2026 July Archive - People's Balita

Archive for July, 2026

Caloocan LGU, pinalakas ang pagbibigay ng trabaho sa mga PWDs

Posted on: July 15th, 2026 by Francis Paolo Torres No Comments

MAS pinalalakas ng Pamahalaang Lungsod ng Caloocan ang kanilang pangako sa pagkakaloob ng trabaho sa mga Persons With Disability (PWDs), kasunod ng paglagda nito sa isang Memorandum of Agreement sa Be Connected Management Services.

Ang pakikipag-partnership ng lokal na pamahalaan sa naturang kompanya ay para sa “Project Ability and Mobility” na bahagi ng patuloy na pagsisikap ng lungsod upang matiyak na ang bawat mamamayan ay may access sa mga oportunidad para sa makabuluhang trabaho.

Sa pamamagitan ng programa, ang mga kwalipikadong PWD ay makokonekta sa mga employer at magbibigay ng mas malawak na access sa mga trabahong kumikilala sa kanilang mga kakayahan.

Binigyang-diin ni Caloocan City Mayor Dale Gonzalo “Along” Malapitan na ang pamahalaang lungsod ay nakatutok sa paglikha ng pantay na pagkakataon para sa lahat ng mga residente at ang bawat indibidwal ay nararapat ng pagkakataong makapag-ambag sa komunidad.

“Tiwala po tayo sa kakayahan ng ating mga kababayan at titiyakin natin na sa ating liderato ay nabibigyan sila ng pantay na karapatan, oportunidad, at pagpapahalaga,” ani Mayor Malapitan. (Richard Mesa)

LTO, NAGLABAS NG SCO VS KONSEHAL NG CALAMBA, LAGUNA DAHIL SA IBA’T IBANG PAGLABAG SA BATAS TRAPIKO

Posted on: July 15th, 2026 by Francis Paolo Torres No Comments

AGAD na inaksyunan ng LTO ang panibagong viral na insidente ng iresponsableng pagmamaneho matapos padalhan ng Show Cause Order (SCO) ang isang konsehal na sangkot sa insidente sa Calamba City, Laguna.

Batay sa imbestigasyong isinagawa ng Intelligence and Investigation Division (IID) at sa video na nakalap bilang ebidensya mula sa Facebook page na “VISOR,” naobserbahan ang sasakyan ng isang konsehal na nag-counterflow, paulit-ulit na nagpapalit ng linya, at gumagamit ng sirena habang bumibiyahe sa isang pampublikong kalsada.

Natuklasan din na naglabas na ng sariling pahayag kaugnay ng insidente ang sangkot na konsehal. Gayunman, sa kabila ng inilabas na pahayag, inaatasan pa rin siyang personal na humarap sa pagdinig kasama ang motorsiklong nag-escort sa naturang sasakyan. Ang pagdinig ay itinakdang gaganapin sa Hulyo 17, 2026, alinsunod sa inilabas na SCO, upang magsumite ng sinumpaang paliwanag kung bakit hindi ito dapat managot sa mga kasong Reckless Driving, Operating with Unauthorized Parts and Accessories, at kung bakit hindi dapat ideklara bilang Improper Person to Operate a Motor Vehicle na maaaring magresulta sa pagsuspinde o pagbawi sa lisensya ng drayber.

Kasabay nito, iniutos din ng LTO ang agarang pagsuko ng driver’s license ng sangkot na driver, na isinailalim sa 90-araw na preventive suspension habang isinasagawa ang imbestigasyon. Inilagay rin sa alarm ang naturang sasakyan ng konsehal upang matiyak ang pagpapatupad ng mga kautusan ng ahensya.

“Sa LTO, hindi namin pinalalampas ang anumang paglabag na may malinaw na ebidensya. Malinaw ang aming paninindigan na walang sinuman ang nakahihigit sa batas-trapiko. Anuman ang katungkulan o posisyon sa pamahalaan, ang bawat motorista ay may pananagutang sumunod sa mga umiiral na batas at regulasyon sa kalsada,” saad ni Assistant Secretary Lacanilao.

