Nagbabala ang Department of the Interior and Local Government (DILG) sa local government units (LGUs) laban sa scammers na nagpapakilalang DILG officials upang makapangulimbat ng pera.

Sa press briefing, sinabi ni DILG Undersecretary at spokesperson Jonathan Malaya na may mga grupong humihingi ng pera sa mga lokal na opisyal at ipinadedeposit sa kanilang account.

Kapalit nito ay ang pangako na mabilis na mailalabas ang kanilang pondo,

“‘Pag meron na pong usapin tungkol sa pera, wag po kayong maniwala,” giit ni Malaya.

Tiniyak ng Department of Education (DepEd) na magpapatuloy ang kanilang salary increase na kabilang sa 2021 national budget.

Ayon kay DepEd Undersecretary Annalyn Sevilla, nasa P475 bilyon ang inilaan sa mga serbisyo ng ahensya kabilang na angf sahod, allowance at mga benipisyo ng kanilang mga empleyado.

“By next year meron naman pong salary increase. Ito ‘yung second tranche noong Salary Standardization Law,” saad ni Sevilla.

“Meron pong kasiguraduhan sa ating mga guro na naka-employ ngayon,” dagdag pa nito.

Nabatid na tumaas ng 13.54 percent ang pondong inilaan sa DepEd kumpara nooong 2020 budget kung saan nasa P418.4 bilyon lang ito.

Sa kasalukuyan ang sektor ng edukasyon ang nakakuha ng pinakamalaking budget sa National Expenditure Program para sa taong 2021 kung saan PP606.4 bilyon dito ay mapupunta sa DepEd. (Daris Jose)

PINAYAGAN na sa Navotas city ang mga delivery, take-out at drive-thru services ng mga restaurants at iba pang food establishments ng lagpas sa 8PM–5AM citywide curfew hours.

Sa ilalim ng Executive Order No. 044 ay  pinapayagan na ang mga food establishments na mag-operate lagpas sa curfew hours upang makapag-deliver ng pagkain sa loob at labas ng lungsod, at makapagsilbi ng take-out at drive-thru services only sa mga authorized persons outside of residence (APOR).

Sakop din ng order ang mga kainan sa loob ng grocery stores at supermarkets na mayroong delivery services.

Gayunpaman, ang dine-in na lagpas sa curfew hours ay ipanagbabawal, at ang mga hindi APOR ay bawal ding bumili ng pagkaing take-out o drive-thru mula 8PM-5AM.

“Mayroon pa ring nangangailangan sa mga serbisyo ng pagkain sa oras ng curfew na mga nagtatrabaho sa gabi, kabilang ang mga doktor, nars, iba pang health personal, driver ng ambulansya, call center agents, security guard at mga nagtatrabaho sa Navotas Fish Port Complex,” ani Mayor Toby Tiangco.

Kinakailangang mahigpit na ipatupad ng mga food establishments ang social distancing at iba pang safety protocols, at kailangan ding magsagawa ng masusi at regular na sanitation at disinfection. (Richard Mesa)

Hindi lang numero uno sa COVID-19 cases ang National Capital Region (NCR). Ito rin ang may pinakamataas na unemployment rate sa lahat ng rehiyon ng Pilipinas.

“Ang NCR ay naitayang may pinakamataas na unemployment rate na nasa 15.8 percent, samantalang ang [Bangsamoro Autonomous Region in Muslim Mindanao] ang may pinakamababa na nasa 3.8 percent noong July 2020,” patuloy ng PSA.

“Base sa datos, karamihan o 80.8 percent ng mga manggagawa na may trabaho ngunit hindi nakapasok, ang nagpahayag na ang dahilan kaya hindi sila nakapasok sa trabaho ay ang COVID-19 pandemic o Community quarantine.”

Lumalabas din na napaiksi ng COVID-19 pandemic ang oras ng pagtratrabaho ng mga Pilipinas.

Kung susumahin, kulang-kulang 38.2 na oras kada linggo na lang ang ginugugol na oras ng mga manggagawa sa pagkayod. Mas maiksi ito kumpara sa 41.8 oras kada linggo noong July 2019.