2021 September Archive - People's Balita

Archive for September, 2021

‘Bago ang Ugas fight, Pacquiao kumunsulta kay Mommy D sa political plans’

Posted on: September 22nd, 2021 by @peoplesbalita No Comments

GENERAL SANTOS CITY – Buong suporta ang ibibigay ni Mrs. Dionesia Pacquiao para sa anak makalipas na tanggapin ni Sen. Manny Pacquiao ang nominasyon ng PDP-Laban Pimentel faction para tumakbo ito sa pagka-pangulo sa 2022 elections.

Sa exclusive interview ng Bombo Radyo GenSan, inihayag ni Mommy D na bilang ina marapat lang na sumuporta sa kagustuhan ng anak na maglingkod sa bayan.

Aniya, masaya siya sa mabuting hangarin ni Manny kahit pa may kaakibat itong napakalaking responsibilidad na balang araw ay maging responsibilidad na rin ng buong pamilya.

Inamin nang itinuturing na “Pacmom” na hindi pa noon nakalipad si Manny ng Amerika para sa kanyang boxing match ay kinonsulta na siya nito para sa pagtakbo bilang presidente.

Sinabi ni Mommy D na ipinauubaya na lamang nito sa Panginoon ang lahat at sinabing kumpiyansa ito sa kakayahan ng anak.

Samantala, sinabi naman na nito na hindi siya nababahala na maging sentro ng mga kritisismo si Manny sabay sabing hindi ito magkukulang sa pagbibigay ng payo.

Sinabi naman nito na nakatulog siya ng mahimbing kagabi dahil nakita rin nito sa mukha ng anak na positibo sa pagtakbo bilang presidente ng bansa.

MARCO, walang takot na maghubo’t-hubad at ‘di pumayag na maglagay ng plaster; tinalbugan sina MARCO G. at ALJUR

Posted on: September 22nd, 2021 by @peoplesbalita No Comments

KUMALAT na sa social media at sa ilang gay websites ang daring photos ni Marco Gallo na kuha sa isang eksena sa pelikulang Ang Manananggal Na Nahahati Ang Puso.

Sa mga naturang photos, hubo’t hubad na naliligo si Marco at kita ang puwet niyang maputi, makinis at matambok.

Pumayag ang 20-year old Fil-Italian na gawin ang mga daring scenes sa movie para raw sa paghahanda sa mga susunod pang mature roles.

Wala raw kiyeme itong si Marco na maghubo’t hubad sa eksena dahil natural daw sa kanilang mga Europeans ang maligo na walang saplot sa katawan.

Inalok nga raw na mag-plaster si Marco para walang makita na private part niya. Pero ang aktor na rin ang tumanggi sa plaster at okey daw siyang gawin and eksena na walang takip ang nota niya.

Naging maingat naman daw ang direktor ng movie na si Darryl Yap na hindi lumabas na porno ang eksena ni Marco. Puro likod lang daw ang kuha sa aktor kaya magsasawa ang mga beki sa matambok na puwet nito.

Kung tutuusin, mas daring pa itong si Marco kumpara sa mga ginawang daring scene nina Marco Gumabao sa Just A Stranger at Aljur Abrenica sa Nerisa.

Produkto si Marco Gallo ng Pinoy Big Brother 7 at nakarelasyon nito ang unica hija nina Richard Gomez at Lucy Torres-Gomez na si Juliana Gomez.

***

NAGING emotional ang mag-asawang Solenn Heussaff at Nico Bolzico sa social media nang magawa nilang maibiyahe na ang anak nilang si Thylane para mabisita ang lolo at lola nito na nakatira sa Madrid, Spain.

First time kasi na makapag-travel ni Thylane simula noong ipinanganak ito last year. Nagkataon na nagkaroon ng pandemya kaya hanggang sa bahay lang sila ng buong taon.

Ngayong taon lang din nagawa nila Solenn at Nico na maipasyal si Thylane sa beach at dahil okey na ang bumiyahe abroad, naisipan nilang lumipad for Spain para makilala na ng parents ni Nico ang kanilang apo.

Dahil first time daw sa isang international flight si Thylane, dalawang oras lang daw itong nakatulog sa buong 18-hour flight. Pero sulit naman daw ang biyahe nila dahil kinaaliwan si Thylane ng grandparents nito.

