2020 September Archive - People's Balita

Archive for September, 2020

Uusok na talakan sa pulong ng POC

Posted on: September 12th, 2020 by @peoplesbalita No Comments

TIYAK ang walang puknat na balitaktakan na naman para sa sa darating na halalan Nobyembre sa Philippine Olympic Committee (POC) sa executive board meeting ngayon Sabado, Setyembre 12 ng alas-10:00 nang umaga via Zoom.

May ilang beses nang walang nabuo matinong usapan para sa eleksiyon dahil sa pagtutol ng mayorya sa pinipilit ni POC president Abraham Tolentino na age limit para sa mga tatakbo sa posisyon sa nakatakdang termino para sa 2021-24.

Pero may dalawang mahalagang tatalakayin sa pulong ang mga ang opisyal na kabibilangan ng paglahok ng bansa sa 32nd Summer Olympic Games sa Tokyo, Japan sa Hulyo 2021 at 31st Southeast Asian Games sa Hanoi, Vietnam 2021.

Kasamang bumubuo sa POC board sina chairman Stephen Hontiveros, at members Jose Romasanta (first vice president), Antonio Tamayo Jr. (second vice president), Edwin Gastanes (secretary general), Julian Camacho (treasurer), Jonne Go (auditor), Victorico Vargas, Cynthia Carrion, Jesus Clint Aranas, Roberto Mananquil, Prospero Pichay Jr., Mikaela Maria Antonia Cojuangco-Jaworski, at Nikko Bryan Huelgas. (REC)

‘2 Asian females ang suicide bomber sa Jolo, Sulu’ – PNP

Posted on: September 12th, 2020 by @peoplesbalita No Comments

Kinumpirma ngayon ng PNP na suicide bombers ang naging sanhi ng pagsabog sa Jolo, Sulu noong August 24 na ikinamatay ng 15 katao.

Ayon sa PNP, dawalang female Asians ang nagsagawa ng suicide bombing.

Pero inabi ni Police Lieutenant Colonel Kris Conrad Gutierrez, spokesperson ng special investigation task group na ang hindi naman nakumpirma sa resulta ng DNA tests kung Pinay ang dalawang suspek.

Aniya, hindi raw madedetermina kung Pinay ang mga ito dahil Aisan o Caucasian lamang umano ang puwede nilang madetermina.

Maging ang edad daw ng mga suicide bombers ay hindi rin madetermina ng Crime Laboratory.

Lumalabas din umanong walang blood relation ang mga suspek sa naganap namang Jolo Cathedral bombing noong January 27, 2019. (ARA ROMERO)

Suspensiyon sa deliberasyon sa pondo ng PCOO, pinalagan ni PCOO Usec. Badoy

Posted on: September 12th, 2020 by @peoplesbalita No Comments

Unfair!

Ito ang naging pahayag ni PCOO Undersecretary Lorraine Badoy matapos suspendihin ang budget hearing na may kinalaman sa proposed budget ng Presidential Communications Operations Office (PCOO).

Ayon kay Badoy, hindi makatuwiran na nagkaroon ng delay sa budget deliberation na ayon sa Makabayan bloc ay dapat lang na isisi sa kanya.

Giit ni Badoy, hindi naman dapat na madamay ang PCOO sa usapin ng red tagging sa mga kongresistang kabilang sa Makabayan bloc.

Ang kanyang tindig aniya kontra sa mga mambabatas na binigyan niya ng red tagging ay kanyang posisyon bilang tagapag- salita ng National Task force to End Local Communist Armed Conflict na nasa ilalim ng National Security Council (NSC).

Kaya ang sabi ni Badoy, hindi naman patas na pati ang pagtalakay sa budget ng PCOO ay nadamay sa isyu lalot ang pokus ng Communications office ay nasa information dissemination.

Kung may maaapektuhan aniya ng deliberasyon sa pondo, ito ay sa hanay dapat ng NSC. (Daris Jose)

CLEARING OPERATION SA PORT AREA, NAGING MAAYOS

Posted on: September 12th, 2020 by @peoplesbalita No Comments

NAGSAGAWA ng clearing operation ang mga tauhan ng Department of Public Safety, Manila Traffic and Parking Bureau (MTPB) at Manila Police District (MPD), ang mga iligal na tindahan sa kahabaan ng Roberto Oca St. Kahapon ng umaga sa Port Area, Maynila.

Dakong 10:30 ng umaga nang dumating ang grupo sa lugar para tanggalin ang mga tindahan na nagsisilbing obstruction sa mga kalsada.

Puntirya rito ang mga tindahan ng mga bisikleta, mga second hand na mga aircon, washing machine at iba pang surplus machine.

Ilang struktura ang minaso, dahil nasa kalsada.

Naging maayos naman ang clearing operation ng mga awtoridad sa lugar.

Ayon sa isang tindera sa lugar malamang na umuwi na lamang sila sa probinsiya.

