2020 November Archive - People's Balita

Archive for November, 2020

GAME CREATORS REACT TO MOVIE VERSION OF “MONSTER HUNTER”

Posted on: November 6th, 2020 by @peoplesbalita No Comments

IN bringing Monster Hunter from game consoles to the big screen, writer-director Paul W.S. Anderson sat down multiple times with the game creators Ryozo Tsujimoto and Kaname Fujioka to dial in the look of the monsters.

In a recently released video, the creators share their excitement upon seeing how Ander- son remained faithful to the monsters’ original look, if not making them even more menacing.

Check out the video below and watch Monster Hunter in Philippine cinemas in 2021.

YouTube: https://youtu.be/ TbqJarQi-Wc

Based on the global video game series phenomenon, Monster Hunter is written for the screen and directed by Paul W.S. Anderson. The film stars Milla Jovovich, Tony Jaa, Tip ‘T.I.’ Harris, Meagan Good, Diego Boneta, Josh Helman, Jin Au-Yeung and Ron Perlman.

Behind our world, there is another: a world of dangerous and powerful monsters that rule their domain with deadly ferocity. When an unexpected sandstorm transports Captain Artemis (Milla Jovovich) and her unit (TI Harris, Meagan Good, Diego Boneta) to a new world, the soldiers are shocked to dis- cover that this hostile and unknown environment is home to enormous and terri- fying monsters immune to their firepower. In their desperate battle for survival, the unit encounters the mysterious Hunter (Tony Jaa), whose unique skills allow him to stay one step ahead of the powerful creatures. As Artemis and Hunter slowly build trust, she discovers that he is part of a team led by the Admiral (Ron Perlman). Facing a danger so great it could threaten to destroy their world, the brave warriors combine their unique abilities to band together for the ultimate showdown.

Monster Hunter will be distributed in the Philippines by Columbia Pictures, local office of Sony Pictures Releasing International. Connect with #MonsterHunterMovie and tag columbiapicph (ROHN ROMULO)

Ex-NBA All-Star Eddie Johnson, pumanaw na sa loob ng kulungan

Posted on: November 6th, 2020 by @peoplesbalita No Comments

PUMANAW sa loob ng kulungan ang dating NBA- All Star player na si Eddie Johnson sa edad 65.

Hinatulang kasi habambuhay si Johson noong 2006 dahil sa pang-aabuso sa isang 8-anyos na batang babae.

Hindi naman ibinunyag ng mga prison offiicials ang sanhi ng kamatayan nito.

May palayaw siya na “Fast Eddie” na naging manlalaro ng Atlanta Hawks mula 1977 hanggang 1986 at dalawang beses na naging bahagi ng NBA -All Star mula 1980-1981.

Naglaro din ito sa Cleveland Cavaliers at Seattle Supersonics.

Nasangkot sa pagnanakaw, cocaine possession at assault sa mga police officer si Johnson.

Dahil dito ay pinatawan siya ng NBA ng lifetime ban noong 1987 dahil sa paggamit ng cocaine.

Naaresto siya noong Agosto 2006 ng pasukin niya sa kuwarto ang biktimang 8-anyos na batang babae at doon ginahasa.

Korea umatras na sa FIBA Asia Cup qualifiers dahil sa banta ng COVID-19

Posted on: November 6th, 2020 by @peoplesbalita No Comments

UMATRAS na ang Korea sa pagsali sa 2021 FIBA Asia Cup qualifiers na gaganapin ngayong buwan sa Manama, Bahrain.

Ayon sa Korea Basketball Association (KBA) na dahil sa pangamba ng COVID-19 sa mundo ay kaya sila nagdesisyon na umatras na.

Nakatakda sanang makaharap nila ang Gilas Pilipinas sa Nobyembre 28 at ang koponan ng Indonesia sa darating na Nobyembre 30.

Pinangungunahan ni naturalized center Ricardo Ratliffe ang Korea na kilala na ngayon bilang si Ra Gun A.

Kasalukuyang nasa Group A ang koponan na mayroong dalawang panalo at wala pang talo ang koponan.

Dahil dito ay magkakaroon ng pagbabago ang mga schedule ng laro sa mga ka-grupo ng Korea.

Mahigit 820 patuloy pa ring nananatili sa mga evacuation center

Posted on: November 6th, 2020 by @peoplesbalita No Comments

NANANATILI pa ring tumutuloy sa iba’t ibang evacu- ation centers sa bansa ang nasa 207, 518 pamilya o katumbas ng 820, 030 indibidwal mula sa Regions 2, 3, Calabarzon, Mimaropa, Region 5, Cordillera Administrative Region at National Capital Region.