Muling pinaalalahanan din ni Assistant Secretary Lacanilao ang lahat ng motorista na maging maingat, responsable, at magpakita ng disiplina sa bawat pagmamaneho. Ang lahat ng motorista ay dapat piliing maging bahagi ng solusyon sa halip na maging sanhi ng panganib sa kalsada. Ang disiplina, paggalang sa batas, at malasakit sa kapwa ang susi upang maging mas ligtas ang ating mga lansangan para sa lahat. (PAUL JOHN REYES)

DOLE: Wage hike sa NCR epektibo sa Hulyo 25

Posted on: July 15th, 2026 by Francis Paolo Torres No Comments

NILINAW ni Department of Labor and Employment (DOLE) Secretary Francis N. Tolentino na ang implementasyon ng wage hike sa National Capital Region (NCR) ay nakatakdang ipairal sa Hulyo 25.

Ayon kay Tolentino, ang petsa ng implementasyon ng umento sa sahod ay kasunod ng opisyal na paglalathala ng NCR Wage Order No. 27 noong Hulyo 9, na nagkakaloob sa minimum-wage workers ng P85 na increase sa kanilang arawang sahod at itinuturing na pinakamalaking single daily wage adjustment na ipinairal sa Metro Manila.

Aniya, alinsunod sa direktiba ni Pang. Ferdinand Marcos Jr. na paghusayin ang kalidad ng buhay para sa mga manggagawang Pinoy, ang wage increase ay ipatutupad sa dalawang tranches.

Ang unang tranche na nasa P60 ay magiging epektibo sa Hulyo 19, 2026 habang ang ikalawa na nasa P25 ay ipaiiral ?sa Enero 20, 2027, sanhi upang ang daily minimum wage para sa mga non-agricultural workers ay pumalo na sa P780.

Samantala, ang daily rate naman ng mga manggagawa sa agrikultura, serbisyo at retail shops na may 15 o mas kaunting manggagawa, at manufacturing firms na may mga trabahador na mas mababa sa 10 regular na manggagawa ay papalo na sa P743.

Ads July 15, 2026

Posted on: July 15th, 2026 by Francis Paolo Torres No Comments

Naglabas ng resibo ang VAA na talagang nag-audition…ATASHA, aabangan kung mabibigyan ng hustisya ang iconic role ni NORA (ni: ROHN ROMULO)

Posted on: July 14th, 2026 by Francis Paolo Torres No Comments

TILA may bagong nagpapatibok sa puso ng singer at aktres na si Maris Racal.

Kumakalat ngayon sa halos lahat ng social media platforms ang photos ni Maris kasama ang isang mystery guy.

Hindi maitatatwang itinatago ang pagkakakilanlan sa lalake dahil ang mga kuha ng mga larawan ay hindi ito nakaharap sa kamera.

Kung hindi ito nakaharap kay Maris, nakatagilid ang mga shots.

Pero sa mga kuhang larawan mababakas ang pagiging sweet nila sa isa’t isa. At tila kumportable naman ang aktres.

Base sa mga larawang kumakalat, mukhang foreigner ang guy. Kasi mapapansin pa rin na hindi ito hitsurang pinoy.

Wala naman din sigurong masama kung magkaroon man ng panibagong pag-ibig si Maris.

Afterall, dalawang taon na rin naman itong single. Nagtapos ang halos limang taong pagsasama nina Maris at ni Rico Blanco.

Noong july 2024, isinapubliko ng aktres ang paghihiwalay nila ng nasabing frontman ng dating bandang Rivermaya.

Walang malinaw na dahilan kung bakit tinapos Maris ang nasabing relasyon.

Isang bagay lang ang binaggit nito, nag-iba na raw kasi ang kanyang gustong tahaking buhay at nagbago na rin ang kanyang mga priorities.

Well, isa lang ang masasabi natin diyan. Buntot mo hila mo!

Sana nga lang matagpuan na niya ang lalaking talagang magbibigay sa kanya nang tunay na kaligayahan!

***

INUULAN ng batikos ang pagkaka-cast ni Atasha Muhlach para sa lead role ng “Bongga Ka, ‘Day! The Annie Batungbakal Musical”.

Ayon sa mga negatibong mensahe may mga nagsasabing dahil anak daw ito ng celebrity couple na sina Aga Muhlach at Charlene Gonzales, kung kaya’t dito napunta ang nasabing role.

