2020 September Archive - People's Balita

Archive for September, 2020

Ilang lugar sa Luzon, mawawalan ng supply ng kuryente

Posted on: September 9th, 2020 by @peoplesbalita No Comments

Mawawalan ng supply ng kuryente ang ilang lugar sa Luzon ngayong linggong ito bunsod na rin nang ikinasang mga pagkukumpuni ng Manila Electric Company (Meralco).

Ayon sa Meralco, sisimulan nila ang pagkukumpuni sa Setyembre 8, Martes, hanggang sa Setyembre 12, Sabado.

Nabatid na kabilang sa mga maaapektuhan nito ay ang ilang lugar sa Novaliches, Quezon City sa Setyembre 8.

Apektado rin ang Almanza Dose sa Las Piñas City at Alabang, Muntinlupa City sa Setyembre 8 at 9.

Samantala sa Setyembre 9 at 10 ay apektado ang Las Piñas City at Cainta, Rizal.

Inaasahang sa Setyembre 10 at 11 naman ay apektado ng power interruption ang ilang lugar sa Maragondon, Naic at Ternate, Cavite gayundin ang Grace Park, Caloocan City at Tondo, Manila.

Samantala, sa Setyembre 12, inaasahang mawawalan ng suplay ng kuryente sa ilang bahagi ng Dasmariñas City, Cavite.

Kaugnay nito, humihingi naman ang Meralco ng paumahin at pang-unawa sa publiko sa perwisyong posibleng dulot ng kanilang maintenance works, na ang layunin anila ay higit pang mapaghusay ang kanilang serbisyong ipinagkakaloob sa publiko. (ARA ROMERO)

Sec. Roque, naka-isolate sa bahay

Posted on: September 9th, 2020 by @peoplesbalita No Comments

ISINAPUBLIKO ni Presidential spokesperson Harry Roque na naka-isolate siya ngayon sa kanyang bahay.

Nilinaw ni Sec. Roque na nagpositibo kasi sa Covid- 19 ang kanyang security detail kaya’t kahit wala naman aniya siyang sintomas ay kailangan niyang sumunod sa protocol.

” Nagka-positive po ang aking security detail. Wala naman po akong sintomas but i’m following protocol po.

Sa ulat, ang paalala naman na nasa ganitong sitwasyon ay bantayan ang kalusugan mula sa unang araw na nakasalamuha ang nasabing tao na may sintomas hanggang sa 14 na araw matapos nito. Bantayan ang sarili mula sa mga sumusunod: lagnat, ubo, hirap sa paghinga, sore throat, sakit ng katawan, sakit ng ulo, pagkahilo, pagtatae, atbp.

At kapag nagpakita naman ng isa o higit pa ng mga sintomas na ito ay sundan lamang ang prevention steps para sa mga nag-aalaga/may kasama sa bahay na posibleng mayroong 2019-nCoV ARD infection.

Agad din aniyang tawagan ang doktor at abisuhan muna ito ukol sa iyong kondisyon bago pa pumunta sa kanyang klinik o ospital.

Kung ang isang tao naman ay walang sintomas, hindi na kailangang mag-alala. (Daris Jose)

Aplikante sa 1st WNBL Rookie Draft 2020-21 tinatanggap na

Posted on: September 9th, 2020 by @peoplesbalita No Comments

PUWEDE nang magsumite ng aplikasyon ang mga babaeng baller ng bansa para sa 1st Women’s National Basketball League (WNBL) Rookie Draft 2020 na idaraos sa darating na Oktubre.

Maaring mag-download ng application form sa NBL-Pilipinas Facebook page na facebook.com/nblphil.

Lahat ng players na nagnanais makapaglaro sa liga’y dapat na makapagsumite ng fill-out forms at magsama 2×2 photo sa pilipinasnbl@gmail.com.

Bukas ang draft sa lahat ng mga player na mayroong mga na edad 21 hanggang 40 anyos.

Gaganapin na muna ang draft combine bago ang draft ng unang women’s pro hoops sa bansa, na binasbasan na rin ng Games and Amusements Board (GAB) kagaya ng kapatid ditong propeyonal na ring National Basketball League (NBL).

Inihahanda na ng WNBL ang pagsasagawa ng unang season bilang professional league kahit na nasa gitna ng COVID-19 pandemic ang mundo upang mabigyan ng hanap buhay ang mga basketbolera pagkatapos ng kolehiyo.

Tinapik ang dating national team member na si Maria Beatrice ‘Bea’ Daez-Fabros na naglaro dati sa University of the Philippine Lady Maroons sa University Athletic Association of the Philippines (UAAP) bilang ambassador ng WNBL.

