HINDI pa rin makapaniwala ang Kapamilya actress at content creator na si Ivana Alawi na nagwagi siya ng dalawang awards sa 1st FAMAS Broadcast Awards.

Wagi si Ivana bilang Best Host for Public Service at ka-tie niya ang broadcast journalist na si Kara David. 

Nakuha rin niya ang tropeo para Best Public Service Show dahil sa mga ginagawa niyang pagtulong sa pamamagitan ng kanyang vlogs.Sa Facebook post niya, mababasa na, “Still can’t believe na nanalo tayo ng 2 FAMAS Awards.

“Thank You, Lord, for always reminding me that Your plans are always greater than mine. Lagi Mo akong sinusurpresa sa tamang panahon.

“Maraming salamat, FAMAS, sa tiwala. At higit sa lahat, maraming salamat sa bawat isa sa inyo na patuloy na nanonood, sumusuporta, at naniniwala sa lahat ng ginagawa ko.”Dagdag pa ng actress/vlogger, “nagsimula lang ako sa simpleng pangarap na makapagpasaya at makatulong sa kapwa. Kaya bawat blessing na natatanggap ko, mas lalo akong naniniwala na hindi ito para sa akin lang, kundi para maibahagi rin sa mas maraming tao.

“Hangga’t may kakayahan ako, hindi ako magsasawang tumulong at ibalik ang pagmamahal na binibigay ninyo sa akin.

“Maraming salamat. Mahal na mahal ko kayo.”

Si Kara naman ay nanalong Best Public Affairs Talk Show para sa “I-Listen”

Wagi rin si Kara ng Best Documentary para sa kanyang “I-Witness” episode na “Embalsamador de Motor.” 

Present pareho sina Kara at Ivana para personal na tanggapin ang kani-kanilang award. 

Binigyang-pugay ni Kara sa kanyang acceptance speech ang mga sakripisyo at paghihirap ng kanyang crew at staff kasabay ng pasasalamat sa mga taong nagtiwala para ilahad sa publiko ang kanilang mga kuwento.

Samantala, ibinahagi naman ni Ivana ang kanyang award sa kapwa niya mga nominado na sina Kara David, Jessica Soho, PAO Chief, Atty. Persida Rueda-Acosta, Dra. Edinell Calvario at Vicky Morales.

“Maraming, maraming salamat po ulit sa FAMAS for this award. I actually want to share this with also my co-nominees dahil napakaganda talaga ng mga ginagawa rin nila.

“And again, with everything that’s happening in this world, I think it’s very important na nagse-share tayo ng positive content and tumutulong tayo sa ating mga kababayan because ‘di ba, sino pa bang magtutulungan kundi tayo-tayo lang,” ayon pa speech ng aktres at content creator.

MALAPIT nang simulan ang pelikulang “MILF” na pagbibidahan ng apat na dating member ng Viva Hotbabes sina Sheree, Katya Santos, Maui Taylor, at Gwen Garci.

Ito ang nabanggit sa amin ni Sheree, “mayroon kaming comeback movie, kami sa Viva Hotbabes… soon, abangan po, may movie kami.”

Kapag magkakasama silang apat, riot ba on and off camera?

Tugon ni Sheree, “Yes po, not just riot but this is gonna be fun! Dark comedy na sexy ang peg. Pinaghahandaan na rin talaga namin itong movie namin.

“Bago mag-shoot ay nag-aral muna ako na maging isang dive master sa The Asri Resort sa Anilao, Batangas.”

Iyon ba ang role niya sa movie, isang dive master?

Esplika ng aktres, “Actually, pole instructor ang role ko sa film, pero why not? Puwede namang idagdag ang dive master.”Sa “MILF”, magpapa-sexy ba siya at muling magpapatakam sa mga barako?

“Yes po… pero siyempre mas matured role na, but still showcasing our strengths as individuals and as a group.

“Kaming lahat dito sa movie ay powerful, strong and of course very empowered women,” seryosong lahad pa ni Sheree.