Dahil dito, naglabas naman ng resibo ang Viva Artists Agency ng audition video ni Atasha. Kumbaga, ang role ay hindi ibinigay kay Atasha, nag-audition ito para sa role.

Baka nga naman outstanding ang ginawang audition video ng aktres at dating host ng ‘Eat Bulaga.’

Ang tanong lang namin, talaga bang nakakakanta si Atasha?

Kung sa pagsayaw kasi nakita naman natin may ibubuga naman ito.

Iconic ang role na ito. Kasi ito yung kanta na pinasikat ng legendary band na Hotdog nung 1979.

Sana nga lang, hindi nagkamali ang VAA sa pagpili kay Atasha.

At sana rin mabigyan niya ng hustisya ang role na ginampanan ng namayapang Superstar at National Artist na si Nora Aunor nung gawin itong pelikula.

Pinaghahandaan na ang pagiging ‘Golden Boy’…YUL, nagpasalamat kay PIOLO dahil sa walang kupas na pagkakaibigan (ni: ROHN ROMULO)

Posted on: July 14th, 2026 by Francis Paolo Torres No Comments

SA Facebook post ng magaling na aktor at public servant na si Yul Servo ibinahagi niya ang paghahanda sa pagiging “Golden Boy” sa pamamagitan ng isang fitness journey.

Nitong Hulyo 12, 2026, makikita larawan ng matalik na kaibigang aktor na si Piolo Pascual, na naka-topless at may gym equipments.

May caption ito na: “Road to 50. No shortcuts. Just consistency. Day 1.”

Sa February 22, 2027 ang 50th birthday ng dating Manila Vice Mayor.Maging si Piolo pala ay magsi-celebrate ng kanyang 50th birthday sa January 12, 2027.

Isang buwan lang halos ang pagitan ng kanilang kaarawan. For sure kayang-kayang ma-achieve ang pagiging fit tulad ng katawan ni Papa P.

Bukod sa pagiging premyadong aktor si Yul, mahusay rin siyang metal visual artist.At kanyang isa pang Facebook page na “Yul Servo Nieto-Artist” ay i

sa nga si Piolo sa mga pinasalamatan ni Yul dahil nagtiwala sa kanya ang Kapamilya actor. Ibinahagi rin niya ang larawan na magkasama sila ni Papa P.“Salamat tol, sa tiwala. Isang karangalan na ako ang napili para likhain ang artwork ng napakagandang lugar na ito,” pahayag ni Yul.

Dagdag mensahe pa niya, “Halos isang dekada man ang lumipas, walang kupas ang pagkakaibigan. Parang kahapon lang ang huli nating pagkikita.

Maraming salamat tol.” Marami naman ang natuwa at bumati kay Yul at siguradong aabangan kung anong klaseng obra ang lilikhain niya para sa lugar na pag-aari ni Piolo.

‘Player of the Match’ at Rank 16 sa football tournament…JUDY ANN, proud na proud sa latest achievement ni LUCHO (ni: ROHN ROMULO)

Posted on: July 14th, 2026 by Francis Paolo Torres No Comments

PROUD na proud si Judy Ann Santos sa latest achievement ng kanyang unico hijo na si Lucho Agoncillo dahil nakamit nito ang ‘Player of the Match’ at Rank 16 sa football tournament na sinalihan sa Spain.

Sa Instagram post ni Juday, makikita ang series of photos na kuha sa football competition.

Masisilayan din ang isang photo na kasama ni Lucho ay kanyang very supportive parents na sina Judy Ann at Ryan Agoncillo.Punum-puno nga ng madamdaming mensahe ang post ni Juday para sa anak, na kung saan maririnig din awiting “My Heart My Son” ni Layla Hudson…

Panimula ng premyadong aktres, “My dearest boy…mama’s heart couldn’t be more prouder of you.. watching how you pour your heart, energy and dedication into every game…

“YOU ARE AMAZING! you are amazing in many, many ways…being named ‘player of the match’, for your team to rank 16 out of 70+ international teams.. you’ve come a long way my love.”

Dagdag mensahe pa niya sa anak, “But you know what I love the most? It’s the tight hugs and kisses you give me and dada every after game… the way you still kiss your sisters on their forehead everytime you see them, makes me more prouder of the man your becoming to be.”

Ipinakita rin ni Juday kay Lucho na palaging silang nakasuporta sa anumang pinapangarap niya sa buhay.