Nasa lugar lamang naman sila para makapaghanap buhay dahil wala namang ayuda kanila ang lokal na pamahalaan ng Maynila. (GENE ADSUARA)

BAGONG BASECO ESPLANADE BUBUKSAN

Posted on: September 12th, 2020 by @peoplesbalita No Comments

BUBUKSAN sa Maynila ang bagong “Baseco Esplanade” matapos ang tuloy-tuloy na total make over sa “Basura Beach” sa Maynila.

Sinabi ni Manila Mayor Frqncisco “Isko Moreno” Domagoso ,ang dating bay na puno ng Basura sa Baseco ay malinis na ngayon at hindi na “eyesore”, gayundin ang coastal area nito.

“Tulong-tulong po ang Department of Public Services (DPS) Baseco Beach Warriors, Metropolitan Manila Development Authority at Department of Environment and Natural Resources sa cleaning operations. Hindi po tayo matatapos dito. Tuloy-tuloy lang ang ating pagkilos hanggang sa makamit natin ang isang maunlad, maganda at panatag na Maynila. Soon, we will develop the new Baseco Esplanade,” paniniyak ni Moreno sa residente ng Baseco.

Nabatid na nilagyan na rin ng lampposts ang baywalk area para maging maliwanag sa gabi at maging ligtas ang mga namamasyal sa bisinidad ng Baseco beach.

Nalaman ba inatasan ni Moreno si city engineer Armand Andres at city electrician Engr. Randy Sadac para i-recycle ang mga lampposts na tinanggal sa kahabaan ng Espana Boulevard sa Sampaloc.

“Ayoko pong sayangin ang pera niyong pinambili dito. May value pa naman po, sayang kung itatapon lang. Kaya po ini-atas ko na ayusin ang mga nasabing mga poste ng ilaw,” ayon kay Moreno.

Nabatid na ang Baseco area ay ginamit bilang dockyard ng National Shipyards and Steel Corp. Noong 1960’s.

Ang NASSCO ay binili ng Romualdez family via Bataan Shipping and Engineering Co. kung saan nagmula ang tawag sa lugar na Baseco.

Noong 1980’s, ang Baseco ay naging barangay ar rinirhan ng mga informal settlers hanggang dumagsa ang malaking bilang ng tao sa lugar na mga nagtayo ng mga barung barong kahit sa bundok ng basura.

Bago ang isinagawang reclamation ng kahabaan ng Roxas Boulevard na dati ay beach at ang Baseco beach na lamang ang natira sa dating beach na ibinabalik naman ngayon ng lokal na pamahalaan ng Maynila. (GENE ADSUARA)

1st phase ng operasyon ng Metro Manila subway project, sisikaping habulin sa Disyembre sa 2021

Posted on: September 12th, 2020 by @peoplesbalita No Comments

TARGET ng gobyernong Duterte na mas mapaaga pa ang 1st phase ng operasyon ng Manila subway Project.

Ayon kay Presidential Chief Legal Counsel Atty Salvador Panelo, sa halip na February 2022 simulan ang unang yugto ng operasyon ng Manila Subway, pipilitin aniyang makapag- operate na ito ng December 2021.

Sinasabing taong 2025 naman inaasahang magiging fully operational ang proyekto na nagkakahalaga ng P355.6 bilyong piso.

Ang underground railway project ay bubuuin ng 17 istasyon na inaasahang makakabawas ng malaking oras sa biyahe halimbawa mula Valenzuela hanggang sa NAIA 3.

Ang dati aniyang mahigit sa dalawang oras na biyahe mula sa Valenzuela depot hanggang NAIA 3 ay kakayaning makuha na lamang ng 45 minuto at itoy sa sandaling matapos na ang proyekto. (Daris Jose)

Fernando, ipinag-utos na pag-ibayuhin ang istratehiya kontra COVID-19

Posted on: September 12th, 2020 by @peoplesbalita No Comments

LUNGSOD NG MALOLOS – Sa ginanap na Joint PDRRMC and C/MDRRMOs’ 3rd Quarter Meeting via Zoom kahapon, iniutos ni Gob. Daniel R. Fernando na sundin ang kanyang direktiba na pag-ibayuhing maiigi ang istratehiya ng lalawigan laban sa COVID-19 kabilang ang prevention, detection, isolation or quarantine, testing at treatment.

Partikular niyang tinukoy ang koordinasyon sa lahat ng lokal na yunit ng pamahalaan sa lalawigan para sa contact tracing at isolation o quarantine.

Aniya, “kailangan ko ang aktibong paggawa ng bawat isa sa kanilang tungkulin”.

Inatasan din niya ang Provincial Task Force COVID-19 partikular na ang Health, Response at Law and Order Clusters na tukuyin ang anumang kakulangan o posibleng magiging problema sa mga ipinatutupad na protocols upang agarang masolusyunan.

Dagdag niya, napakahalaga din ang paggabay at pagtulong sa mga kababayan ng pagkakaisang gagawin ng mga lokal na ehekutibo, PNP, C/MDRRMO, MHO at ng mga pamahalaang barangay.

Kabilang sa tinalakay ang pagkakaroon ng bawat bayan at lungsod ng operational quaratine o isolation na pasilidad.

