2020 November Archive - People's Balita

Archive for November, 2020

Komunidad ng Bicol region makikinabang sa programa ng Anti-Insurgency Fund next year

Posted on: November 7th, 2020 by @peoplesbalita No Comments

TINIYAK ng Malakanyang sa mga typhoon-hit communities sa Bicol region na makikinabang ang mga ito mula sa programa sa ilalim ng Anti-Insurgency Fund ng pamahalaan para sa susunod na taon.

Sinabi ni Presidential Spokesperson Harry Roque, walang pangangailangan na mag-realign ng bahagi ng National Task Force to End Local Communist Armed Conflict’s (NTF-ELCAC) P19- billion budget for 2021para sa relief and rehabilitation efforts gaya ng ipinanukala ni Senador Risa Hontiveros.

“Itong mga nasalanta ng bagyo po, they will be beneficiaries of the ELCAC funds,” anito.

“Hindi na po kinakailangan mag- realign diyan, ipatuloy lang po natin na pondohan iyong mga ELCAC programs at malaking pondo po ay pupunta po dito sa Bicolandia at Catanduanes kung saan aktibo naman po talaga ang mga insurgent,” dagdag na pahayag ni Sec. Roque.

Sa kabilang dako, walang nakikitang problema ang Malakanyang oras na gamitin ang bahagi ng pondo ng National Task Force to End Local Communist Armed Conflict (NTF-ELCAC) para maidagdag sa pagbibigay tulong sa mga pamilyang naapektuhan ng bagyong Rolly.

Ito ang naging tugon ni Sec. Roque hinggil sa panukala ni Senador Hontiveros na i-redirect ang bahagi ng P16-B panukalang budget nito.

Paliwanag ni Sec. Roque, layon ng ELCAC na magsulong ng pagbabago sa mga lugar na nagpapatuloy ang ‘insurgencies’, lalo’t kahirapan ani Roque ang puno’t-dulo ng pagrerebelde.

Pagidiin pa ni Sec. Roque, walang inconsistency oras na gamitin ang bahagi ng pondo ng ELCAC sa Bicol dahil maituturing namang may insurgency doon.

Iginiit pa ni Sec.Roque, na kabilang sa mandato ng ELCAC kung nais ba nitong gamitin ang kanilang pondo bilang pantulong sa mga naapektuhan ng pananalasa ng bagyong Rolly. (Daris Jose)

Ads November 7, 2020

Posted on: November 7th, 2020 by @peoplesbalita No Comments

P8.51B SPORTS FACILITIES PROJECT SA SEA GAMES, PINAIMBESTIGAHAN NI DE LIMA

Posted on: November 7th, 2020 by @peoplesbalita No Comments

PINAIMBESTIGAHAN ni Senador Leila De Lima ang posibleng iregularidad sa P8.51 bilyong sports facilities project na ginamit ng bansa sa hosting ng 2019 Southeast Asian (SEA) Games dahil nagdagdag ng gastusin ang pamahalaan.

Sa paghahain ng Senate Resolution No. 555, sinabi ni De Lima na kailangan nang imbestigahan ang iregularidad na bumalot sa Joint Venture Agreement (JVA) na pinasok ng Bases Conversion and Development Authority (BCDA) sa Malaysian construction firm MTD Capital Berhad para sa pagpapatayo ng naturang sports facilities.

“A thorough probe is warranted in the billions-peso project in order to understand the choices made by the BCDA that culminated in the deal which not only failed to comply with laws, but likewise cost the government significant public funds, considering that there are other arrangements that could promote better transparency, competitiveness, equity, efficiency and economy for the government infrastructure projects,” aniya.

“Di birong halaga ito. Bilyon- bilyong piso na naman ng kaban ng bayan ang maaaring nalustay nang walang pakundangan. Anong akala nila sa buwis ng taumbayan, sarili nilang alkansya?!,” giit ng senador.

Napaulat na naghain ng kasong graft and malversation ang Citizens Crime Watch Association, sa pamamagitan ng presidente nitong si Diego Magpantay, Office of the Ombudsman laban kay BCDA President at CEO Vince Dizon at ilan pa hinggil sa posibleng iregularidad sa pakikipagkasundo sa MTD hinggil sa konstruksiyon ng naturan g sports facilities para sa SEA Games.