Tinatawanan ko rin ang mga manlalaro ng National Collegiate Athletic Association (NCAA), Women’s National Collegiate Athletic Association (WNCAA), at iba pa, ano pang hinihintay ninyo?

869 JEEPNEY OPERATORS AT DRIVERS SA VALENZUELA NAKINABANG SA CASH-FOR-WORK-PROGRAM

Posted on: September 9th, 2020 by @peoplesbalita No Comments

NASA 869 jeepney operators at mga drivers sa Valenzuela City ang pansamantalang nabigyan ng sampung araw na trabaho sa pamamagitan ng Department of Social Welfare and Development Office (DSWD)’s Cash-for-Work Program.

Ito’y para matiyak na maibibigay nila ang mga pangangailangan ng kanilang pamilya sa gitna ng kanilang nasuspindeng operasyon dahil sa pinalawig General Community Quarantine (GCQ).

Sa DSWD Administrative Order 15, ang proyekto ay magsisilbi bilang isang “short-term intervention to provide temporary employment to distressed/displaced individuals by participating in or undertaking preparedness, mitigation, relief, rehabilitation or risk reduction projects and activities in their communities or in evacuation centers.”.

Ang programa ay maaari ring isagawa bago, habang, o pagkatapos ng pagkakaroon ng isang natural kung saan ang mga kalahok ay babayaran ng cash para sa serbisyong kanilang ibinigay na kanilang magamit sa pagbili ng pangunahing pangangailangan ng kani-kanilang pamilya.

Sa loob ng 10 araw na programang pinabilis ng City Social Welfare and Development Office (CSWDO), ang mga miyembro ng pitong Valenzuela City-recognized jeepney operators at drivers associations (JODAs) ay ipinakalat sa kanilang nakatalagang mga barangay para sa gagawing community service.

Para sa buong araw na trabaho sa street sweeping at creek at canal declogging, makakanggap ang isang kalahok ng Php 500 o kabuuang Php 5,000 para sa 10-day work assignment.

Kasama ang 631 miyembro ng urban poor group at solo parents mula sa lungsod, nakumpleto ng mga miyembro ng JODA ang listahan ngayong taon ng mga beneficiary ng Cash-for-Work. (Richard Mesa)

UP guard Bea Daez, ikinagulat na mapili bilang WNBL ambassador

Posted on: September 9th, 2020 by @peoplesbalita No Comments

Ikinagulat ni dating University of the Philippines guard Bea Daez-Fabros sa pagkakapili sa kaniya ng WNBL bilang ambassador.

Sinabi nito na hindi na siya nagdalawang isip na tanggapin ang alok ni NBL executive vice president Rhose Montreal.

Dagdag pa nito na layon nito ngayon ay palaguhin ang women’s basketball sa bansa.
Nag-represent na kasi si Daez sa bansa sa FIBA Women’s Asia Cup noong nakaraang taon.

Magugunitang kinilala na ng Games and Amusement Board (GAB) bilang professional league ang WNBL kasama ang National Basketball League.

Salary hike ng mga medical workers, dapat idaan sa SSL – Palasyo

Posted on: September 9th, 2020 by @peoplesbalita No Comments

ISANG malaking pagbabago sa klasipikasyon ng pasuweldo sa mga Nurse at ng iba pang frontliners ang nakikitang paraan ng Malakanyang upang ganap na maitaas ang pasahod sa kanila.

Sinabi ni Presidential spokesperson Harry Roque, dapat idaan sa Salary Standardization Law ang lahat at mula dito ay maitaas ang Salary grade ng mga nagtatrabaho sa pampublikong pagamutan na mga frontliners sa bansa.

Ang pahayag na ito ni Sec. Roque sa gitna ng pag- aaral ng isang information aggregator na nagsasabing malayo ang kinikita ng isang Filipino registered nurse kung ikukumpara sa mga nurses sa iba pang bansa sa Southeast Asian region gaya ng Malaysia, Thailand, Singapore, Vietnam at Indonesia.

Aniya, nagbigay na ang pamahalaan para sa mga frontliners ng dagdag hazard allowance, libreng life insurance at iba pa ngayong panahon ng pandemya sa pamamagitan ng Bayanihan II.

Subalit, kung hindi pa rin aniya sasapat ang nabanggit na mga hakbangin para mai- angat ang tinatanggap na take home pay ng mga health workers, sinabi ni Sec. Roque na ang pinakamagandang solusyon dito ay mabago talaga ang SSL para sa mas mataas na salary grade. (Daris Jose)

ABSOLUTE PARDON IPINAGKALOOB KAY PEMBERTON

Posted on: September 9th, 2020 by @peoplesbalita No Comments

NAGPALIWANAG si Pangulong Rodrigo Roa Duterte sa kanyang naging desisyon na pagkalooban ng absolute pardon si US Marine Lance Corporal Joseph Scott Pemberton.

