2026 March 13 Archive - People's Balita

Archive for March 13th, 2026

Brendan Fraser delivers a powerful performance in ‘Rental Family’

Posted on: March 13th, 2026 by @peoplesbalita No Comments

GET ready for a powerful and heartfelt cinematic experience as Searchlight Pictures’ Rental Family begins streaming on Hulu on Disney+ starting March 18.
Set against the vibrant backdrop of modern-day Tokyo, the film offers an emotional and thought-provoking look at loneliness, connection, and the surprising ways people find family.
Headlined by Academy Award®–winning actor Brendan Fraser, Rental Family tells a deeply moving story that resonates across cultures and generations. With its mix of quiet humor, emotional depth, and unforgettable performances, the film has already earned glowing praise from critics and audiences worldwide.
In Rental Family, Fraser portrays a once-promising American actor who feels increasingly adrift in Tokyo. Struggling to rediscover purpose, he unexpectedly lands a unique job with a Japanese “rental family” agency—an unusual service that provides actors to play temporary family roles for people seeking companionship and emotional support.

What begins as simple performance gradually transforms into something far more meaningful. As he steps into the lives of strangers, the actor forms genuine bonds that challenge the boundaries between scripted roles and real-life emotions.

Moments of humor and tenderness unfold along the way. Soon, empathy and compassion take center stage, pulling him off-script and guiding him toward a renewed sense of belonging.

Alongside Brendan Fraser, the film features a remarkable ensemble cast that brings warmth and authenticity to the story.

The cast includes:

Takehiro Hira, Emmy® nominee known for his commanding performances
Mari Yamamoto, delivering a nuanced and emotionally rich role
Shannon Mahina Gorman, a standout newcomer who earned a Critics Choice Association (CCA) Award nominationfor her performance
Akira Emoto, the celebrated Japanese actor whose presence adds depth and gravitas
Together, the cast creates a compelling portrait of individuals searching for connection in unexpected places.

Rental Family is directed, co-written, and produced by HIKARI, whose storytelling style blends emotional intimacy with cultural insight. The screenplay was written by HIKARI and Stephen Blahut, crafting a narrative that is both reflective and uplifting.

Even before its streaming debut, Rental Family had already captured strong momentum on the international festival circuit.

Following its World Premiere at the Toronto International Film Festival, the film won numerous audience awards at several prominent festivals, including: Chicago International Film Festival, Woodstock Film Festival, Middleburg Film Festival, Hawaii International Film Festival and Heartland International Film Festival.

The film also holds impressive ratings online, earning a 96% Popcornmeter score on Rotten Tomatoes® and an 88% Certified Fresh Tomatometer rating from critics.

(ROHN ROMULO)

Ngayong tapos na ang beauty pageant journey… AHTISA, seryoso na sa pag-aartista at dream maka-partner si ALDEN

Posted on: March 13th, 2026 by @peoplesbalita No Comments

PUMIRMA na ng kontrata sa Sparkle GMA Artist Center si Ahtisa Manalo, ang reigning Miss Universe 3rd runner-up.
Ayon kay Ahtisa, dapat ay last year pa siya pipirma sa Sparkle pero mas pinili niya na muna ang sumali sa Miss Universe Philippines 2025.
And last year, ni-represent ni Ahtisa ang Pilipinas sa Miss Universe sa Bangkok, Thailand kung saan kinoronahan siya bilang 3rd runner-up.
At ngayon ngang tapos na ang kanyang beauty pageant journey (yes, hindi na siya sasali pang muli sa anumang pageant, matapos ring manalo bilang 2018 Miss International 1st runner-up, 2024 Miss Universe Philippines 2nd runner-up at 2024 Miss Cosmo top ten) ay ang pag-aartista na ang haharapin niya sa tulong ng Sparkle.
Anong genre ang nais niyang i-explore bilang artista?
“I’ve always been fascinated of action movies.
“And hopefully that’s something I could explore. You know, I wanted to be a Charlie’s Angel when I was a kid so if I will be given the opportunity I’d love to do that, you know.
“It’s time for adventure, it’s time to see what I can do and not,” ang tumatawang sinabi pa ni Ahtisa.
Ang ‘Charlie’s Angels’ ay action TV series tungkol sa tatlong babaeng private investigators/detectives na pinagbidahan nina Kate Jackson, Jaclyn Smith at Farrah Fawcet-Majors (1976-1981), at nagkaroon ito ng dalawang film versions, una ay nina Drew Barrymore, Lucy Liu at Cameron Diaz (2000 at 2003), at ang pangalawa ay nina Kristen Stewart, Naomi Scott at Ella Balinska (2019).
Inamin naman ng beauty queen na si Alden Richards ang dream leading man niya.
Samantala, present sa contract signing ni Ahtisa sina GMA Network Senior Vice President for Programming, Talent Management, Worldwide, and Support Group and President and CEO of GMA Pictures Atty. Annette Gozon-Valdes, First Vice President of Sparkle GMA Artist Center Joy Marcelo, and Empire Artist Management Vice President Mau De Leon.
Nandun din sina Sparkle GMA Artist Center’s Senior Assistant Vice President For Talent Sales, Branding, and Marketing Anne Puno-Ignacio, Assistant Vice President for Talent Management Vic Del Rosario, Assistant Vice President for Talent Development and Recruitment Jenny Donato, Assistant Vice President for Sales and Marketing Renze Banawa, Consulting Head for Talent Imaging and Marketing Lawrence Tan,
Senior Talent Manager Tracy Garcia, and Assistant Vice President for Corporate Communications Jojo Aquio.

