NANANATILING handa ang House prosecutors sa impeachment trial ni Vice President Sara Z. Duterte, sa kabila ng mga kaganapan sa senado.

Sinabi ni Lead prosecutor at House Committee on Justice Chair Gerville “Jinky Bitrics” Luistro na nakumpleto na ng 11-member prosecution panel ang kanilang preparasyon at nananatiling nakatuon sa darating sa pagdinig.

“I wish to share to the Filipino people that the 11 prosecutors are resolved. We will continue to proceed with the impeachment trial. The 11 prosecutors are ready, as a matter of fact even our pre-trial brief is ready. Sa kabila po ng mga komosyon, irregularidad na nagaganap doon sa Senado ng Republika ng Pilipinas, ang 11 prosecutors po ay hindi natitinag at handang humarap sa papalapit na impeachment trial,” anang mambabatas.

Naisumite na aniya ng prosecution panel ang kanilang manifestation sa senado,

Hindi sila naghain ng tugon o sagot ng VP dahil hindi sinagot o kinontra ang alegasyon sa Articles of Impeachment o nagbigay ng bagong factual issues na kinakailangan bilang sagot.

Sinabi naman ni Akbayan Party-list Rep. Chel Diokno na ang sagot ni Duterte ay lumilitaw na isinusulong ang pagbasura ng kaso sa halip na sagutin ang alegasyon na nasa impeachment complaint.

“Ang ini-expect natin na answer o ‘yung sagot sa Articles of Impeachment ay sasagutin dapat ‘yung mga alegasyon ng mga facts na andun. Pero kung titingnan kasi natin ‘yung naging sagot ni VP ay mukhang ang gusto niya ay ipa-dismiss agad ang kaso. Kaya po hindi na kami nag-file ng reply dahil wala naman bagong factual allegations na kailangang sagutin. Ang kailangan ngayon ay litisin na agad ang kasong ito at kami naman po sa hanay ng prosecution ay handang-handa na magpresenta ng ebidensya,” pahayag nito.

Idinagdag ni Luistro na patuloy ang pagtatrabaho ng panel base sa timeline na ipinalabas ng senado kamakailan kung saan ang pre-trial conference ay gaganapin sa Hunyo 18 at ng simula ng trial ay sa Hulyo 6.

“We anticipate na June 18 ang 11 prosecutors po ay a-appear sa impeachment court for the first day of pre-trial conference and on July 6 para po sa unang schedule ng trial naman doon sa impeachment court,” ani Luistro. 

“Rest assured po that the 11 prosecutors are still very much focused on the preparation because we understand that regardless of what is happening in the Senate, ito po’y constitutional duty, there is no option not to proceed. The only option is to proceed, because this is obligatory on the part of the 11 prosecutors.”

Inaasahang magsusumite ang prosecution panel ng kanilang pre-trial brief sa Hunyo 15.

(Vina de Guzman )

NANAWAGAN si Speaker Faustino “Bojie” G. Dy III ng agarang tulong at aksyon sa mga residente na napinsala ng malakas na lindol na yumanig sa southern Mindanao nitong Lunes.

Partikular na tinukoy ni Dy ang mga residente ng General Santos City at mga karatig lalawigan ng Davao kung saan tumataas ang bilang ng mga nasawi dala ng magnitude 7.8 earthquake na tumama sa karagatan di kalayuan sa Sarangani province.

Karamihan sa mga nasugatan at nasawi ay mula sa mga gumuhong gusali. Nagbabala si Dy na maari pang tumaas ang bilang mula sa mga nakatira malapit sa dagat mga lugar ng Sarangani, Davao Occidental, Tawi-Tawi, Sulu, Basilan, Zamboanga del Sur, Zamboanga Sibugay, Sultan Kudarat at South Cotabato sa banta ng tsunami. 

“Our foremost concern at this time is the safety and well-being of our fellow Filipinos in Mindanao. I urge everyone, especially those in coastal and low-lying communities, to heed the warnings and instructions of authorities. Please evacuate immediately when directed and prioritize your safety and that of your families,” pahayag ni Dy.

Nanawagan si Dy sa mga local government units (LGUs), disaster response agencies, uniformed personnel, volunteers at community leaders na magtulungan sa ikaayos ng evacuation ng mga naapektuhang residente at mabilisang delivery ng relief services.

“Sa ganitong mga pagkakataon, mahalaga ang mabilis na koordinasyon at pagtutulungan. Nananawagan tayo sa lahat ng LGUs, emergency responders, volunteers at mga lider ng komunidad na tiyaking ligtas ang ating mga kababayan at maayos ang pagresponde sa anumang pangangailangan sa mga apektadong lugar,” sinabi ni Dy.

Nagbigay suporta si Dy sa ginawang agarang aksyon ni Pangulong Ferdinand R. Marcos Jr. na atasan ang buong pwersa ng gobyerno na tumugon sa sitwasyon.

“We are grateful that President Marcos has already directed all relevant government agencies to act immediately. This whole-of-government approach is crucial in ensuring that rescue, relief and response operations are carried out quickly and effectively.” sinabi ni Dy.

