2020 September Archive - People's Balita

Archive for September, 2020

NAG-IWAN NG MATANDANG BABAE, HAWAK NA PULIS

Posted on: September 5th, 2020 by @peoplesbalita No Comments

HAWAK na ng Manila Police District Special Mayor Reaction Team o MPD Smart ang ilang indibidwal na sinasabing nang iwan sa isang matandang babae sa MacArthur Bridge sa Maynila.

Ayon kay P/Major Jhun Ibay, hawak nila ngayon ang isang Emerita Desilio at Efraim Tan Yap.

Depensa naman ni Desilio, napag-utosan lamang siya na alagaan at dalhin sa isang center ang matandang babae na si Fulgencia Tan, 76-anyos .

Ngunit desperado na at wala na ring magagawa dahil nagtitinda lamang ito ng sampaguita kaya iniwan na lamang niya ang matanda sa ilalim ng tulay na may sapin lamang na karton.

Dahil nakarating sa tanggapan ni Manila Mayor Isko Moreno, agad itong pinaaksyunan sa Manila Department of Social Welfare na ngayon ay nasa kanila nang pangangalaga.

Ayon naman kay Tan Yap, pamangkin ni Lola Fulgencia, abandonado na ang kanyang tiyahin.

Ang kanyang tiyuhin ay namatay na at walang anak si Lola Fulgencia.

Ayon kay Ibay, inihahanda na ang isasampang kaso sa mga naarestong nag-abandona sa matanda. (GENE ADSUARA)

Tuloy ang laban para kay Amit

Posted on: September 5th, 2020 by @peoplesbalita No Comments

ANIM na buwan sa linggong ito ang Coronavirus Disease 201919, pero tuloy pa rin ang buhay para kay 2019 Philippine Southeast Asian Games billiards double gold medalist Rubilen Amit.

Maalaga ang ang two-time World Pool Billiard Association (WPA) world women’s 10-ball champion sa kaisipan, sa katawan at sa ispirituwal.

“This pandemic mostly attending mental wellness zoom MWF (Monday-Wednesday-Friday) led by Gang Badoy of RockEd: Project Steady,” namutawi sa ng 38-taong-gulang, 4-11 ang taas at isinilang sa Mandaue City. “Then trying to learn new things thru Youtube.”

Hindi puwedeng lumiban ang residente ng Taguig City na national athlete ang pagtumbok sa mesa lalo’t ito nagpaupo sa kanya sa trono bilang reyna sa mundo noong 2009 at 2013 ng 10-ball.

“I practice biliards from time to time. Also focusing on spiritual aspect of my life rin,” dagdag na saad ni Amit.

Sa pagwawakas, binaggit niyang malamang na wala na siya at mga kasamahan na mga paligsahan sa natitirang mga buwan ng taon at sa halip ay sa susunod na taon na lang. (REC)

Badyet sa bubble inaaral – Marcial

Posted on: September 5th, 2020 by @peoplesbalita No Comments

PAG-UUKULAN nang malaking halaga ang ligtas na kukuning bubble venue ng Philippine Basketball Association (PBA) kapag muling binuksan ang 45^th Philippine Cup 2020 sa papasok na buwan.

May limang hotel ang kinukunsiderang bubble ng propesyonal na liga ang nagbigay ng presentasyon kay Commissioner ilfrido ‘Willie’ Marcial.

“Iko-consider namin lahat ng proposals, then saka kami gagawa ng presentation sa Board in the next meeting,” pahayag ng opisyal nitong Biyernes.

Ang mga pinagpilipian ay ang Clark sa Angeles City, Subic Freeport Zone sa Olongapo City, Inspire Sports Academy sa Calamba City, Big Dome sa Quezon City at Baguio City.

Dinagdag ng komisyoner na pinakamaagang itatagal ng bubble ang dalawang buwan kaya inaaral pa ang malaking gastos.

Bukod sa eksklusibong pagggamit sa playing venues at gyms, may akomodasyon pa sa hotel na para sa 350-400 personnel na kabibilangan ng players, coaching at support staffs, TV crews at mga tauhan ng liga.

Bokya sa kita ang liga mula nang itinigil ang season-opening conference nitong Marso 11 dahil sa coronavirus disease 2019.

“’Yun ang pag-uusapan pa, ang gastos,” hirit ni Marcial. “Baka hindi kayanin lahat ng PBA, kaya baka mag-share sa gastos ang teams.”