“Meeting her Abuelos for the first time and it was love at first sight for both parties. Let the adventures begin!” post pa ni Nico.

Halos maiyak naman daw ang mag-asawa nang kumain sila sa isang restaurant sa Madrid kasama si Thylane. First time din daw kasi na makakain sa isang restaurant ang kanilang anak.

Dahil sa pandemic, nagsara ang mga paboritong restaurants nila Solenn at Nico kaya never daw na-experience ng anak nila ang kumain sa labas at hanggang sa bahay lang daw nila ito kumakain.

***

SUMAILALIM ang Hollywood comedienne na si Amy Schumer sa isang major surgery for endometriosis.

Ayon sa WebMD: “Endometriosis happens when the endometrium, the tissue that usually lines the inside of a woman’s uterus, grows outside it. This tissue acts like regular uterine tissue does during your period: It will break apart and bleed at the end of the cycle. But this blood has nowhere to go. Surrounding areas may become inflamed or swollen. You might have scar tissue and lesions. Endometriosis is most common on your ovaries.”

Sa pinost na video ni Schumer sa Instagram, binalita niya na tinanggal na ang kanyang uterus at appendix.

“So, it’s the morning after my surgery for endometriosis and my uterus is out. The doctor found 30 spots of endometriosis that he removed. He removed my appendix because the endometriosis had attacked it. There was a lot, a lot of blood in my uterus and I’m, you know, sore and I have some, like, gas pains. If you have really painful periods, you may have #endometriosis.”

Ilan sa mga kaibigan ni Schumer na nagpadala ng “get well soon” messages ay sina Debra Messing, Padma Lakshmi, Vanessa Colton at Elle King.

(RUEL J. MENDOZA)

Ministry of Defense, naglunsad ng imbestigasyon sa leak ng detalye sa 250 Afghan interpreters

Posted on: September 22nd, 2021 by @peoplesbalita No Comments

Ipinag-utos ni British Defence Secretary Ben Wallace ang agarang imbestigasyon matapos na malabag ang data privacy ng nasa mahigit 250 Afghan interpreters na dating naninilbihan sa UK military forces.

Inamin ng Ministry of Defence (MoD) na nagkaroon ng leak sa mga impormasyon hinggil sa email address ng mga Afghan interpreters na humihiling ng relocation sa UK at humingi ng paumanhin sa nagawang paglabag at sinigurong hindi na ito mauulit pa.

Ayon sa MoD na mahigit 250 Afghans ang nag-a-apply sa UK sa pamamagitan ng Afghans Relocations and Assistance Policy (Arap) scheme na tumutulong sa mga Afghans na nananatili pa rin sa Taliban controlled country kung saan aksidenteng nakopya ang kanilang mga detalye gaya na lamang ng kanilang profile pictures, contact details sa email ng Ministry of Defence.

Karamihan sa mga ito ay nasa Afghanistan pa habang ang iba naman ay tumakas at kasalukuyang nagtatago

PDU30, inakusahan ang Philippine Red Cross na “sablay” sa pagsasagawa ng COVID tests

Posted on: September 22nd, 2021 by @peoplesbalita No Comments

PINARATANGAN ni Pangulong Rodrigo Roa Duterte ang Philippine Red Cross na sablay sa pagsasagawa ng COVID-19 tests sa bansa dahil sa makailang ulit na pagkakamali na pagbibigay ng resulta nito.

Sa Talk to the People, araw ng Lunes ay isiniwalat ng Pangulo ang 44 hospital personnel, na nadeklarang COVID-19 positive ng Philippine Red Cross matapos ma-swab test, subalit naging “false positives” naman matapos na sumailalim sa confirmatory tests sa ibang molecular laboratory.

HIndi naman binanggit ng Pangulo kung saang medical institution nagta-trabaho ang mga nasabing frontliners.

Binanggit din ng Chief Executive ang isa pang report kung saan ay mayroong mahigit na 200 personnel ng Presidential Security Group at Department of Finance ang na-diagnosed ng Red Cross na positibo sa Covid 19 subalit nag-negatibo naman matapos ang confirmatory tests.

Dahil dito, muling winakwak ng Pangulo si Sen. Richard “Dick” Gordon, chair ng Philippine Red Cross, dahil sa reports ng COVID-19 tests ng organisasyon.

