2021 September Archive - People's Balita

Archive for September, 2021

‘Shang-Chi and the Legend of the Ten Rings’ struck big at the box office, setting new records

Posted on: September 9th, 2021 by @peoplesbalita No Comments

Shang-Chi and the Legend of the Ten Rings smashed box office expectations and even set a new labor day box office record, revealing a new box office normal.

While the box office isn’t what it once was, and may never fully recover, the post-pandemic box office shows big blockbuster movies still have a future on the big screen.

After an abysmal 2020 box office, 2021 has shown some promise for the theatrical box office, with some big hits like F9 and Black Widow, but their total hauls are still a bit muted from pre-pandemic levels, and despite some big wins, there’s still massive stumbles like The Suicide Squad or Space Jam: A New Legacy.

Theatergoing had been on the decline for 20 years before the pandemic, so even a full box office recovery would still see diminishing returns.

Shang-Chi and the Legend of the Ten Rings shows Marvel still packs a punch at the box office but also reveals the ceiling on post-pandemic box office performance. While its $75 million opening weekend is a huge win, even breaking pre-pandemic labor day records, that doesn’t mean the box office has actually returned to or exceeded pre-pandemic levels.

The next highest-grossing labor day movie was 2007’s Halloween, which brought in just $30.6 million. The next biggest movie to see a labor day release is Tenet‘s, and that was during the middle of major 2020 pandemic shutdowns. Outside of Tenet, the Transporter or Jeepers Creepers franchises are the next biggest properties to release on labor day, so a Marvel movie would have broken the holiday weekend’s box office record in any pre-pandemic year, too.

What’s still not totally clear is what exactly that new box office normal is. The fact Shang-Chi is an origin story for a new MCU character with no major Marvel characters joining the main cast makes it hard to compare to something like Black Widow, not to mention Shang Chi and the Legend of the Ten Rings also didn’t get a streaming release on Disney+ Premier Access, making it even harder to compare; however, Shang-Chi‘s opening is the MCU’s lowest since Ant-Man in 2015, barely coming in under Ant-Man and the Wasp.

Even without the likely steep second-weekend drop (as has been the case for almost every post-pandemic release), Shang-Chi and the Legend of the Ten Rings will likely end up a lower-than-average MCU earner at the box office.

Overall, this is still a huge win for Shang-Chi and the Legend of the Ten Rings, Marvel, Disney, and theaters. Most of the factors impacting Shang-Chi’s box office were out of the studio’s control, proving blockbuster movies like this are still a viable business.

Unfortunately, the future is still uncertain for more divisive movies like Dune, but Shang-Chi and the Legend of the Ten Rings proves at least Marvel’s box office dominance survived the pandemic.

(source: screenrant.com)

(ROHN ROMULO)

PBA tatapusin ang elims sa Pampanga

Posted on: September 9th, 2021 by @peoplesbalita No Comments

Target ng PBA management na tapusin na muna ang eliminasyon ng PBA Season 46 Philippine Cup sa Bacolor, Pampanga bago ibalik ang mga laro sa NCR.

Inilagay na sa General Community Quarantine (GCQ) ang NCR simula sa Setyembre 8 hanggang 30.

Kaya naman posibleng bumalik na sa NCR ang liga sa oras na maging maayos na ang lahat.

“Kapag okay na sa NCR babalik tayo doon, that’s the original plan,” ani PBA commissioner Willie Marcial.

Nagsimula ang liga sa NCR sa Ynares Sports Arena sa Pasig City.

Subalit napilitan itong huminto nang ilagay ang rehiyon sa mahigpit na Enhanced Community Quarantine (ECQ) matapos lumobo ang bilang ng tinatamaan ng coronavirus disease (COVID-19).

Inilipat ito sa Bacolor, Pampanga.

Sa kasalukuyang protocols ng liga, sumasailalim ang lahat ng players, coaches, officials at staff sa RT-PCR test tuwing Lunes bago maglabas ng weekly schedule tuwing Martes.

Nagkakaroon din ng antigen test tuwing umaga kada playdates.

Wala pang anunsiyo ang PBA kung ito rin ang parehong ipatutupad ng liga sa oras na bumalik ito sa NCR.