Una rin sa bubble venue ang medical facilities na malapit dito para may pagdadalahan agad sakaling may maaksidente, may ma-injury o magka-COVID-19.

“Hangga’t maaari, ayaw naming lumabas pa ng site o complex para sa immediate medical attention at saka less ang risk of infection kesa kung mahaba biyahe ng pasyente,” pang wakas ni Marcial. (REC)

Mga Pinay baller tampok sa WNBL

Posted on: September 5th, 2020 by @peoplesbalita No Comments

BIBIGYAN ng pansin ng Women’s National Basketball Leagueb (WNBL) sa unang taon ang pagpaparada sa mga purong Pinay basketbolista.

“Both NBL (National Basketball League) and WNBL are strictly for all Pilipino players because my point in putting up WNBL, I have always believed even during my pro league days that there’s a surplus of women players in the Philippines,” deklarasyon kamakalawa ni NBL executive vice president Rhose Montreal.

Dinugtong ng opisyal, “So I might as well give them the exposure and then getting imports or getting Pil-Fors to play will come later I guess but what I really wanted for the first season is that it’s going to be an All-Pilipina composition for WNBL.”

Masaya ang naging tugon ni Gilas Pilipinas women’s basketball cagers Maria Beatrice ‘Bea’ Daez-Fabros at Danica Therese Jose sa pagpasok ng WNBL na binasbasan ng Games Amusements Board sa nakalipas bilang bagong propesyonal na liga sa bansa.

“I hope that this league will be very much sustainable and it really opened a lot of doors to Pilipina ballers now that the league is here,” reaksiyon nang naglaro sa Ateneo de Manila University Lady Eagles sa University Athletic Association of the Philippines (UAAP).

Dinagdag naman ng dating University of the Philippines Lady Maroons playmaker na si Daez-Fabros: “I think it’s a dream come true for all of us female ballers.”

Balak din ng liga na mag-rookie draft sa susunod na buwan. (REC)

PAGAWAAN NG PEKENG TRAVEL. SWAB TEST RESULT NABUKING

Posted on: September 5th, 2020 by @peoplesbalita No Comments

NABISTO ang isang pagawaan ng pekeng mga dokumento gaya ng IATF ID,quarantine pass, travel authority pass,medical certificate ,swab test at rapid test results mula sa Manila Health Department (MHD) sa isinagawang pagsalakay,kahapon ng umaga sa Sta.Cruz,Maynila.

Kinilala ni PLt.Col John Guiagui,station commander ng Manila Police District-Police Station 3 ang suspek na si

Marilyn Balagtas, 40, na siya umanong nagpapatakbo ng pagawaan ng pekeng dokumento na matagpuan sa panulukan ng Sulu at Remigip Sts. sa Sta.Cruz,Maynila.

Sinalakay umano ang lugar dakong alas 5-ng umaga matapos ang entrapment operation kung saan nasamsam ang mga

computer, printers, at iba’t ibang klaseng mga dokumento na iniimprenta ng suspek.

Sinabi ni Guiagui, natunton nila ang lugar matapos silang may masita ang isang lalaki na may bitbit na pekeng travel authority mula umano sa kanilang istasyon.

Dito na itinuro ng lalaki na di na pinangalan kung saan siya nagpagawa ng pekeng dokumento na binayaran umano niya ng P300.

Nalaman na ang pagawaan ng.mga pekeng dokumento ay dinarayo pa ng mga nagpapagawa.mula sa iba’t ibang lugar.

Kaugnay nito,sinabi ni Balagtas na pinapa-scan lang sa kanya ng mga customer ang mga dokumento at taga-imprenta lang siya.

Sinampahan naman ng kasong falsification and use of falsified document si Balagtas sa Manila Prosecutors Office. (GENE ADSUARA)

PFL team sisipa na sa ensayo

Posted on: September 5th, 2020 by @peoplesbalita No Comments

MAY tatlong Philippine Football League (PFL) team ang magbabalik-praktis na bilang unang hakbang ng liga para sa nalalapit na pagbubukas ng ikaapat na edisyon sa taong ito.

Ang grupo na mga atat nang mag-training camp ayon kamakalawa kina Philippine Football Federation (PFF) presidet Mariano Araneta Jr. at PFL commissioner Mikhail Torre, ay ang United City Football Club, Kaya Football Club at Stallion Football Club.

“They are all looking forward to the resumption of training,” ani Araneta, na siya ring chef-de-mission ng bansa para sa 32^nd Summer Olympic Games 2021 sa Tokyo, Japan.

