NANAWAGAN si ACT Teachers Party-list Representative at Deputy Minority Leader Antonio Tinio sa Ombudsman na i-fast track ang imbestigasyon sa flood control scandal sa Davao City, kasunod ng matinding pagbaha kamakailan na nakaapekto sa mga residente.

“Davao residents were hit again by massive flooding the other day, devastating residents and their property. This catastrophe could have been prevented if billions in public funds were not squandered on ghost and questionable flood control projects. I hope that the Ombudsman can fast track its investigation on this and file appropriated charges against the culprits,” ani Tinio.

Matatandaan na nitong Mayo, hiniling ni Tinio sa Ombudsman na imbestigahan ang Davao at Matina River flood control projects, sa inihain nitong House Resolution, dokumento at findings sa P4.44 bilyong red flags.

Sa liham nito kay Ombudsman Jesus Crispin C. Remulla, hinikayat ng mambabatas ang agarang imbestigasyon sa alegasyon ng anomalya.

Nirebyu ng ACT Teachers ang nasa 121 flood control projects sa Davao at Matina Rivers mula 2019 hanggang 2022.

Sinabi ni Tinio na nasa 80 kontrata na nagkakahalaga ng P4.44 billion ang nired-flagged ng partylist dahil sa ilang iregularidad kabilang na ang total overlap of contracts on identical river sections (P135M); double funding kung saan parehong project ang dobleng lumabas sa 2020 GAA at naibigay sa iba’t ibang contractors (P115M); location changes at shortened project lengths sa kabila ng near-full payment (P425M); contracts lacking specifications tulad ng station numbers o defined lengths (P3.56B); contracts with no corresponding GAA line item (P623M); at incomplete projects long past expiry dates (P713M), kabilang na yaong nabigyan ng “100% complete” habang “On-Going,” at isang project na nai-ulat na nakumpleto lamang ng 64% matapos ang limang taon.

“These red flags strongly point to possible ghost projects, double payment, illegal expenditures, and systematic shortchanging—enabled by the absence of verifiable specifications. That is why we are urging the Ombudsman to prioritize physical verification along the Davao and Matina rivers and establish clear accountability,” sabi ni Tinio.

“Lahat ng sangkot, dapat managot!” ani Tinio. “Unahin dapat ang aktuwal na beripikasyon sa Davao River at Matina River. Ilantad dapat ang mga ghost project, dobleng pondo, at pagkukulang sa proyekto. Panagutin dapat ang mga opisyal at kontratistang kumita habang nalalagay sa peligro ang mga taga-Davao.”

Umapela pa si Tinio sa Ombudsman na bigyan ng priority attention ang mga incomplete projects at na-tag na “100% complete” ngunit namarkahan ng “On-Going.”

(VINA de GUZMAN)

SINABI ni Pangulong Ferdinand R. Marcos Jr., sa kanyang ika-5 State of the Nation Address (SONA), araw ng Lunes, Hulyo 27, binigyang diin ng Chief Executive na halos 100 job fairs ang inorganisa ng gobyerno para sa mga Filipino job seekers noong Araw ng Paggawa sa gitna ng tumataas na presyo ng langis.

“Marami ang naapektuhan o kaya’y nawalan ng trabaho sa panahong ito,” ayon sa Pangulo.

Kaya aniya, tuloy-tuloy ang pagsasagawa niya ng mga job fair sa buong bansa.

Sa katunayan, nito lamang Mayo , Araw ng Paggawa at kasagsagan ng mataas na presyo ng krudo, nagsagawa aniya siya ng halos 100 job fairs kung saan halos 300,000 trabaho ang pinagbibigay-alam sa publiko.

“Sa isang araw ng job fair na ito, lagpas sa 6,000 Pinoy ang hired-on-the-spot.

Dito rin aniya niya ipinamamahagi ang mga suweldo para sa mahigit na 100,000 benepisaryo at nagtrabaho sa ilalim ng Integrated Livelihood and Emergency Employment Programs and Tulong Panghanapbuhay sa Ating Disadvantaged/Displaced Workers programs ng DOLE. ( DARIS JOSE)

BAGO ang State of the Nation Address (SONA) ni Pangulong Ferdinand Marcos Jr., inihayag ni Caloocan 2nd District Representative Edgar “Egay” Erice na hindi sapat ang panibagong listahan ng mga pangako. Ang hinihintay aniya ngayon ng sambayanang Pilipino ay malinaw na mga sagot sa mga isyung matagal nang bumabagabag sa bansa.

“Apat na taon na ang administrasyong ito. May tatlo na tayong SONA na puno ng magagandang pangako—murang pagkain, modernisadong agrikultura, mas maraming trabaho, paglaban sa korapsyon, repormang pampulitika, at mas mahusay na pamamahala. Ang tanong ngayon ay: alin ang tunay na natupad at alin ang nanatiling pangako lamang?” ani Erice.

