- April 24, 2026
Ang Diyaryong Pinagkakatiwalaan
Archive for September, 2020
P17.4 million kontribusyon ng OFWs ibinulsa
Aabot sa P17.4 milyong halaga ng PhilHealth premiums o kontribusyon na kinolekta sa mga overseas Filipino workers ang ibinulsa umano ng “sindikato” sa Philippine Health Insurance Corporation.
Ayon kay Ken Sarmiento, dating Senior Auditing Specialist ng PhilHealth, na noong nakatalaga pa siya sa Operations Office ng PhilHealth sa Philippine Overseas Employment Administration (POEA) ay nabuking niya na aabot sa P17,416,800 milyong premiums ang kuwestiyonable.
Aniya, ang mga resibong ibinigay sa mga nagbayad na OFWs ay peke kung saan ang mga ginamit na serial number sa mga resibo ay nagamit na sa mga lehitimong transaksyon.
Ang unang pekeng resibo ay naiulat noong Setyembre 2015 sa OFW na si Rey Calongcong kung saan hindi nairemit ang P2,400 na binayaran ni-tong premiums na dapat ay inisyu sa IEXCEL Manpower Corporation. Nasa 168 pang resibo ng nasabing manpower corporation ang lumitaw na pineke rin.
Samantala noong Setyembre 2018 ay inireport din ng ahensya ang 224 pang mga pinekeng resibo bukod pa sa hinihinalang 868 kaso ng mga peke rin na puro zerox copy at hindi orihinal.
“We learned that 7,257 OFWs hindi napaghulugan ng premiums… Hindi po natanggap ng PhilHealth ‘yung premiums nila,” sabi ni Sarmiento.
“Mayroon po talagang sindikato,” dagdag niya.
“Mayroon pong nagre-recruit sa kanila para i-distribute ‘yung fake receipts sa OFWs at ‘yung hatian, out of the P2,400, P900 ‘yung mapupunta sa marketer na gumagawa ng fake receipts. ‘Yung liaison officer, they receive P1,500. We know who they are and we know more or less ‘yung structure nila,” sabi pa niya.
Nang ipaabot niya ang isyu sa Regional Director ng PhilHealth ay na-demote siya sa trabaho at inilipat ng posisyon sa Overseas Filipino Workers Affairs. (Ara Romero)
COVID cases sa Pinas papalo sa kalahating milyon ngayong 2020 – UP experts
Posibleng pumalo sa 585,000 ang kaso ng coronavirus disease 2019 o COVID-19 batay sa taya ng University of the Philippines (UP).
Ito ay makaraang palawigin ng UP COVID-19 Pandemic Response Team ang kanilang projection hanggang sa Dec. 31 ngayong taon.
Maaaring bumaba sa 402,000 ang detected cases ngunit posible rin pumalo sa 767,000.
Posible ring pumalo sa limang libo hanggang sampung libong pagkamatay na may projected average na 7,500.
PDu30, nanawagan ng mas malalim na pagkakaisa kontra Covid- 19
NANAWAGAN si Pangulong Rodrigo Roa Duterte ng mas malalim na pagkakaisa ng lahat ng bansa para labanan ang coronavirus disease 2019 (Covid-19) habang patuloy naman na hinaharap ang banta ng terorismo.
Ang pahayag na ito ni Pangulong Duterte ay bahagi ng kanyang naging talumpati sa 2020 Aqaba Process Virtual Meeting on Covid-19 Response na ang nag-host ay si Jordanian King Abdullah II.
Sa dalawang-oras na virtual meeting, nanawagan ang Chief Executive ng “more openness, deeper solidarity, and stronger cooperation among nations” para mapadali ang economic recovery at epektibong malabanan ang terorismo at violent extremism.
Binigyang diin ni Pangulong Duterte na ang lahat ng bansa kabilang na ang Pilipinas ay nakikipaglaban ng kaparehong “invisible menace”.
“Our urgent common response was to close down borders and impose limits to mobility and trade. The repercussions, as we are seeing now, are grim and far-reaching. We have economies in recession, institutions in crisis, and societies in state of uncertainty,” ayon sa Pangulo.
Giit ng Punong Ehekutibo na habang ang Pilipinas ay abala sa pagtugon sa pandemiya ay sinasamantala naman ng mga terorista na makapaghasik ng kasamaan sa bansa.
“Local terrorist groups, such as the Abu Sayyaf, the Bangsamoro Islamic Freedom Fighters, and the New People’s Army of the Communist Party of the Philippines, are exploiting the situation to serve their nefarious ends,” anito.
