MULING magtatambal sina Michael Sager at Zephanie sa bagong GMA Afternoon Prime, ang ‘Born to Shine’.

It’s a musical series kaya karamihan sa cast ay mga kilalang singers mula 90’s at sa era ngayon ng mga P-Pop.

Pinapaamin namin sina Michael at Zephanie kung naging sila ba noong ginawa nila ang ‘Sparkle U’, pero pareho ang sagot nila na friends lang sila, though, naging very close talaga sila dahil for Michael na bagong salta sa industriya and from Canada, sila ang naging malapit.

Pero ‘yun nga, nagkahiwalay sila at nagkaroon ng individual career. Pero sabi namin, we really had an impression na naging sila talaga.

Sa isang banda, malaking break kay Zephanie ang ‘Born to Shine’. Ito ang biggest project niya to date. Kay Michael din naman, though, nakapag-lead na siya sa “Shining Inheritance”

Promising sa amin ang trailer pa lang kaya sana talaga mag-hit. Kasama rin nila rito si Olive May, Tina Paner, Manilyn Reynes, Roselle Nava, Vina Morales at iba pa.

Sa Lunes, March 23 na ito magsisimulang mapanood.

***

HUHUSGAHAN na ang bagong team-up nina Rhen Escaño at Joseph Marco sa kanilang Viva One series na sa Wattpad ay isa sa most read, ang “My Husband is a Mafia Boss.”

Ayon kay Joseph, nadiskubre raw niya kay Rhen na wala itong confidence sa sarili, e, ayon dito, magaling naman. Kaya palagi raw n’yang kinakausap at pinapalakas ang loob.

Si Rhen naman, sey n’ya, “Nadiscover ko kay Joseph na pwede pala ‘yon, first time mong makasama na tao, pero hindi mo kailangang mahirapan, mag-effort, para lang magkaroon ka ng connection.

“Kasi, mahirap po ‘yon, totoo… kasi, hindi lahat ng makakasama ko, makakasundo mo kaagad.”

Nagwo-worry raw si Rhen noong una na baka iniisip ni Joseph kung sino lang naman siya.

“Hindi po n’ya pina-feel sa akin na nobody lang ako. And masasabi ko na may special friendship between us. Masaya na may kakampi ka, ‘yung gano’n po.”

Sa totoo lang, bukod sa title at nang mapanood namin ang trailer, ang naalala talaga namin sa serye na ito ay ang mga vertical drama ng chinese na madalas ay gano’n ang tema.

(ROSE GARCIA)

KINUMPIRMA na ni Jeric Gonzales na hiwalay na nga sila ni Rabiya Mateo!
Nangyari ito sa guesting ni Jeric sa “Fast Talk with Boy Abunda” nito lamang Lunes.
Pero umamin man sa hiwalayan ay hindi nagbigay ng detalye ang Sparkle actor sa dahilan ng paghihiwalay nila ng beauty queen/actress.
“Si Rabiya kasi, wala siyang binanggit about sa topic na ‘to, about sa breakup. So parang bilang respeto sa kaniya, Tito Boy, ayokong magsalita about it,” sinabi ni Jeric.
Kapwa nila ipinaglaban ang kanilang relasyon pero nagdesisyon na rin kapwa na maghiwalay.
“But of course, there are things din mutually na nakapagsunduan din namin na parang kung ilalaban natin ‘to, mas mahihirapan tayong pareho. Parang, we have to grow.”
Sa kabila ng nangyari ay friends pa rin daw sila ni Rabiya.
Nagpasalamat rin si Jeric sa mga natutunan niya sa kanilang naging relasyon at sa pag-aalaga sa kanya ng dating karelasyon.
“And of course, she loved me for who I am.
“I mean showbiz, it’s very difficult na magkaroon ng relasyon, but lahat inintindi niya ‘yon. Malawak siyang tao, si Rabiya.
“Sorry kasi sana nga masamahan ko pa siya ngayon sa lahat ng journey niya.
“I’m proud of her, and I wish her all the best pa rin sa lahat ng ginagawa niya.”