Ayon kay Erice, may ilang hakbang na nararapat kilalanin, gaya ng pagbabawal sa POGO operations at pagpapatuloy ng ilang malalaking infrastructure projects. Ngunit sa mga pinakamahahalagang pangako ng Pangulo, lalo na sa usapin ng katiwalian at repormang pampamahalaan, marami pa ring hindi nasasagot.

“Ang pinakamalaking pangako ng Pangulo noong 2025 SONA ay ang paglilinis ng sistema matapos niyang sabihin ang tanyag na ‘Mahiya naman kayo’ laban sa mga umano’y sangkot sa anomalya sa flood-control projects. Hanggang ngayon, nais marinig ng taumbayan ang buong katotohanan.”

Sinabi ni Erice na sa kanyang pananaw, ito ang mga tanong na dapat sagutin ng Pangulo sa kanyang SONA:

Una, ano ang buong katotohanan tungkol sa mga infrastructure at flood-control appropriations mula 2023 hanggang 2025? Magkano ang pondong nasayang, na-divert, o hindi nagamit nang maayos? Paano ito nangyari, at ano ang naging resulta ng mga imbestigasyon?

Ikalawa, ano na ang naging bunga ng kampanya laban sa corruption? Nasaan na ang mga ipinangakong “big fish”? Ano ang naging resulta ng mga kasong isinampa at ng mga imbestigasyong isinagawa?

Ikatlo, handa bang tiyakin ng Pangulo na ang lahat ng opisyal na maaaring may pananagutan—anumang posisyon ang kanilang hawak o hinawakan—ay sasailalim sa patas, independiyente, at transparent na imbestigasyon batay sa ebidensiya?

Ikaapat, bakit hanggang ngayon ay wala pa ring ganap na institutional reforms laban sa korapsyon? Ano na ang nangyari sa panukalang Independent People’s Commission laban sa infrastructure corruption? Ano na ang estado ng CADENA Act na magbibigay ng ganap na transparency sa national budget?

Ikalima, ano na ang nangyari sa ipinangakong Anti-Political Dynasty Law? Halos apatnapung taon nang inaatasan ng Konstitusyon ang Kongreso na ipatupad ito. Kung seryoso tayo sa reporma, dapat wakasan ang monopolyo ng kapangyarihan ng iilang pamilya.

Ikaanim, ano ang pangmatagalang plano ng administrasyon laban sa inflation? Hanggang ngayon ay ramdam pa rin ng maraming Pilipino ang mataas na presyo ng pagkain, kuryente, pamasahe, at iba pang pangunahing pangangailangan.

Ikapito, ano ang malinaw na polisiya ng Pilipinas sa gitna ng lumalalang tensyon sa pagitan ng Estados Unidos at Tsina? “Kailangan nating marinig na ang bawat hakbang sa ating foreign policy ay nakabatay lamang sa pambansang interes—sa ating soberanya, seguridad, ekonomiya, at kapayapaan,” ani Erice.

Ikawalo, panahon na bang baguhin ang direksiyon mula sa kulturang umaasa sa ayuda tungo sa ekonomiyang lumilikha ng disenteng trabaho, negosyo, at pangmatagalang kabuhayan? “Ang ayuda ay mahalaga sa panahon ng kalamidad at emerhensiya, ngunit hindi ito dapat maging pangunahing estratehiya laban sa kahirapan. Mas kailangan ng Pilipino ang oportunidad kaysa permanenteng pag-asa sa ayuda,” dagdag niya.

Ayon kay Erice, ang tunay na sukatan ng isang SONA ay hindi ang ganda ng talumpati kundi ang katapatan nitong harapin ang mga hindi pa nalulutas na problema ng bansa. (Richard Mesa)

NANAWAGAN si Pangulong Ferdinand Marcos Jr. na tanggalin na ang electricity system loss charges na ipinasa sa mga konsyumer.

Ito ang inihayag ni Pangulong Marcos sa kanyang ika-5 State of the Nation Address (SONA), araw ng Lunes, sa Batasang Pambansa. 

“Pinapasa ito sa consumer at kinakarga sa bill na pinapatungan pa ng value-added tax. Hindi naman kasalanan ng consumer kung bakit nagkaroon ng system loss,” ayon kay Pangulong Marcos sabay sabing “Kaya hindi naman tama na kailangan sila pa ang pagbabayarin dito.”

Kaya nga, ang hiling ng Pangulo ay agad na amyendahan ang EPIRA.

“Therefore, we, the people, request – no, we demand for the immediate amendment of the EPIRA, and to prohibit charging system loss against consumers including the value-added tax thereon,” aniya pa rin.

Ang system loss ay nawawalang kuryente mula generation papunta sa bahay.  

(DARIS JOSE)