“Ang mahirap nito Dick, paano ‘yung mga tao na tumanggap na lang sa PCR test ninyo na positive sila, when all along, negative sila. But because walang pera . . . The meek, unassertive ones pasunod-sunod na lang and had to endure a confinement of two weeks. When all along, tested negative pala sila,” ayon sa Pangulo.

“‘Yan ang problema mo sa Red Cross. Problema ka na, problema pa ang Red Cross sa iyo,” dagdag na pahayag nito.

Kaya, dapat lamang na imbestigahan ng Department of Health ang reports ng Red Cross sa kanilang COVID-19 tests.

“Ilan ‘yung nadagdag dun sa nagpositive sa isang araw … na negative. Nasali na dun sa numero na napakarami … how sure are we now in our figures?” aniya pa rin. (Daris Jose)

Pfizer COVID-19 vaccine ligtas ng gamitin sa mga batang edad 5-11

Posted on: September 22nd, 2021 by @peoplesbalita No Comments

Inanunsiyo ng Pfizer na ligtas na gamitin ang kanilang COVID-19 vaccine sa mga edad 5 hangang 11.

Ito ay base aniya sa isinagawang medical trial ng kumpanya.

Ang trial ay kinabibilangan ng 2,268 na mga may edad 5-11 na gumamit ng dalawang dose regimen ng bakuna na itinurok na may 21 araw na pagitan.

Ginamit nila dito ang 10-microgram dose o mas maliit ng 30 microgram dose na ginagamit sa mga may edad 12 pataas.

Parehas din aniya ang side effects na naramdamdam sa mga may edad 16 pataas ang naranasan ng nasabing sumali sa clinical trial.

Plano ng kumpanya na ipasa sa US Food and Drug Administration ang kanilang clinical studies para sa emergency use authorization.

1 month to go: Bagong NBA season aarangkada na, ilang teams tiniyak na babawi

Posted on: September 22nd, 2021 by @peoplesbalita No Comments

Eksaktong isang buwan mula ngayon, pormal nang magbubukas ang bagong season ng NBA.

Kaya naman sa susunod na linggo simula na rin ng puspusang training camps matapos ang pahinga ng mga players at koponan dahil sa NBA offseason.

Kasabay ng regular season tip off sa darating na October 19, ay ang selebrasyon din ng ika-75 anibersaryo ng liga.

Umaasa ang NBA na sa pagkakataong ito dahil mas marami na ang nabakunahan ay bahagyang babalik sa normal ang 2021-2022 season.

Kung maalala noong huling torneyo ay maraming players ang tinamaan ng COVID-19 at maging ang ilang mga staff kaya nagdulot ito ng pagka-postpone ng maraming games at gayundin ang kawalan ng maraming mga fans sa mga arena.

Ayon sa ilang mga eksperto, maraming surpresa sa mga basketball fans ang papasok na opening ng NBA dahil sa mga bagong mukha na mga bagitong players at nakakagulat na mga palitan ng mga players upang mapalakas pa ang kanilang tiyansa.

Kabilang daw sa mga teams na babawi at babandera sa agawan sa pag-usad sa playoffs sa bagong season ay ang mga sumusunod: Golden State Warriors, Miami Heat, Chicago Bulls, Boston Celtics, Los Angeles Lakers, Toronto Raptors, Minnesota Timberwolves, Indiana Pacers, at Charlotte Hornets.

Medical, nursing students, makikiisa sa vaccination efforts ng gobyerno

Posted on: September 22nd, 2021 by @peoplesbalita No Comments

SINABI ni National Task Force Against Covid-19 special adviser Dr. Teodoro Herbosa na may mga senior medical at nursing students ang makikiisa upang maging kabahagi ng Covid-19 vaccination rollout efforts ng pamahalaan bilang volunteer vaccinators.

Aniya, nakatakdang mag-sign up ang mga ito upang maging volunteer vaccinators.

Sinabi ni Herbosa na ang pagkuha ng mas maraming tao para magbakuna ay “susi” para sa mas mabilis na vaccination rollout.

Sa kabilang dako, winelcome naman ni Herbosa ang pagdating sa bansa ng 561,600 doses ng Pfizer vaccine na dinonate ng Estados Unidos sa pamamagitan ng COVAX Facility, araw ng Lunes.

