2020 September Archive - People's Balita

Archive for September, 2020

CHED sa mga nagsusulong ng ‘academic freeze’: ‘Maghain kayo ng petisyon’

Posted on: September 12th, 2020 by @peoplesbalita No Comments

Hinikayat ng Commission on Higher Education (CHED) ang mga nananawagan ng “academic freeze” na magsumite ng pormal na petisyon upang maipagpaliban ang academic year.

Ayon kay CHED Chairman Prospero de Vera, dapat nakapaloob sa petisyon ang isang pag-aaral na magiging batayan ng academic freeze.

“I suggest those who are proposing any change in the academic policy, do a serious study, compute the cost, look at options, look at the parameters and submit it to the commission,” wika ni De Vera.

Pahayag ito ni De Vera isang araw matapos ang pahayag ng Department of Education (DepEd), na nangangasiwa sa basic education program sa bansa, na mariin nilang tinututulan ang “academc freeze.”

Giit ng DepEd, hindi raw binibigyang-pansin ng mungkahi ang epekto ng mahabang pagkaantala sa learning process ng mga bata.

Una nang hinimok ng CHED ang mga pamantasan at unibersidad na magpatupad ng flexible learning kung saan ang mode of learning ay nakadepende sa resources na available sa mga estudyante at mga guro.

Magagawa ito sa pamamagitan ng online classes, printed at digital learning materials, at iba pa.

Target din ng komisyon na magsagawa ng limitadong in-person classes sa mga lugar na mababa ang risk ng COVID-19 transmission sa Enero. (Daris Jose)

Pabilisin ang national ID system, mandato ni PDu30

Posted on: September 12th, 2020 by @peoplesbalita No Comments

MANDATO talaga ni Pangulong Rodrigo Roa Duterte ang pabilisin ang national ID system sa bansa.

Nais kasi ng Pangulo na tuluyan nang mawala ang panloloko at pandaraya ng ilang tiwaling opisyal makapagbulsa lamang ng pera mula sa kaban ng bayan.

“Dahil nakita natin na iyong pagdi-distribute ng ayuda ay hindi sana na-delay kung mayroon na tayong national ID system,” ayon kay Presidential spokesperson Harry Roque.

“In the same way, magagamit din po iyang national ID system para maiwasan iyong fraud diyan sa PhilHealth kasi at least malalaman natin kung buhay o patay iyong isang nagki-claim ng benefit,” dagdag na pahayag nito.

Sa ulat, plano ng National Economic and Development Authority (NEDA) na magsagawa ng pre-registration sa national identification system sa Oktubre.

Ayon kay NEDA chief Karl Chua, unang target muna nilang mairehistro ang nasa 5 milyong mga Filipino.

Aminado ito na isang malaking hamon ngayon ang COVID-19 pandemic.

Isasagawa muna nila ang pre-registration para pagdating ng registration ay hindi na sila mahihirapan pa.

Sa 2021 budget ay mayroong inilaan na P4.1 billion para sa implementasyon ng national ID system sa bansa. (Daris Jose)

Bayang karerista nabanas

Posted on: September 12th, 2020 by @peoplesbalita No Comments

MASAGWA ang pag-umpisa ng karera ng mga kabayo nitong Setyembre 6 sa Metro Manila Turf Club sa Malvar-Tanauan City, Batangas.

Naging problema ang tayaan, atrasado pagtakbo ng unang karera na sa halip alas-12:00 nang tanghali pasado ala-1:00 nang hapon na bago napasibat ang mga pangarera.

“Masyado kasing minadali, inumpisahan nila ang karera pero ‘yung tayaan hindi inayos, ‘di tuloy nila mapatakbo ang Race 1 kasi maliit pa ang sales,” galit na namutawi sa taga-Tondo, Maynila na kareristang si Mansuelo Payatas.

“Mga hindi nag-iisip. Sana habang nagre-request sila na buksan ang karera ay inasikaso na nila ang mga kailangan kagaya ng tayaan,” asar na post ni AR Jose sa Karera Facebook page.

Kahit pinahintulutan na ng Inter-Agency Task Force (IATF) na buksan ang karerahan, bawal pa rin ang mga Off-Track Betting stations.

Tinatawagan ng OD ang mga kinauukulan, katulad ng Philippine Racing Commission (Philracom) at host racing club na maayos ang mga suliranin sa pagpasok sa ikalawang linggo ng bukas ng horseracing.

Kawawa naman ang mga Bayang karerista, lalo na ang mga dumayo pa mula sa Metro Manila.

Inaasahan ko po pong makakarating sa mga awtoridad ang hinaing at agad ding maaksyunan ang mga problema. (REC)

AFC Cup 2020 kinansela na dahil sa COVID-19 pandemic

Posted on: September 12th, 2020 by @peoplesbalita No Comments

Kinansela na ang Asian Football Confederation ang AFC Cup 2020 dahil sa coronavirus pandemic.