Ang dahilan ayon sa Pangulo ay hindi kasi binigyan ng patas na pagtrato ng Pilipinas si Pemberton.

Sa kanyang public address, sinabi ni Pangulong Duterte na hindi kasalanan Pemberton kung hindi nai-record ang kanyang good conduct time allowance (gcta).

“It is not the fault of Pemberton na hindi na na-compute because we should allow him, the good character presumption kasi wala namang nagreport na Marines na nagsabi na nagwawala siya,” ayon kay Pangulong Duterte.

“‘Pag walang record di mo malaman kung nabilang ba o hindi. Pag ka ganon hindi kasalanan ni Pemberton. He is not required to keep a record of his own and char- acterize his behavior while inside the prison,” aniya pa rin.

Kaya ang sabi niya aniya kina Justice Secretary Menardo Guevarra at Executive Secretary Salvador Medialdea na desisyon niyang pagkalooban ng absolute pardon si Pemberton

“So sabi ko kay Justice Secre- tary, Medialdea, pati si Secretary…

‘Correct me if I’m wrong but ito ang tingin ko sa kaso. You have not treated Pemberton fairly. So i-release mo’,” ang pahayag ng Pangulo.

“Pardon. Ang pardon walang maka-question niyan. Kaligayahan ko na lang magpakulong ng mga buang, mga gago but it is time that you are called upon to be fair, be fair,” dagdag na pahayag nito.

Nauna nang kinumpirma ni Presidential spokesperson Harry Roque na pinaglalooban ni Pangulong Duterte ng absolute pardon si Pemberton.

Ang ibig sabihin ani Sec. Roque ay makakalaya na si Pemberton.

Si Pemberton ay nahatulang guilty sa kasong homicide dahil sa pagpatay kay Jennifer Laude noong 2014.

“Wala na pong issue kung siya ay entitled sa GCTA (Good Conduct Time Allowance), wala ng issue kung applicable pa sa kanya ‘yong batas dahil hindi siya nakulong sa National Penitentiary,” ayon kay Sec. Roque. “Binura na po ni Presidente kung ano pa ‘yong parusa na dapat ipapataw kay Pemberton,” ang pahayag ni Sec. Roque.

Ang hindi lamang aniya nabura ng Pangulo ay ang pagiging mamamatay-tao ni Pemberton.

“Ang hindi po nabura ng Presidente ‘yong conviction ni Pemberton. Mamamatay-tao pa rin po siya pero kung ano pa ‘yong karagdagang parusa pa, binura na ni Presidente,” ayon kay Sec. Roque.

Sa kabilang dako, hindi na aniya kailangang bigyan ng dahilan ni Pangulong Duterte ang naging hakbang niyang ito dahil ang pag -grant aniya ng pardon at parole ay hindi tungkulin ng hudikatura kundi ng ehekutibo.

“yan po ay one of the most presidential of all presidential powers, the grant of pardon and parole,” giit ni Sec. Roque.

Kaya nga, pwede na aniyang umuwi ni Pemberton dahil meron na siyang pardon mula sa Pangulo.

Samantala, nilinaw ni Sec. Roque na ang Pangulo ay hindi anti- US kundi ang Pangulo aniya ay para sa independent foreign policy.

“kaibigan ng lahat, walang kalaban,” ayon kay Sec. Roque.

OFFICIAL TRACE APP, INILUNSAD SA MAYNILA

Posted on: September 5th, 2020 by @peoplesbalita No Comments

INILUNSAD kahapon sa lungsod ng Maynila ang Official Tracer App ng Pilipinas para sa mga kaso ng coronavirus disease 2019 (COVID-19) sa bansa.

Nanguna sa launching ng naturang App, na tinatawag na ‘staysafe.ph’ ay sina Presidential Spokesperson Atty. Harry Roque, COVID testing Czar Secretary Vince Dizon, Tracer Czar at Baguio City Mayor Benjamin Magalong, at Manila City Mayor Isko Moreno.

Nalaman na ang staysafe.ph app ay may kakayahan na i-trace at pinuntahan , makasalamuha ng isang user gamit ang GPS.

Makikita din umano sa naturang app ang kasalukuyang sitwasyon ng isang lugar pagdating sa kaso ng COVID-19.

Nabatid na ang staysafe.ph app ay maaring i-download sa Google Playstore, Apple App Store, Huawei Apps Gallery at sa website na staysafe.ph.