Ang vaccination rollout ay bumagal mula sa dating 700,000 doses na ibinabakuna kada araw ay naging 400,000 doses na lamang ito.

“But I think with the volume of vaccines arriving, we should be able to catch up by next week. The key really is getting more vaccinators to volunteer,” ayon kay Herbosa sa isang panayam.

Nagkaroon naman ng pag-uusap sa National Vaccination Operations Center sa pagitan ng medical at nursing schools at Commission on Higher Education na inaprubahan na payagan ang mga senior medical at nursing students na maging volunteer sa iba’t ibang vaccination sites.

Sa oras na maaprubahan, sinabi ni Herbosa na ang karagdagang manpower ay makapagpapabilis na sa vaccination program.

“Alam ko pretty soon ‘yan kasi even before this agreement the medical students are already undergoing training, they joined some of our vaccination training, we are just waiting for final approval,” ayon kay Herbosa.

“And then we discovered that in a crisis the Department of Health can deputize our medical students so there’s a legal basis to actually use medical students even if they’re not yet licensed for medicine,” dagdag na pahayag nito.

Aniya, ang mga volunteers na magsa- sign up bilang vaccinators ay maaaring bigyan nghonoraria at transport allowances.

Samantala, kasama naman sa nag-welcome sa huling shipment ng Pfizer vaccine ay sina NTF medical consultant Dr. Ma. Paz Corrales, Department of Health Undersecretary Carolina Vidal-Taiño, UNICEF Philippines’ chief of Health and Nutrition Dr. Malalay Ahmadzai, US Embassy Chargé d’Affaires Heather Variava at Health Director Michelle Lang-Alli from USAID Philippines. (Daris Jose)

NBI PASOK SA IMBESTIGASYON SA ABOGADO SA COTABATO

Posted on: September 22nd, 2021 by @peoplesbalita No Comments

MAGSASAGAWA na rin ng imbestigasyon ang National Bureau of Investigation (NBI) kaugnay sa pagpatay sa isang abodago sa South Cotabato na si Juan Macababbad.

Ito ay matapos ipag-utos ni Justice Secretary Menardo Guevarra nitong Lunes sa pamamagitan ng Department Order No. 222 kay NBI Officer-In-Charge Eric Distor na magsagawa ng imbestigasyon at case buid-up sa pagkamatay ni Macababbad’s.

Ang 68 anyos na abogado ay binaril sa harap ng kanyang bahay sa Barangay Poblacion, Surallah, South Cotabato noong September 15.

Iniulat na nakakatanggap na ito ng mga death threats bago pa man nangyari ang pamamaril.

Ang mga hinawakang mga kaso ng human rights lawyer ay kadalasan sa mga mangsasaka, mangingisda, i for al settlers at biktima ng umano’y extra-judicial killings.

Magkakaroon naman ng public viewing sa kanyang labi hanggang September 23 sa kanyang bahay habang ang kanyanv libing ay gagawin sa Koronadal Valley Eternal Garden kinabukasan.

“We request that families, friends, and colleagues who will attend the wake should strictly observe health guidelines and protocols. Let us be vigilant in keeping everyone’s health and safety a priority. We also ask that those who have health vulnerabilities to just stay at home. Your thoughts and prayers are very much appreciated,” bahagi ng post sa Facebook ng kanyang pamilya nitong Linggo.

Hiling din ng kapatiran ng abogado mula sa Ateneo Law School-based Fraternal Order of Utopia ang masusing imbestiagsyon sa krimen.

“These attacks must end,” the group said while calling on authorities for a “fair, full, and speedy investigation”, pahayag naman ng Integrated Bar of the Philippines – South Cotabato at General Santos City sa pagpatay kay Macababbad na itinuring na isang matapang na tagapagtaguyod ng hustisya at mga karapatang sibil. GENE ADSUARA

PDU30, gustong imbestigahan ng DoH ang “false positives” ng PRC

Posted on: September 22nd, 2021 by @peoplesbalita No Comments

HINILING ni Pangulong Rodrigo Roa Duterte sa Department of Health (DOH) na imbestigahan ang napaulat na reklamo tungkol sa “false positives” ng Covid-19 tests na ginawa ng Philippine Red Cross (PRC).

