IT’S Sixto Dantes turn to shine, dahil sa bunsong anak naman nina Dingdong Dantes at Marian Rivera nakatutok ang mga netizens.

Matapos ngang rumatsada ang panganay nilang anak na si Zia Dantes sa mga commercial simula noong baby pa siya, time naman ngayon ni Sixto.

Early last year, inilabas ang first endorsement ni Baby Sixto para sa Ceelin Plus na kung saan kasama ang buong pamilya Dantes.

At bago natapos ang 2021, ishinare naman ni Dingdong sa kanyang IG ang photo nila ni Sixto para sa Tender Care commercial, na kilala rin para sa mga baby products.

At dahil nga nag-three years old na si Sixto, siya ang bagong endorser nang in-endorse din ni Zia few years ago at napapanood na nga ito ngayon na kung saan overloaded ang kakyutan at kaguwapuhan ni Sixto, kaya naman kinagigiliwan ng mga netizens.

Kasama ng isang short video na naglalaman ng mga photos nila, say ni Marian, “Kung paano ko pinalaki si Zia sa tulong ng NIDO, ganoon din pagdating kay Sixto. Kaya naman ganun din ako ka-confident sa paglaki niya. Ngayong 3 yrs. old na siya, samahan niyo kaming abangan ang mga toddler adventures at explorations niya with #NIDOTotalExpertProtection 💛”

Next post ni Marian, “Finally it’s out 🤍 My latest tvc with Sixto! Proud of you anak ☺️
“Nido 3+: See what your love and TOTAL EXPERT PROTECTION can help do, with proper diet and exercise.”

Bukod dito, may pinost din ang mag-asawa, tungkol sa ini-endorse nilang produkto kasama ang dalawang anak, na makakatulong sa mga batang nangangailangan.

“Araw-araw, walang mintis, binibigyan namin si Zia at Sixto ng Ceelin Plus para siguradong ligtas sila sa banta ng mga sakit. Ngunit hindi lahat ng bata ay nakakakuha ng proteksyong tulad nito,” simula ng caption kasama ang newest photo ng Dantes Squad.

“Kaya naman, natutuwa kaming maibahagi sa inyong lahat ang #PangakongProteksyon #ImmunityForAllKids ng Ceelin, in partnership with Caritas Philippines!

“For every purchase of participating Ceelin products sa official Unilab store in Shopee, magbabahagi ang Ceelin ng katumbas na produkto para sa mga batang nangangailangan.

“Mabibigyan mo na ng doble proteksyon ang anak mo, makakatulong ka pa sa kapwa!

“Bili na sa https://bitly.ws/sNhL and siguraduhin nating laging malakas ang resistensya ng bawat bata!”

Sa true lang, nag-uumapaw ang suwerte ng magkapatid na Zia at Sixto, dahil ngayon pa lang kumikita na sila sa kanilang mga commercial projects at talagang pinag-aagawan para maging endorsers.

Patuloy ding inuulan at pinagkakatiwalaan sina Dingdong at Marian, dahil hindi sila nawawalan ng products na ini-endorse, kaya puwede na nga silang isama sa ‘Most Famous and Influential Showbiz Family’.

Wish nga ng mga netizens, sana raw ay magkaroon ng isa o dalawa pang anak sina Dong at Yan, dahil sa true lang, napakaganda talaga ng lahi nila.

(ROHN ROMULO)

LAST two weeks na lamang mapapanood ang top-rating primetime series na gabi-gabing inaabangan, ang first sports serye sa GMA Network, ang “Bolera.” 

Sa recent interview kay Kylie Padilla, nang tanggapin daw niya ang offer na maging isang billiard player sa serye, itinuring na niyang ito ang perfect comeback show para sa kanya, after magpahinga nang three years sa pag-arte.

Nagpasalamat siya sa viewers dahil since the start, sinubaybayan na raw nila ito, kaya in turn, pinagbuti ni Kylie ang trabaho, pinag-aralan niyang mabuti ang character ni Joni, lalo na ang paglalaro nito ng billiards, na nag-undergo pa siya ng training sa mga nanalong billiards players sa katatapos na SEA Games sa Vietnam.

Isa rin sa pinasalamatan ni Kylie ang leading man niyang si Rayver Cruz.  Hindi raw iyon ang first time nilang nagkatrabaho ni Rayver, dahil ginawa nila ang horror movie na “Dilim,” in 2014, pero bihira raw silang magkasama sa eksena noon.

“Nakita ko rito sa ‘Bolera’ na mahusay siyang drama actor, kahit minsan dito sa set, joker siya,” kuwento ni Kylie.

“Pero sa mga mabibigat na eksena namin, ang galing niya, kahit maraming distractions, tuloy pa rin siya sa pag-arte, na madadala ka at paghuhusayin mo rin talaga ang pag-arte mo.”

Marami pang aabangan ang mga viewers sa “Bolera”, isa na rito ay iyong mga oras na hindi makakita si Joni habang naglalaro ng billiards.  Totoo kayang mabubulag si Joni?  Ang tanong ng mga netizens, paano siya makapaglalaro ng billiards kung bulag na siya?

Paano ang pangarap niyang maibalik ang karangalan ng amang namatay, matapos madaya, kung magiging champion din siya?  Pero paano mangyayari iyon, kung bulag na siya?

***

MARAMI nang nag-aabang sa bagong game show na “The Wall PH,” ng GMA Network at Viva Communications, Inc., na minahal sa Amerika at very soon ay magbibigay-saya naman sa bawat Kapuso viewers.