Sa Laging handa public press briefing, sinabi ni Department of Social Welfare and Development Sec Rolando Bautista na pinakamarami rito ay mula sa Region 5 kung saan nasa 27,540 na pamilya o 109,961 katao ang pansamantalang kinakanlong sa 1,024 na mga evacuation centers.

Sinasabing, sinundan naman ito ng Calabarzon na mayroong 20,915 pamilya o katumbas ng 77, 428 indibidwal ang nananatili sa 832 na mga evacuation centers.

Tinatayang, nasa 12,904 pamilya o 46, 403 indibidwal ang nakituloy sa kanilang mga kamag anak o kaibigan mula sa Regions 2, 3, 5, Calabarzon at CAR.

Kaugnay nito, nakapagbigay na ang DSWD ng P8.3M tulong sa mga apektadong residente na kinabibilangan ng food packs, non food items at hygiene kits.

Nagsasagawa rin ang ahensya ng psychosocial intervention katuwang ang DOH at tiniyak din nito na mayruong mga women & children’s desk upang maprotektahan ang karapatan ng mga kababaihan kasama na ang mga kabataan.

Samantala, mahigpit ding ipinatutupad ang health safety protocols sa ibat ibang evacuation centers nang sa ganon ay hindi kumalat ang Covid-19 infection.

Cascolan ‘no comment’ sa possible extension sa kanyang termino

Posted on: November 6th, 2020 by @peoplesbalita No Comments

NO comment si PNP Chief PGen. Camilo Pancratius Cascolan sa posibleng pagpapalawig ng kanyang termino matapos ang kanyang mandatory retirement sa darating na November 10,2020.

Ayon kay Cascolan, hindi pa sila nagkakausap ng Pangulo tungkol sa kanyang nalalapit na pagreretiro, na limang araw nalang mula ngayon, pero ano man ang desisyon ng Pangulo ay kanyang susundin.

Una na ring nagsumite si DILG Secretary Eduardo Año ng shortlist sa Pangulong Duterte na kanyang mga rekomendasyon para maging susunod na PNP Chief.

Nang tanungin kung sino ang kanyang irerekomenda, sinabi ni PNP Chief na ang lahat ng miyembro ng kanyang “dream team” ay qualipikadong maging PNP Chief.

Ang tinutukoy ni Cascolan na “dream team” ay ang tatlong pinaka-senior members ng kanyang Command group na sina PNP Deputy Chief for Administration PLt. Gen. Guillermo Eleazar na number 2 man ng PNP; si PNP Deputy Chief for Operations PLt. Gen. Cesar Hawthorn Binag na number 3 man, at si PNP Chief of Direc- torial Staff PMGen. Joselito Vera Cruz.

Alinsunod sa batas ang lahat ng 1-star General pataas ay eligible na maging PNP Chief.

Dagdag ni Cascolan, kumpiyansa siya na sino man ang maging susunod na PNP Chief ay maipagpapatuloy nito ang mga programa ng PNP. (Daris Jose)

Bilateral relations ng Amerika at Pilipinas, hindi magbabago sinuman ang manalo sa US Presidential elections – Malakanyang

Posted on: November 6th, 2020 by @peoplesbalita No Comments

MANANATILI at walang magbabago sa bilateral relations ng Pilipinas at Estados Unidos sinuman kina re- electionist US president Donald Trump at dating Vice President Joe Biden ang manalo sa ginaganap ngayong presidential election.

Ayon kay Presidential spokesperson Harry Roque, sinuman ang tanghaling Presidente ng Amerika matapos ang resulta ng halalan ay mananatiling mainit ang relasyon sa pagitan ng US at ng Pilipinas.

At kung sakali naman aniya na si Baiden ang lumusot sa US presidential elections ay nakahanda aniya si Pangulong Duterte na makabuo ng pagkakaibigan dito.

Ang makabubuti aniya ngayon ay hintayin ang resulta ng ikinakasang eleksiyon sa Amerika na inaabangan ng buong mundo.

Mensahe na lang ng Malakanyang kina Trump at Baiden, “may the best man win.” (Bishop Jesus “Jemba” M. Basco)

2 huli sa cara y cruz, shabu ang taya

Posted on: November 6th, 2020 by @peoplesbalita No Comments

DALAWANG binata ang arestado matapos maaktuhan ng mga tauhan ng Maritime Police habang nagsusugal ng cara y cruz at shabu umano ang taya sa Navotas City.