(ROMMEL L. GONZALES)

Posibleng maganap sa pagitan ng Marso at Abril… ZANJOE, masaya para kay BEA na ikakasal na kay VINCENT

Posted on: March 13th, 2026 by @peoplesbalita No Comments

SA naging panayam ng ABS-CBN ng Kapamilya actor at isa sa bida ng ’The Silent Noise’ na si Zanjoe Marudo, nagpahayag na masaya siya sa nakatakdang pagpapakasal ng ex-girlfriend na si Bea Alonzo.
Pinag-usapan nga ang nalalapit na kasal ni Bea sa kanyang businessman boyfriend na si Vincent Co, matapos na kumalat sa social media ang kanilang wedding banns.
Inanunsyo rin sa publiko ang magaganap na kasalan sa St. Peter the Apostle Parish sa Paco, Manila.
Natanong nga si Zanjoe tungkol sa nabalitang marriage banns ni Bea at ni Vincent.
“Totoo ba? Wala akong imbitasyon eh,” reaksyon ng asawa ni Ria Atayde.
Dagdag pa niya, “Yes, of course, I’m very happy for her. Finally, ‘di ba! Lahat tayo kailangang maging masaya sa mga batch namin. At least ito, unti-unti na kaming nabubuo.”
Alam naman ng lahat na naging magkarelasyon sina Zanjoe at Bea noong early 2010s. Tumagal ang relasyon nila sa loob ng limang taon at naghiwalay noong 2016.
Samantala, usap-usapan naman ngayon na maaaring ikinasal sina Bea at Vincent sa last week ng March o first week ng April sa taong ito.
Hinihintay pa rin ng netizens ang ilalabas na official statement sina Bea at Vincent tungkol sa kanilang inaabangang wedding.
***
DINAGSA ang star-studded blue carpet celebrity premiere ng bagong seryeng “The Silent Noise” ng Prime Video at ABS-CBN Studios na ginanap noong Marso 10 (Martes) sa Gateway Mall 2, Cinema 11.
Ipinalabas ang unang episode ng serye, na agad nagpasabik sa mga manonood sa misteryong hatid ng kuwento.
Kabilang sa mga dumalo sa star-studded premiere sina Ralph Malibunas, Kakki Teodoro, Joel Saracho, Junjun Quintana, Monching Gutierrez, Karina Bautista, Tommy Alejandrino, Joem Bascon, Mutya Orquia, Zaijian Jaranilla, KD Omalin, Zanjoe Marudo, at Angelica Panganiban.
Matapos ang screening, nagkaroon din ng grand media conference kung saan nagbahagi ang cast at creators ng kuwento sa likod ng paggawa ng serye at sinagot ang mga tanong ng entertainment press.
Espesyal ding inimbitahan sa event ang mga miyembro ng Filipino Sign Language (FSL) community bilang pagkilala sa papel ni KD Omalin, isang batang bingi sa serye. Upang maging mas inklusibo ang programa, may FSL interpreters na nagsalin ng buong media conference para sa kanila.
Umiikot ang kuwento ng “The Silent Noise” sa isang pamilyang unti-unting nabubunyag ang mga lihim matapos ang isang trahedya. Habang lumalalim ang misteryo, nasusubok ang kanilang pagmamahalan, tiwala, at katahimikan na matagal nilang tinago.
Mapapanood na ang “The Silent Noise” simula Marso 20 sa Prime Video, kung saan dalawang bagong episode ang ilalabas kada linggo at mapapanood sa mahigit 240 bansa at teritoryo sa buong mundo.
Kasama ang “The Silent Noise” sa iba pang catalogue ng Prime Video gaya ng :The Alibi,” “LOL: Last One Laughing Philippines,” “Linlang,” “Drag Den with Manila Luzon Seasons 1 at 2” Mga Korean titles gaya ng “Siren’s Kiss,” “Spring Fever,” “Surely Tomorrow,” “Nice to Not Meet You,” “Confidence Queen,” “Head Over Heels,” “GOOD BOY,” “Newtopia,” “Marry My Husband” Anime hits tulad ng “Mobile Suit Gundam GQuuuuuuX,” “Jujutsu Kaisen 0,” “Rurouni Kenshin” Bukod pa rito ang mga award-winning at critically acclaimed na serye at pelikula mula sa Amazon MGM Studios gaya ng “Young Sherlock,” “Fallout,” “The Bluff,” “Heads of State,” “Reacher,” “Red One,” “Road House,” “The Boys,” “The Lord of the Rings: The Rings of Power,” at “The Summer I Turned Pretty,” pati na rin ang mga fan favorites tulad ng “John Wick” at “Challengers”
Nagbibigay din ang Prime Video ng eksklusibong access sa live sports coverage kabilang ang NBA, at mga acclaimed sports documentaries gaya ng “Bye Bye Barry,” “Kelce,” at “Earnhardt.” Maaaring mapanood ng mga Prime Video members ang mga palabas at pelikula kahit saan at kahit kailan sa libu-libong compatible devices.
Sa Prime Video app, puwede ring i-download ang episodes sa mobile devices at tablets para mapanood offline nang walang karagdagang bayad. Ang Prime Video ay available sa Pilipinas sa halagang P149 kada buwan.