“My love.. go and chase your dreams, we will support you no matter what.. as long as you want me to cook rice (kanin is life) adobo and salpicao for you and do your laundry for every tournaments such as this, I will do so with a very happy heart.

“You will always be mama’s favorite son. I love you to the moon and back a thousand times and beyond,”

Maraming celebrities din ang natuwa at bumati sa achievement na ito ni Lucho.

Komento ni Gladys Reyes, “Yey! Congrats Lucho!! You are getting more handsome. Congrats as well to the supportive and loving parents @officialjuday and @ryan_agoncillo”Say ni Ciara Sotto, “Super proud of Kuya Lucho!!!! Congrats to him and to you and Ry!!!! [red heart emojis] we love you guys!!!! Thanks for looking out for Crix always! [smiling face with heart eyes emojis],” komento ni Ciara Sotto.

Sabi naman ni Iza Calzado, “Congratulations to the MVP, Lucho, and to the very proud parents!!!! [red heart emojis]”

Bumati rin ni Ogie Alcasid, Marian Rivera at iba pang artista.

Congrats Lucho!

Sinner at Zverev maghaharap sa finals ng Wimbledon

Posted on: July 14th, 2026 by Francis Paolo Torres No Comments

MAGHAHARAP sa finals ng Wimbledon men’s singles sina Jannik Sinner at Alexander Zverev.

Tinalo ni Sinner si Novak Djokovic sa semifinals sa score na 6-4, 6-4, 6-4 .

Habang ang French Open champion na si Zverev ay tinalo sa British tennis player Arthur Fery sa score na 7-6 (7/0), 6-2, 6-4.

Ito na ang pangalawang finals ng Wimbledon ni Sinner kung saan target nitong makamit ang ikalimang Grand Slam title.

Habang ito ang unang pagkakataon na makakapaglaro sa finals si Zverev at target nitong makamit ang pangalawang major title.

Siyam na beses na tinalo ni Sinner si Zverev sa kanilang paghaharap sa iba’t-ibang torneo kasama na dito ang apat na pagkakataon na tinalo nito ngayong taon.

England, umabante sa World Cup Semifinals matapos padapain ang Norway

Posted on: July 14th, 2026 by Francis Paolo Torres No Comments

NAKAMIT ng England ang puwesto nito para sa inaasam na semifinals ng FIFA World Cup matapos talunin ang Norway, 2-1, sa isang dikit na quarter-final match na umabot pa sa over time.

Umabot pa sa tabla ang laro, 1-1, matapos ang 90 minutong sagupaan ng dalawang koponan. Naunang umiskor ang Norway sa ika-36 minuto nang magpakawala si Andreas Schjelderup ng isang napakagandang tira na nagbigay ng unang kalamangan sa kanilang koponan.

Pinagunahan naman ni Jude Bellingham ang England matapos magtala ng dalawang goal na nagdala sa Three Lions sa kanilang ikatlong World Cup semifinal appearance mula noong 1966.

Sa extra time, tatlong minuto pa lamang ang lumilipas nang muling sumiklab ang opensa ng England. Nagpakawala si Morgan Rogers ng isang long-range shot sa goal ng Norway.

Samantala, matapos ang kanilang makasaysayang laro haharapin ng England ang Argentina sa susunod na laban na nagtala ng 3 goal matapos talunin ang Switzerland.

Alex Eala hindi magsasawang irepresent ang Pilipinas sa mga international tournaments

Posted on: July 14th, 2026 by Francis Paolo Torres No Comments

LABIS ang kasiyahan ni Pinay tennis star Alex Eala sa patuloy na mainit na pagtanggap sa kaniya ng mga Filipino.

Sa kanyang pagbisita sa Palasyo ng Malakanyang ay hindi niya lubos na maabot ang kasikatan na kaniyang tinatamasa ngayon.

Hindi aniya ito magsasawa na dalhin ang watawat ng Pilipinas saan mang international tournaments.

Pagtitiyak nito ay gagawin niya ang lahat ng mga makakaya para magtagumpay sa mga international tennis tournament.

Nasa Pilipinas ngayon si Eala matapos ang kaniyang paglalaro sa Wimbledon kung saan susunod pagsabak niya ay sa US Open sa mga susunod na linggo.