Kinilala ni Navotas Maritime Police Station (MARPSTA) Ma- jor Rommel Sobrido ang mga naarestong suspek na si Sherwin Tiu, 27, Stevedore at Ariel Corona, 18, stevedore, kapwa ng Brgy. NBBN.

Sa report ni Maj. Sobrido kay Northern NCR MARPSTA P/ Col. Ricardo Villanueva, alas- 12:10 ng hating gabi nang respondehan ng mga tauhan ng MARPSTA sa pangunguna ni PLT Erwin Garcia ang tawag sa telepono mula sa isang concerned citizen hinggil sa nagaganap na ilegal gambling sa N. Symaco Consignacion, Market 3, NFPC, Brgy. NBBN.

Pagdating sa lugar, naaktuhan ng mga pulis ang mga suspek na naglalaro ng cara y cruz dahilan upang arestuhin ang mga ito kung saan narekober sa kanila ang isang plastic sachet ng hinihinalang shabu na nasa P500 ang halaga, P230.00 bet money at tatlong peso coins na gamit bilang toss coin.

Ayon kay MARPSTA PSMS Bong Garo II, mahaharap ang mga suspek sa mga kasong paglabag sa City Ordinance (Curfew), PD 1602 as Ammended by RA 9287, Art. 151 (Disobedience to Person in Authority), RPC at Sec. 11 of RA 9165. (Richard Mesa)

Walang magbabago sa mga proseso kahit may appointed na Vaccine Czar: DOH

Posted on: November 6th, 2020 by @peoplesbalita No Comments

DINEPENSAHAN ng Department of Health (DOH) ang pagkakatalaga ni Pangulong Rodrigo Duterte kay Sec. Carlito Galvez bilang vaccine czar.

Ayon kay Health Usec. Maria Rosario Vergeire, wala namang magbabago sa prosesong ginagawa ngayon ng mga nakatalagang opisyal na nangangasiwa sa development at pag-aangkat ng COVID-19 vaccine, dahil in-appoint ng presidente si Galvez.

“Wala tayong babaguhin sa mga proseso just because Sec. Galvez was assigned as the vaccine czar. All the processes will be continued. Ito ay magkakaroon lang ng additional na makakasama natin magle-lead sa atin.”

Sesentro raw ang mandato ni Galvez sa pamumuno ng pagbili, negosasyon, manufacturing, produksyon at distribusyon ng mga mapipiling COVID-19 va cine para sa Pilipinas.

Makakasama rin ng opisyal ang iba pang tanggapan ng pamahalaan na nakatalagang magtulungan para sa pag-aaral at pagpili ng bakuna.

“(Galvez) will not work alone. He will still work with us, the DOST, DOH, DTI, DOF, DFA and Bureau of Investments at iba pang ahensya. Katulong natin sya, ang magle-lead sa amin.”

“Yung regulatory process to ensure that these vaccines and efficacious ay ipapatupad pa rin.”

Nilinaw ni Vergeire na ang pagkaka-appoint kay Galvez ay para mabigyan ng direksyon ang pagbili at pagdating sa bansa ng mga bakuna.

Hindi naman daw masasantabi ang trabaho ng iba pang eksperto na katuwang ng pamahalaan sa nakalipas na mga buwan.

“Mayroon tayong vaccine expert panel from DOST, technical advisory group ng DOH, at vaccinologist sa iba’t-ibang scientific institutions na pwedeng i-tap.”

Nauna nang nagpahayag ng suporta si Dr. Jaime Montoya, executive ng Philippine Council for Health Research and Development, at miyembro ng sub- technical working group on vaccines, sa appointment ni Galvez.

Trump, nagbantang dudulog sa Supreme Court; inireklamo ang ‘pandaraya’ ng Biden camp

Posted on: November 6th, 2020 by @peoplesbalita No Comments

INAKUSAHAN ni US President Donald Trump ang mga Democrats na sinusubukan ng mga ito na “magnakaw” ng isang panalo.

Ayon kay Trump, pinagha-handan na nila ang isang malaking pagdiriwang dahil naniniwala siyang siya ang mananalo sa halalan ngunit bigla itong nawala dahil sa pandaraya umano na ginawa ng kampo ng kanyang katunggali na si Joe Biden.

Aniya, pandaraya raw sa mamamayan ng Amerika ang ginagawa ng panig ni Biden na siyang nagbibigay ng isang kahihiyan sa kanilang bansa.

Nagbanta pa ito na pupunta siya sa Korte Suprema dahil nais niyang “ipatigil ang lahat ng bilangan ng boto.”

