PINANGUNAHAN ni Pangulong Ferdinand R. Marcos Jr., araw ng Miyerkules ang oath-taking ng mga bagong halal na national at regional officers ng Provincial Board Members League of the Philippines (PBMLP) sa Malakanyang.

Binigyang-diin ng Pangulo ang kahalagahan ng matibay na ugnayan ng national at local government upang mas mapalapit ang serbisyo ng pamahalaan sa mamamayan.

“We should now view the national government and the local government as working together as one,” ani Pangulong Marcos.

“‘Pagtibayan natin ang cooperation, ang koordinasyon ng local at saka national at ‘yan ang talagang magkaka-synergy and mararamdaman naman ng tao kaagad,” dagdag ng Pangulo.

Kabilang sa mga bagong halal na opisyal sina Romel Enriquez ng Cavite bilang National President; Venzencio Arcamo ng Bohol bilang Executive Vice-President; Dexter Yasay ng Misamis Oriental bilang National Chairman; at Pablito Sanidad Jr. ng Ilocos Sur bilang National Secretary-General.

Sa kanyang talumpati, binanggit din ng Pangulo ang mga hakbang ng pamahalaan para palakasin ang local governance, kabilang ang direktang pagbibigay ng Local Government Support Fund (LGSF) sa mga LGU upang mapabilis ang implementasyon ng mga proyektong pangkaunlaran.

“The lines between national funds and local government funds are still there. But for me, it’s not important if the national government funds are administered by the local government because I always believe, and I have said this many times, na walang mas expert sa isang lugar kung hindi ‘yung mga taga roon,” ayon sa Pangulo.

“Para sa akin, it doesn’t matter kung sino ang gagawa, who gets the credit, who funds it, hindi importante sa akin, basta’t magawa… As long as the project, the program, the problem is solved, the program is rolled out, the project is done, and nararamdaman ng tao ang mga services,” diin pa niya.

Noong Oktubre 2023, nilagdaan ni Pangulong Marcos ang Republic Act No. 11964 na nagtatakda ng automatic income classification ng LGUs upang mapalakas ang kanilang economic potential.

Samantala, inilabas naman ng Malakanyang noong Nobyembre 2025 ang Executive Order No. 103 na nagpapalawig hanggang Fiscal Year 2028 sa full devolution ng ilang national government functions sa LGUs upang mabigyan pa ng sapat na panahon ang mga ito na mapalakas ang kanilang kakayahan. (DARIS JOSE)

NAGBIGAY suporta si Faustino “Bojie” G. Dy III sa panukalang magpapalakas sa emergency response mechanisms at pagkakaroon ng institutional representation para sa mga Indigenous Peoples (Ips).

“Kailangan nating siguraduhin na walang sinuman ang maiiwan, lalo na ang ating mga Indigenous Peoples na kadalasan ay nasa malalayong komunidad at mas vulnerable kapag may kalamidad o sakuna. Mahalaga ang mabilis, maayos, at organisadong pagtugon para agad makarating ang tulong sa kanila,” ani Dy.

Sa ginanap na pagpupulong sa ilang opisyal ng National Commission on Indigenous Peoples (NCIP), inihayag ng mga ito sa Speaker ang pangangailangan na gawing institusyonal ang quick response mechanism para sa Indigenous Peoples, partikular na kapag panahon ng kalamidad at iba pang emergencies.

Ayon sa NCIP, kabilang ang Indigenous communities sa bulnerableng sector tuwing may krisis pero walang specific na legal framework sa kasalukuyan na nagmamandato sa pagkakaroon ng focused quick response system sa IPs.

Kinilala naman ni Dy ang importansiya ng panukala dahil na rin sa kadalasang geographically isolated at nasa disadvantaged areas ang mga ito kaya nade-delay ang relief at government assistance tuwing may emergencies.

Bilang agarang rekomendasyon, isinuwestiyon ni Dy na simulan na ng NCIP ang pagkalap at pagsama-sama ng pangalan at profiles ng Indigenous Peoples sa buong bansa na isusumite sa Department of Social Welfare and Development (DSWD).

Sinabi ng Speaker na ang pagkakaroon ng database sa kanila ay makakatulong sa mga government agencies na matukoy ang mga IP beneficiaries para sa mas mabilis at siguradong prayoridad para sa pagbibigay tulong tuwing may emergency at sakuna.

“Habang pinag-aaralan natin ang institutional mechanisms, maaari nating simulan agad ang mas maayos na koordinasyon at data gathering para mas mabilis silang maabot at matulungan kapag may krisis,” saad ni Dy.

Inihayag pa ng NCIP ang pangangailangan sa implementasyon ng consultative mechanisms na magsisiguro sa mas malawak na Indigenous Peoples representation sa paggawa ng batas sa local at national levels.

Suportado din ni Dy ang inisyatibo dala na rin sa importansiya ng pagbibigay ng malaking boses sa Indigenous communities sa diskusyon at desisyon ng gobyerno na makakaapekto sa kanila.

