2020 September Archive - People's Balita

Archive for September, 2020

Obiena ‘di kinumpleto ang Golden Challenge

Posted on: September 9th, 2020 by @peoplesbalita No Comments

HINDI tinapos ni Ernest John ‘EJ’ Obiena ang Golden Roof Challenge matapos itigil ng mga namamahala ang sanhi nang masamang panahon.

Pumasa na ang 24-anyos na University of Santo Tomas Engineering student at isa sa mga pambato ng Philippine Athletics Track and Field Association (PATAFA) sa 5:30 metro nang magsimulang umambon at tuluyang lumakas na naging dahilan upang tuluyang ipagpaliban ang kompetisyon.

“The competition director had decided not to finish the men’s pole vault competition for the safety of the athletes due to heavy rainfall, the “Golden Roof Challenge,” bigkas nitong Linggo ng 6-foot-2, Tondo, Manila native.

Nakamata na sana ang unang Tokyo Olympic qualifier ng bansa sa 5.40 metro sa kanyang ikaapat na torneo ngayong taon, pero tututok na lang sa susunod na sasaling torneo. Patungo na siya at si coach Vitaly Petrov sa Ostrava, Italy pata ipagpatuloy ang training camp.

Isa siya sa inaahan ng bansa sa 32^nd Summer Olympic Games 2021 sa Tokyo, Japan. (REC)

Quarantine wristbands inilunsad vs COVID-19

Posted on: September 9th, 2020 by @peoplesbalita No Comments

Naniniwala ang Caloocan City government na malaking tulong ang paggamit ng quarantine wristbands simula ngayong Lunes para sa monitoring ng mga naging close contact ng mga pasyenteng may COViD-19.

Ayon kay Caloocan COViD-19 Command Center head Sikini Labastilla, ang paglulunsad ng quarantine wristband ay bunsod na rin ng pagsuway ng ilang close contact sa kanilang mga instruction na manatili sa tahanan o sa mga quarantine facility habang naghihintay sa kanilang test results.

“Maraming tini-test na hindi nagpapaiwan sa bahay. Pagala-gala sila,” saad ni Labastilla.

Kailangan aniya nilang gumawa ng paraan upang ma-contain ang mga ito sa bahay o sa quarantine facility.

Mula sa cellular phone, ang impormasyon sa lokasyon ng mga close contact ay maipapadala sa COVID-19 Command Center.

Mga netizen iba-iba reaksyon kay Laure

Posted on: September 9th, 2020 by @peoplesbalita No Comments

MAGKAKAIBA ang opinyon ng mga netizen sa social media matapos ibunyag nina University Athletic Association of the Philippines (UAAP) women’s indoor volleyball star Ennajie ‘EJ Laure ng University of Santo Tomas Golden Tigresses at actor-dancer Rogel Kyle ‘Bugoy’ Cariño, Jr. ang kanilang anak.

Isang pagbati ang pinost ng 23-anyos at may taas na 5-9 sa kaarawan na volleybelle sa kanyang 18-taong gulang 5-3 ang taas na partner sa Twitter sa nakaraang linggo, at ipinakilala pa ang kanilang baby girl na nagngangalang Scarlet.

“Happy birthday, Mahal. Thank you sa lahat ng ginawa at ginagawa mo para sa amin ni baby Scarlet! We love you so much, daddy! @iambugoy_carino” tweet ni Laure na kinatwiran noong 2018 ang ‘di paglalaro sa USTE’y injury ang sanhi at hindi ang katotohanan nang pagbubuntis sa noo’y toto’y pang kinakasama.

May mga bumanat at nagdepensa sa sikat na balibolista na kapatid ng balibolista rin ng nasabing pamantasan na si Ejiya ‘Eya’ at ang ama’y dating Philippine Basketball Associoation (PBA) player na si Eddie.

“Super deny in all levels biglang amin hahaha kaloka,” tirade ni halfbloodprince (@badgetheexplor1).

Hirit ni Samant si Snnyrub (2alevar23): “Happy & proud of you more @ennajielauree. You deserve a happy family w/ a cutie baby scarlet. May God continue to bless ur family.” (REC)

Seniors, edad 21 pababa puwedeng magparehistro – Comelec

Posted on: September 9th, 2020 by @peoplesbalita No Comments

Nilinaw ng Commission on Elections (Comelec) na maaari namang magtungo sa kanilang mga tanggapan at magparehistro ang mga senior citizen at mga nasa edad 21-anyos pababa makaraang makapagtala ng mababang bilang ng nagpaparehistro ang ahensya nang buksan ito nitong Setyembre 1.

Sinabi ni Comelec spokesperson James Jimenez na hindi naman umano ganap na ipinagbabawal ng Inter-Agency Task Force for Infectious and Emerging Diseases (IATF) ang paglabas ng mga senior at 21-anyos pababa kung saan limitado lamang dapat sa mga importanteng gawain tulad ng pagpaparehistro.

