Imus, Cavite, which Emilio Aguinaldo led on May 28, 1898. After the battle, Aguinaldo raised the Philippine flag. ( Boy Morales Sr.)

BUMISITA ang mga mambabatas sa Northern Sierra Madre Natural Park sa lalawigan ng Isabela sa gitna ng panawagan na protektahan ang kabundukan ng Sierra Madre laban sa illegal na pagtotroso.

Sa pangunguna ni Parañaque Rep. Eric Olivarez, chairman ng House Committee on Government Enterprises and Privatization, nagsagawa ang mga mambabatas ng aerial inspection sa lugar nitong Huwebes.

Kasama ang mga environmental officials at technical stakeholders, lumipad sila sa Sierra Madre para makita ang kondisyon ng mga protected forest areas, watershed systems, biodiversity zones, maging ang mga komunidad na apektado ng illegal logging, deforestation, at climate-related disasters. 

Isinagawa ang inspeksyon sa inihain panukala ni Speaker Faustino “Bodjie” Dy III ng Isabela. Sa inihaing House Bill No. 3538, nais ni Dy ang pagtatatag ng Sierra Madre Conservation and Development Authority (SMCDA) upang maprotektahan ang Sierra Madre at sustentuhan ang rehabilitasyon ng rehiyon.

“The Sierra Madre is not just a mountain range. It is our natural defense against calamities, our source of biodiversity, and a lifeline for millions of Filipinos,” pahayag ni Dy. 

Sinabi ni Dy na ang kabundukan ng Sierra Madre, na may habang 540 kilometers sa silangan ng Luzon, ay nagsisilbing natural barrier sa mga bagyo na tumatama sa bansa. Halos 40 porsyento ng natitirang kagubatan ng bansa ay matatagpuan sa Sierra Madre, ayon kay Dy.

Sakop ng kabundukan ang 10 lalawigan ng bansa – Cagayan, Isabela, Aurora, Nueva Vizcaya, Quirino, Nueva Ecija, Rizal, Bulacan, Laguna at Quezon – kung saan 50 million Filipinos ang naninirahan.

Sinabi ni Dy na ilang beses na napatunayan na ang kabundukan ng Sierra Madre ang nagpapahina sa mga bagyong tumatama sa rehiyon at naililigtas nito ang milyun- milyong Filipino sa sakuna, kaya marapat lamang na proteksyunan at sustentuhan ang kabundukan. (Vina de Guzman)

NANINIWALA si Manila Mayor Francisco “Isko Moreno” Domagoso na mababawasan ang pagbaha sa Lungsod ngayong tag-ulan dahil sa epekyyo ng flood control.

Sa pakikipagtalakayan ng Manila City Hall Press Club, sinabi ni Moreno na tuloy-tuloy ang ginagawang paghahanda ng Manila LGU kabilang ang paglilinis at pagpapaluwag ng mga daluyan ng tubig sa iba’t ibang bahagi ng Maynila.

Ayon sa alkalde, malaki na umano ang improvement sa drainage system kaya inaasahan nilang hindi na mararanasan ang matinding pagbaha gaya ng mga nagdaang taon.

Tiniyak din aniya ng Department of Public Works and Highways o DPWH na pinabibilis na ang kanilang mga proyekto upang maiwasan ang pagbaha sa mga pangunahing lansangan.

Kasabay nito, timiyak rin ng alkalde sa mga water at electric concessionaires na matatapos sa takdang oras ang kanilang mga proyekto upang hindi na makadagdag sa problema sa kalsada.

Dagdag pa ni Moreno, tuloy-tuloy rin ang operasyon ng iba’t ibang departamento ng Manila LGU para mapanatili ang kalinisan, kaayusan at kahandaan ng lungsod ngayong panahon ng tag-ulan. (Gene Adsuara)

INARESTO ng Bureau of Immigration (BI) ang isang Japanese national na wanted sa Japan dahil sa kasong panloloko.

Kinilala ni BI Commissioner Joel Anthony Viado ang 53-anyos na lalaki na may alyas na “Suk,” na nadakip sa isinagawang operasyon sa kahabaan ng Soriano Ave., Intramuros, Maynila.

Isinagawa ang operasyon ng mga operatiba ng BI Fugitive Search Unit (FSU) sa pamumuno ni Chief Rendel Ryan Sy, katuwang ang mga awtoridad mula Japan at ang Philippine National Police.