Sinabi ni Magalong, malaki ang maitutulong ng naturang app para matukoy ang mga pinuntahan at nakasalamuha ng mga confirmed COVID-19 cases.

Sa kabila na may iba’t ibang klaseng tracer app na ang iba’t ibang LGU sa bansa ay madali itong maiko-consolidate sa staysafe.ph app.

Kaugnay nito, hinikayat naman ni Moreno ang publiko, at mga establisimyento na mag-download at gamitin ang naturang app para makakuha ng mas magandang datos hinggil sa COVID-19.

Sinabi naman ni Roque, na ang paglulunsad ng naturang tracer app ay isang patunay na may plano at may ginagawa ang Duterte Administration laban sa COVID-19 pandemic. (GENE ADSUARA)

6 SANGKOT SA DROGA TIKLO SA P274-K SHABU

Posted on: September 5th, 2020 by @peoplesbalita No Comments

ANIM na hinihinalang drug personalities, kabilang ang dalawang bebot ang arestado matapos makumpiskahan ng higit sa P.2 milyon halaga ng shabu sa isinagawang buy-bust operation ng pulisya sa Malabon city, kahapon ng madaling araw.

Kinilala ni Malabon police chief Col. Jessie Tamayao ang naarestong mga suspek na si Micaela Onrubia, 23, Fernando Ison, 56, Jayson Lacaba, 27, Robert Christian Navarro, 26, Joseph Dela Cruz, 53, at Jocelyn Quilang, 37.

Sa imbestigasyon ni PSSg Ramos Timmago, alas-4:30 ng madaling araw nang isagawa ng mga operatiba ng Station Drug Enforcement Unit (SDEU) sa pangunguna ni PLT Adonis Aguila ang buy-bust operation kontra sa mga suspek sa Tanigue St. corner Dagat-Dagatan Brgy. Longos.

Isang undercover pulis na nagpanggap na poseur-buyer ang nagawang makaiskor sa mga suspek ng P1,000 halaga ng shabu.

Nang iabot ng mga suspek ang isang sachet ng shabu sa pulis poseur-buyer kapalit ng marked money ay agad silang sinunggaban ng mga operatiba.

Nasamsam sa mga suspek ang 19 plastic sachets na naglalaman ng aabot sa 40.3 gramo ng shabu na may standard drug price P274,040 at buy-bust money.

Kasong paglabag sa Comprehensive Dangerous Drugs Act of 2002 ang isinampa ng pulisya kontra sa mga suspek sa Malabon City Prosecutors Office. (Richard Mesa)

PDu30 at Sec. Locsin, walang namamagitang away

Posted on: September 5th, 2020 by @peoplesbalita No Comments

TINIYAK ng Malakanyang na magkasundo at walang away sa pagitan nina Pangulong Rodrigo Duterte at Foreign Affairs Secretary Teodoro Locsin Jr. dahil lamang sa magiging rekumendasyon ng huli na ikansela ang lahat ng kontrata ng mga Chinese firm na nasa likod ng militarisasyon sa South China Sea.

Mariing itinanggi ni Presidential Spokesperson Harry Roque ang sinasabing “inconsistencies” o hindi magkaparehong pahayag ng dalawang opisyal lalo pa’t sinabi naman ni Sec. Locsin na ang kanyang sinabi ay rekumendasyon lamang.

“Wala naman po sigurong inconsistencies diyan dahil ang sabi lang naman ni Secretary Locsin, he will recommend. Pero hindi po nangyari iyan because the President spoke as a matter of chief architect of foreign policy,” ayon kay Sec. Roque.

“Si Presidente naman po, wala naman pong personalan iyan,” dagdag na pahayag ni Sec. Roque.

Sa ulat, irerekomenda ni Sec. Locsin na tapusin na ang mga local contracts ng mga Chinese firms na mapatutunayang sangkot sa militarisasyon sa West Philippine Sea.

Ito ay kapareho ng naging hakbang ng Estados Unidos na magpataw ng sanction sa Beijing state run firms maging sa visa restrictions sa mga Chinese nationals.

Ani Locsin, nakikipag-ugnayan na siya sa Department of Transportation (DOTr) at National Economic and Development Authority upang malaman kung mayroong itong mga ongoing projects sa mga Chinese partners na nasa ilalim ng U.S. sanctions.

Samantala, magugunitang naglabas ng pahayag ang Amerika na ginagamit ng China ang kanilang state-owned corporations sa dredging at reclamation ng mahigit 3,000 acres na bahagi ng karagatan ng West Philippine Sea.

Kamakailan lamang nang sabihin ni Chinese Ambassador to the Philippines Huang Xilian na mistulang naghahanap ng gulo ang Amerika sa naturang rehiyon. (Daris Jose)