Ayon kay AFC President Shaikh Salman bin Ebrahim Al Khalifa , na isinaalang-alang nila ang kaligtasan ng lahat kaya minabuti nilang kanselahin ang torneo.

Mula pa noong Marso ay kanselado na ang mga laro at nakatakda sana itong ituloy ngayong buwan.

Kabilang din ang AFC Solidarity Cup at AFC Futsal Club Championship UAE 2020 ang kinansela.

‘Matagumpay ang COVID-19 response, kung wala ng bagong kaso sa loob ng 28-days’ – DOH

Posted on: September 12th, 2020 by @peoplesbalita No Comments

Iginiit ng Department of Health (DOH) na wala pa ring katiyakan ang sitwasyon ng COVID-19 sa Pilipinas kahit bahagyang bumaba ang mga bagong kaso ng sakit na naitala sa nakalipas na araw.

Ayon kay Health Usec. Maria Rosario Vergeire, naka-depende pa rin sa ipinapasang data ng Disease Reporting Units (DRUs) ang numero ng kanilang inire-report na bagong confirmed cases kada araw.

“Maraming forecasts na ginagawa yung mga academic institutions and this serves to guide the DOH on how we will be able to move forward with our response… pinag-aaralan din yan ng DOH at ating experts.”

“Our reported cases are very much reliant on the submission of DRUs. Ibig sabihin, yung mga sina-submit ng mga laboratoyo, ospital at local government units.”

Kung maaalala, sinabi ng mga researchers mula sa UP Octa na nag-flatten na ang curve ng COVID-19 sa bansa.

Pero paalala ng opisyal, hindi lang numero ng mga kaso ang dapat pagbatayan ng sitwasyon. Itinuturing din daw kasi na indicator ang kapasidad ng health system, contact tracing, surveillance ng mga kaso ng sakit at testing.

Ani Vergeire, maaari lang sabihin na talagang matagumpay na ang COVID-19 response, kung wala nang maitatalang kaso sa loob ng dalawang linggo.

“We are not certain at this point. Tinitingnan pa natin, pinag-aaralan nating mabuti itong trends ng mga kaso at iba pang factors.”

“Kapag dumating yung panahon na in two incubation periods, its 28 days na wala tayong naitatalang (bagong) kaso, doon natin masasabi talaga na we had been really successful in all these things that we are doing for this response.”

COVID sa PNP 4,868 na

Posted on: September 12th, 2020 by @peoplesbalita No Comments

Umakyat na sa 4,868 ang kaso ng coronavirus disease 2019 (COVID-19) sa hanay ng Philippine National Police (PNP), ayon sa ulat.

Batay sa PNP, pumalo rin sa 3,396 ang nakarekober habang nananatili sa 16 ang nasawi.

Kasalukuyan namang binabantayan ang 3,146 suspect at 735 probable cases.

Release order ni Pemberton, ipinadala na sa JUSMAG matapos pirmahan ni BuCor Dir. Bantag

Posted on: September 12th, 2020 by @peoplesbalita No Comments

Inaabangan na ngayon ang paglaya ni US Marine Lance Corporal Joseph Scott Pemberton na kasalukuyang nakapiit sa Kampo Aguinaldo.

Ayon kay Bureau of Corrections (BuCor) Director General Gerald Bantag, matapos nitong pirmahan ang release order ni Pemberton ay ipinadala na ito sa Joint United States Military Advisory Group (JUSMAG).

Sinabi ni Bantag na ibibigay ng BuCor at Department of National Defense (DND) personne ang pirmadong release order ng dating sundalo.

Sa isyu naman ng kustodiya, sinabi ni Bantag na hindi na ita-transfer sa kustodiya ng Bureau of Immigration (BI) ang sundalo habang nananatili sa kanyang piitan.

Una rito, kinumpirma ni Justice Sec. Menardo Guevarra na matatapos ngayong weekend ang buong proseso ng pagpapalaya at deportation kay Pemberton.

Gayunman, sinabi ni Guevarra na ang actual exit ni Pemberton ay magiging depende sa kanyang flight arrangements dahil ito ay isang US military personnel.

“The whole process of official release and deportation can be completed by the weekend. But the date of pemberton’s actual exit from the country depends on his flight arrangements, considering that he is a military personnel of the US,” ani Guevarra.

Clippers nananatiling paborito na manalo laban sa Nuggets

Posted on: September 11th, 2020 by @peoplesbalita No Comments

Nananatili pa ring pinipili ng mga basketball experts at bettors na manalo ang Los Angeles Clippers laban Denver Nuggets sa Game 4 nila sa Western Conference Semifinals.

Ito ay matapos na hawak ng Clippers ang 2-1 na kalamangan sa serye nila ng Nuggets.