“Hindi sapat na minsan lamang natin sila pinakikinggan. Kailangang may tunay at tuluy-tuloy na representasyon ang ating mga Indigenous Peoples sa policymaking process dahil mahalaga ang kanilang pananaw, karanasan, at kontribusyon sa ating bansa,” pahayag ng Speaker.

Kinumpirma din ni Dy ang commitment ng kyamara na suportahan ang mga panukalang magsusulong sa pagsasama, proteksyon sa mga bulnerableng komunidad at mapalakas ang disaster preparedness at response systems sa bansa.

(Vina de Guzman)

PINABULAANAN ng Malakanyang ang “speculation and intrigue” na report na nag-uugnay kay Pangulong Ferdinand Marcos Jr. sa corruption scandal, at sa London-based public relations firm di umano’y kinalampag para “i-rehabilitate” ang kanyang imahe sa loob ng international community.

Sa isang Viber message sa mga mamamahayag, dedma lang si Presidential Communications Office (PCO) Undersecretary at Palace Press Officer Claire Castro na Palace Press Officer Claire Castro sa nasabing write-up.

“We have no comment on articles based on speculation and intrigue. The Palace deals in facts and is focused on the problems facing Filipinos today, not speculation about events years ago,” ang mensahe ni Castro.

Tinukoy ni Castro ang May 19 investigative report ng Whale Hunting, na nagsasabing ang London-based PR firm na tinatawag na Project Associates di umano’y nag-alok kay Pangulong Marcos ng $144,000-per-month (humigit-kumulangP8.9 million) contract noong 2022.

Ang kumpanya ay dapat na binayaran para i-rehabilitate ang international image ni Pangulong Marcos, inorganisang pagpupulong sa pagitan niya at ng Western elites, at pinangasiwaan ang mga tanong ukol sa diktadura niyang ama.

Sinasabi rin na ang 2022 election victory ni Pangulong Marcos ay umasa nang husto sa ‘historical revisionism’ at isang “sophisticated” online disinformation campaign na inilalarawan ang Marcos dictatorship bilang “golden age.”

Iniuugnay din si Pangulong Marcos sa Malaysian businessman Jaya Sudhir, na sinasabing di umano’y sangkot sa international bribery at corruption scandals.

“Six months after Marcos won the election, the hidden reality of that ‘reform’ was on display at the Singapore Formula 1 Grand Prix,” ang mababasa sa kuwento.

“Fast forward to mid-2025, when the flood control scandal broke, former House Speaker Martin Romualdez was implicated as one of the masterminds, leading to reports of frozen assets and investigations by the Office of the Ombudsman and the Sandiganbayan,” ayon sa ulat.

“Then, in late April 2026, Romualdez posted a video from what appeared to be a private residence. The lighting was soft. He wore a white polo, no jacket—the look of a man under pressure who wanted to seem relaxed. He spoke slowly. Almost carefully,” ang nakasaad sa artikulo.

And then, with a precision that suggested he had thought about this for some time, he added that the national budget process begins in the executive branch. Not with the Speaker. With the President,’ nakasaad pa rin dito. (DARIS JOSE)

NASAMSAM ng mga awtoridad ang daan-daang mga pekeng produktong pampalasa sa pagkain sa ikinasang buy-bust operation na nagresulta sa pagkakaaresto sa tatlong suspek sa Caloocan City.

Sa ulat ni Northern Police District (NPD) Acting Director P/BGen. Benliner Capili kay National Capital Region Police Office (NCRPO) Director P/MGen. Anthony Aberin, sinubukan nilang bumili ng pekeng produktong pampalasa nang makatanggap sila ng impormasyon hinggil pagbebenta nito sa Caloocan City.

Nang positibo ang ulat, ikinasa ng pulisya ang buy-bust operation na nagresulta sa pagkakaaresto sa tatlong suspek dakong alas-8:00 ng gabi nang tanggapin ang P100,000 markadong salapi mula sa pulis na nagpanggap na buyer, kapalit ng 60-kahon ng mga produktong pampalasa, sa kanilang bodega sa Corregidor St. Brgy. 63.

Bukod dito, nakumpiska rin ng pulisya at ng mga kinatawan ng pribadong kompanyang gumagawa ng seasoning products, ang karagdagang 317 kahon ng kahalindulad din pekeng produkto sa bodega ng mga suspek.

Sinabi ni P/MGen. Aberin na hindi biro ang panganib na dala ng pekeng produkto sa kalusugan ng publiko, pati na rin sa posibleng pagkawala ng tiwala ng mga consumers sa naturang mga produkto.

Sasampahan ng pulisya ng reklamong paglabag sa Republic Act 8293, o ang Intellectual Property Code of the Philippines ang mga naarestong suspek sa Caloocan City Prosecutor’s Office. (Richard Mesa)