2020 September Archive - People's Balita

Archive for September, 2020

Mga eba aawra na sa WNBL

Posted on: September 11th, 2020 by @peoplesbalita No Comments

BINUNYAG ng Women National Basketball League (WNBL) ambassadress na si Maria Beatrice ‘Bea’ Daez-Fabros na atat na ang mga kapwa ebang baller na may mga edad 18-40 anyos para sa 1st WNBL preseason tournament darating na sa Enero 2021.

“It’s about time. For all female ballers this has always been a dream — to have a pro league,” bigkas ng dating University Athletic Association of the Philippines (UAAP)-University of the Philippines Lady Maroons player.

Bisita siya nitong Martes kasama si WNBL executive vice president Rhose Montreal sa Philippine Sportswriters Association (PSA) Forum online edition na mga hinahatid ng San Miguel Corp., Go For Gold, MILO, Amelie Hotel Manila, Braska Restaurant, Philippine Amusement and Gaming Corporation (PAGCOR), Smart at Upstream Media.

“There is zero apprehension among us female players. It’s been all excitement. Everybody is trying to get back in shape even from their homes. Even the older ones (in their forties) are coming out of retirement,” wakas na saad ni Daez-Fabros. (REC)

Task Force PhilHealth, kailangang maging maingat sa imbestigasyon

Posted on: September 11th, 2020 by @peoplesbalita No Comments

KAILANGANG maging maingat ng Task Force PhilHealth sa ginagawa nitong imbestigasyon hinggil sa umano’y overpriced purchase ng IT system na umabot ng P2 billion.

Ayon kay Chief Presidential Legal Counsel Salvador Panelo na kailangan na mayroong matibay na ebidensya at hindi lamang testimonya dahil medaling magsalita.

Kailangan aniya ay “backed up by documents, paper trail.”

“Alam mo, ‘yung pag-iimbestiga at kung gusto mong maghabla ng mga taong sa tingin mo ay may kasalanan, kailangan mayroon kang ebidensya, hindi lamang testimonya, kasi madaling magsalita. Kailangan ‘yun ay backed up by documents, paper trail. Kasi sasabihin mo, ‘yan sangkot ‘yan dito, iyan nagre-release ng ganito, kung salita lang, pero wala naman sa dokumento, wala sa papel, eh di-dismiss lang ‘yan ng hukuman,” ayon kay Sec. Panelo.

Kaya kailangan na maingat ang Task Force diyan.

Sa ulat, kinumpirma ng Department of Justice (DOJ) na target ng Task Force PhilHealth na maisumite sa Setyembre 14 ang report sa imbestigasyon hinggil sa PhilHealth controversy.

Ito ang inilahad ni Department of Justice (DOJ) Spokesperson Usec Markk Perete na kakayanin ng task force na makaabot sa 30-araw deadline.

Dagdag ni Perete na partikular na binusisi ng task force ang mga claim na hindi napipigilan ang IT system ng PhilHealth ang fraud gayundin ang maliit na bilang ng mga kasong administratibo at kriminal na naihain laban sa mga tiwaling opisyal ng ahensiya.

Nilinaw ni Perete na kahit makapag-submit na sila ng ulat sa Pangulo ay malaki ang posibilidad na magpapatuloy ang kanilang imbestigasyon kahit tapos na ang ibinigay sa kanilang 30-days period.

Sinabi rin ni Perete na sa ngayon balak ng task force na irekomendang magkaroon ng balasahan sa buong sistema ng PhilHealth para masolusyonan ang isyu sa katiwalian. (Daris Jose)

4 LANG NA DAYUHAN INISYUHAN NG EXECUTIVE CLEMENCY

Posted on: September 11th, 2020 by @peoplesbalita No Comments

APAT lamang ang dayuhan sa may 139 pinagkalooban ng executive clemencies ni Pangulong Rodrugo Duterte sa panahon ng kanyang termino.

Ang pahayag ay ginawa ni Jutice Secretary Menardo Guevarra matapos na batikusin ,ang ginawa niyang pagbibigay ng pardon sa Amerikang sundalo na si Joseph Scott Pemberton na nakapatay sa transgender na si Jennifer Laude noong 2014.

Ayon kay Gievarra ang 135 pinagkalooban ng conditional absolute pardon ay pawang mga filipino at dalaea sa apat na dayuhan ay swap deal pa.

“This is a lot more than than the total number of pardons given during the previous administration,” ayon kay Guevarra.

Nabatid na may 90 o 91 inmate na may aplikasyon para sa maagang paglaya sa ilalim ng good conduct time allowance (GCTA) na prinosedo noong nakalipas na Setyembre,2019 hanggang ngayon buwan pero pansamantalang sinuspinde matapos na mabulgar na may mga heinous crime convicta ang naoasama sa scheme.

“For those not affected by these issues, the processing ought to have continued and I presume na simple lang ang kaso and wala namang connection sa mga complication that have pointed out, patuloy ang pagga-grant ng GCTA,” ani Guevarra.