“In a 2019 audit report released on October 14 this year, the Commission on Audit (COA) stated that the BCDA gave “undue advantage” to MTD Capital Berhad, which won the contract to develop the facilities in the National Government Administrative Center (NGAC) in New Clark City in 2018,” lahad sa resolusyon.

“According to the same report, BCDA and MTD Capital Berhad initially only agreed on a project that comprised government buildings, commercial centers and residential housing with a total cost of 4.185 billion but they eventually agreed to incorporate in the project the sports facilities with the project cost of 8.51 billion.”

Binanggit ng resolusyon na sinabi ng COA na “there is no parallelism between the two PPP frameworks, the differences between the two approaches make them impossible to combine in a single project, such as NGAC.”

Tinukoy pa ng panukala na natuklasan ng state auditors na may bahagi ng sports facilities ng proyekto na BCDA ang nagplano at nag-isip na inegosasyon bilang unsolicited proposal sa halip na sa pamamagitan ng competitive bidding, kaya mayroon undue advantage ang MTD Capital Berhad.

“It is incumbent upon the BCDA to justify the choice of developing the Sports Facilities under the Joint Venture which is contrary to Contract Review No. 068 issued by the OGCC on 30 January 2018 which said that, it is, as a rule, ‘subject to public bidding,’” punto ni De Lima.

Sa ngalan aniya ng karapatang ng mamamayan sa impormasyon na dapat malaman ng publiko, kailangan magpalabas ng full accounting at ipaliwanag ng BCDA kung bakit gumastos ng pamahalaan ng P9.539 bilyon sa halip na P8.51 bilyon kahit kasama ang pagtatayo ng sports facilities at athelete’s village sa JVA na sumasakop ng konstruksiyon ng NGAC.

“As public accountability demands, the BCDA must also justify why they opted to pay the joint venture within calendar year 2019,” giit ni De Lima na tumutukoy sa statement ng COA na “MTD could have shared in the losses that might be incurred from the project in- asmuch as there was no proof of viability for the sports facilities.”

Karate champ Orbon guest ng TOPS

Posted on: November 6th, 2020 by @peoplesbalita No Comments

MAINIT na diskusyon ang bubungad sa buwan ng Nobyembre sa Tabloids Organization in Philippine Sports (TOPS) sa pagbisita ng karate, horseracing at wheelchair basketball sa 19th “Usapang Sports on Air” via Zoom bukas (Thurday).

Mangunguna sa mga panauhin ng TOPS sina Fil-Am karate champion Joane Orbon at Karate Pilipinas and Association for the Advancement of Karatedo (AAK) president Richard Lim sa public service program na sisipa sa ganap na ika-10 ng umaga.

Tatalakayin ni Orbon ang kanyang plano at preparasyon sa Tokyo Olympics qualifying events, Southeast Asian Games sa Vietnam at iba pang international competitions sa susunod na taon.

Makakasama rin sa balitaktakan sina Philippine Racing Club, inc. (PRCI) racing manager Antonio B. Alcasid Jr. at Philippine Wheelchair basketball head coach Vernon Perea.

Inaanyayahan ni TOPS Prexy Ed Andaya ang lahat ng opisyal, miyembro at kaibigan sa sports community na dumalo sa weekly forum na suportado ng Philippine Sports Commission (PSC), Philippine Amusement and Gaming Corporation (PAGCOR) at Games and Amusements Board (GAB).

Binubuo ang TOPS ng sports editors, reporters at photographers ng pangunahing national tabloids at blogger-friends.

3 drug suspects arestado sa P1M shabu

Posted on: November 6th, 2020 by @peoplesbalita No Comments

NASAMSAM ng mga awtoridad ang higit sa P1- milyon halaga ng shabu sa tatlong sangkot sa droga, kabilang ang No. 1 sa top 10 drug personalities ng Northern Police District (NPD) sa magkahiwalay na buy-bust operation sa Caloocan at Valenzuela Cities, Martes ng gabi.