KELOT TIMBOG SA SHABU NA PINALAMAN SA PANDE COCO

Posted on: September 9th, 2021 by @peoplesbalita No Comments

BALIK-kulungan ang isang lalaki na dadalaw lang sa kanyang dating kapwa mga inmates matapos makuhanan ng shabu na ipinalaman sa tinapay sa Caloocan city, kamakalawa ng gabi.

Kinilala ni Caloocan police chief Col. Samuel Mina Jr, ang naarestong suspek na si Francisco Paquiado, 23 ng 1346 DM Cmpd. Heros Del 96, Brgy, 73 na nahaharap sa kasong paglabag sa RA 9165.

Sa imbestigasyon ni PCpl Rafael Tuballes, habang naka-duty sina PCpl Sarjhun Bello at PSSg Erikcson Lising sa West Grace Park Police Sub-Station (SS3) dakong alas-9:20 ng gabi nang dumating ang suspek para bumisita at magdala ng pagkain sa kanyang dating kapwa mga inmates.

Bilang parte ng standard operation procedure at existing policies, kinapkapan ni PCpl Bello ang suspek saka sinuri ang dala nitong pagkain at napansin ng pulis ang isa sa mga tinapay (pande coco) ay kahina-hinala dahil sa maliit na butas.

Nang tignan sa harap ng suspek at iba pang naka-duty na mga pulis, nakuha sa loob ng tinapay ang isang plastic sachet na naglalaman ng hinihinalang shabu na tinatayang nasa P816 ang halaga na naging dahilan upang arestuhin si Paquiado.

Ayon kay Col. Mina, dating nakulong ang suspek sa SS3 mula June 20, 2021 hanggang September 2, 2021 dahil sa paglabag sa PD 1602 (Cara y Cruz). (Richard Mesa)

KYLIE, bigay-todo at hahangaan sa ‘The Housemaid’; happy sa pagiging supportive ni JAKE

Posted on: September 9th, 2021 by @peoplesbalita No Comments

NGAYONG ika-10 ng Setyembre, kakaibang Kylie Verzosa ang mapapanood sa The Housemaid, ang erotic thriller mula sa Viva Films, dahil ilalabas nito ang pagiging inosente, mapusok, kalmado at palaban.

Si Miss International 2016 ay gumaganap bilang Daisy, kinuhang taga-pangalaga ng isang batang si Nami (Elia Ilano), anak ng bilyonaryong si William (Albert Martinez), at Roxanne (Louise Delos Reyes) na may kambal sa sinapupunan.

Nakuha naman ni Daisy ang loob ni Nami, at hindi lang ‘yon. Pati si William ay naging malapit sa kanya sa paraang hindi nararapat. Inakit ni William si Daisy sa pasimpleng pagbigay ng mamahaling alak at pagtugtog ng piano hanggang naging magkasiping na ang dalawa.

Nananatiling palakaibigan si Daisy kay Roxanne kaya naman hindi siya nito pinagdududahan. Ngunit may isang tao sa mansyon ang hindi maiwasan ni Daisy, si Ms. Martha (Jaclyn Jose) ang Mayordoma na nakakaalam ng lahat ng nangyayari sa mansion. Walang nakatatakas sa kanyang obserbasyon. May tinatago siyang hinanakit sa kanyang mga amo pero tuloy pa rin ang mahusay niyang serbisyo simula pa nang bata si Roxanne. Makasasama ba kay Daisy ang loyalidad ni Ms. Martha sa asawa ni William? Maliban kay Ms. Martha, dapat rin mag-ingat si Daisy kay Madam Ester (Alma Moreno), ang ina ni Roxanne. Tulad ng kanyang anak, sunud-sunuran lang din si Madam Ester kay William, pero may panahon para protektahan niya ang kanyang anak.

Ano ba ang inaasahan ni Daisy na mangyayari sa kanila ni William? Ano ang kabayaran ng kanyang pakikipagrelasyon sa isang makapangyarihan at may-asawang lalaki?

Ang The Housemaid ay adapted sa South Korean film na Hanyo na ipinalabas noong 1960, at nagkaroon ng remake noong 2010, nagkamit ng parangal sa iba’t-ibang international film festivals, kasama na ang Fantasporto sa Portugal, Oslo Film From the South Festival, at sa sarili nating Cinemanila International Festival.