Gayunpaman, sinabi ng Pangulo na nalutas ng Pilipinas ang paglaban nito sa terorismo sa mas pinalakas na pamamaraan.
“Now, more than ever, our resolve is stronger: We will not let up in our fight against terrorism. And we will not allow Covid-19 to bring our people to their knees,” aniya pa rin.
Ani Pangulong Duterte, hindi dapat pinalalampas ng mga lider ang pagkakataon na bumuo at magtatag ng bagong kautusan na aniya’y “has no room for the barbarity of terrorists and extremist forces” and “where progress and prosperity are enjoyed by all”.
Hinikayat naman niya ang kanyang mga counterparts na “honor those who have fallen to the invisible enemy that is the pandemic and the scourge of terrorism”.
Aniya, ang susi sa pagbahagi ng kasaganahan ay malayang paggalaw ng ‘goods, capital, and services, complemented with appropriate social safety nets.’
“This is why we in (Association of Southeast Asian Nations) are drawing up a comprehensive recovery plan anchored on strengthening economic cooperation and supply chain connectivity,” ayon sa Pangulo.
Kaugnay nito, ipinangako naman ng Pangulo na paiigtingin niya ang pakikipag-ugnayan sa Asean, United Nations, at iba pang international partners, kabilang na ang Jordan.
Samantala, pinasalamatan naman ng Pangulo si King Abdullah II para sa napapanahong pagpupulong kung saan nakikita ng Aqaba partners ang oportunidad na mag- recommit para mapahusay ang kooperasyon.
Nangako rin si Pangulong Duterte na patuloy na magta-trabaho para paliitin ang tinatawag na deep-seated inequalities bilang integral part ng whole-of-nation strategy sa paglaban sa terorismo at violent extremism.
Samantala, ang Aqaba Process meeting ay pagsasama-sama ng mga lider at pinuno ng international organizations para sa pagpapalitan ng pananaw kung paano palalakasin ang international cooperation bunsod ng pagtaas ng vulnerability ng maraming bansa para sa radikalisasyon at violent extremism na resulta ng Covid-19 pandemic. (Daris Jose)
Kongreso magiging katuwang ng PSC
IPINANGAKO ng Congress Committee on Youth and Sports Development ang pag-asiste sa paghiling ng Philippine Sports Commission (PSC) ng P182M badyet para sa kampanya ng bansa sa 32nd Summer Olympic Games 2021 sa Tokyo, Japan.
Batay ito sa committee regular meeting sa nakaraang linggo sa House of Representatives sa Quezon City na dinaluhan ng iba pang sports official.
Napag-alaman kamakalawa kina PSC Chairman William Ramirez at Committee chairman Eric Martinez ang pangangailangan ng sports agency nang bawasan ang badyet sa taong ito pata iayuda sa Covid 19.
“We were one of those government offices who also contributed to the Bayanihan Act. The DBM (Department of Budget and Management) deducted from us,” ani Ramirez.
Pinangwakas niyang: “Para sa amin malaking bagay ‘yun kasi kasama doon ‘yung Olympic budget namin. Hanggang ngayon po bakante ‘yan. It’s an opportunity for us to ask, we need your help,” ani Ramirez nitong Huwebes. (REC)
DoH Sec. Duque at ex-PhilHealth chief Morales, iba pa, pinakakasuhan
Inilabas na ng Senado ang kanilang committee report ukol sa isinagawang mga pagdinig ukol sa mga katiwalian sa PhilHealth.
Batay sa 57 pahinang ulat na inilabas ni Senate President Vicente “Tito” Sotto III, pinasasampahan nila ng criminal charges sina Health Sec. Francisco Duque III, dating PhilHealth President/CEO Ricardo Morales at iba pa.
Bunsod umano ito ng malversation of public funds, kabiguang maiproseso ang buwis para sa bayarin sa mga ospital.
Habang iminungkahi ring sampahan ng administrative cases sina senior vice president for legal sector, Atty. Rodolfo del Rosario at iba pang opisyal na nasa Protest and Appeal Review Department dahil sa kawalan ng aksyon sa mga nakabinbing reklamo laban sa iba pang tauhan ng government corporation na may kinasasangkutang usapin.
Magbibigay umano ng kopya ng rekomendasyon sa Office of the Ombudsman at sa DoJ panel para sa karagdagang aksyon.
Narito ang bahagi ng rekomendasyon ng komite:
- File administrative case against BGen. Morales and SVP Dennis S. Mas, implementing the Management Board Service Resolutions Sector on for not courtesy resignations, which is clearly a neglect of duty and insubordination.
