BABALIK pa rin si Piolo Pascual sa Kapamilya network.

Nagtanong kasi siya sa head ng ABS-CBN creative communication management na si Ginoong Robert Labayen kung kailan ang shoot ng 2020 Christmas station ID ng ABS-CBN base sa panayam nito sa Kumu talk show ni Miss Charo Santos-Concio na ‘Dear Charo’ nitong Nobyembre 2.

“So kailan tayo mag-i-SID ulit?” na sinagot naman ng co-host ni Ma’am Charo, ‘Inuumpisahan na,’

Trending lagi ang station id ng ABS-CBN lalo na kapag Disyembre sa tagline nilang ‘Bro, Ikaw ang Star ng Pasko’, ‘Star ng Pasko’ at ‘Family is Love, na isa si Piolo sa laging ipinapakitang kumakanta.

At dito nag butt-in si ma’am Charo ng, ‘‘Yan ha, sabi ni PJ, kailan daw tayo mag-i-SID. Why not? Kapamilya forever?’

Sumagot kaagad ang aktor ng, “Kapamilya forever.”

Isa si Piolo sa prominenteng personalidad na nasa Station ID ng ABS-CBN dahil sila ‘yung prime artist’s ng network bukod pa sa pagiging loyal nila.

Pero ngayong nasa TV5 na ang aktor para sa programang Sunday Noontime Live ay questionable na ang loyalty niya.

Ipinagdiinan naman niya na Kapamilya pa rin siya at nagta- trabaho lang naman siya dahil nga limitado ang nilalabasan ng mga artistang naiwan sa Kapamilya network sanhi ng hindi pagbigay ng bagong prangkisa ng Kongreso.

Idinaan sa biro ng aktor ng banggitin ni ma’am Charo na kailangan ng i-update ang “Lupang Hinirang” video ng ABS- CBN na kinunan pa noong 2011 na ipinalalabas sa pagbubukas at pagtatapos ng palabas sa mga sinehan.

“Huwag, Tita, ‘pag pinalitan ‘yon, baka mawala ako!” tugon ni Piolo.

Tumawang sabi naman ng dating Presidente ng ABS-CBN, “Oo, huwag na. Baka Nangangapit- bahay ka lang.”

At ipinagdiinan na ni PJ, “Nagtatrabaho lang po (TV5). But Tita come on, that’s not something we talk about, but napakaliit ng industriya. Nakapaliit ng mundo natin. I guess, tatanda po tayong magkakasama. And I’ll always be grateful for the chance to know people like you, especially you, Tita.’’

Muling pinasalamatan ng aktor si ma’am Charo na nagsilbing guide niya sa lahat ng desisyon niya sa buhay dahil kung wala ang executive ay baka namali lahat at pinagsisihan niya ito dahil plano na nitong mag-retiro sa showbiz noong 2014.

“If not for your sound advice, siguro, I would have made some choices that I would regret. But you were there, you were always around, you always made yourself available for me whenever I needed it.

“It relaxed me, made me feel secure, knowing that I had a home, I had a place wherein I can grow and where I can be myself. So thanks for that,’’ pahayag ni Piolo.

Anyway, trulili kaya na pagkalipas ng 6 months’ o 1 year ay babalik na si Piolo sa Kapamilya network? Paano na ang Sunday Noontime Live?

*****

NAKAHINGA na nang maluwag at nakakakilos na ng walang inaaalalang mga matang nakatingin si Alex Diaz simula nu’ng umamin siyang bisexual siya noong 2019

“The more I talk about it, the more I understand myself better. In terms of being mas careful, I feel like before I was so careful and when you are so careful trying to keep yourself from doing anything wrong, when you explode, grabe talaga yung explosion di ba.

“Now I’m at this point where watching what I say, watching how I act, watching what I do, grabe I feel like I’m in such a good place where I don’t have to be careful. Now I’m paid to be exactly who I am. So it’s a good feeling,” paliwanag ng aktor.

Inamin ni Alex na hirap na hirap siya noong hindi pa siya umaamin ng sexual preference niya kasi nga kailangan niyang mapangalagaan ang kanyang imahe lalo’t maraming pumapasok na product endorsements.