Ito rin ay makaraan ang ulat na tinatanggihan umano ng ilang tanggapan ng Comelec ang mga senior na makapagparehistro.

Nakapagtala lamang kasi ang Comelec-NCR ng 5,028 transaksyon para sa pagpaparehistro ng mga bagong botante at mga nais maibalik ang kanilang pangalan sa voter’s list.

Sinabi ni Jimenez na bagama’t napakaliit ng naturang bilang, hindi naman umano ito nakapagtataka dahil marami ang ayaw lumabas bunsod ng takot na mahawahan ng virus.

Ngunit iginiit ng Comelec na mas ligtas ngayon na magparehistro lalo na kung magsasagawa muna ng online appointment kaysa sa mga buwan na malapit nang matapos ito kung saan nagdadagsaan ang mga Pilipino na nais humabol sa deadline. (ARA ROMERO)

Pagsasa-ayos sa Manila Bay, 2019 pa inaprubahang mapondohan

Posted on: September 9th, 2020 by @peoplesbalita No Comments

TAONG 2019 pa aprubado at kasama sa line item ang ginagawang hakbangin ngayon ng pamahalaan sa Manila Bay.

Ito ang binigyang diin ni Presidential spokesperson Harry Roque sa gitna ng ilang batikos patungkol sa pagpapa- white sand ng nabanggit na look.

Ani Sec. Roque, tuhog lang ang nangyayaring pagpapaganda sa Manila Bay gayung ang target talaga ng proyekto ay may kinalaman sa flood control at soil erosion control.

Alam aniya ng Department of Environment and Natural Resources (DENR) ang ginagawa nila para maproteksiyunan ang kalikasan at incidental na lang ang nangyayaring beautification sa lugar.

Dagdag ni Sec. Roque na maging siya bilang isang taga Maynila ay natutuwa na may pinagagandang atraksiyon na hindi lamang mga tubong taga Maynila ang makikinabang kundi ang buong taga- Metro Manila.

Nauna rito, sinabi ni Vice-President Leni Robredo na nanghihinayang siya sa perang pinanggastos para sa pagtatambak ng artificial white sand sa Manila Bay.

Sinabi ni VP Leni na sana ay nagamit pa sa mas mahalagang proyekto ang pondo lalo’t patuloy na hinaharap ng bansa ang krisis dulot ng pandemya.

Napaka-insensitive ayon pa kay VP Leni ang ginawang ito na pag- beautify sa
Manila Bay.

“Parang napaka-insensitive na gagawin mo iyan sa height ng pandemic, na ang daming nagugutom.

Ang daming naghihirap, gagawin mo iyong pag-beautify,” ayon sa Bise-Presidente.

Samantala, handa naman si Mayor Isko Moreno na ipatigil ang paglalagay ng artificial white sand sa dalampasigan ng Manila Bay kung mapapatunayang may masamang epekto sa kalusugan ang mga materyal na itinatambak dito.

At para naman sa grupong Infrawatch Philippines, hindi ligtas sa kalusugan ang inilagay na artificial white sand sa Manila Bay.

Sa pag-aaral ng grupong Infrawatch Philippines, sinabing ang dinurog na dolomite rock ay nagdudulot ng iritasyon sa mata, mga sakit sa baga at maging cancer.

Dinurog na dolomite rock ang ginamit bilang artificial white sand sa Manila Bay, na bahagi ng P389 milyon na beach nourishment project, ayon sa DENR.

Pero pinabulaanan ni Environment Undersecretary Benny Antiporda ang pahayag ng grupo.

“Napag-aralan ito na… wala siya hazard, lalo naman sa health,” ayon kay Usec. Antiporda. (Bishop Jesus “Jemba” M. Basco)

Joy Belmonte at Tzu Chi foundation, umayuda sa mga jeepney drivers sa Quezon City

Posted on: September 9th, 2020 by @peoplesbalita No Comments

Pinangunahan ni Quezon City Mayor Joy Belmonte at ng mga opisyal ng Taiwanese NGO na Tzu Chi foundation ang pamamahagi ng bigas at grocery items sa may 2,500 jeepney drivers ng Quezon City.

Sa isang simpleng seremonya sa QC Hall kahapon, sinabi ni Mayor Belmonte na malaking tulong ang kaloob na ayuda sa mga jeepney drivers para mabawasan ang problema ng mga ito sa gastusin sa pagkain.

Anya, 20 kilo ng bigas at mga grocery items ang kaloob sa bawat miyembro ng QC Jeepney Operators and Drivers Association (JODA) na ibinigay na ayuda ng naturang foundation.