(ROMMEL L. GONZALES)

SUPER proud na boyfriend si Jericho Rosales sa bagong achievement na natanggap ng kanyang girlfriend na si Janine Gutierrez na kung saan napili ito bilang “Sexiest Woman Alive” this year.
Kaya naman sa social media account ng aktor ay pinost niya ang litrato ng magazine cover si Janine.
Caption ni Echo sa kanyang IG post, “And I’m the luckiest boy alive.
“Congrats baba! Cheers to more snackccidents and liempo lunches + Coke together.”
Sumagot naman naman si Janine sa post ng aktor, “Babuuuuuuu!!!! ily thank you.”
Samantala, tila may shock factor pa rin hanggang ngayon kay Janine ang natanggap na titulo mula Esquire Philippines.
In-announce nga ang pagkakapili sa Kapamilya actress noong Tuesday, March 17, kasabay ng pagri-release ng three-cover feature magazine para kay Janine.
“I’m so grateful and kilig that you guys chose to have me as your ‘Sexiest Woman Alive,’” pahayag ng award-winning actress.
“I was super surprised, pero yes agad kasi I’m aware of the ‘Sexiest Woman Alive’ title.
“I always wanted to do an ‘Esquire’ cover and hindi ko magawa-gawa. So when I heard it was ‘Esquire’, I was excited to do it,” sabi pa ni Janine sa unveiling event.
Para kay Janine ang pagiging sexy ay, “Being brave and parang for me authentic to who you are as a woman, the good and the bad.
“Being passionate with the things in your life, like the people you love, your work, your advocacies. I feel like that kind of passion defines a sexy person,” pananaw pa ni Janine.

(ROHN ROMULO)

PINABULAANAN ng Sparkle artist na si Raheel Bhyria na meron siyang sex video scandal.
Nitong mga nakaraang linggo ay na-involve ang ilang male celebrities sa sex video scandal na kumalat sa social media. Kabilang sa mga naging biktima ay sina Gil Cuerva, Nikko Natividad, Arron Villaflor, Ron Angeles at Nico Locco.
Pinaghinalaan ng netizens na baka may sex video scandal din si Raheel dahil nag-deactivate ito ng kanyang social media accounts.
Pero nagpaliwag agad ang ‘Never Say Die’ star na na-hack ang kanyang social media accounts kaya nawala ang mga ito.
Pero naibalik daw ito agad kaya walang katotohanan na may tinatago siyang sex video.
“Chill guys, I was just hacked, but now I’m back. Dami nangyayari sa mundo yet people have time to create false narratives. God bless everyone and stay safe. May pag-asa pa ang Pinas!” post ni Raheel sa kanyang IG Stories.
***
ANG pelikulang ‘One Battle After Another’ ang big winner sa 2026 Academy Awards or the Oscars.
Nag-uwi ito ng 6 awards including best picture, best director (Paul Thomas Anderson), best film editing, best adapted screenplay, best casting and best supporting actor (Sean Penn na kasalukuyang nasa Ukraine).
Apat na Oscars naman ang napanalunan ng ‘Sinners’, including best actor for Michael B. Jordan (the 6th Black actor to win best actor after Sidney Poitier, Denzel Washington, Jamie Foxx, Forest Whitaker and Will Smith), best original screenplay, best original score, and best cinematography (Autumn Durald Arpakaw being the first woman and first Filipino-American to win in the said category).
Nahakot naman ng Irish actress na si Jessie Buckley ang halos lahat ng best actress awards including the Oscar best actress for ‘Hamnet.’
Nanalo namang best supporting actress si Amy Madigan for ‘Weapons’, 40 years after she was nominated in the same category in 1985 for Twice in a Lifetime.
Ang ibang winners ay ang mga sumusunod:
Best animated feature film: KPop Demon Hunters
Best animated short film: The Girl Who Cried Pearls
Best costume design: Frankenstein
Best makeup and hairstyling: Frankenstein
Best live action short film: (tie) The Singers and Two People Exchanging Saliva
Best production design: Frankenstein
Best visual effects: Avatar: Fire and Ash
Best documentary short film: All the Empty Rooms
Best documentary feature film: Mr Nobody Against Putin
Best sound: F1
Best film editing: One Battle After Another
Best international feature film: Sentimental Value
Best original song: Golden, KPop Demon Hunters