“This is a fraud on the American public. This is an embarrasment to our country.”

Alam na raw niya na siya ang mananalo sa halalan ngunit tinanggalan daw ng Democrats ng karapatan ang kaniyang mga supporter na bomoto.

Sa kabila ng kaniyang mga hinaing, pinasalamatan naman ni Trump ang milyon-milyong mga tao sa Amerika na bomoto para sa kaniya.

Samantala, tinukoy din naman ni Trump ang botohan sa Pennsylvania na may nakalaang 20 electoral votes na nakuha nila.

Maging si Biden kampante rin na mananalo sila sa nasabing estado kahit hindi pa natatapos ang bilangan.

Samantala sa buwelta naman ng Biden campaign manager na si Jen O’Malley Dillon, nakahanda silang harapin ang banta ni Trump kung itutuloy nito ang magsampa ng reklamo sa Supreme Court.

“If the president makes good on his threat to go to court to try to prevent the proper tabulation of votes, we have legal teams standing by ready to deploy to resist that effort,” bahagi pa ng sagot Dillon.

Sa speech ni Biden, inanyayahan niya ang kaniyang mga supporter na panatilihin pa rin ang pananam-palataya na mananalo sila sa halalan.

Ang Pennsylvania ay siyang estado ng kanyang kapanganakan kaya’t kampante raw siyang manalo.

Una rito, tatlong araw ang ginugol nito sa kaniyang pangangampanya.

Dagdag pa ni Biden na wala siyang karapatan na magdeklara na mananalo siya o si Trump dahil nasa kamay ito ng mga botante. Dagdag pa ni Biden, masarap ang kaniyang pakiramdam na nangunguna siya sa bilangan ng mga electoral votes kung kaya’t naniniwala siyang nasa tamang “track” sila para manalo.

Pinuri naman ni Biden ang pasensya ng kaniyang mga supporter na nag-aabang sa resulta.

“It’s not my place or Donald Trump’s place to declare who’s won this election,” giit pa ni Biden. “That’s the decision of the American people.” (Ara Romero)

NEA: P30.5M inisyal na pinsala ng bagyo sa electric coops

Posted on: November 5th, 2020 by @peoplesbalita No Comments

INIULAT ng National Electrification Administration ngayong Martes na umabot na sa P30.5 milyon ang inisyal na pinsala ng bagyong Rolly sa electric cooperatives sa mga apektadong lugar.

Ginawa ng NEA ang pahayag batay sa report ng kanilang Di- saster Risk Reduction Management Department.

Ayon sa ahensya, hanggang nitong Martes ng umaga, hindi pa rin naibabalik ang kuryente sa mga lalawigan ng Catanduanes, Camarines Sur, Camarines Norte, Albay, at Sorsogon sa Bicol region.

Patuloy pa umano ang restorasyon sa mga nalalabing apektadong kabahayan na sakop ng Masbate Electric Cooperative, Inc. habang naibalik na ng Ticao Island Electric Cooperative, Inc. ang kuryente sa mga bayan ng Batuan, San Fernando, at San Jacinto at bahagyang naibalik sa Monreal, sa naturang lalawigan.

“The Camarines Sur I, II, III and IV Electric Cooperatives (CASURECO I, II, III & IV), Camarines Norte Electric Cooperative, Inc. (CANORECO), Albay Electric Cooperative, Inc. (ALECO/APEC), and Sorsogon I and II Electric Cooperatives (SORECO I & II) have reported unavailability of transmission services,” ayon sa NEA.

Samantala, sa Calabarzon, patuloy na sinisikap na maibalik ang serbisyo sa mga lugar na sakop ng Quezon I Electric Cooperative, Inc. (QUEZELCO I), First Laguna Electric Cooperative, Inc. (FLECO), at Batangas I and II Electric Cooperatives (BATELEC I & II).

Sa MIMAROPA, iniulat ng Marinduque Electric Cooperative, Inc. (MARELCO) at Romblon Electric Cooperative, Inc. (ROMELCO) ang pagkawala rin ng suplay ng kuryente sa kanilang nasasakupang lugar.

Samantalang sa Eastern Visayas, iniulat ng Northern Samar Electric Cooperative, Inc. (NORSAMELCO) at Samar II Electric Cooperative, Inc. (SAMELCO II) na naibalik na nila ang kuryente sa ilang lugar.

Patuloy pa rin ang restorasyon ng kuryente sa mga nalalabing apektadong bayan, kabilang ang tatlong bayan sa ilalim ng NORSAMELCO at dalawang bayan na sakop ng SAMELCO II.