating mga tsuper at makakapag-uwi ng mura at de-kalidad na bigas para sa kanilang mga mahal sa buhay,” anang speaker.

Sa ginanap na paglulunsad ng ₱20 per kilo rice program para sa mga mangingisda sa Navotas Fish Port nitong Biyernes, inihayag ni Agriculture Secretary Francisco Tiu Laurel Jr., sa  pakikipag koordinasyon kay Department of Transportation (DOTr) Secretary Vivencio “Vince” Dizon, ay isinama ang mga jeepney at tricycle drivers sa  BBM na beneficiaries.

“Ito ang klase ng lingkod-bayan sa ilalim ng Marcos administration—mga programang damang-dama ng ating mga kababayan dahil maingat na pinag-isipan at tunay na nakatutulong upang mapagaan ang buhay ng bawat Pilipino,” pahayag ni Romualdez.

Ang “BBM Na” program para sa  transport sector ay ilulunsad sa limang pilot areas sa buong bansa sa September 16. (Vina de Guzman)

KABILANG ang Caloocan City Medical Center (CCMC) sa 35 hospitals na binigyan ng Hall of Fame recognition ng Department of Health (DOH), sa ilalim ng Mother-Baby Friendly Hospital Initiative (MBFHI), para sa mahusay at pagsunod nito bilang Breastfeeding Hospital na may Early Rooming-in.

Ito ang unang pagkakataon na iginawad ng DOH ang Hall of Fame status, na ibinibigay sa mga kinikilalang partner na ospital na sumasailalim sa matagumpay na accreditation sa ilalim ng MBFHI sa tatlong magkakasunod na beses kada tatlong taon.

Binati ni Mayor Dale Gonzalo “Along” Malapitan ang CCMC at binigyang-diin na patuloy na i-upgrade ng pamahalaang lungsod ang mga pasilidad at serbisyo ng mga ospital sa Caloocan upang maayos na matugunan ang mga pangangailangan ng mga nasasakupan.

“Ang pagkilala sa CCMC bilang isa sa mga Hall of Famers ng DOH ay patunay lang ng pagkilos ng pamahalaang lungsod para tiyakin ang kalusugan ng mga mamamayan mula sa sinapupunan hanggang pagtanda,” pahayag ni Mayor Along.

“Mas palalakasin pa natin ang mga serbisyo at dadagdagan ang world-class facilities ng ating mga ospital at community health centers nang sa gayon ay mabawasan ang alalahanin ng mga Batang Kankaloo sa kalusugan ng kanilang mga pamilya,” dagdag niya. (Richard Mesa)

TINIYAK ni Manila Mayor Isko Moreno Domagoso na suportado niya ang malayang pamamahayag sa Lungsod ng Maynila.

Sa talumpati ni Mayor  Isko sa pagdiriwang ng National Press Freedom Day sa National Press Club  (NPC) , binanggit nito ang kahalagahan ng malayang pamamahayag na mabisang armas sa paglalantad ng mga katotohanan sa likod ng nangyayaring katiwalian, hindi lamang sa pamahalaan, kundi maging sa pribadong organisasyon.

“Trabaho ninyo ang malayang pamamahayag at tungkulin ko naman bilang alkalde ang magpaliwanag at maghayag ng mga programang tatahakin ng pamahalaang lungsod,” ayon sa alkalde.

Dagdag pa ng Alkalde na nararapat lamang na maging responsable at tumanggap ng kritisismo, hindi lamang sa mga tulad nilang nasa gobyerno, kundi maging mga indibidwal tulad ng mga artista.

Sila aniya sa pamahalaan ay may pananagutan sa taumbayan kaya dapat lang nilang tupdin ang mga nakaatang sa kanilang tungkulin, tulad din ng mga mamamahayag na may tungkuling gawin ang mga istorya na mahalagang malaman ng mamamayan.

Kaugnay nito, pinasalamatan naman ni NPC President Leonel “Boying” Abasola si Yorme Isko dahil sa ilang taon din ang nagdaan ay muli na namang nabisita ng isang alkalde ng Lungsod ng Maynila ang bahay ng NPC.

Hindi naman naiwasan ni Abasola na ibahagi ang kanyang pagkadismaya dahil natapat pa sa mismong buwan ng pagdiriwang ng ikatlong taon ng R.A. 11699 o ang Philippine Press Freedom Day ang pagbatikos sa mga mamamahayag ng isang kilalang mambabatas.

Nakiisa sa nasabing pagdiriwang ang Vice President for Public Affairs and Special Events Division ng Social Security System (SSS) na si Carlo Villacorta, apo ni Gat Marcelo H. Del Pilar na si Mrs. Marita Rita Marasita – Aguas, kinatawan ng Presidential Communication Office, at ang tagapagsalita ng Manila Police District (MPD) na si Maj. Phillip Ines.