• File administrative case against BGen. Morales, Executive Vice President and COO Arnel F. De Jesus, and Mr. Arnel F. De Jesus, Executive Vice President and Chief Operating Officer for violating the COA Rules on the period of liquidation in issuing Memorandum Circular 2020-032
• File administrative case against Atty. Rodolfo Del Rosario, SVP for Legal Sector, and all the other officers and employees of the Protest and Appeal Review Department of PhilHealth for their failure to act and gross neglect of duties relative to the cases pending in their department.
• Ensure that administrative and criminal cases are timely filed against responsible individuals, health care institutions, and corporations. Filing charges against responsible individuals, health care institutions, and corporations
will prove PhilHealth’s and the government’s commitment to ensure that government funds are not mismanaged and that 52corruption is not tolerated. Further, cases and subsequent convictions will serve as a deterrence for others with corrupt intentions.
• Given the observation on the B. Braun Avitum Philippines, Inc., evidence for ghost patients must be sought after. The report recommended that this can be done by retroactively matching the latest death data from the Philippine Statistics Authority.” (Daris Jose)
Ayos may liga na ang mga eba
SIGURADONG malaki ang maitutulong ng Women’s National Basketball League (WNBL) para umangat sport na ito sa bansa.
Binindisyunan na ng Games and Amusement Board (GAB) ang WNBL pati ang National Basketball League (NBL) para maging mga propesyonal na mga liga na rin gaya ng Philippine Basketball Association (PBA).
“Basically the reason why we seek the GAB’s approval is because number one, it’s long overdue to have a women’s professional league. That’s number one, it’s long overdue,” ani NBL executive vice president Rhose Montreal sa isang podcast.
“Second, you just see women ballers everytime there’s an international competition like the SEA Games and then later on after the SEA Games, again we go back to that word continuity. There’s no continuity either,” hirit ng opisyal.
Makakaagapay rin aniya ang GAB upang maprotektahan ang mga women cager at team owner sa pananamantala ng ilan.
“So what will GAB bring to WNBL, there’s already a regulatory body, there will be protection both for the team owner and for the players especially that, this is my personal opinion though, that majority of the women ballers are being exploited. Exploited meaning there will be like a manager thing and then financing the ladies, financing the players but basically it’s not really the way you operate as a team,” salaysay ni Montreal.
Dinugtong niyang hindi lang allowances at ‘per game’ o ‘per practice’ payment ang ipaiiralain sa WNBL.
“Everybody, all the players will be getting a contract, they will be protected by a contract, they have to be paid a salary. Because once you say professional, you have to get a salary already, it cannot be a per game payment or a per practice thing anymore or allowances. Basically, it’s really professionalizing the league management and professionalizing running the team. So basically that’s GAB will bring in to WNBL as we become a pro league,” pagtatapos niya.
Sana nga makapagsimula na agad ang bagong liga para magkaroon din ng hanap buhay ang mga manlalaro natin kapag wala na sila sa kanilang mga eskuwelahan o sa National Collegiate Athletic Association (NCAA) o University Athletic Association of the Philippines (UAAP). (REC)
TAUHAN NG MTPB 2 PA, TIMBOG SA P806-K HALAGA NG DROGA
TATLONG hinihinalang drug personalities, kabilang ang isang tauhan ng Manila Traffic and Parking Bureau (MTPB) ang arestado matapos makumpiskahan ng higit sa P.8 milyon halaga ng ilegal na droga sa magkahiwalay na buy-bust operation ng pulisya sa Caloocan city.
Ayon kay Northern Police District (NPD) Director P/Brig. Gen. Ronaldo Ylagan, alas-3:30 ng hapon nang isagawa ng mga operatiba ng District Drug Enforcement Unit (DDEU) sa pangunguna ni P/Capt. Ramon Aquiatan Jr. ang buy-bust operation kontra kay Alex Clemente alyas “Buboy”, 42, (watchlisted) sa kanyang bahay sa 124 Magtanggol St. Brgy. 29, ng lungsod.
Nagawang makabili sa suspek ng P15,000 halaga ng shabu ni PCpl Brian Emilson Celeste na nagpanggap na poseur buyer at nang tanggapin ni Clemente ang marked money kapalit ng droga ay agad siyang sinunggaban ng mga operatiba.
Nasamsam kay Clemente ang aabot sa 100 gramo ng shabu na nasa P680,000 ang halaga, P1,000 tunay na pera na nakabugkos sa 14 pcs boodle money, cellphone at sling bag.