Ayon kay NPD Director P/ Brig. Gen. Ronaldo Ylagan, dakong alas-7 ng gabi nang magsagawa ng buy-bust operation ang mga operatiba ng District Drug Enforcement Unit (DDEU) sa pangunguna ni P/ Capt. Ramon Aquiatan Jr. sa harap ng BPI Bank, Monumento Circle, EDSA, Brgy. 86, Caloocan City na nagresulta sa pagkakaaresto kay Richie Nevado alyas “Uteng”, 29, (Watchlisted/ Surrenderee), No.1 sa top 10 Drug Personalities ng NPD at (dating nadakip noong 2012 sa kasong Rape subalit, nakalaya matapos makapagpiyansa) at Felizardo Pagia, 33, (Watchlisted/ Surrenderee), (dating naaresto noong Nov 5, 2017 sa paglabag sa R.A. 10195 at nakalaya noong January 2, 2020 sa pamamagitan ng Parole).

Ani Gen. Ylagan, nag-ugat ang pagkakaaresto sa mga suspek mula sa dating buy-bust operation kontra kay Alvin Ko, No. 2 sa Top 10 Drug Personalities ng NPD na nag-ooperate sa CAMANAVA area at sa mga natanggap na ulat at reklamo ng DDEU hinggil sa talamak na pagbebenta ng ilegal na droga sa kanyang mga parokyano ni alyas “Uteng”.

Nakumpiska sa mga suspek ang aabot sa 55 gramo ng shabu na may standard drug price P374,000.00 ang halaga, marked money na binubuo ng isang tunay na P1,000 bill at 5 piraso boodle money, cellphone at motorsiklo.

Ininguso naman ng mga suspek ang pinagkukunan nila ng droga kaya’t agad ikinasa ng mga operatiba ng DDEU ang follow-up buy bust operation sa No. 967, E. De Castro St., Brgy. Malinta, Valenzuela City na nagresulta sa pagkakaaresto kay Anthony Lloyd Molina, alyas “Carding”, 28, bandang 11:20 ng gabi.

Narekober kay Molina ang humigi’t-kumulang sa 105 gramo ng shabu na may standard drug price P714,000.00 ang halaga at marked money na binubuo ng isang tunay na P1,000 bill at 11 piraso boodle money. (Richard Mesa)

Sabong balik-ruweda na; pagkakaisa ng gamefowl associations kinilala ng GAB

Posted on: November 6th, 2020 by @peoplesbalita No Comments

SA unti-unting pagbabalik ng sabong (cockfighting), nananalaytay muli ang sigla ng mga Pinoy na nakasandal sa industriya at naisakatuparan ito dahil nagkaisa at nagtulungan ang lahat ng indibidwal at grupo na kaagapay sa kabuhayan ng sambayanan.

Mismong si Games and Amusements Board (GAB) Chairman Abraham ‘Baham’ Mitra ang per- sonal na nagpasalamat at nagbigay ng pagkilala sa local breeders, feed millers at veterinary association representatives sa isang payak na programa kamakailan.

“We understand that these associations have different interests; thus, we are really grateful to them for heeding our call to work together towards the resumption of cockfighting in the country,” pahayag ni Mitra.

Ipinagkaloob ng GAB ang certificates of appreciation kina Dr. Eugene Mende (President of Philippine Veterinary Drug Association), Dr. Bernard Baysic (Philippine Veterinary Medical Association), Mr. Albert Irving Uy (Thunderbird-UNAHCO), Ms. Ma. Stephanie Nicole Garcia (President of Philippine Association of Feed Millers), Mr. Arnel Anonuevo (Kasama Agri Products and Services), Mr. Mark Lopez (Lakpue Drug Inc. ) at Ms. Vicky Tobiano-Chu (Progressive Poultry Supply Corp.).

Kabilang ang sabong sa sektor na pinadapa ng COVID-19 pandemic matapos isailalim sa com- munity quarantine ang kabuuan ng bansa. Sa pagsulong ng ‘new normal’ bilang pagpapatupad sa ‘safety and health’ protocol ng InterAgency Task Force (IATF), kagyat na nakipagpulong si Mitra sa iba’t ibang asosasyon tulad ng Philippine Veterinary Drug Association (PVDA), Philippine Association of Feed Millers (PAFMI), United Association of Cockpit Owners and Operators of the Philippines (UACOOP), International Federation of Gamefowl Breeders Associations (FIGBA), Inc. at kay Mr. Tady Palma.