Ilan sa mga nakitang maaaring kakulangan ng Nuggets ay ang hindi paglalaro ng kanilang shooting guard na si Will Barton na mayroong injury sa tuhod at si Vlatko Cancar na mayroong injury sa paa.

Magugunitang naitabla ng Denver ang serye sa 1-1 noong game 2 at nakalamang ang Clippers sa game 3.

Beda may bala na panlaban sa Letran

Posted on: September 11th, 2020 by @peoplesbalita No Comments

ANG Colegio de San Juan de Letran Knights ang nagkampeon sa 95th National Collgiate Athletic Association (NCAA) men’s basketball tournament noong Nobyembre.

Sinawata ng Intramuros-based squad ang umaasam ng four-peat title na San Beda University Red Lions.

Kaya nasa radar ng mga basketbolista ng Mendiola na makaresbak sa mga kabalyero ni coach Bonnie Tan.

“Alam natin na Letran is the defending champion so we are trying to redeem ourselves that we loss the crown last year,” bigkas kamakalawa ng counterpart ni Tan na si Teodorico (Boyet) Fernandez III.

Nawala na sa bakuran ng SBU sina seniors Clint Doliquez at AC Soberano na mga umakyat na sa Philippine Basketball Association (PBA), pero hinirit ng Beda coach na may mga alas pa rin siya para ipambala sa karibal a nalalapit na pagbubukas ng ika-96 na edisyon nang pinakamatagal ng liga ng kolehiyo sa bansa.

“We have,” giit na ng 49-anyos na tactician hinggil sa mga bagong recruit. “Medyo marami-rami nga, pero we are holding that for now kasi nga gusto naming i-secure.”

Mangunguna sa mga mga bagong salta pero palaban sa pulang leon ang Red Cubs champions o nakatapos na ng haiskul na sina Rhayyan Amasali, Winston Ynot, Justine Sanchez at Yukien Andrada.

Pero may mga nakuha ring matitinik na rekrut ang Knights sa pangunguna naman ni Rhens Joseph Abando na lumayas ng University of Santo Tomas Growling Tigers men’s basketball team ng University Athletic Association of the Philippines (UAAP).

Si Amsali ay beterano ng international competition sa pagiging miyembro datin ng Batang Gilas PIlipinas.

Pihadong magandang bakbakan iyan kapag natuloy ang liga sa pagkawala ng Covid-19.

Abangan po natin mga mahal kong mambabasa ng People’s Balita.

PDu30, umaasa na mananatili ang alyansa ng Pinas at US sa pagkakaroon ng bagong US Ambassador to the Philippines

Posted on: September 11th, 2020 by @peoplesbalita No Comments

UMAASA si Pangulong Rodrigo Roa Duterte na mananatili ang alyansa ng Pilipinas sa Estados Unidos matapos na magtalaga ng bagong US ambassador.

Ang pahayag na ito ni Pangulong Duterte ay matapos niyang pasalamatan si outgoing US Ambassador to the Philippines Sung Kim para sa naging kontribusyon nito sa pagpapalakas ng alyansa sa pagitan ng dalawang bansa.

Nagsagawa kasi ng farewell call si Kim kay Pangulong Duterte, araw ng Lunes.

“I hope everything will be the same, as is,” ayon kay Pangulong Duterte sa kanyang public address matapos mabanggit ang pagtatalaga ng bagong US ambassador to the Philippines.

“Kim is out,” ayon sa Pangulo.

Bago pa ang public address, inanunsyo na ng Malakanyang ang pagbati kay Ambassador Kim dahil sa kanyang “successful tour of duty” sa bansa.

Magtatapos na kasi ang three-year tour of duty ni Kim sa Pilipinas na nagsimula noong Nobyembre 2016.

Sa kabilang dako, pinagkalooban naman ni PangulongDuterte si outgoing ambassador Kim ng Order of Sikatuna na may ranggo na Datu or Gold Cross.

“The President expressed appreciation for Ambassador Kim’s vital contributions in strengthening the alliance and partnership between the Philippines and the United States,” ang nakasaad sa kalatas ng Malakanyang.

Tinukoy din ng Malakanyang ang “important milestones” ng ugnayan ng bansa sa Estados Unidos gaya ng pagbalik ng Balangiga Bells noong Disyembre 2018.

Pinalawig din ng dalawang bansa ang kooperasyon sa iba’t ibang aspeto gaya pagbahagi ng interest, lalo na sa defense and security, trade and investments, at people-to-people exchanges.

Para naman kay Kim, pinasalamatan niya si Pangulong Duterte para sa “productive bilateral engagement” sa Pilipinas.

“He emphasized that the US remains committed to the alliance and partnership with the Philippines that are based on shared values and meaningful history,” anito. (Bishop Jesus “Jemba” M. Basco)