ISANG software engineer na nagngangalang RJ Cruzem ang nakalikha ng isang application na tinatawag na public commuting visibility platform na makapag- monitor ng takbo ng operasyon ng Light Rail Transit (LRT) at Metro Rail Transit (MRT 3).

“Additionally, unexpected glitches in railway operations would cost passengers time for work and other personal activities. To turn this frustration of waiting into a solution, I developed Transight, a public commuting visibility platform that tracks the operations of the LRT and MRT.I had a thought if it is possible for passengers to know exactly where their trains are or if they are moving. I also drew inspiration from FlightRadar 4, which monitors the arrival times of planes,” wika ni Cruzem.

Ang nasabing app ay gagamit ng multiple source inputs kasama na rin ang devices at hardware tracker na ilalagay sa mga train.

Naglalayon ang Transight na makapagbigay sa mga pasahero ng isang impormasyon na mas maganda bago pa man sila sumakay o habang naghihintay sa train.

Sa kasalukuyan ay nakikipag-usap ang team ng Transight sa mga sangay ng pamahalaan na may kinalaman sa mga train system sa Metro Manila tulad ng Light Rail Transit Authority (LRTA) at Department of Transportation (DOTr)

Ang focus ng team ni Cruzem sa ngayon ay gumawa ng isang matatag na produkto at makukuha ng mga feedback sa mga gagamit nito. Patuloy pa rin ang kanilang pagsasaliksik upang mas maging maganda ang nasabing platform.

Sa pamamagitan ng platform na nasabi, ang operators ng mga rail system ay magkakaron ng actual movement ng mga trains sa tracks na makakatulong upang makapag respond agad kung mayron aberya o technical problems sa trains.

Hinahangad din ng Transight na magkaroon ng expansion ang platform sa road-based public transportation tulad ng buses.

Ilulunsad ng Transight ang app sa Google Play Store sa darating na August at Apple Store sa pagitan ng September at October ngayon taon. LASACMAR

MATAGUMPAY na naisagawa ng Pamahalaang Lungsod ng Caloocan ang kanilang libreng UPCAT at College Entrance Tests (CETs) Review Program kung saan nakinabang ang 150 mag-aaral na ginanap noong Hulyo 25 hanggang 26 sa Bulwagang Katipunan, South Caloocan City Hall.

Ang programa ay bahagi ng patuloy na pagsisikap ng pamahalaang lungsod na palawakin ang access sa de-kalidad na edukasyon at tumulong sa paghahanda ng mga kabataang residente ng Caloocan para sa mas mataas na edukasyon.

Ang dalawang araw review program ay nagbigay sa mga kalahok ng komprehensibong lectures tungkol sa Language Proficiency (Filipino at English), Mathematics, Science, at Reading Comprehension.

Upang higit na palakasin ang kanilang paghahanda, kumuha din ang mga mag-aaral ng mga kunwaring eksaminasyon bago ang bawat lecture, na nagpapahintulot sa kanila na masuri ang kanilang kahandaan at maging mas pamilyar sa format ng mga pagsusulit sa pasukan.

Ang review sessions ay isinagawa ng mga alumni at iskolar ng Unibersidad ng Pilipinas, na nagboluntaryo ng kanilang oras upang magbahagi ng mga praktikal na diskarte sa pag-aaral, mga diskarte sa pagsusulit, at mga kaalamang pang-akademiko na nakuha mula sa kanilang sariling mga karanasan.

Ani Mayor Along Malapitan, ang inisyatiba ay sumasalamin sa pangako ng pamahalaang lungsod na suportahan ang mga mag-aaral sa pamamagitan ng pagbibigay ng mga pagkakataon na tutulong sa kanila na ituloy ang mas mataas na edukasyon.

“The City Government remains committed to investing in education by creating programs that prepare our students for the next stage of their academic journey,” aniya.

Ang Libreng UPCAT at CETs Review Program ay isa sa mga inisyatiba sa edukasyon ng lungsod na naglalayong gawing mas madaling ma-access ang de-kalidad na suportang pang-akademiko at tulungan ang mas maraming estudyante ng Caloocan na maging kwalipikado para sa pagpasok sa mas maraming kolehiyo at unibersidad. (Richard Mesa)