(RUEL J. MENDOZA)

TAHASANG inamin ng Sparkle artist na si Ashley Sarmiento na nanliligaw na sa kanya ang Kapamilya male star na si Rave Victoria!
Naganap ang pag-amin ng dalaga sa isang edisyon ng “Fast Talk with Boy Abunda” kamakailan nang tanungin ni Tito Boy Abunda si Ashley kung nanliligaw na nga sa kanya si Rave.
“Opo, nag-start na po siya manligaw,” pagbabahagi ni Ashley.
Kuwento pa ni Ashley, dumalaw na si Rave sa kanilang bahay at um-attend pa ng church service kasama ang kanyang pamilya.
“Isang beses pa lang po siya pumunta po sa house pero one time po nag-church po kami tapos in-invite po kami ng ate ko po sa house niya po para mag bonding po,” lahad pa ni Ashley.
Ayon pa rin kay Ashley, super-duper best friend niya si Marco Masa (na kapwa Sparkle actor at “Pinoy Big Brother: Celebrity Collab Edition 2.0” housemate niya) na noon ay unang napabalitang ka-tandem ni Ashley.
Walang selosan sa pagitan nina Marco at Rave.
Sinabi rin ni Ashley na mas lumalim pa ang samahan nila ni Rave.
“Madalas na kami magkasama ngayon. Ako po masasabi ko po na kung paano ko po siya nakilala noon ganoon ko po ulit siya nakilala ngayon here in the outside world.”
Ang tandem nina Ashley at Rave, na binansagang “AshRave,” ang isa sa mga pina popular na loveteam na nabuo sa Bahay ni Kuya noong kanilang season.
***
PAGKAKAIBIGANG nauwi sa pagiging magkakatuwang sa negosyo; iyan ang istorya nina Pinky Esturco-Caslib, Alma Belarmino at Amelita “Amy” Revilla ng Sinelas.atbp na gumagawa ng class at napakakagandang high-end slippers o sinelas.
Itinatag nito lamang Agosto ng taong 2025, umaagaw na ng atensyon sa local market ang bawat pares ng kanilang produkto dahil sa makulay, matibay at magagandang disenyo ng kanilang mga sinelas.
And take note, bawat pares ay nag-iisa, walang katulad, walang kaparehong design, one-of-a-kind, in other words.
Kaya naman sulit ang halagang ibabayad sa bawat pares ng Sinelas.atbp.
Ang inspirasyon sa likod ng Sinelas.atbp ay ang kultura at malikhaing kaisipan ng Lake Sebu sa South Cotabato na tahanan ng mga katutubong T’boli na kilala sa makulay na tradisyon, detalyadong gawang-kamay at matibay na koneksyon sa kanilang kultura.
Isa sa kanilang popular na likha ay ang telang T’nalak na hinabi mula sa abaka ng mga kababaihang tinawag na Dreamweavers.
Ayon sa kasaysayan, ang disenyo ng kanilang tela ay ay mula sa panaginip at imahinasyon ng mga manghahabi sa paggabay ni Fu Dalu, ang Espiritu ng panaginip.
Katuwang sa mga likha ng Sinelas.atbp si Jared Servano, isang nilalang na mahusay sa disenyong Mindanaoan.
First runner-up si Jared sa Project Runway Philippines at naging kinatawan ng bansa sa International Fashion Showcase sa London.
Bukod kay Jared, kasama sa team ng Sinelas.atbp ang anak ni Jared na si Sofia Jude para naman sa nalalapit na paglulunsad naman ng “At Iba Pa” na mga RTW (ready-to-wear) na mga damit.
Si Sofia ang visionary sa likod ng brand na ANORE at isang award-winning designer na kilala sa kanyang tagumpay sa Econest Design Competition at bilang finalist sa HIBLA National Competition.
Ang Sinelas.atbp ay higit pa sa brand ng mga sinelas at sapatos; suportado nito ang mga manlilikha at manggagawa ng katutubong komunidad ng Lake Sebu at ang kanilang “dreamweaving traditions”, pagpapa-unlad ng kanilang kabuhayan, at pagpapalaganap ng “slow fashion” sa pamamagitan ng kanilang adbokasiya ng “slow, handmade and sustainable fashion” upang mapanatiling buhay ang tradisyunal na pamamaraan.
Maging ang patnugot ng entertainment section ng pahayagang ito, si Rohn Romulo, ay gumamit na ng materyales na T’nalak, sa isang espesyal na event ng grupong kinabibilangan niya, ang SPEEd, sa kanilang mga kasuotan at accessories.
Samantala, matatagpuan ang nag-iisang physical store ng Sinelas.atbp sa Royal Mansion sa Wack Wack Road, Mandaluyong. Maaari ring um-order sa kanilang email address na sinelas.atbp@gmail.com, sa kanilang Facebook page na Sinelas.atbp at Instagram account na Sinelas.atbp.
(ROMMEL L. GONZALES)