Si alyas “Suk” ay may warrant of arrest na inilabas ng Fukuoka Summary Court sa Japan noong Pebrero 2026 dahil sa kasong fraud at theft. Ayon sa mga awtoridad ng Japan, kabilang siya sa isang espesyal na grupong kriminal na ilegal na kumukuha ng ATM cards at personal na impormasyon sa pamamagitan ng pagpapanggap bilang mga opisyal ng pulisya. 

Tinarget umano ng sindikato ang mga mahihinang matatandang biktima at nilinlang ang mga ito upang ibigay ang kanilang banking information sa pamamagitan ng pekeng imbestigasyon ng pulisya, na nagresulta sa hindi awtorisadong pag-withdraw ng aabot sa 100,000 Japanese yen.

“Ayaw nating maging kanlungan ang ating bansa para sa mga international fraudsters na nananamantala sa mga mahihina,” ani Viado. 

“Kasunod ng malinaw na mandato ng Pangulo, mahigpit nating isinasara ang ating mga hangganan sa mga indibidwal na umiiwas sa hustisya. Sa pamamagitan ng matagumpay na pakikipagtulungan sa ating international partners, masisiguro nating mahuhuli at maibabalik sa kanilang bansa ang mga pugante upang harapin ang buong puwersa ng batas.”

Batay sa imbestigasyon, unang dumating sa Pilipinas si alyas “Suk” bilang temporary visitor noong 2019. Nagawa niyang ma-convert ang kanyang visa bilang permanent resident noong Abril 2025. Gayunman, ipinaalam ng gobyerno ng Japan sa BI ang kanyang kaso noong Abril 2026, na naging dahilan ng pagsasagawa ng imbestigasyon at kanyang pagkakaaresto. (Gene Adsuara)

NAGBIGAY suporta si Faustino “Bojie” G. Dy III sa panukalang magpapalakas sa emergency response mechanisms at pagkakaroon ng institutional representation para sa mga Indigenous Peoples (Ips).

“Kailangan nating siguraduhin na walang sinuman ang maiiwan, lalo na ang ating mga Indigenous Peoples na kadalasan ay nasa malalayong komunidad at mas vulnerable kapag may kalamidad o sakuna. Mahalaga ang mabilis, maayos, at organisadong pagtugon para agad makarating ang tulong sa kanila,” ani Dy.

Sa ginanap na pagpupulong sa ilang opisyal ng National Commission on Indigenous Peoples (NCIP), inihayag ng mga ito sa Speaker ang pangangailangan na gawing institusyonal ang quick response mechanism para sa Indigenous Peoples, partikular na kapag panahon ng kalamidad at iba pang emergencies.

Ayon sa NCIP, kabilang ang Indigenous communities sa bulnerableng sector tuwing may krisis pero walang specific na legal framework sa kasalukuyan na nagmamandato sa pagkakaroon ng focused quick response system sa IPs.

Kinilala naman ni Dy ang importansiya ng panukala dahil na rin sa kadalasang geographically isolated at nasa disadvantaged areas ang mga ito kaya nade-delay ang relief at government assistance tuwing may emergencies.

Bilang agarang rekomendasyon, isinuwestiyon ni Dy na simulan na ng NCIP ang pagkalap at pagsama-sama ng pangalan at profiles ng Indigenous Peoples sa buong bansa na isusumite sa Department of Social Welfare and Development (DSWD).

“Habang pinag-aaralan natin ang institutional mechanisms, maaari nating simulan agad ang mas maayos na koordinasyon at data gathering para mas mabilis silang maabot at matulungan kapag may krisis,” saad ni Dy.

“Hindi sapat na minsan lamang natin sila pinakikinggan. Kailangang may tunay at tuluy-tuloy na representasyon ang ating mga Indigenous Peoples sa policymaking process dahil mahalaga ang kanilang pananaw, karanasan, at kontribusyon sa ating bansa,” pahayag ng Speaker.

Kinumpirma din ni Dy ang commitment ng Kamara na suportahan ang mga panukalang magsusulong sa pagsasama, proteksyon sa mga bulnerableng komunidad at mapalakas ang disaster preparedness at response systems sa bansa.

(Vina de Guzman)