(ROHN ROMULO)

Mahusay na swimmer at nagko-compete sa ibang bansa… MARIAN, super busy sa pagpapaka-nanay lalo na kay ZIA

Posted on: March 13th, 2026 by @peoplesbalita No Comments

NANINIWALA si Angelica Panganiban na dahil kumportable na kasi sila sa isa’t isa ni Zanjoe Marudo kaya effective silang magkatambal at palagi silang kinukuha.

Bilang katatapos lang nga ng “UnMarry” na pinagsamahan nilang MMFF at ngayon nga, sa bago nilang serye, ang “The Silent Noise” na mapapanood muna sa Prime simula sa March 20.

Natawa na lang ito nang sabihan siya na para na silang loveteam talaga.
“Ha ha ha! May loveteam pa ba?”

Kahit nga hands-on mom sa tatlong taong gulang na anak na si Amila, naisisingit na rin daw niya ang mag-trabaho.

“Hindi naman don lang umiikot ang mundo ko. May trabaho pa rin naman ako. Kapag gusto ko ang project, gagawin ko siya.”

All-out naman daw ang suporta sa kanya ng kanyang mister na si Gregg Homan.

Sa isang banda, katulad ng “The Silent Noise” at kahit daw mga nakaraang proyekto n’ya, sigurado si Angelica na maari n’yang ipapanood sa anak ang mga ito pagdating ng panahon.

“Lahat ng ginawa ko ay pwede n’yang panoorin. Wala akong ikakahiya, lahat ng ginawa ko.”

***

GOOD thing din talaga na wala pang teleseryeng sinisimulan ngayon si Marian Rivera.

Habang si Dingdong Dantes naman ay merong “Master Cutter.” Paano, very busy si Marian ngayon na magpaka-nanay talaga sa kanilang panganay na anak na si Zia.

Mahusay na swimmer si Zia kaya hindi na lang ito sa bansa lumalaban, hanggang sa ibang bansa na.

Nang minsan naming maka-chat si Marian, nabanggit nga niya na ang busy ng mga kids nila na sina Zia at Sixto. Si Zia raw ay may competition naman sa Bangkok.

So siyempre, as a nanay, talagang priority ni Marian ang mga anak. At siguradong hindi ia-allow ang mga ito na mag-travel na wala isa man sa kanila ni Dingdong.

(ROSE GARCIA)

SENIOR CITIZENS PARTY LIST CONG. ORDANES, PUMALAG SA PAGKAKAARESTO SA SENIOR DZRH REPORTER

Posted on: March 13th, 2026 by @peoplesbalita No Comments

MARIING kinondena ng Senior Citizens Party List ang pagkakaaresto sa beteranong reporter ng DZRH na si Misael Boy Gonzales, Jr. nitong Miyerkules.

Ayon kay Senior Citizens Party List Rep. Rodolfo Ompong Ordanes, hindi man lamang binigyan ng konsiderasyon ang edad ng beteranong mamamahayag na nasa edad 62 makaraang hindi payagang makapag piyansa ito.

Kinuwestiyon ni Rep. Ordanes ang ginawang aksyon ng mga tauhan ng Manila Police District sa sistema ng pagkakahuli kay Gonzales gayong pinapayagan naman ng korte na makapag piyansa ang naturang reporter nung Miyerkules.

