Duterte Youth Party List, maghahain ng petisyon sa SC upang ipadeklarang unconstitutional ang naging pinal na desisyon ng Comelec 

MAGHAHAIN ang Duterte Youth Party List ng petisyon sa Supreme Court upang ipadeklarang unconstitutional ang naging pinal na desisyon ng Commission on Elections na nagkakansela sa rehistrasyon ng nasabing party list.

Sinabi ni Duterte Youth Party-List Chairman Ronald Cardema na maghahain sila ng Petitioisang graven for Review sa SC sa Lunes (Setyembre 1) upang hamunin ang naging hakbang ng Comelec na malinaw umanong unconstitutional at isang grave abuse of discretion.

Pinasalamatan naman nito si Comelec Second Division Presiding Commissioner Rey Bulay, sa pagkiling sa batas at nagdeklara na walang nilabag ang Duterte Youth Party-List.

Iginiit nito na ang Comelec ang dapat na mag-publish sa partylist at hindi sila.

Gayundin, ang alegasyon laban sa kanila ng makakaliwang grupo na kahit walang pruweba ang siya pang kinatigan umano.

Aniya, ang Duterte Youth Party-List ang nakakuha ng pinakamalaking boto ng mga OFWs sa iba’t ibang bansa sa buong mundo at maging mula sa mga pulis, sundalo, at tropa ng gobyerno sa pamamagitan ng Local Absentee Voting (LAV) at boto pa ng milyon-milyong Pilipino.

“Ang ating nominees ay puro Iskolar ng Bayan galing PMA, PNPA, UP, at Philippine Science High School. Puro mga kabataang matatalino na pinag-aral ng mga Pilipino at inihalal para kanilang maging matatapang na Kinatawan sa Kongreso. Pinanalo ng todo todo ng Sambayanang Pilipino, pilit na ipinapatalo ng COMELEC. Nasa Korte Supreme ang pag-asa. Tatag Lang.” nakasaad pa sa statement.

(Vina de Guzman)