AI AI, dumating sa point na muntik nang iwanan ang showbiz at mag-stay na lang sa Amerika (ni:  ROMMEL GONZALES) 

SINABI mismo ni Ai Ai delas Alas na dumating sya sa point na muntik na niyang iwanan ang showbiz.

“Oo, mayroon!

“Kasi di ba pumunta kami ni third husband [Gerald Sibayan] sa Amerika? So iyon yung time na, ‘Ah! Dito na lang ako, Amerika. Alagaan ko yung asawa ko.’

“Napigil lang ako nung friend ko. Sabi niya, ‘Hindi, hindi mo hindi gugustuhin ang showbiz. Kilala kita, babalik at babalik ka riyan.’

“Totoo! Ayoko ng ibang work. Gusto ko artista lang ako for life hanggang mawala ako,” saad ni Ai Ai kay Toni Gonzaga sa Toni Talks.

Inilahad rin ni Ai Ai kung ano ang pinaka-hindi niya nagustuhan sa industriya ng showbiz.

“Siguro yung pulitika.

“Parang kunwari, si ganito powerful tapos parang nainggit siya sa iyo, tatanggalin ka na, mawawalan ka na ng show.”

Nang tanungin naman ni si Ai Ai kung ano ang biggest challenge niya sa industriya…

“Siyempre nung nag-start ako.

“Struggling ako na… ang talagang goal ko lang naman is mabuhay ko yung pamilya ko, yung nanay ko, magkaroon ako ng work.

“Tapos nung nasa showbiz na ako, siyempre, hindi ko naman binalak na talagang maging bida. “Nakakatuwa kasi parang pelikula rin na wala kasi akong kotse so sasakay ako sa tricycle.

“Mauuna kang pupunta, kasabay mo yung kable.

“Huli ka ring aalis after nung shoot kasi kasabay ka nung kable. Sasabay ka sa service.”

*** 

LABIS-LABIS ang kasiyahan at  excitement ni Barbie Forteza dahil for the first time ay makakatrabaho niya si Sharon Cuneta!

Ang upcoming series na  ‘Honor Thy Mother’ ang pagsasamahan ng GMA Princess at ng nag-iisang Megastar.

Sa exclusive interview ng GMANetwork.com kay Barbie ay ibinahagi ng Sparke GMA Artist Center actress ang kanyang impresyon sa Megastar.

“Honestly, we haven’t started taping yet pero kahit dalawang beses pa lang kaming nagkasama nang matagal, naramdaman ko na agad ‘yung warmth niya bilang isang tao.

“Napakalaking bagay nun considering na siya ang ating Megastar.

“Napakahalaga sa akin ‘yung fact na taong-tao siya sa lahat, mula sa pinakamababang posisyon hanggang sa pinakamataas.

“Taong-tao ang ating Megastar,” bulalas ni Barbie.

Isa raw sa mga inspirasyon niya bilang artista si Sharon.

“I’m very proud kasi sabi nila di ba, never meet your heroes kasi a lot of times you’ll be very disappointed pero ako, she just keeps proving that I’ve made the right decision to be here, to join showbiz because of her.

“I can’t wait to learn from her!”

Ang ‘Honor Thy Mother’ ay ang bagong collab series ng GMA at ABS-CBN kasama ang Prime Video.

Makakasama rin nina Barbie at Sharon sa serye ang mga aktor na sina Tonton Gutierrez, Khalil Ramos, John Estrada, Mercedes Cabral at RK Bagatsing.