(Gene Adsuara)

TINATAYANG halos P.3 milyong halaga ng ilegal na droga ang nasamsam sa tatlong drug suspects matapos maaresto sa magkahiwalay na anti-drug operations sa Caloocan at Navotas Cities.

Sa kanyang ulat kay Northern Police District (NPD) Acting District Director P/BGen. Jerry Protacio, sinabi ni Caloocan police chief P/Col. Joey Goforth na pumalag sa kanyang mga tauhan ang isang lalaki na nasita sa paglabag umano sa ordinansa ng lungsod.

Nang kapkakapan, nakumpiska ng mga pulis sa 32-anyos na alyas “Rudy”, ang nasa 4.9 grams ng hinihinalang shabu na may katumbas na halagang P33,320.00.

Samantala, natimbog naman ng mga operatiba ng Caloocan Police Station Drug Enforcement Unit (SDEU) sa buy bust operation ang 27-anyos na tulak umano ng droga na si alyas “Rigor”.

Nakuha sa suspek ang aabot 888 grams ng umano’y pinatutong dahon ng marijuana at 49 grams ng hinihinalang high-grade “Kush” marijuana na umaabot lahat sa halagang P175,160.00.

Samantala, nasamsam naman ng mga tauhan ni Navotas Police OIC Chief P/Col. Renante Pinuela sa 37-anyos na tulak ng droga ang nasa 10.4 grams ng hinihinalang shabu na may katumbas na halagang P70,720 matapos malambat sa ikinasang buy bust operation ng mga operatiba ng SDEU sa Navotas.

Nahaharap ang mga suspek sa kasong paglabag sa R.A 9165 o ang Comprehensive Dangerous Drug Act of 2002 habang karagdagan na kasong paglabag sa Article 151 (Disobedience to a Person in Authority) ang kakaharapin pa ni ‘Rudy’. (Richard Mesa)

NAGSAGAWA ng joint monitoring sa presyo ng basic goods and commodities partikular sa bigas sina Department of Trade and Industry (DTI) Secretary Maria Cristina Roquev, Department of Agriculture (DA) Secretary Francisco Tiu Laurel Jr., at Navotas City Mayor John Rey Tiangco sa ilang mga tindahan sa lungsod para masigurong nasusunod ang tamang prisyo ng mga ito. (Richard Mesa)

ISANG Non-Government Organization ang nanawagan sa Office of the Ombudsman na magsagawa ng motu propio investigation sa umano’y katiwalian na kinasasangkutan ng 15 contractor ng substandard at ghost flood control projects na nagkakahalaga ng P545-B mula Hulyo 2022 hanggang Mayo 2025.

Sa isang media briefing sa Quezon City nitong Biyernes Agosto 29, 2025, sinabi ni Bienvenido Tulfo, founding chairman ng ipaBITAGmo Inc. (IBMI) na ang kontrobersyal na isyu ng katiwalian sa mga flood control projects ay sinalubong ng nakakabinging katahimikan ng Ombudsman.

“Nandito ako na nakasuot ng bagong cap bilang founder ng IBMI. Hinihimok namin ang Ombudsman na simulan ang isang pagsisiyasat. Kinunsulta ko ang aming mga abogado. Ako ay seryoso. Hindi ito isang komentaryo. Dapat kumilos ang mga tao. Dapat gumawa ng aksyon ang Ombudsman,” aniya.

Kasama niya ang mga abogado ng grupo na sina Rean Balisi at Alex Lopez, executive director ng IBMI na si Apple Meneses at tagapagsalita na si Melanio “Batas” Mauricio Jr.

“Sa pagtatapos ng araw, ang Senado ay magsasagawa ng mga pagdinig bilang tulong sa batas, at ang kaso ay mauuwi rin sa anti-graft body,” sabi niya.

Kinuwestiyon niya ang Ombudsman para sa matinding pananahimik nito.

Binatikos niya ang mga contractor at proponent ng proyekto gayundin ang mga regional engineer at project director ng Department of Public Works and Highways sa kanilang pakikipagsabwatan sa pagpapatupad ng mga maanomalyang flood control projects.

Sinabi niya na kahit si DPWH Secretary Manuel Bonoan ay kinumpirma na “walang kahihiyang pagbulsa ng bilyun-bilyong pondo para sa pagbaha, at ginagawa pa rin ng mga walang prinsipyong scalawags na nagpapanggap bilang mga direktor, inhinyero, at iba pang pampublikong opisyal at empleyado ng DPWH sa pakikipagsabwatan sa mga pulitiko.”

Nang tanungin kung dapat managot si Bonoan sa mga iregularidad, sinabi ni Tulfo na “Ayokong mag-akusa. Malalaman ng taumbayan.” (PAUL JOHN REYES)