Nitong Oktubre 15, tinanggap ng IATF ang mga isinumiteng programa ng GAB ay pinahintulutan ang pagbabalik ng sabong (cockfighting) sa mga lugar na nasa ilalim ng Modified General Community Quarantine (MGCQ) at sa masusing paggabay ng local government units (LGUs) sa mga tinukoy na lugar.

PDu30, may hawak ng shortlist ng mga kandidato para maging susunod na hepe ng PNP

Posted on: November 6th, 2020 by @peoplesbalita No Comments

NAKASISIGURO si Presidential Spokesperson Harry Roque na mayroon nang hawak na listahan si Pangulong Rodrigo Roa Duterte ng mga posibleng kandidato para maging susunod na hepe ng Philippine National Police (PNP).

Nakatakda na kasing magretiro sa susunod na linggo si Outgoing PNP Chief Camilo Cascolan.

Iyon nga lamang ay wala pang impormasyon si Sec. Roque kung sino ang napipisil ng Pangulo para humalili sa pwesto ni outgoing PNP Chief Gen. Cascolan.

Kaya ang pakiusap ni Sec. Roque ay mas makabubuting hintayin na lamang ang magiging pinal na desisyon ng Chief Executive ukol dito.

Matatandaang, itinalaga ni Pangulong Duterte si Cascolan bilang PNP chief noong Setyembre at sa darating na Nobyembre 10, ang opisyal na pagbaba niya sa pwesto matapos na umabot na ito sa kanyang mandatory retirement age na 56. (Daris Jose)

Photo na pinost ni Heart, na-feature sa ELLE Australia

Posted on: November 6th, 2020 by @peoplesbalita No Comments

ISA sa pinost na photo ni Heart Evangelista-Escudero sa social media ay na-feature sa pages ng ELLE Australia.

Suot ni Heart sa naturang photo ay plaid checkered coat dress at bitbit niya ang kanyang hand-painted Hermes bags.

Ginamit ang photo para sa article ng ELLE titled “What You Should Wear In 2020, Based On Your Star Sign.”

“Found yourself in a bit of a style rut in 2020? Same. If you’re searching for a little dose of inspiration in the fashion department, why not turn to the stars? From a bold pop of colour for Aries to low-key glamour for Taureans, we reveal the fashion choices you should make, based off your sign—at the #linkinbio,” caption ng ELLE Australia sa photo ni Heart sa IG.

Hindi ito ang first time na ma-feature si Heart sa isang international fashion magazine.

In 2018, Heart was featured in Harper’s Bazaar as one of the “Real Crazy Rich Asians.”

That same year, isa si Heart sa pinili ng ELLE bilang best-dressed sa Harper’s Bazaar event in New York City.

*****

ENJOY si Andrea Torres sa kanyang food business na Family Favorites dahil marami na siyang regular customers na gustung-gusto ang mga lutong- bahay nila.

Ang naging first customer niya ay ang kanyang boyfriend na si Derek Ramsay kaya naman tumutulong ito sa pag- manage ng negosyo nila.

“Natikman niya lahat ‘yon bago ko talaga nilalabas. Kahit itong mga bagong nilabas ko, pinapatikim ko muna sa kanya saka sa family niya. Kasi every Sunday, may gathering kami. So, dinadala ko du’n tapos hinihingi ko nga ‘yung mga reaksyon nila,” sey ni Andrea.

Malaking tulong daw si Derek tuwing nakakaramdam siya ng stress sa negosyo.

“Ako kasi mahilig ako mag- plan ng mga bagay-bagay. Siya ‘yung nagpapaalala sa akin na relax ka lang, okay lang ‘yan kasi ako kapag medyo may hindi lang nasunod sa plano, minsan nagpa-panic na ‘ko. Siya ‘yung bumabalanse sa akin.”