Tinawag niya ang atensyon ng mga punong lungsod at bayan hinggil sa pagtatalaga ng kanilang sariling quarantine na pasilidad. Ayon pa kay Fernando, pabor din siya sa “No Home Quarantine” dahil mas maiiwasan nito ang hawahan sa pamilya ngunit kung puno na ang mga pasilidad, tsaka lamang maaaring mag-isolate sa bahay.

“Makatutulong po ng malaki ang pagkakaroon ng pasilidad para sa mga pasyente ng COVID-19 sa pagpigil sa paglobo ng mga positibong kaso. Gayundin, katuwang po ninyo kami sa paghahatidng mga asymptomatic na pasyente ng COVID-19 sa mga quarantine facilities,” ani Fernando.

Apela na bawiin ang deployment ban sa mga health workers

Posted on: September 12th, 2020 by @peoplesbalita No Comments

HIHINTAYIN muna ng Inter-Agency Task Force ang magiging patnubay ni Pangulong Rodrigo Roa Duterte para sa apela na bawiin ang deployment ban sa health workers,

Sinabi ni Presidential spokesperson Harry Roque na pinag-uusapan na ng mga opisyal ang panukalang i-exempt ang mga nurses at iba pang medical workers na may kontrata na nilagdaan “as of Aug. 28” subalit kailangan na konsultahin muna si Pangulong Duterte.

“Kinakailangan po muna konsultahin ang Presidente kasi ‘yung desisyon po na mag-impose muna ng moratorium ay desisyon po ng Presidente,” ayon kay Sec. Roque.

“Ayaw naman po namin pangunahan po ang ating Presidente,” dagdag na pahayag ni Sec. Roque.

Tanging ang mga health care workers na may existing employment contracts “as of March 8, 2020” ang pinapayagan lamang na magtrabaho sa ibang bansa dahil ang Pilipinas bilang key exporter ng mga nurses at iba pang medical workers, ay nagpapanatili ng reserve force ng medical workers para labanan ang COVID-19 pandemic.

May mga grupo na kasi ng mga nurse at medical workers ang nanawagan sa pamahalaan na i-lift ang deployment ban. (Daris Jose)

Barcena kampeon sa WVMC half-marathon

Posted on: September 12th, 2020 by @peoplesbalita No Comments

NAGBIDA ang beterana ng 2019 Berlin Marathon na si Nhea Ann Barcena sa kampanya ng mga pambato ng National Masters and Seniors Athletics Association of the Philippines (NMSAAP) Team na akreditado ng Philippine Athletics Track and Field Association (PATAFA), sa kakaarangkada lang na 1st Worldwide Virtual Masters Challenge (WVMC) 2020.

Pinamayagpagang 38-anyos, may taas na -old, 5-2, sinilang sa Panulukan, Quezon pero residente ng Taguig City at kawani ng Alveo Land technical support, ang women’s half-marathon 35-age level sa tiyempong 1 oras, 27 minuto at 19 na segundo

Lumanding pang pangalawa ang consistent winner sa mga 21K regional race ng National MILO Marathon, sa 5,000-meter footrace sa 19:50, at sa 1,500m run sa 5:14 sa nasabi ring age group.

Pumangalawa naman ang abogadang nakabase sa San Pedro City na si Maria Carmencita Obina-Muaña sa W50 5,000m race sa 25:59 clocking.

Habang ikatlo si Drolly Claravall sa W50 shot put 3-kilogram B sa distansiyang 7.96m at sa discus throw 1kg B sa layong 20.66m.

Idinaos ito ng World Masters Athletics (WMA) bilang pagkilala sa Toronto Team 2020 at mga atletang may 35 taon at pataas dahil sa pagkakansela ng 24th World Masters Athletics Championships (WMAC) 2020 nitong Hulyo 20-Agosto 1 sa York Lions Stadium at Varsity Stadium sa Canada dulot ng Codiv-19. (REC)

PruRide bikefest sa Nobyembre

Posted on: September 12th, 2020 by @peoplesbalita No Comments

KINANSELA ang PruRide PH sa kaagahan ng taon dahil sa Covid-19, pero nagbago ang ihip ng hangin para sa organizer kaya pepedal pa rin ang bikefest sa virtual edition na nga lang muna sa darating na Nobyembre.

“From the physical, ginawa na namin sa virtual. I definitely realized that you can also do so much when you go virtual in trying to mimic the physical,” esplika ni PRU Life UK vice president at chief customer marketing officer Allan kamakalawa.

Inspirasyon na ituloy pa rin ang padyakan dahil sa pagsali ng ilang Pinoy cyclist nsa unang edisyon ng ‘My Prudential RideLondon, virtual edition ng world’s biggest cycling festival na nagtampok sa libo-libong professional at recreational cyclist mula sa 70 bansa.

Sa siyam na araw na pagbibisikleta sa kanilang mga tinitirahang bansa, bumiyahe ang mga siklista ng kabuuang 212,043 kilometers. (REC)