Sinabi ni Mayor Belmonte na ang relief goods ay ipagkakaloob ng foundation sa mga benepisyaryo sa loob ng tatlong buwan o mula ngayong Setyembre hanggang Nobyermbre.

Kaugnay nito, sinabi ni Mrs. Woon Ng, opisyal ng Tzu Chi foundation, ang benepisyaryo ng ayuda ay pinili ng samahan base sa naisumiteng talaan ng QC hall.

FIRE PROTECTION AGENT AT 2 BABAE, TIMBOG SA P253K SHABU

Posted on: September 9th, 2020 by @peoplesbalita No Comments

TATLONG hinihinalang drug personalities, kabilang ang isang fire protection agent ang arestado matapos makuhanan ng higit sa P.2 milyon halaga ng shabu sa isinagawang buy-bust operation ng mga pulis sa Malabon city.

Kinilala ni Malabon police chief Col. Jessie Tamayao ang mga naarestong suspek na si Reya Remodaro, 24, (Pusher Listed top 4), sales lady, Elizabeth Yabut , 59, (Pusher/ not listed), kapwa ng 1586 Sawata A1 Caloocan City at Glen Ritaga, 48, Fire Protection Agent, residinte ng 663 Mary Ann St. Isla San Juan Tondo manila City.

Ayon kay Col. Tamayao, alas-4:10 ng madaling araw nang isagawa ng mga operatiba ng Station Drug Enforcement Unit (SDEU) sa pangunguna ni PLT Adonis Aguila ang buy-bust operation kontra sa dalawang babae sa Dalagang bukid corner Tanigue St. Brgy. Longos Malabon City matapos ang natanggap na impormasyon ng pulisya hinggil sa pagbebenta ng illegal na droga ng mga ito.

Nagawang makapagtransaskyon ng isang pulis na umaktong poseur-buyer kay Remodaro at Yabut ng P500 halaga ng shabu.

Nang tanggapin ng mga suspek ang marked money mula sa poseur-buyer kapalit ng droga ay agad silang inaresto ng mga operatiba.

Nasamsam sa mga suspek ang 47 plastic sachets na naglalaman ng aabot sa 37.3 gramo ng shabu na may standard drug price P253,640 ang halaga, buy-bust money at sling bag. (Richard Mesa)

Dalawang buwang sahod ni CabSec Nograles, ibibigay sa 2 ospital ng Quezon City

Posted on: September 9th, 2020 by @peoplesbalita No Comments

HINDI nagdalawang-isip si Cabinet Secretary Karlo Nograles na ibigay ang kanyang dalawang buwang sahod para mapalakas ang capacity ng dalawang government hospitals sa Quezon City sa gitna ng laban kontra sa coronavirus outbreak.

Ani CabSec. Nograles, ibibigay niya ang kanyang one-month salary sa East Avenue Medical Center (EAMC) habang ang isang buwan naman ay sa Quirino Memorial Medical Center (QMMC).

Si CabSec Nograles ay isa sa mga naitalaga bilang big brother para tumulong sa Quezon City sa kanilang coronavirus response, ay nagdonate matapos ang kanyang ika-44 na kaarawan noong September 3.

Bukod dito, nanguna rin ito sa fund-raising drive online para sa mga health frontliners na naka-assign sa naturang dalawang government hospitals.

Napag-alaman na batay sa 33-level pay scale ng mga government workers, ang mga Cabinet members o department secretaries ay tumatanggap ng P262,965 na basic pay sa ilalim ng salary grade 31, pero dahil sa batas na nagtataas sa sahod ng mga opisyal ng gobyerno sa apat na mga tranches simula 2020 hanggang 2023, ang mga nasa ilalim ng salary grade 31 ay inaasahang makakakuha ng kanilang higher wage na P301,095 ngayong taon. (Daris Jose)

Djokovic, na-disqualify sa US Open matapos tamaan ang judge

Posted on: September 9th, 2020 by @peoplesbalita No Comments

Na-disqualify si Novak Djokovic sa US Open matapos tamaan niya ng bola ang line judge.

Naganap ito sa fourt round ng mag-serve ang Serbian tennis star kung saan lamang ang kalaban na si Pablo Carreno Busta ng Spain.

Tinamaan nito sa leeg ang babaeng line judge ng ito ay magse-serve sana.

Matapos ang mahabang diskusyon ay nagpasya na ang mga tournament officials na siya ay idisqualify.

Nakasaad kasi sa ruling nila na hindi dapat magkaroon ng physical abuse ang mga manlalaro sa opisyal, kalaban, audience at ibang mga tao na nanonood ng laro.

Dahil sa pangyayari ay mabubura na ang target ng 33-anyos na Serbian player na makuha ang 18th Grand Slam champion kung saan siya rin ang magiging heavy favorite.

Ads September 9, 2020

Posted on: September 9th, 2020 by @peoplesbalita No Comments