Ginarantiyahan naman naman ni Torres na nasa ligtas na lugar at kondisyon ang mga manlalaro kikilos.

“It’s a matter of reminding them about the safety of the players and the safety of the venue,” sambit niya.

Pinayuhan ang dalawang organisasyon at opisyale ni Games and Amusement Board chairman Abraham Kahlil Mitra para sa safety protocols na paiiralin sa training camp.

“Each club has their own responsibility to make sure that the players are following safety protocols,” wakas ni Torre. (REC)

Haponesa sasawatain si Saso

Posted on: September 4th, 2020 by @peoplesbalita No Comments

KAKASAHAN si Yuka Saso ng Pilipinas nG 16-time Japan Ladies Professional Golf Association (JLPGA) champion na si Ai Suzuki ng Japan para hindi maparehasan ang three-straight title mark niya sa mayamang liga.

Maski ang iba pang mga kasali kaparehas ang misyon ng Japanese laban sa 19-year-old na Fil-Jap sa paghampas ngayong Biyernes (Setyembre 4) ng Golf 5 Ladies Professional Golf Tournament sa Golf5 Country Mizunami Course sa Gifu.

Ang probla lang malamang na wala pa sa kondisyon ang 26-anyos na Haponesa dahil sa kakulangan niya mga torneo sa nakalipas na buwan dahilan na rin sa Covid-19 na natumpyas din sa maraming yugto ng Japan tour na ito.

Kapag nakatatlong dikit na korona naman ang tubong San Ildefonso, Bulacan na si Saso, bukod sa record ni Suzki, m,agiging kalakip pa na siya ang unang tinedyer na nagtamo nito nito.

Ang kambal na sunod na tagumpay ni Saso ang nag-upo na rin sa kanya sa No. 76 sa world rankings na basehan sa mga hahambalos sa 32^nd Summer Olympic Games 2021 sa Tokyo, Japan. (REC)

Viernes kinarir coaching job maski may Covid-19

Posted on: September 4th, 2020 by @peoplesbalita No Comments

AMINADO si ex-pro at Maharlika Pilipinas Basketball League (MPBL) star Jeff Alvin Viernes ng Batangas City Athletics na kagaya ng karamihan, mahirap din ang kinalalagyannang ma-lockdown mag-isa sa Malaysia sa panahon ng Coronavirus Disease 2019.

Itinigil noong Marso ang 3rd MPBL Lakan Cup 2019-20 dahil sa pandemya kaya nagsadya muna ang 31-taong-gulang, may 5-8 ang taas na guard para ayudahan ang basketball team niyang kinabibilangan din doong NS Matrix.

“Nung first two months ko sa lockdown dahil sa pandemic nga, sobrang hirap kasi mag-isa lang ako sa tinitirahan ko sa Malaysia,” pag-amin ng basketbolistang produkto ng St. Clare College-Manila at tubong Isabela.“’Yung kasama ko kasi, assistant coach umuwi.”

Pero sa halip na maapektuha, ginamit na lang niya na lang ang mga bakanteng oras upang diskartehan ang pag-angat pa ng kanyang team.

“So nu’ng nag-start yung pandemic, mentally nag-concentrate ako sa playmaking. Parang nag-aral ako mga coaching strategy.”

Mahgpit pa rin aniya sa Muslim country sa mga health protocol kahit nanumbalik ang normal na pamumuhay.

Ilan naman sa mga natamo na niyang karangalan ang mga sumusunod:

9th National Athletics Association of Schools, Colleges and Universities, NAASCU Rookie of the Year 2009 (UM), 3xNAASCU champions 2010, 2011, 2012 (2xUM, SCC-M), 2xNAASCU MVP 2011, 2012 (UM);

Philippine Commercial Basketball League Foundation Cup Champion 2015 (Jumbo Plastic Linoleum),

PCBL Foundation Cup MVP 2015 (JPL), PCBL Chairman’s Cup Champion 2016 (JPL), PCBL Chairman’s Cup Finals MVP, Mythical 5 & Defensive Player of the Conference 2016 (JPL);

8th Philippine Basketball Association Devlopmental League (PBADL), Foundation Cup Conference MVP;

2017-18 (Che’Lu Bar & Grill), 1st Maharlika Pilipinas Basketball League Rajah Cup champion 2018 (BCA),