Alas-4 naman ng hapon nang madamba din ng mga tauhan ni P/Capt. Aquiatan sa buy-bust operation sa Samson Road, harap ng Puregold Supermarket, Brgy. 76, Caloocan si Johnver Cleofas, 21, at Ryan Sean Cleofas, 38, MTPB employee sa Manila at residente ng 821 Deodato St. Brgy. 53, Tondo Manila.
Nakuha sa mga suspek ang aabot sa 1 kilo at 50 gramo ng pinatuyong dahon ng marijuana na nasa P126,000 ang halaga, 2 pcs P1,000 tunay na pera na nakabugkos sa 30 pcs 1,000 booblde money na ginamit bilang buy-bust money, backpack at kulay violet na NMAX motorsiklo. (Richard Mesa)
BARANGAY NA WALANG COVID CASE NG 2 MONTHS, MAY P100K KAY YORME ISKO
BIBIGYAN ni Manila Mayor Francisco “Isko Moreno” Domagoso ng P100,000 insentibo ang barangay na hindi magkakaroon ng COVID19 sa loob ng susunod na 2 buwan.
Ayon kay Moreno, ito ay kung mapapanatili nilang COVID19 free ang kani-kanilang barangay mula Setyembre 1 hanggang Oktubre 31,2020.
Sinabi ni Moreno na naglaan sila ng P89.6 milyong budget para dito, dahil inaasahan niyang mapagtatagumpayan ng lahat ng 896 barangays sa lungsod ang kanyang hamon sa mga ito.
“Kapag kayo po ay walang nairehistro sa amin na walang impeksyon, walang new cases in the next two months sa inyong barangay, kayo po ay magkakamit ng P100,000,” ayon kay Moreno, sa kanyang Facebook Live.
“Kapag walang naitala sa inyong barangay na new infection, kahit mayroon ngayon ay hindi ‘yon kabilang.So anything na maitala na zero from September 1 to October 31, kayo po ay makakatanggap mula sa pamahalaang lungsod ng additional P100,000 sa inyong mga budget,” dagdag pa ni Moreno.
Malaki ang tiwala ni Moreno na malaki ang maitutulong ng naturang proyekto, hindi lamang sa city government, kundi maging sa national government, at sa pagsugpo ng pagkalat ng virus sa bansa.
Bukod naman sa karagdagang pondo, tatanggap din ang mga opisyal ng barangay ng
plaque of appreciation mula sa lokal na pamahalaan, bilang pagkilala sa kanilang pagpupunyagi.
Sa pinakahuling datos ng.lokal na pamahalaan ,may 8,110 kaso ng COVID-19 ang naitala at may 6,911,ang nakarekober.
Kaugnay nito,inaanusiyo ni Moreno na ipinatutupad ang curfew sa lungsod, mula alas 10 ng gabi hanggang alas 5 ng madaling araw.
(GENE ADSUARA)
COVID pandemic: Nasa 3-M manggagawang nawalan ng trabaho, bibigyan ng cash aid – DOLE
Kinumpirma ng Department of Labor and Employment (DOLE) na aabot sa 3.3 milyon ang bilang ng mga manggagawang nawalan ng trabaho dahil sa Coronavirus Disease (COVID) pandemic.
Sa naging panayam kay Labor Secretary Sylvestre Bello III, sinabi niya na karamihan sa mga manggagawang nawalan ng trabaho ay galing sa mga restaurant, hotels, transportasyon, clerical administrative works, at manufacturing.
Pinaka-apektado ang mga galing sa hotel dahil walang masyadong nagpupunta sa mga ito bunsod ng pandemya.
Ayon kay Secretary Bello, marami rin ang naapektuhan sa sektor ng transportasyon lalo na ang mga provincial buses na humihiling na sila ay payagan nang mamamasada.
Gayunman, tulad ng pagtulong ng DOLE sa mga bus driver na nawalan ng trabaho, makakaasa rin daw ang iba pang mga naging unemployed sa pamamagitan ng COVID Adjustment Measures Program o DOLE-CAMP.
Bibigyan ng DOLE ang mga manggagawa ng P5,000 na cash aid at maaari namang livelihood sa mga umuwing Overseas Filipino Workers (OFWs) na gustong magsimula ng sariling negosyo kaysa umasa sa mga maibibigay na trabaho sa kanila.
Tiniyak ng kalihim na kapag nailabas na ang pondo ay bibigyan ng tulong ang mga nawalan ng trabaho pero minsan lamang ito.