Na-nominate din ito sa Palme d’Or, ang highest prize award sa prestihiyosong Cannes Film Festival. Ayon pa kay direk Roman Perez ay pinanood niya ang dalawang Korean versions, at pinilit nilang maging malapit sa orihinal na kuwento pero pasok sa panlasa ng mga Pinoy.

Ayon pa kay Direk Perez, “This is a very timely film. And yes, this can also join film festivals abroad eventually.”

***

SAMANTALA, sino kaya ang tinutukoy na nakarelasyon noon ni Kylie Verzosa na hindi ganun ka-supportive sa kanyang career kumpara sa boyfriend niya ngayon na si Jake Cuenca.

Kuwento nga ng former beauty queen na first time na bibida na hahangaan daw sa pinakitang pag-arte sa The Housemaid, “si Jake kasi, very professional pag gumagawa ng intimate scenes, naka-work ko na rin siya sa ganung ka-daring na eksena at naramdaman ko talaga na professional talaga siya.

“Trabaho talaga yun ng isang actor, pero hindi ‘yun ang highlights kung ano ang mangyayari after, pero journey yun ng character na kailangan pagdaanan, siguro yun ang natutulong niya sa akin sa mga daring scenes.

“And happy ko na suportive ang boyfriend ko dito sa project na ito, kasi naranasan ko na rin na kapag hindi supportive, mahirap talaga yun pag-uwi mo sa bahay.

“Kaya happy talaga ako na supportive si Jake and in this industry you really really need someone and a good support system, pag-uwi mo sa bahay, kasi mabigat na nga ‘yun eksena, tapos mabigat pa sa bahay, so, alam mo yun.

“Kaya happy talaga ako, na very supportive siya sa career ko.”

Mapapanood na nga ang The Housemaid sa September 10 sa Vivamax.

Mag-subscribe na sa Vivamax sa web.vivamax.net. Maaari ring mai-download ang app at mag-subscribe sa Google Play Store, App Store at Huawei App Gallery. Watch all you can na sa halagang P149 kada buwan o P399 para sa tatlong buwan para sulit na sulit. Meron pang hot price na P29 lamang at makaka-unli watch ka na for 3 days.

Bukod sa Hong Kong, Japan, Malaysia, at Singapore, mapapanood din ang The Housemaid sa Vivamax Middle East!

Sa ating mga kababayan sa UAE, Saudi Arabia, Kuwait, Oman, Bahrain, at Qatar, watch all you can na for only AED35/month. Sa Europe, makakapanood na sa Vivamax sa halagang 8 GBP kada buwan.

Vivamax, atin ‘to!

(ROHN ROMULO)

JOHN, mukhang susunod nang magpapaalam sa ‘Ang Probinsyano’; magko-concentrate na lang sa ‘It’s Showtime’

Posted on: September 9th, 2021 by @peoplesbalita No Comments

MUKHANG si John Prats na kaya ang bagong malalagas sa cast ng FPJ’s Ang Probinsyano.

Isa si John sa members ng Task Force Agila pero sa isang teaser ipinakitang duguan ito at naghihingalo habang tinatawag si Cardo.

Nabaril si John matapos na mapagtripan ng ilang kalalakihan.

Hindi naman bago sa FPJAP na may nawawalang cast member to give way to new characters.

Isa pa, baka mas gusto ni John na mag-concentrate sa trabaho niya bilang bagong director ng It’s Showtime kaya magpapaalam na ang kanyang karakter sa action serye ni Coco Martin.

Tiyak naman suportado ni Coco ang pagdidirek ni John kasi director din siya.

Samantala nakaabang pa rin ang mga fans ni Sharon Cuneta sa official announcement from Dreamscape Entertainment tungkol sa special guest appearance ng Megastar sa highly-popular action drama series.

***

NAKAKIKILIG daw ang pakiramdam sa naging pagtanggap sa kanya ng ABS-CBN at Dreamscape Entertainment.

Ito ang ipinahayag ni Sunshine Dizon na lumipat sa ABS-CBN matapos ang mahabang panahon na ito ay isang loyal Kapuso.

It was in the Kapuso network kung saan maraming memorable TV projects na ginawa si Sunshine, tulad na lamang ng Encantadia.

Nagpapasalamat si Sunshine sa mainit na pagtanggap sa kanya bilang bagong Kapamilya.