*****

NAGSIMULA na ng kanyang two-month prison sentence ang Full House actress na si Lori Loughlin pagkatapos siyang masentesyahan at ang kanyang mister na si Mossimo Giannulli na guilty for conspiracy to com- mit wire and mail fraud sa college admissions fraud scheme.

Nagbayad ang mag-asawa ng $500,000 bilang bribe para makapasok ang dalawa nilang anak sa University of Southern California (USC) bilang mga fake athletic recruits.

Kabilang sila sa 56 people na kinasuhan dahil sa scheme na ito ng mastermind na si William “Rick” Singer.

Nag-report ang 56-year old actress sa low-security federal correctional institution in Dublin, California. Nauna nang makapag-serve ng kanyang 11- day prison sentence ang Desperate Housewives star na si Felic- ity Huffman na nagbayad din ng bribe para makapasa sa col- lege entrance exam ang kanyang anak.

Nakilala si Lori Loughlin as Aunt Becky sa hit family sitcom na Full House noong 1987 hanggang 1995. Nagkaroon ito ng reboot noong 2016 as Fuller House na pinalabas sa Netflix. (RUEL J. MENDOZA)

HALOS P78-B NAI-RELEASE NA SA GOV’T RESPONSE VS COVID-19 PANDEMIC – DUTERTE

Posted on: November 6th, 2020 by @peoplesbalita No Comments

UMAABOT na sa halos P78 billion ang nailabas ng gobyerno sa pagtugon sa COVID-19 pandemic.

Nakapaloob ito sa ulat ni Pangulong Rodrigo Duterte sa Kongreso na ipinadala kahapon.

Sinabi ni Pangulong Duterte, nasa P76.228 billion ay galing sa pondong inilaan sa Bayanihan to Recover as One Act habang ang P1.753 billion ay mula sa available funds sa 2020 national budget.

Ayon kay Pangulong Duterte, kabilang sa pinaglaanan ng pondo mula sa Bayanihan 2 ang Department of the Interior and Local Government (P2,522,660,000); Office of Civil Defense (P855,190,418); Bureau of the Treasury (BTr)- lo-cal government units (P451,474,250); Department of Foreign Affairs (P820 million); Professional Regulation Commission (P2.5 million); Department of Social Welfare and Development (P6 billion); Department of Transpor- tation (P9.5 billion); Department of Agriculture (P12.032 billion); BTr-Development Bank of the Philip- pines (P1 billion); BTr-Land Bank of the Philippines (P1 billion); BTr – Small Business Corporation (P8,080,098,000); Philippine Sports Commission (P180 million); Department of Labor and Employment (P13.1 billion); Department of Health (P20,574,952,000) at De- partment of Trade and Industry (P100 million).

Samantala, ang Department of Public Works and Highways (P994,745,247); Office of the Presidential Adviser on the Peace Process (P28,371,099) at DOH (P730,047,199) naman ang pinaglaanan ng pondong galing sa 2020 national budget.

Inihayag ni Pangulong Duterte na 54.45 percent na ng P140-billion appropriations sa ilalim ng Bayanihan 2 ang nai-release. (Ara Romero)

‘Floating employee’ maaring maghanap ng alternatibong trabaho – DOLE

Posted on: November 6th, 2020 by @peoplesbalita No Comments

NILINAW ng Department of Labor and Employment (DOLE) na maaaring maghanap ng alternatibong trabaho ang mga manggagawa na nasa “floating status.”

Ayon kay Labor Undersecretary Benjo Benavidez nakasaad sa DOLE’s Department Order (DO) No. 215, Series of 2020 na hindi mawawalan ng trabaho ang mga empleyado kahit nakahanap sila ng alternatibong trabaho habang nasa “floating status.”

Ang DO na pinirmahan ni DOLE Secretary Silvestre Bello III noong Oktubre 23 ay naglalaman ng pagpapalawak ng “floating status” sa mga manggagawa sa loob ng anim na buwan.

Nilinaw din ni Benavidez na maaari namang kwestiyunin ng mga labor group ang legalidad ng DO.

Pinaalalahanan din ng ahensiya ang mga employer na tulungang magproseso sa kaniyang mga contribution ang manggagawa na magkasakit at bigyan din ito ng tulong pinansyal.