TINIYAK ng gobyerno na hindi ito makikialam sa unang parliamentary elections sa Bangsamoro Autonomous Region in Muslim Mindanao (BARMM) na nakatakda sa Setyembre 14, 2026.

Sinabi ni Presidential Adviser on Peace, Reconciliation and Unity (OPAPRU) Sec. Mel Senen Sarmiento na ang hakbang ay bahagi ng “self-determination” na ipinagkaloob sa BARMM sa ilalim ng Comprehensive Agreement on the Bangsamoro (CAB).

“Unang-una po, hindi mag-interfere. The very reason na ipinasa CAB, ‘yung hiling ng self-determination ng mga kapatid natin sa BARMM,” ayon kay Sarmiento.

“So, meaning to say, hindi makikialam ang kahit anong ahensya ng gobyerno sa election,” aniya pa rin.

Ipinahayag ito ni Sarmiento bilang tugon sa tanong ukol sa direktiba ni Pangulong Marcos sa OPAPRU hinggil sa BARMM polls.

Ibinahagi ng Kalihim na nakipagpulong ang OPAPRU sa Commission on Elections (Comelec) at Philippine National Police (PNP) upang masiguro ang maayos na BARMM elections.

Hinikayat din niya ang mga mamamayan sa BARMM na bumoto ng may karunungan at kaalaman.

“At dagdag, sa aming ginagawa ‘yung panawagan na piliin ‘yung kanilang iboboto sa paparating na eleksyon kasi po parliamentary sila. Hindi lang policymaker, hindi lang po legislator ang iboboto nila,” ani Sarmiento.

“Executive din po siya. Dalawang powers- legislative and executive- na ibibigay sa mga miyembro ng parliament,” dagdag na wika nito.

Ang OPAPRU ang nangasiwa ng implementasyon ng Bangsamoro Organic Law (BOL), na nagsilbi bilang legal framework para sa peace process sa Mindanao.

Kabilang na rito ang pakikipag-ugnayan sa gobyerno at Bangsamoro institutions para sa transisyon sa Bangsamoro Autonomous Region in Muslim Mindanao (BARMM), pabilisin ang normalization track, at suportahan ang decommissioning at reintegration ng mga dating Moro Islamic Liberation Front (MILF) combatants.

Sa kabilang dako, sinabi naman ng Commission on Elections (Comelec) na nasa 9,000 tauhan ng Philippine National Police ang naka-standby para magsilbi sa unang parliamentary elections sa BARMM kung hindi makapaglingkod ang mga guro.

Ang 80-member BARMM parliament ay binubuo ng 40 political parties, 32 parliamentary districts, at 8 sectoral organizations.

Matatandaang, nilagdaan na ni Pangulong Ferdinand Marcos Jr. ang Republic Act No. 12317 na nagtatakda ng bagong petsa ng halalan sa BARMM.

Sa ilalim ng batas, gaganapin ang unang regular na halalan sa ikalawang Lunes ng Setyembre 2026.

Pagsapit ng 2031, isasabay na ang halalan sa BARMM sa pambansa at lokal na eleksyon tuwing ikalawang Lunes ng Mayo, at uulitin ito kada tatlong taon.

Layunin ng batas na ihanay ang halalan sa Bangsamoro sa pambansang iskedyul para sa mas maayos at sabayang proseso ng eleksyon. (Daris Jose)

MULING pinagtibay ni Mayor Jeannie Sandoval ang pangako ng Pamahalaang Lungsod ng Malabon na ilapit ang mahahalagang serbisyong pangkalusugan at panlipunan sa bawat Malabueño sa pamamagitan ng Walang Tulugan Serbisyo Caravan bilang bahagi ng pagdiriwang ng ika-427th Founding Anniversary ng lungsod.

Ayon kay Mayor Jeannie, ang aktibidad ay hindi lamang bahagi ng pagdiriwang ng mayamang kasaysayan at kultura ng Malabon, kundi isang pagkakataon din na palakasin ang mga programa at serbisyo na direktang nakikinabang sa mga residente.

Dagdag niya, ang inisyatiba ay nakahanay sa Pag-Ahon agenda ng pamahalaang lungsod, partikular na ang Agenda 8 (Libreng Serbisyong Pangkalusugan) sa ilalim ng kanyang Lucky 9-Point Agenda na nakatutok sa mga programang pangkalusugan, ekonomiya, at kapakanang panlipunan para sa mga tao.