Ang seryeng Marry Me, Marry You ang unang show ni Sunshine sa brand new network niya.

Masaya rin si Sunshine kung paano sila inalagaan ng Dreamscape during their lock-in taping.

Dahil pandemic, lahat ng artista at production team ay sumusugal just to make sure na safe sila sa lock-in taping.

Lahat naman daw sila ay nag-take ng necessary precautions and lahat naman sila ay lsa trabahong inalok sa kanila.

Big deal para kay Sunshine na ipinaramdam sa kanila ng Dreamscape na safe sila sa lock-in taping.

Itong Marry Me, Marry You and unang project ni Sunshine as a Kapamilya talent. Starting September 13 ay mapapanood na ito sa Kapamilya Channel, Kapamilya Online Live, A2Z, at TV5.

***

VERY generous naman si Gretchen Barretto.

Hindi lang members ng entertainment press ang binigyan niya ng food ayuda kundi pati mga press photographers at ibang colleagues sa entertainment industry nakasalamuha man niya ang mga ito o hindi.

Malaking bagay ang ipinadalang ayuda ni Gretchen sa mga natanggap nito, considering ang ibang sa mga ito ay walang inaasahang trabaho sa kanila dahil sa nangyaring pandemya.

Kaya naman lubos ang kanilang pasasalamat sa food ayuda galing sa dating Seiko contract star.

(RICKY CALDERON)

COVID-19 cases sa PNP tumataas

Posted on: September 9th, 2021 by @peoplesbalita No Comments

Kasabay ng patuloy na pagtaas ng kaso ng COVID sa hanay ng mga pulis, inutos ni Philippine National Police (PNP) Chief Gen. Guillermo Lorenzo Eleazar sa PNP Administrative Support to Covid-19 Task Force (ASCOTF) na magsagawa ng inventory sa mga gamot at iba pang mga medical supplies na kakailanganin ng mga police personnel.

Aminado si Eleazar na nababahala siya sa patuloy na pagtaas ng Covid-19 infections sa kanilang hanay na sumampa na sa 108 ang kanilang fatalities.

Aniya, inatasan niya si PNP ASCOTF Commander Lt. Gen. Joselito Vera Cruz na magsagawa ng imbentaryo sa mga gamot at iba pang mga kagamitan para sa medical needs at proteksiyon ng mga kapulisan.

Sinabi ni Eleazar na kailangan na lagi silang handa sa mga worst-case lalo pa’t mahigit na sa 100 pulis ang namamatay dahil sa COVID. Dapat din aniyang mag-ingat ang mga pulis kahit na bakunado na ang mga ito.

Pinaalalahanan niya ang mga police unit heads at mga commanders na istriktong ipatupad ang minimum public health standards sa kanilang mga respective offices at police stations para maiwasan ang transmission ng Covid.

Sa huling datos ng PNP kahapon, nasa 2,181 ang active cases habang ang nasawi ay nasa 108.

NCR nasa COVID-19 Alert Level 4 na

Posted on: September 9th, 2021 by @peoplesbalita No Comments

Isinailalim sa COVID-19 Alert Level 4 ang buong National Capital Region (NCR), maliban na lamang sa lungsod ng Maynila, dahil sa patuloy na pagtaas ng mga naitatalang bagong kaso ng sakit at hospitalisasyon sa rehiyon.

“All areas except the City of Manila are classified as Alert Level 4. The Delta variant of concern had been detected across all areas in the National Capital Region,” pagkumpirma kahapon ni Health Undersecretary Maria Rosario Vergeire.

Ayon kay Vergeire, ang NCR ay nakapagtala rin ng positive 2-week growth rate, high-risk average daily attack rate (ADAR) at high-risk case classification.

“The regional health systems capacity is at high-risk with ICU utilization at 74 percent,” dagdag pa niya.

Ang Quezon City ay nakapagtala ng aktibong kaso na 7,800 kasunod ang Maynila, 5,005; Caloocan City, 3,826; Pasig City, 3,561 at Makati City, 3,529.

Sa Maynila, bagama’t mataas din ang naitalang mga bagong kaso, ay itinaas lamang ito sa Alert Level 3, dahil ang bed utilization rate nito ay nasa 65.47% lamang at ang ICU utilization rate ay nasa 61.75%.