Sumusunod umano ang DOJ sa kautusan ni Duterte na madaliin ang paroles sa mga matatanda ng preso para lumuwag ang mga kulungan sa panahon ng COVID19 pandemics. (GENE ADSUARA)

Halos 700 mga private schools, sarado muna ngayong school year -DepEd

Posted on: September 11th, 2020 by @peoplesbalita No Comments

Umaasa ang Department of Education (DepEd) na magiging pansamantala lamang ang pagsuspinde muna ng nasa halos 700 mga pribadong paaralan sa buong bansa sa kanilang operasyon ngayong school year.

Ayon kay DepEd Usec. Jesus Mateo, nasa 676 ang mga private schools ang nagsabi na raw sa kanila na hindi raw muna sila magbubukas ngayong taon bunsod ng epekto ng coronavirus crisis.

“Temporary lang ang closures nila pero kung maganda-ganda na next year, magbubukas na po sila,” wika ni Mateo.

Sa panig naman ni Education Secretary Leonor Briones, ang mababang enrollment turnout at ang paglipat ng mga guro sa public schools ang ilan sa mga pangunahing rason kaya nagpasya ang ilang mga eskwelahan na magsara muna.

“Wala pang COVID, wala pang downturn ng economy, nagma-migrate na ang private school teachers dahil ‘di mahabol ng mga maliliit na private schools ang compensation at benefits ng mga nasa public schools,” ani Briones.

Nagpahayag naman ng kanyang pag-asa si Briones na irerekonsidera ng naturang mga educational institution ang kanilang pasya dahil sumisigla na raw ang takbo ng ekonomiya.

Kasabay nito, umapela rin ang kagawaran sa mga local government units na tulungan ang mga private schools sa kanilang lugar na nahihirapang mag-operate dahil sa pandemya.

Sa datos mula sa ahensya, ang temporary closure sa mga paaralan ay makakaapekto sa mahigit 40,00 estudyante at mahigit 3,000 mga guro.

Sa panig ng mga grupo ng private schools, sinabi ni Atty. Joseph Noel Estrada ng Coordinating Council of Private Educational Associations na umaasa silang gaganda ang enrollment sa mga pribadong institusyon sa oras na malagdaan na ang Bayanihan to Recover as One Act o kilala rin bilang Bayanihan 2.

Sa ilalim ng panukalang batas, may nakalaang allowance para sa mga kwalipikadong estudyantem mga gurong nawalan ng trabaho at mga non-teaching personnel.

Ayon sa Malacanang, posibleng lagdaan ng Pangulong Rodrigo Duterte ang Bayanihan 2 sa susunod na linggo. (Daris Jose)

Ads September 11, 2020

Posted on: September 11th, 2020 by @peoplesbalita No Comments

MANCAO, ITINALAGANG CYBERCRIME CENTER CHIEF

Posted on: September 11th, 2020 by @peoplesbalita No Comments

ITINALAGA si dating police officer Cezar Mancao II bilang chief ng Cybercrime center.

Ito ang kinumpirma ng Department of Information and Communications Technology (DICT) kung saan si Mancao ay executive director ng Cybercrime Investigation and Coordinating Center (CICC).

Sa kabila nito, hindi alam ng DICT kung kelan magsisimulang manunungkulan si Mancao sa kanyang posisyon at wala pa rin pahayag mula sa Malakanyang.

Sa ilalim ng nilikhang Cybercrime Prevention Act of 2012, ang CICC ang nangangasiwa sa pagbuo ng national cybersecurity plan at gumagawa ng mga epektibong hakbang para mapigilan ang mga cybercrime activities at pag mo monitor sa cybercrimes.

May mandato rin ito na mag-facilitate ng international cooperation kaugnay sa intelligence, investigations, training at capacity building may kaugnayan sa cybercrime prevention, suppression at prosecution.

Nabatid na si Mancao,ay kabilang sa mga kinasuhan sa pagpatay sa publicist na si Salvador “Bubby” Dacer at driver Emmanuel Corbito noong Nobyembre 2000 at ang kanyang kapwa akusado na si Senator Panfilo Lacson ay naabsuwelto sa kaso.

Habang si Mancao ay sumuko sa PNP noong 2017 matapos na tumakas sa National Bureau of Investigation noong 2013.

Inireklamo ni Mancao na angnlahat ng principal na akusado ay naabsuwelto na sa kaso at namumuhay na ng normal habang siya ay nanatiling naka detain. (GENE ADSUARA)

TARGET ng gobyerno na mas mapaaga pa ang 1st phase ng operasyon ng Manila subway Project

Posted on: September 11th, 2020 by @peoplesbalita No Comments

Ayon kay Presidential Chief Legal Counsel Atty Salvador Panelo, sa halip na February 2022 simulan ang unang yugto ng operasyon ng Manila Subway, pipilitin aniyang makapag- operate na ito ng December 2021.

Sinasabing taong 2025 naman inaasahang magiging fully operational ang proyekto na nagkakahalaga ng 3 daan, 55 punto anim na bilyong piso.