Sa parte naman ng Kamara, sinabi ni Dy at may darating na tulong. “The House of Representatives stands in solidarity with our brothers and sisters in Mindanao. We are prepared to support all necessary efforts to help affected communities recover and rebuild. Ang mahalaga ngayon ay ang kaligtasan ng bawat Pilipino at ang agarang pagtugon sa kanilang pangangailangan.” (Vina de Guzman)

PITONG indibibwal kabilang ang tatlong hinihinalang drug personalities ang arestado nang maaktuhang naglalaro umano ng illegal na sugal sa magkahiwalay na lugar sa Valenzuela City.

Sa ulat ng Valenzuela Police Sub-Station 7 kay Valenzuela Police Chief P/Col. Joseph Talento, habang nagsasagawa ng anti-criminality operation ‘Oplan Galugad’ ang kanilang mga tauhan sa Avocado St., Brgy., Bagbaguin nang maaktuhan ang dalawang kelot na nagsusugal umano ng ‘caray y cruz’ dakong alas-11:21 ng Sabado ng gabi.

Nilapitan nila ang dalawa saka inaresto at nakumpiska sa kanila ang bet money, pangara at isang plastic sachet na naglalaman ng hinihinalang shabu na nakuha umano kay alyas “Jesi”, nasa hustong gulang.

Nauna rito, huli din sa akto ng mga tauhan ng Police Sub-Station 5 ang dalawang lalaki na naglalaro rin umano ng ‘cara y cruz’ sa loob ng Polo Public Cemetery sa Maligaya St., Brgy. Palasan pasado alas-5:31 ng hapon. Nasamsam sa kanila ang perang taya, at pangara habang ang isang plastic sachet ng umano’y shabu ay nakuha umano kay alyas “Edgar”, 60.

Bandang alas-2:45 naman ng Biyernes ng hapon nang maaresto ng mga tauhan ng Police Sub-Station 3 ang tatlong indibidwal na nagsusugal din umano ng ‘cara y cruz’ sa Libra St., Brgy., Marulas. Nakuha sa kanila ang bet monet, pangara at isang plastic sachet ng sinasabing shabu na nasamsam umano kay alyas “Ronet”.

Nahaharap ang mga suspek sa kasong paglabag sa PD 1602 (Anti-Gamling Law) habang karagdagan na kasong paglabag R.A 9165 (Comprehensive Dangerous Drug Act of 2002) ang kakaharapin pa ng tatlong nakuhanan ng droga. (Richard Mesa)

NAGTUNGO na rin si DPWH Secretary Vince Dizon sa Mindanao para magsagawa ng assessment sa public infrastructure kasunod ng magnitude 7.8 na lindol, umaga ng Lunes, June 8.

Ayon sa DPWH PIO, papuntang na sa General Santos, Mindanao ang kalihim kasama ang kanilang team upang makita ang nagging pinsala ng malakas na pagyanig.

Nais din matiyak ng DPWH ang kaligtasan ng mamamayan at matiyak na makakarating nang mabilis ang mga tulong lalo na sa panahon ng mga emergency situation tulad nang nangyaring sa rehiyon.

Kabilang sa susuriin ang mga tulay kung saan may napaulat na gumuho pero ito ay bineberipika pa ng DPWH.

Sa pinakahuling update ng DPWH sa Maynila, nagpapatuloy ngayon ang on-ground assessment at wala pang naipapadalang report ang district at regional offices nito. (Gene Adsuara)

HUMANDUSAY ang duguang katawan ng isang driver ng transport network vehicle service (TNVS) matapos pagbabarilin ng kanyang pasahero na nagpahatid sa kanya sa Caloocan City.

Dead-on-the-sopt sanhi ng tinamong mga tama ng bala sa iba’t ibang bahagi ng katawan ang 37-anyos na biktimang residente ng Merry Land Homes Subdivision, Brgy. 172, Caloocan City.

Nakapiit naman at nahaharap sa kasong Murder ang 43-anyos na suspek matapos maaresto sa follow-up operation ng mga tauhan ni Caloocan City Police Chief P/Col. Joey Goforth sa kanyang tirahan sa Brgy. Muzon, San Jose Del Monte City sa Bulacan.

Sa ulat ng tanggapan ni Northern Police District (NPD) Director P/BGen. Benliner Capili, naganap ang insidente ng pamamaril sa biktima sa Phase 4B Pkg 8, B81, L11, Brgy. 176, Bagong Silang.

Lumabas sa imbestigasyon ng pulisya na bago nangyari ang pamamaril, noong Linggo ng alas-3:15 ng madaling araw, dinala ng mga tauhan ng Barangay 188 ang suspek sa Tala Police Sub-Station 14 dahil nawawala umano ang lalaki at hindi alam kung papaano makakauwi.

Para matulungan, nagpa-book ng Grab ride ang pulisya na tinugunan ng biktima subalit, pagsapit sa nasabing lugar ay pinagbabaril ng suspek ang biktima sa hindi nabatid na dahilan.

Wala namang ibinigay na pahayag ang suspek sa pulisya kung ano ang motibo niya sa ginawang pamamaslang sa biktima. 

(Richard Mesa)