To be hosted by Billy Crawford, ngayong August na ito magsisimulang mapanood every Sunday sa GMA-7, na ang prizes na maiuuwi ng guest player ay maaaring umabot hanggang P10 million.

Mukhang exciting panoorin ang “The Wall PH,” abangan kung kailan ang actual airing nito.

***

ANG First Runner-Up sa katatapos na Binibining Pilipinas 2022 na si Herlene Budol, ay nagsabi nang iyon daw ang kanyang huling beauty contest na sasalihan.

Pero ngayon, nag-announce na ang kanyang manager, si Wilbert Tolentino, na tuloy pa rin si Herlene sa pag-join ng mga international beauty pageants.

Mangyayari raw iyon kung may isang kandidata na hindi makakalaban sa kanilang respective international pageant sa anumang kadahilanan, si Herlene ang ipapapalit sa kanila.

Ayon pa rin kay Wilbert, nagpaalam na raw siya sa Binibining Pilipinas Charities, Inc. at inihanap na raw niya ng sasalihang international beauty pageant si Herlene.

May mga nagtatanong kung babalikan ni Herlene ang showbiz habang wala pa siyang naka-schedule na international beauty contest?

(NORA V. CALDERON)

NAGING open na si Markus Paterson sa tunay na estado ng relasyon nila ng aktres na si Janella Salvador.

Nagkaroon ng pagdududa ang marami na hiwalay na ang dalawa dahil no-show si Janella sa naging birthday celebration ni Markus noong June.

Sey ni Markus na ang importante ay pareho silang masaya ni Janella at nandyan sila para sa isa’t isa.

“Ang importante lang sa aming dalawa na she’s happy, I am happy, our hearts are both happy. That’s important you know. We will always be there for each other no matter what.”

Sa sagot na ito ni Markus, nabitin pa rin ang mga nag-aabang na tunay na kasagutan sa relasyon nila ni Janella. Nais pa rin daw niyang gawing pribado ang nangyayari sa kanila ni Janella.

Anyway, handa na raw ang aktor sa mga bagong gagawin niya pagkatapos siyang natengga ng matagal.

“And life is good. So I am excited for this month. I am excited to start working again… This year so far has been a roller coaster ride but who doesn’t love roller coaster? Masaya naman ‘yon.”

***

NASA bansang Guam na ang The Clash Season 1 finalist at Kapuso Soul Balladeer na si Garrett Bolden Jr. para sa isang buwang training at rehearsals para sa musical na Miss Saigon.

Umalis ng Pilipinas si Garrett noong August 5. Sa kanyang Instagram, nai-share ni Garrett ang kanyang pagbiyahe patungong Guam at ang pasilip niya sa script at ID niya para sa Miss Saigon.

“Excited for this journey. Guam here I come,” caption pa niya.

Noong July ay binalita ng singer-songwriter na nakasama siya sa cast ng Miss Saigon in Guam at gagampanan niya ang role bilang ang American GI na si John Thomas.

Sa Zoom mediacon for Garret, sinabi nito na isang buwan ang training at rehearsals niya kasama ang buong cast ng Miss Saigon. Na-meet na rin daw niya ang ibang cast members sa naging Zoom meeting nila bago siya umalis ng Pilipinas. Hindi lang daw niya alam kung sino ang gaganap sa characters na Kim, Gigi, Chris, Ellen, Mimi, Thuy at Engineer.

Sa September mag-stage ang Miss Saigon sa Guam for one week dahil special franchise ito kasama ang Guam Philharmonic. After ng stint niya roon ay babalik agad sa Pilipinas si Garrett, pero hoping siya na magbubukas ng mas malalaking opportunities sa kanya abroad ang pagkakasama niya sa naturang musical.

***

PUMANAW na ang singer-actress na si Olivia Newton-John sa edad na 73 pagkatapos ng 30-year battle with cancer.

Sumikat si Olivia sa buong mundo nang gampanan niya ang role na Sandy sa hit musical film na Grease noong 1978. Naka-partner niya sa musical ay si John Travolta na nakatambal niya ulit in 1983 sa comedy-fantasy film na Two of a Kind.

Olivia passed away peacefully sa kanyang ranch in Southern California kunsaan kasama niya ang husband na si John Easterling.

More than five decades ang tinakbo ng career ni Olivia na pinanganak noong September 26, 1948 sa Cambridge, England. At age six ay nag-migrate ang buong pamilya niya sa Melbourne, Australia.

In 1992, na-diagnose si Olivia with breast cancer at tatlong dekada niya itong nilabanan at nagtayo pa siya ng health facility para sa early detection of cancer sa Melbourne.

Nanalo ng apat na Grammy Awards sj Olivia at nakabenta siya ng higit sa 100 million records worldwide. Kabilang sa mga hit singles niya ay ‘Hopelessly Devoted To You’, ‘You’re The One That I Want’, ‘Summer Nights’, ‘Xanadu’, ‘Physical’, ‘Let Me Be There’, ‘Twist of Fate’, ‘Magic’, ‘Suddenly’, ‘Living In Desperate Times’, and ‘I Honestly Love You’.

Ilang pelikula rin ang ginawa ni Olivia after Grease, ito ay Xanadu, Twist of Fate, A Mom For Christmas, It’s My Party, A Few Best Men and The Very Excellent Mr. Dundee.

(RUEL J. MENDOZA)