Ayon sa DOH, ang Alert Level 4 ay itinataas sa isang lugar kung umabot na sa 70% pataas ang hospital bed capacity at nasa ilalim ng moderate hanggang critical risk. Ang Alert Level 3 ay nasa moderate hanggang critical risk at hindi pa umaabot sa mahigit 70% ang ICU utilization rate.

Isang kongresista, sinopla ni Sec. Roque

Posted on: September 9th, 2021 by @peoplesbalita No Comments

“Guni-guni lang po ‘yan.”

Ganito kung ilarawan ni Presidential Spokesperson Harry Roque ang naging obserbasyon ng isang mambabatas na ang sinasabing “new variant” ng illegal pork barrel fund ay kasama sa panukalang P5.024-trillion budget para sa 2022 ng pamahalaan.

Ang pahayag na ito ni Sec. Roque ay tugon sa natuklasan ni Gabriela partylist representative Arlene Brosas na may P10 bilyong piso ang nakalaan sa isang item na tinatawag nitong Growth Equity Fund (GEF) sa ilalim ng Local Government Support Fund na maaaring gamitin sa halalan sa susunod na eleksyon.

Sinabi ni Brosas na ang alokasyon ay bumagsak sa juridical definition ng pork barrel o discretionary funds ng lehislatura na idineklara naman ng Korte Suprema bilang illegal.

Ayon naman kay Sec. Roque, ang Internal Revenue Allotment (IRA) sa panukalang 2022 budget ay mas mataas ng 37% dahil babalikatin ng local government units (LGUs) ang gastusin na inilatag ng departments of Social Welfare and Development (DSWD), Agriculture (DA), at Health (DOH).

Ang paliwanag pa ni Sec. Roque, ang equity fund ay ipalalabas sa 4th, 5th, at 6th class municipalities dahil hindi nito kayang pasanin o balikatin ang gastos para sa mga serbisyo ng nasabing ahensiya.

“Miski gawin mong 37 percent more ang kanilang budget, hindi po sapat para sagutin ang gastos dati ng DA, DOH, at DSWD. Diyan po papasok ang equity fund,” anito.

Sa kabilang dako, inaasahan naman ng Malakanyang ang gobyerno at LGUs na makaiisip ng kanilang devolution plan kasunod ng pagtaas ng IRA.

Noong nakaraang buwan, sinabi ng Malakanyang na ang panukalang 2022 budget ay itinuturing na “biggest budget” na ipinanukala ng Executive Branch sa Kongreso.

Gaya ng sinabi ng DBM, ang 2022 NEP ay maingat na nilikha para magbigay ng kaukulang funding requirements para suportahan ang katatagan ng bansa laban sa coronavirus disease (COVID-19) pandemic, para mapanatili ang trajectory ng economic growth, at ipagpatuloy ang legacy ng infrastructure development.

Ang ilang “key items”sa panukalang 2022 budget ay ang sumusunod:

P45.4 billion para sa COVID-19 booster shots ng 93.798 million fully vaccinated Filipinos

P983 million para sa pagtatatag ng Virology Science and Technology Institute of the Philippines

P140 million para sa biosurveillance at immune-biosurveillance ng COVID-19 variants sa ilalim ng Genomic Information and Resource Hub. (Daris Jose)

‘Bakuna Bubble’ gustong i-test sa NCR areas na may high vaccination rates

Posted on: September 9th, 2021 by @peoplesbalita No Comments

ISINUSULONG ni Presidential adviser for entrepreneurship Joey Concepcion ang test implementation ng “bakuna bubbles” sa mga lungsod ng Kalakhang Maynila na mayroong vaccination rates laban sa COVID-19.

Sa isang kalatas, sinabi ni Concepcion na ang pagpapatupad “bakuna bubbles” sa mga lugar sa National Capital Region (NCR) na may high vaccination rates ay makapag-aambag sa vaccination program kasabay ng tamang paraan para buksan ang ekonomiya.

“We can implement the ‘bakuna bubble’ concept in an LGU (local government unit) in NCR with a high vaccination rate to test if the model will work,” ayon kay Concepcion.

Ani Concepcion, ang nasabing panukala ay maaaring ipatupad sa gitna ng surge.

Idinagdag pa niya kung ang “bakuna bubble” ay napatunayang gagana sa high-vaccination LGUs, ay maaari itong ipatupad sa NCR level.