“Ang tunay na diwa ng pagdiriwang ng ating Anibersaryo ng Pagkakatatag ay ang pagsiguro na bawat Malabueño at bawat tahanan ay patuloy na uunlad at mapapanatili ang mabuting kalusugan. Layunin ng pamahalaan na mas mailapit pa ang serbisyo sa ating mga kababayan. Patuloy nating titiyakin na ang bawat Malabueño ay may access sa serbisyong pangkalusugan at tulong panlipunan na kanilang kailangan,” ani Mayor Jeannie.

Bilang bahagi ng caravan, ang mga residente ay binigyan ng libreng access sa iba’t ibang serbisyong pangkalusugan at panlipunan kabilang ang mga medikal at dental na konsultasyon.

Nag-alok din ito ng Yakap registration, Help Desk para sa birth certificate concerns, libreng legal consultation, mga serbisyo mula sa PSTMO at Malabon Mobile Services.

Binigyang-diin ng alkalde ang kahalagahan ng pagpapanatili ng mga programang nagtataguyod ng healthcare accessibility, social protection at pagpapabuti ng kalidad ng buhay lalo na mga senior citizens, persons with disabilities, solo parents, at mga pamilyang nangangailangan.

Nagpasalamat naman ang mga residente sa pamahalaang lungsod sa patuloy na pagdadala ng mga serbisyo sa mga komunidad at pagtiyak na ang tulong ay mananatiling naaabot sa lahat ng sektor.

Sinabi rin ni City Administrator Dr. Alexander Rosete na ang kahalagahan ng pagkakaisa at people-centered governance sa pagdiriwang ng anibersaryo ng pagkakatatag ng lungsod. (Richard Mesa)

MAKALIPAS ang 33 taon simula nang ito ay maitatag, opisyal nang nakatanggap ang City of Malabon University (CMU) ng Institutional Recognition (RI) mula sa Commission on Higher Education (CHED) bilang pagkilala sa pagsunod ng unibersidad sa pambansang pamantayan para sa kalidad ng mataas na edukasyon, mahusay na pamamahala, at akademikong kahusayan.

Personal itong sinaksihan nina Malabon City Mayor Jeannie Sandoval, University President Dr. Glen DV. De Leon, City Administrator Dr. Alexander Rosete, Philippine Red Cross Malabon City Chapter Ricky Sandoval, at iba pang mga opisyal lungsod.

Ayon kay Mayor Jeannie, patunay ito ng dedikasyon at sama-samang pagsisikap ng pamunuan, mga guro, kawani, at mga mag-aaral ng CMU upang maitaguyod ang dekalidad at mapagkakatiwalaang edukasyon para sa bawat Malabueño. (Richard Mesa)

PINANGUNAHAN ni Kap. Rascal D. Doctor ng Brgy.Payatas, Quezon City ang panunumpa sa KANAJIN Hoa members kamakailan ( May 5, 2026) sa loob ng tanggapan nito. Ang nasabing panunumpa ay kinabibilangan ng mga Officers & Members ng nasabing Samahan na pinangunahan nina: 

President: Gina D. Margallo, Vice-President: Judylyn C.Abajar, Secretary: Ragean F. Delos Reyes, Asst. Sec. Lianvie S. Coching Treasurer: Maritess M. Pacheco, Asst Treas. Bryan Aures, Auditor: Angelo Bagio

Board of Directors (BOD): Ma. Salve A. Pacheco, Joseph Tapayan, Jorge Tambong

& Marina Canedo

Audit Committee : Labner Pangilinan

Grievance Committee

Ma. Fe Margallo, Mary Joy Hernandez 

Arnold Vhuatico

GAD Committee 

Josephine Fuerte , Janet Margallo 

 & Chyrel Bacusmo Bicas

Ang nasabing panunumpa ay tagumpay na naisagawa sa loob ng bulwagan ng Brgy. Hall ng Payatas at nangako rin ang mabait at masipag na Kap. Rascal D. Doctor na susuportahan ang kanilang iba’t ibang Proyekto sa kanilang komunidad lalo na pagdating sa kalinisan, pag-aayos ng mga kanal, paglalagay ng mga Solar sa bawat sulok para sa kaligtasan ng lahat at Recreation upang magkaroon ng Palaruan ang mga kabataan. Sa ilalim ng pamumuno ni Kap. Ras magkakaroon muli at sisibol ang bagong imahe ng Brgy. Payatas at makakasabay na ito sa iba’t ibang pamayanan pagdating sa larangan ng pag-unlad. ( Sonny Asignacion)