1st MPBL All Star Game Champion 2019 (South), 1st MMPBL All Star Game MVP 2019 (South), 2nd MPBL All Star Game champion 2020 (South) , at 2nd MPBL All-Star Game MVP 2020 (South). (REC)

Sec. Andanar, nagpatulong na sa mga youth leaders ng Northern Mindanao para maglaganap ng tamang impormasyon ukol sa covid 19

Posted on: September 4th, 2020 by @peoplesbalita No Comments

HUMINGI na ng tulong si Presidential Communications Operations Office (PCOO) Secretary Martin Andanar sa mga youth leaders sa Northern Mindanao para tulungan ang komunidad na magpalaganap ng tamang impormasyon at kamalayan ukol sa coronavirus disease 2019 (Covid-19) pandemic.

Binigyang diin ni Sec. Andanar, pinuno rin ng Cabinet Officer for Regional Development and Security for Region 10 (Cords-10), ang magiging papel ng Sangguniang Kabataan (SK) o youth council sa bawat barangay na tulungang turuan ang kanilang komunidad hinggil sa pandemiya na tiyakin na sumusunod sa health protocols para maiwasan na kumalat ang Covid-19.

“I want Region 10 to be the best region in fighting Covid-19. I want Region 10 to become number one in the fight against Covid-19. I will do my best to meet you because the majority of the population belongs to the youth and we need to protect our youth from Covid-19,” ayon kay Sec. Andanar, araw ng Miyerkules sa isinagawang online meeting kasama ang mga SK leaders ng lungsod.

Sinabi pa ni Sec. Andanar na ang “core message” ng kampanya ng pamahalaan laban sa
Covid-19 ay maaaring pagsamahin at makabuo ng acronym na PDITR: “Prevention, Detection, Isolation, Treatment, and Reintegration (PDITR).

Aniya, ang mga SK officials ay makatutulong ng malaki sa pamahalaan lalo pa’t “you govern a huge population of young people and you are our direct link to them.”

At dahil sa may umiiral na education information at communication campaigns mula sa Department of Health (DOH) ay sinabi ni Sec. Andanar na ang nga youth leaders ay makatutulong na magpakalat ng mahahalagang impormasyon sa pamamagitan ng social media. (Daris Jose)

Unemployment rate bumaba sa 10% nang luwagan ang lockdown

Posted on: September 4th, 2020 by @peoplesbalita No Comments

Milyun-milyong Pilipino ang nabawi ang kani-kanilang mga trabaho sa muling pagbubukas ng ekonomiya sa gitna ng pandemya dulot ng coronavirus disease (COVID-19) noong Hulyo, ayon sa bagong datos na inilabas ng Philippine Statistics Authority (PSA), Huwebes.

Lumalabas sa ulat ng gobyerno na 10% ng Pilipinong parte ng labor force, o mga taong naghahanap ng trabaho, ang walang trabaho o negosyo nitong Hulyo. Ito ay nangangahulugang mga 4.6 milyong Pilipino na walang trabaho.

Malayo-layo ito kumpara sa naitalang 17.7% record-high unemployment rate ng ahensya noong Abril habang kasagsagan ng mga COVID-19 lockdowns sa Pilipinas.

Ibig sabihin, nasa 2.7 milyong trabaho ang naibalik sa ekonomiya ng Pilipinas simula nang dumami ang isinailalim sa mas maluwag na general community quarantine (GCQ) at modified general community quarantine (MGCQ).

Gayunpaman, higit na mas marami pa ring walang trabaho ngayon kumpara noong parehong panahon noong isang taon.

“Ito ay mas mataas ng 2.2 milyon kaysa sa bilang noong July 2019 na nasa 5.4 percent o 2.4 milyon,” sambit ng PSA sa kanilang report ngayong umaga.

“Ang bilang ng may trabaho o negosyo ay bumaba ng 1.2 milyon mula July 2019 hanggang July 2020. Nitong nakaraang July, ang bilang ng mga may trabaho o negosyo ay naitala sa 41.3 milyon na lamang.”

Pantay naman ang naitalang employment rate ng mga kababaihan at kalalakihan nitong Hulyo. Batay sa mga numero, siyam sa bawat sampung babae at lalaking nasa labor force ang may trabaho o negosyo, habang isa sa kada sampung babae o lalaki ang walang trabaho.

Nangyayari ang lahat ng ito habang nasa ilalim ng “technical recession” ang ekonomiya ng Pilipinas, bagay na sinasabing pinakamalala simula pa noong 1981.