Nauna rito, sinabi naman ni Justice Secretary Menardo Guevarra na mahaharap sa usaping legal ang panukalang pagkakasa ng bakuna bubbles para ihiwalay ang mga fully vaccinated kontra COVID-19 mula sa mga hindi pa bakunado.

Ito ayon sa Kalihim ay dahil pasok sa nasabing hakbangin ang isyu ng diskriminasyon.

Sinabi ni Guevarra na mayroong valid medical reasons ang ilang tao kaya’t hindi dapat mabakunahan kontra COVID-19.

Binigyang diin pa ni Guevarra na ang panukalang pagkakaroon ng bakuna bubbles ay kailangan para protektahan ang mga nabakunahan na gayundin ang mga hindi pa natuturukan, himukin ang mga hindi bakunado para magpa bakuna na at makatulong na mapalakas ang ekonomiya ng bansa.

Ito aniya ay bagamat hindi pa available ang bakuna sa ilang lugar.

Aniya ang mga maliit na hakbang ay makakatulong aniya na makamit ng herd immunity.

“For the entire Philippines to achieve higher vaccination rates, these Bakuna Bubbles have to likewise cooperate in vaccinating their members. These are small steps that will then accumulate,” ang pahayag naman ni Concepcion.

Ang tinatawag na “bakuna bubbles” ay “pockets of micro-herd immunity among closed groups, such as homes and workplaces.”

Ang solusyon ay ipinanukala para paganahin ang ekonomiya habang ang natitirang populasyon ay binabakunahan.

Nire-require din sa mga hindi bakunadong indibiduwal na mag-presenta ng negatibong antigen o RT-PCR test bago pumasok sa high-risk establishments gaya ng restaurants, salons, coffee shops, gyms, at iba.

Itinutulak naman ni Trade Secretary Ramon Lopez na payagan ang mga fully-vaccinated individuals na makapag- avail ng dine-in at personal care services sa layuning mahikayat ang iba na magpabakuna.

“The presence of the Delta variant has changed the game, but the key objectives of vaccines–preventing hospitalization, deaths, and transmission–remain the same. Those fully vaccinated have a slimmer chance of contracting severe infections and that is for certain,” ayon kay Concepcion.

PDP-Laban Cusi Wing, tuluyan nang nilaglag si Pacquiao para makasama sa senatorial slate na sasabak sa Eleksyon 2022

Posted on: September 9th, 2021 by @peoplesbalita No Comments

TULUYAN nang nilaglag ng PDP-Laban wing sa pamumuno ni Energy Secretary Alfonso Cusi si Sen. Manny Pacquiao para maikunsidera ito sa Senate slate para sa 2022 elections.

Nauna nang sinabi ng Cusi group na inalok nila si Pacquiao na makasama sa kanilang Senate slate matapos na mapatalsik ito bilang party president at sumunod naman ang “word war” kay Pangulong Rodrigo Roa Duterte.

Ang paksyon naman ni Pacquiao noong huling linggo ng Agosto ay nagdesisyong patalsikin si Pangulong Duterte bilang party chairman.

“We have been inviting him (Pacquiao), been wanting to meet with him. But unfortunately, he closed the door to us,” ayon kay Cusi.

“Ang nangyari kasi, he not just closed the door, but also burned the bridges,” dagdag na pahayag nito.

Ang 2 PDP-Laban factions ay naghain ng magkahiwalay na Sworn Information Update Statements noon nakraang buwan.

Ang grupo na mabibigong makakuha ng approval ng Commission on Elections (Comelec) ay hindi mabibigyan ng Certificates of Nomination and Acceptance na kinakailangan para tumakbo sa ilalim n partido.

Nakatakda namang isiwalat ng Cusi wing kung sinu-sino ang kanilang Senate candidates sa convention nito, bukas araw ng Miyerkules.

Nakahanda naman si Pacquiao na tumakbo bilang independent candidate, ayon sa kanyang kaalyadong si Ron Munsayac.

“Asked if the other wing was also ready to field independent candidates, We’ll cross the bridge when we get there… We are prepared as a party,” ayon kay Cusi.

“Of course, we have been planning what are the options in events, in cases like that,” dagdag na pahayag nito. (Daris Jose)