SA panayam ng “Ogie Diaz Inspires”, nabanggit ni James Blanco na nagmamadali na nga raw siyang mauna sa heaven.

Ayon sa aktor, handa na siya anumang oras na kunin siya ni Lord at naniniwala siyang kapag pumanaw siya ay sa langit siya mapupunta.

Kung ang karamihan sa mga tao ay natatakot mamatay, kabaligtaran nga ito ang nararamdaman at paniniwala ng aktor.

Sinabi niya ito sa pag-uusap nina Mama Ogs at James tungkol sa relasyon niya sa tatlong anak kabilang na ang former “Pinoy Big Brother Celebrity Collab Edition 2.0” housemate na si Iñigo Jose.

Ito ang inamin ng batikang aktor sa sitwasyon nila ng anak na si Iñigo Jose, na kamakailan ay pumasok sa showbiz bilang housemate sa “Pinoy Big Brother Celebrity Collab 2.0”.

Ayon kay James, hindi pa rin niya nakakausap si Iñigo at ang dalawa pa niyang anak na sina Sebastian at Natalia, “Masakit kasi very close ako sa mga anak ko.

“Pero parang hindi naman sila naba-bother na wala ako, kaya masakit,” sey pa ng aktor.

“Ang tingin kasi sa mga tatay super strong, hindi nasasaktan. ‘Yung parang laging nababaliwala ang mga tatay. ”

Sabi pa ni James patungkol sa anak, “Napanood ko ‘yong interview mo sa kaniya. Hindi pa kami nakakapag-usap talaga.”

Miss na miss na rin daw niya ang mga anak, “Sobra, kasi anak ko buhay ko, e. Buhay ko ‘yong mga anak ko.”

Hindi naman daw siya nagkukulang noon ng paalala sa kanyang mga anak at para rin daw ito sa kanilang patanda.

Sana raw, huwag nang hintayin pa ng tatlong anak na mapunta siya sa ospital at tuluyang mawala bago ma-realize ng mga ito ang kanyang mga pangaral.

“Kung papipiliin lang ako, ‘di ba may kasabihan na lahat tayo gustong pumunta sa langit pero ayaw mauna? Ako, hindi. Nagmamadali pa ako. Ako na.

“Papunta na ako sa langit, e. Bakit pa ako magse-stay dito? Ang ganda-ganda ng promise ng Panginoon, e. Bakit pa ako dito nagsa-suffer na ako rito?

“Nandu’n ‘yung pangako ng Diyos, e. Wala na akong pain na mararamdaman,” pahayag pa ng aktor.

(ROHN ROMULO)