NASA Maynila na ang Chinese actress na si Zhang Yingfei, ang bida sa likod ng viral na karakter na Linda Walker sa hit na micro-drama na “The Heiress Who Won with Brains” na sinubaybayan ng mga Pinoy.

Halos hatinggabi na noong Hunyo 8, nang dumating sa Terminal 3 ng Ninoy Aquino International Airport si Zhang na lulan ng Air China. 

Para ito sa isang multi-day visit na nakatuon sa cultural exchange at educational outreach na “Linda Walker Visits The Philippines to Promote Education for a Better Future.”

Mainit ngang tinanggap si Zhang ng mga opisyal ng Federation of Filipino Chinese Chambers of Commerce and Industry, Inc. (FFCCCII) at ng ilang tagahangang Pinoy upang masilayan ang aktres na mula sa China. Na nagkaroon ng konting kaguluhan sa arrival hall dahil sa sumalubong na fans at media para i-cover ang kanyang pagdating ng bansa, kaya idinaan na lang ito sa VIP exit.

Nasa ‘Pinas nga si Zhang dahil sa imbitasyon ng FFCCCII bilang bahagi ng isang programa para isulong ang kahusayan sa edukasyon, pagpapahalaga sa kultura at mas matibay na ugnayan ng mga tao sa pagitan ng Pilipinas at China. 

Kinaumagahan, nagkaroon ng courtesy call si Zhang kay Manila Mayor Francisco “Isko Moreno” Domagoso sa Manila City Hall.

Kasunod nito, nagkaroon ng pagkakataon si Zhang na libutin at literal na naglakad sa mga makasaysayang distrito sa Binondo na kung saan pinuntahan nila ang arko sa oldest Chinatown in the world (432 years) at nag-tour din ang grupo sa historic Intramuros.

Ayon pa sa mga organizer na ang pagbisita ay naglalayong ipakita ang kasaysayan, kultura at turismo ng Pilipinas habang binibigyan ang aktres ng pagkakataong maranasan ang mayamang tradisyon ng bansa. 

Ang isa pang malaking highlight ng pagbisita ang pagtatagpo nila ng Education Secretary na si Juan Edgardo “Sonny” Angara at Quezon City Mayor Joy Belmonte kasama ang mga pinuno ng FFCCCII para sa isang outreach program sa Quezon City High School ngayong araw, Hunyo 9.

Infairness, maganda at matangkad in person si Zhang, na kakaiba sa hitsura sa hit vertical series.

Turning 22 na sa siya sa June 13 at balitang magkakaroon ng birthday asalto sa magaganap na meet-and-greet sa SM North EDSA.

Sa panahon ng kaganapan, ang mga mag-aaral ay makakatanggap ng mga gamit sa paaralan at pang-araw-araw na pangangailangan, habang si Zhang ay inaasahang magbabahagi ng isang inspirational na mensahe na naghihikayat sa mga kabataan na ituloy ang edukasyon, magtiyaga sa mga hamon at magsikap para sa kanilang mga pangarap. 

Sinabi ng mga organizer na lalahok din ang aktres sa serye ng mga panayam sa media sa kanyang pananatili, na tinatalakay ang kahalagahan ng edukasyon, pag-unlad ng kabataan at pagkakaibigan sa kultura sa pagitan ng mga kalapit na bansa sa Asya. 

Ang pagbisita ni Zhang sa bansa ay magtatapos sa isang meet-and-greet sa Hunyo 10 sa 3 p.m.  sa Atrium, Level 4, Annex Building ng SM North EDSA sa Quezon City.  

Libre ito at bukas sa mga mag-aaral, tagapagturo, grupo ng kabataan, tagahanga at miyembro ng publiko sa first-come, first-served basis. 

Ang “The Heiress Who Won with Brains” ay naging isa sa pinakapinapanood na serye ng micro-drama sa mga social media platform, kasama ang paglalarawan ni Zhang sa matalino at determinadong si Linda Walker na nakakuha ng malaking international followers. 

Ang mga organizer ay nagpahayag ng pag-asa na ang kanyang pagbisita sa Pilipinas ay magbabago sa online na paghanga sa makabuluhang personal na pakikipag-ugnayan, na magbibigay-daan sa mga kabataan na makakuha ng inspirasyon mula sa mga tema ng pagsusumikap, pag-aaral at tiyaga na nag-ambag sa katanyagan ng serye. 

Ang programa ay inorganisa ng FFCCCII sa tulong ng Chinese Embassy.  Sinabi ng FFCCCII na itinatampok din ng pagbisita ang matagal nang pangako nito sa edukasyon sa pamamagitan ng proyekto nito sa “Operation Barrio Schools”, na nakatulong sa pagbibigay ng libu-libong mga gusali ng paaralan para sa mga estudyante ng pampublikong paaralan sa buong bansa. 

Anyway, para sa mga kabataand Pinoy, si ‘Linda Walker’ ay hindi lang basta fictional character dahil naging simbolo na rin siya sa pag-asa.

MAGANDA, talented, sikat, single at good catch, kaya naman hindi maiwasan na i-link si Jillian Ward sa ilang male personalities, the latest ay ang bagong Sparkle GMA Artist Center artist na si Kobie Brown.