Nalaman din namin sa talented na aktres na parang reunion movie ito ng mga Viva Hotbabes.

Nakita nga namin sa photos sa Facebook ni Sheree ang ilan sa kanila tulad nina Andrea del Rosario, JC Parker, at Jen Rosendahl. Kasama nila sa picture si Direk GB Sampedro na siyang magiging direktor ng movie.

ENGAGED na pala ang aktres na si Yassi Pressman sa kanyang boyfriend na si Camarines Sur 2nd District Representative Luigi Villafuerte.

Mismong si Luigi ang nag-post ng video, nito lang July 18, 2026 sa kanyang social media account.     

Makikita sa video na simple at tila makahulugan ang nasabing proposal.  Nag-set up si Luigi ng tila early dinner sa gitna ng bukid.     

Walang ibang taong makikitang nakapaligid sa venue, maliban sa dinaanan ng kamerang waiter na nakatayo sa tabi ng mesa.     

Kakaiba rin ang ginawang proposal nitong si Luigi.  Hindi kinailangang magarbo at sosyal ang nasabing proposal.     

Sa yaman ng mga Villafuerte sa Camarines Sur, I’m sure kahit saang bansa kaya nitong idaos ang isang engrandeng proposal.     

Pero, bakit nga ba sa dinami-rami ng lugar sa Bicol, e, sa gitna ng bukid nangyari ang proposal?  

Ano kaya ang gustong ipakahulugan ni Luigi sa simpleng milestone na ito sa kanilang buhay?     

Puwede sigurong simple ang proposal pero punung-puno nang pagmamahal.  O, baka naman talagang tinipid dahil mahirap ang buhay ngayon.   

In fairness naman, September 2023 pa noong naging opisyal na sila na.    

Ito ay matapos ang isyu kina Yassi at Coco Martin.      

Anyway, sa mga kababayan ko diyan sa Camarines Sur, may soon-to-be first lady na ang inyong probinsya.

***  

Ruru, ipinagmalaking walong taon na sila ni Bianca

ANG bilis talaga ng takbo nang panahon.    

Sa isang photo na in-upload ni Ruru Madrid sa kanyang social media account, ipinagmalaki nitong walong taon na sila ng kanyang partner na si Bianca Umali.  Napag-alaman namin na grade school student pa lamang ang aktor, tagahanga na siya ni Bianca. 

Nangangahulugan pa lang ‘di hamak na mas matanda si Bianca kay Ruru. Aminado ang aktor na isa ito sa mga pinangarap niya. Ang maging parte nang buhay ni Bianca.

Ayon sa aming nakalap na balita, talagang kung paano daw ang treatment ni Ruru kay Bianca noon, hanggang ngayon ganun pa rin ito.     

Kumbaga, alagang-alaga niya si Bianca. Alagang-alaga niya ang kanilang relasyon.     

In fairness, walang masyadong naging isyu sa pagitan ng lovely couple.     

Hindi nagkaroon ng isyu sa parte ng bawa’t isa. Walang na-involve na ibang babae sa buhay ni Ruru.

Maging kay Bianca, nakatuon lamang ang pansin nito sa kanyang boyfriend. Taliwas sa paniniwala ng iba nag kapag parehong taga-showbiz, mas madalas masalimuot ang pagsasama.  

Pinatototohanan lamang ng mga ito na malakas ang pundasyon ng kanilang relasyon. Buo ang tiwala nila sa isa’t isa.     

Prangkahan lang, maraming tukso sa mundo ng showbiz. 

Sa estado nila sa showbiz, malamang na may mga umaaligid sa kanilang temptasyon.     

At dahil napapanatili nila ang kanilang magandang pagsasama.  Sana lang mas dumami pa ang tulad nila sa showbiz.   

Hindi yung gagamitin lang ang kasikatan ng isa para umangat ang karera ng isa.     

Ang tanong, wala pa ba silang planong magpakasal?  

Hindi pa kaya naiinip si Bianca?     

Hindi pa kaya sila nagkakasawaan?