Sa kanyang Talk to the People, araw ng Lunes ay sinabi ng Pangulo na nakatanggp siya ng ulat na mayroong “false-positive results” sa swab testing processed sa iba’t ibang molecular laboratories ng PRC na pinamumunuan ni Senador Richard Gordon.

“I also would like to ask. Are your testing facilities and equipment are really as good as you say they are? Because I have heard of many false-positive cases from your laboratories. Can you enlighten the Filipino people on this?” ayon sa Pangulo.

Aniya, ipinabatid sa kanya na may 44 mula sa 49 na kabuuang hospital personnel ang nagpositibo sa swab tests na ginawa ng molecular laboratory ng PRC sa Subic subalit nag-false positives matapos na magpa-retest ang mga ito sa ibang pasilidad.

Bukod dito, may 213 personnel ng Presidential Security Group ang na-test positive sa proseso ng PRC Manila subalit nag-negatibo naman sa kanilang confirmatory tests.

Idinagdag pa nito na maging ang mga opisyal ng Department of Finance ay nakaranas ng kahalintulad na insidente mula sa PRC.

“Because of this information then maybe the DOH must investigate this matter. You could be putting more people at risk. You could be falsely adding to the total positive cases per day of this country,” ayon kay Pangulong Duterte.

Samantala, kinumpirma naman ni DOH Secretary Francisco Duque III na nakatanggap sila ng reklamo sa bagay na ito.

Aniya, sanib-puwersa ang health department at ang Research Institute for Tropical Medicine na nag-iimbestiga ngayon sa insidente sa PRC Subic. (Daris Jose)

Enrile, gustong ideklarang persona non grata ang ICC

Posted on: September 22nd, 2021 by @peoplesbalita No Comments

SINABI ni dating Senate President Juan Ponce Enrile na hindi dapat payagan na makapasok ng bansa ang International Criminal Court (ICC) probers para magsagawa ng pormal na imbestigasyon hinggil sa kampanya laban sa illegal na droga ng pamahalaan.

“Pag punta dito, dapat wag papasukin sa bansa. Prevent him. The Immigration must not allow him to come in. He is a persona non grata,” ayon kay Enrile.

Nanawagan din si Enrile sa sambayanang filipino na ipagtanggol si Pangulong Rodrigo Roa Duterte mula sa mga kritiko na sumusuporta sa imbestigasyon ng ICC sa drug war ng administrasyon.

“Yung International Criminal Court na ‘yan, pinipilit nila na imbestigahin ang Presidente ng Pilipinas , they do not realize that he’s authorized by the Constitution to enforce the laws,” anito.

Aniya, ang highest elected official ng bansa ay maaari namang papanagutin sa pamamagitan ng impeachment, wala aniyang dahilan para umeksena pa ang ICC.

Sa halip, marapat lamang na magkapit-bisig ang mga filipino para protektahan si Pangulong Duterte bilang “symbol of statehood.”

“Tayong mga Pilipino puwede natin patikwasin ang Presidente natin, pero pag aapihin ng taga labas, ang Presidente ng Pilipinas, simbolo ng ating estado …we must all bond together to support him and throw out any foreigner who cast any doubt on the authority and nobility on our President,” anito.

Tila ginagamit ayon kay Enrile ng ICC ang mga kritiko ni Pangulong Duterte para isulong ang kanilang “political agenda.”

“Kung tayo’y talagang Pilipino, ipagtatanggol natin yung hinalal ng makapangyarihan na botante ng Pilipinas bilang hari natin. Huwag natin papayagan bastusin ng banyaga. …A slap on our President by others, from other countries is a slap on the Filipino people,” aniya pa rin.

Giit ni Enrile na ang mga sumusuporta sa ICC probe ay ” most likely communists.”

“Yang mga sumusuporta diyan sa mga ‘yan mga kaliwa na lumalaban sa uri ng gobyerno natin. E ang mga followers ni Karl Marx yang mga ‘yan, ni Lenin. Kung gusto nila maging komunista, di pumunta sila sa Russia, pumunta sila sa North Korea,” anito.

Aniya, ang communist type of government ay “impractical” sa kasalukuyang kalagayan ng bansa. (Daris Jose)