At sa latest guesting ni Jillian sa “Fast Talk with Boy Abunda” ang tungkol sa kanyang lovelife ang naitanong.

Lahad ng Star of the New Gen…

“Gusto ko rin po maprotektahan yung mga tao sa paligid ko, whether family ko yun or friends ko, or loved ones.

“Gusto ko na maging private siya para mas ma-cherish ko yung mga connections ko, relationships ko with people.

“And I want to protect their privacy, lahat ng mga tao around me.”

Nagbigay naman ng payo kay Jillian ang kasabay niya na mag-guest at kasama niyang hurado sa “The Clash Teens” na si Christian Bautista tungkol sa love.

“From the onset pa lang na magde-date or whatever, sana maging honest na siya at ikaw sa isa’t isa.

“’Yung talagang wala nang best foot forward. Ito ako, ito siya, how will we make this work,” saad ni Christian.

Sina Jillian, Christian at  JL ng BGYO ang bumubuo sa panel of judges ng “The Clash Teens.”***

DAHIL nahihiya ay pilit itinago ni Sean Lucas ang kilig at excitement niya na makatrabaho si Heart Evangelista sa “The People Have Spoken”.

“Nakikita niyo ba I’m trying to act so cool about it, di ba? I’m trying to pretend that I’m fine, ganoon na, ‘Hindi. This is all normal,’” kuwento ni Sean sa Kapuso Showbiz News.

“Tsaka kanina nung nag-i-spiels siya tapos binabangit niya yung pangalan ko medyo kinikilig ako. ‘Parang, ‘Ano ba, tigilan mo na Heart, bukambibig mo na ako. Ganoon (crossed fingers meaning close na) na tayo,” very happy na kuwento ni Sean.

“Nung first meeting namin, it was a screen test for ‘The People Have Spoken.”

“Tapos pumasok ako sa dressing room na I said ‘Hi!’ Sabi niya, ‘Hello,’ ganun-ganun, ‘Congratulations.’ 

“Then I walked out of the room and I was like, (halos isubo ang kamao na tila kinikilig.) I literally did that!

“And then, kunwari lang, cool lang ako. Tapos mamaya ulit magkikita dapat kami. ‘O tinatawag na kayo.’ Sabi ko (muling tago ng kaniyang tuwa), ‘Hello po! So happy to work with you!’

“Ganun lang. Kasi dapat nonchalant tayo. Maintain natin yung ganun nating image. Hindi pasok sa branding yung tumitili tayo. But oh my God!”

Mula sa GMA Entertainment Group ang “The People Have Spoken” ay napapanood tuwing Sabado, 6:15 pm.

ANG singer na si Andrea Gutierrez na kilala rin bilang Bossa Nova Princess ay nakasungkit ng two nominations sa 17th PMPC Star Awards for Music na gaganapin sa Teatrino, Greenhills, sa June 25, 2026.

Ang kategorya na nominated siya ay sa New Female Recording Artist of the Year para sa “Naghihintay” at Christmas Song of the Year para sa kantang “Ngayong Pasko.”

Kinuha namin ang kanyang reaction tungkol dito.

Aniya, “Thankful po… I’m beyond grateful and honored to be nominated po at the PMPC Star Awards for Music. Being nominated with other singers is already a blessing na po.

“This nomination means a lot to me and super grateful for this opportunity.”

Ayon pa kay Andrea, “Both of my songs po were composed by Samuel Valdecantos.”

Naka-ilang single na siya? “I have two singles po, iyong ‘Naghihintay’ and ‘Mestizong Gwapo’ (latest), plus one Christmas song titled ‘Ngayong Pasko.’ I also revived ‘Walang Kapalit,’ which was personally given to me by Tito Rey Valera. 

“Iyong Mestizong Gwapo po is a fun and kilig song about having a crush on a guy who’s super charming and attractive. It’s about being captivated by that guy and na-eexperience mo yung excitement and kilig kapag may crush ka. Iyong song po is relatable siya because I think everyone has experienced that feeling at some point,” pakli pa ni Andrea. 

Aminado rin ang singer na magkahalo ang naramdaman niya nang bansagang Bossa Nova Princess.

Esplika niya, “Honestly po, nakakakaba pero sobrang grateful din po ako na may mga taong nakaka-appreciate ng music ko. Hindi ko po in-expect na matatawag ako as ‘Bossa Nova Princess,’ kaya sobrang happy po ako.

“For me, malaking compliment po siya, and it motivates me to keep growing as an artist and keep sharing my music with everyone.”

Paano siya nahilig sa ganitong tipo ng songs? 
“Before po, bumibirit po talaga ako since yun po yung genre na madalas kong kinakanta at pinanalo ko sa Asia’s Best Singing Competition Season 3. Then one time po, naka-duet ko si Tito Marco Sison sa song na ’Guilty’ during his concert po, and sabi po ng iba bagay din sa akin yung ganoong style.

“From there po, nag-start na ako sa jazz, hangga’t sa naging bossa nova na rin po yung madalas na requests sa akin,” sambit pa ni Andrea.