Ang underground railway project ay bubuuin ng 17 istasyon na inaasahang makakabawas ng malaking oras sa biyahe halimbawa mula Valenzuela hanggang sa NAIA 3.

Ang dati aniyang mahigit sa dalawang oras na biyahe mula sa Valenzuela depot hanggang NAIA 3 ay kakayaning makuha na lamang ng 45 minuto at itoy sa sandaling matapos na ang proyekto. (Daris Jose)

BI, nakatakdang ipatupad ang dati pang deportation order kapag nakalaya na si Pemberton

Posted on: September 11th, 2020 by @peoplesbalita No Comments

Nakasalalay na umano sa kampo ni US Marine Lance Corporal Joseph Scott Pemberton kung aapela pa ito sa deportation order ng Bureau of Immigration (BI) kapag ito ay napalaya na.

Ayon kay Justice Sec. Menardo Guevarra kung sakaling hindi na aapela si Pemberton ay bahala na ang BI na ipatupad ang deportation order laban sa sundalong Amerikano kahit napagkalooban na ito ng absolute pardon ni Pangulong Rodrigo Duterte.

Una rito, base raw sa order ng board of commissioners ng Bi mayroong deportation order laban kay Pemberton na may petsang September 16, 2015 dahil sa pagiging “undesirable alien.”

Kaugnay nito, hiniling na raw ni Immigration Commissioner Jaime Morente kay BuCor Director General Gerald Bantag na i-turn over sa kanila si Pemberton kapag napalaya na ito sa kulungan para makumpleto na nila ang deportation proceedings ng dating sundalo.

“At any rate, we are awaiting instructions from our Justice Secretary Menardo Guevarra for guidance on how we will implement the deportation order in a manner that is within the prescribed laws of the country,” ani Morente.

Sinabi ng BI na ang mga foreigners na ipapa-deport ay kailangang magsumite ng clearance mula sa National Bureau of Investigation (NBI) at regional trial court bilang patunay na wala na silang nakabinbing criminal o civil cases.

Ang Amerikanong sundalo ay sangkot sa pagpatay sa Pinay transgender woman na si Jeffrey alyas Jennifer Laude noong taong 2014.

1st phase ng operasyon ng Metro Manila subway project, sisikaping habulin sa Disyembre sa 2021. (Daris Jose)

Sotto gustong maging NBA star, best Asian

Posted on: September 11th, 2020 by @peoplesbalita No Comments

INAASAM ni 7-foot-2 Pinoy phenom Kai Zachary Sotto na mapabilang balang araw sa National Basketball Association (NBA) All-Star Game at maging pinakamahusay na manlalaro sa Asya.

Sinalaysay ito ng 19 na taong-gulang at tubong Las Piñas City sa isang panayam noong isang araw sa isang FM radio program,

“I envision myself to be an NBA All-Star. I would do everything I can to be an All-Star to prove that I am a great player and to represent Asia,” wika ng anak ng dating manlalaro ng Philippine Basketball Association (PBA) na si Ervin Sotto.

Kasagsagan na ang preparasyon ni Sotto sa Estados Unidos para sa nalalapit na opening ng 19^th NBA G League 2020-21 sa papasok na buwan.

“Five years from now, I want to be the best in Asia also – being a Pilipino – and represents the Philippines. That is the dream I have,” wakas na banggit ng basketbolista. (REC)

Saso asinta ang 1st major crown

Posted on: September 11th, 2020 by @peoplesbalita No Comments

KULANG man sa paghahanda at talagang tigasing mga Haponesa ang makakatapat, tiwala pa rin si Yuka Saso ng Pilipinas sa pangatlong korona at unang malaking karangalan sa inumpisahan na kahapon (Setyembre 10) na 53rd ¥200M JLPGA Championship Minolta Cup 2020 sa JFE Seto Inland Sea Golf Club sa Okayama, Japan.

Nasa ituktok ang 19-anyos na Haponesang-Pinay na bagitong professional golfer sa money standings sa dalawa nang tangang korona na sa lumiit na mayamang sport ciruit sa rehiyon dahil sa coronavirus disease 2019.

Tumabla lang sa 29th place sa nitong Linggong 20th Golf 5 Ladies Pro Golf Tournament 2020 sa Gifu Prefecture Honshu ang hindi marunong mag-Nihongga pero matatas mag-Tagalog na tubong San Ildefondo, Bulacan, at ay isa pang panlimang puwesto tinapos sa apat na kompetisyon ng Japan Ladies Profressional Golf Association (JLPGA).

Pero mapapasabak siya laban kina 2020 Scotland Biritish Open sixth placer Momoko Ueda, 16-time JLPGA titlist Ai Suzuki, Golf 5 tilt runawaychampionr Sakura Koiwai at Earth Mondahmin Cup winner Ayaka Watanabe.

May 131 parbusters ang karibal ng NEC Karuizawa at Nitori Ladies champion na si Saso sa 72-hole, four-day golfest na magkakaloob sa mamayagpag dito ng ¥36M (₱16.5M) paycheck . (REC)