Ang management niyang Cornerstone Entertainment ang nakakaalam ng tunay niyang pagkatao at mga kaibigan.

‘’Actually, they know naman, it’s the fans na kailangang itago,” sambit ni Alex na sobrang guwapo sa ginanap na virtual digicon para sa iWant 6-episode series na Oh, Mando! produced ng Dreamscape Digital Entertainment at Found Films na idinirek ni Eduardo Roy, Jr.

Kaya naman nang i-alok sa kanya ang BL o Boys’ Love series ay talagang natuwa siya dahil unexpected blessing ito para sa kanya na akma pa sa estado ng buhay niya sa kasalukuyan.

Noong pumutok kasi ang balitang bisexual siya ay lumipad na siya pa-Canada at walang planong bumalik pa.

Samantala, natanong si Alex kung willing siyang gumawa ng BL project kasama ang kaibigang si Tony Labrusca na na-link sila sa isa’t isa noong pareho silang nasa Canada.

“I think to dissect the situation; I need to take complete ownership sa lahat ng mga bagay sa buhay natin. In terms of clarification, wala na akong kailangan i-clarify kasi I think naka-ilang interview na ako and I think kami din ni Tony alam namin na kahit anong sabihin namin, you know people will really talk and the issue won’t die because it’s on the internet.

‘’To answer the question, alam ko naman na pag nag-project kami ni Tony, maraming manunuod. Papatok siya because of the issue. So if the script is really good, if the script is fantastic, why not?”diretsong sagot ng aktor.

Umere na nitong Nobyrembre 5, ang Oh, Mando! sa iWant TFC at bukod kay Alex ay kasama rin sa series sina Kokoy de Santos at Barbie Imperial. (REGGEE BONOAN)

TATLONG taon na ang programang Tadhana.

Hindi raw makapaniwala ang host nito na si Marian Rivera na aabutin sila ng tatlong taon.

Sa November 7 nga ay ang simula ng month-long special ng Tadhana. Na mula sa mga kuwentong O.F.W. lang dati, ngayon ay mga kuwento ng pag- ibig at pag-asa na ang napapanood.

Thankful si Marian sa Tadhana at sa GMA-7 na nagagawa niyang makapag-work from home. Bukod pa sa ang mister niya, ang Kapuso Primetime King na si Dingdong Dantes na ang nagsisilbi niyang direktor.

When asked kung naniniwala ba siya sa tadhana, silang dalawa raw ni Dingdong ay example na ng tinadhana.

“Nang magsama kami ni Dingdong, parehas kaming may sari-sariling lovelife. Malay ba namin na ang uwi namin ay ganito.

“Siguro, kapag nakatadhana sa ‘yo at ibinigay sa ‘yo, kahit anong iwas mo, kahit saan ka magpunta, magmi-meet at magmi-meet pa rin kayo halfway at sa dulo.

“Yes, definitely, naniniwala po ako sa tinadhana at sa tadhana.”

*****

NAGAGANDAHAN kami sa trailer pa lamang ng bagong serye ng Kapamilya network, ang La Vida Lena na magsisimula ng mapanood sa iwantTFC simula sa November 14.

Although sa trailer at premise ng kuwento, puwedeng sabihin na napanood na ito sa maraming pagkakataon in the past. Mga pinagsama-sama at pinaghalo- halong proven & tested formula ng isang soap-opera. Pero siyempre, ang aabangan ay ang pag-atake ng cast sa kanya- kanyang character.

Marami na rin ginawang chal- lenging roles si Erich Gonzales dati, pero mukhang isa ito sa maituturing niyang “level-up” naman na in-terms of maturity in acting at pagiging daring from her Katorse days.

Mahuhusay rin ang support ni Erich na sina Janice de Belen, Agot Isidro, Carlo Aquino at iba pa.

Ito ang serye na sana, launching na ng ‘reyna ng You Tube’ na si Ivana Alawi. Napapaisip tuloy kami, wala kayang pagsisisi kay Ivana na nag-back- out siya?

Although siyempre, kung monetary ang pag-uusapan, kinikita pa lang niya sa You Tube e, malamang mas malaki kesa sa kikitain niya sa serye. Pero iba lang din talaga yung may nagawa ka ng de-kalidad na drama bilang isang actress. (ROSE GARCIA)