Dinakip si Gonzales dahil sa reklamong inihain sa kanya ng isang konsehal sa kasong lascivious conduct at isyung paglabag sa Data Privacy Act ang inirereklamo ng konsehal laban sa reporter kung saan nabanggit ng reporter ang tinutuluyan ng konsehal base na rin sa warrant nito.

Sinabi ni Rep. Ordanes na bagaman mali ang nagawa ng reporter, dapat may konsiderasyon pa rin sa desisyon ng korte na payagang makapagpyansa ang reporter lalo pa senior na ang kalagayan.

Kilala ang Senior Citizens Partylist sa pagtaguyod ng kapakanan at karapatan ng bawat nakakatanda sa bansa kung kaya’t hindi kumporme ang kongresista sa hindi angkop na pagtrato sa pagkakadakip sa naturang reporter. (PAUL JOHN REYES)

GASOLINAHAN, SORPRESANG ININSPEKSYON NI YORME ISKO

Posted on: March 13th, 2026 by @peoplesbalita No Comments

NAGSAGAWA ng sorpresang inspeksyon si Manila City Mayor Francisco “Isko” Moreno Domagoso sa isang gasolinahan sa Sta. Cruz, Manila upang tiyakin na sumusunod ang mga fuel retailer sa itinakdang price adjustments ng pamahalaan sa gitna ng pagtaas ng presyo ng langis.
Ayon kay Domagoso, bahagi ang inspeksyon ng pagsisikap ng pamahalaang lungsod na protektahan ang mga mamimili at matiyak na sinusunod ng mga gasolinahan ang mga pinahihintulutang pagbabago sa presyo na itinakda ng Department of Energy.
Nagbabala rin ang alkalde sa mga fuel retailer na posibleng magsamantala sa sitwasyon.
“Hindi ko papayagan ang pang-aabuso at maapektuhan ang consumer,” ani Domagoso, na binigyang-diin na dapat manatiling patas ang mga negosyo sa publiko sa panahon ng pagtaas ng presyo ng gasolina.
Iginiit niya na dapat eksaktong ipatupad ng mga gasolinahan ang aprubadong price adjustments sa pump prices.
“‘Pag tumaas ang dalawang piso, tumaas ang dalawang piso. ‘Pag tumaas ang limang piso, tumaas ang limang piso. At ang kanilang mga metro ay sinusuri. Walang dapat mag-abuso o samantalahin ang sitwasyon,” aniya.
Dagdag pa ng alkalde na patuloy na magbabantay ang pamahalaang lungsod sa mga gasolinahan upang matiyak na tama ang sukat ng mga pump at nasa loob lamang ng pinahihintulutang pagtaas ng presyo ang kanilang singil.
Binigyang-diin din niya na ang pagnenegosyo sa Maynila ay isang pribilehiyo na ipinagkakaloob ng lokal na pamahalaan at maaaring bawiin kung ito ay inaabuso.
“Tandaan ninyo: ang pagnenegosyo ay isang pribilehiyo, hindi karapatan. Ito ay pribilehiyong ibinibigay ng inyong city government. Kaya kung kaya naming ibigay, kaya rin naming bawiin,” saad niya.
Isinagawa ang inspeksyon habang naghahanda ang pambansang pamahalaan na magbigay ng tulong pinansyal sa mga driver ng pampublikong transportasyon na apektado ng pagtaas ng presyo ng langis.
Ayon kay Domagoso, inatasan ang mga alkalde sa Metro Manila nina Pangulong Ferdinand R. Marcos Jr. at Executive Secretary Ralph Recto na magsumite ng updated na listahan ng mga transport operator at driver sa kani-kanilang nasasakupan.
Sinabi rin ng alkalde na mahigit 10,000 tricycle drivers sa Maynila ang inaasahang makatatanggap ng ₱5,000 bawat isa sa susunod na linggo sa pamamagitan ng Department of Social Welfare and Development sa ilalim ng Assistance to Individuals in Crisis Situation (AICS) program.
Kasunod nito, inaasahan ding makatatanggap ng tulong ang mga jeepney driver, taxi operator, TNVS driver, delivery rider, at bus driver sa mga susunod na pagpapalabas ng ayuda. (Gene Adsuara)

Pinas, nakikipag-ugnayan na sa Portugal authorities para iuwi si Zaldy Co- PBBM

Posted on: March 13th, 2026 by @peoplesbalita No Comments

NAKIKIPAG-UGNAYAN na ang gobyerno ng Pilipinas sa Portuguese authorities para mapadali ang posibleng pagpapabalik sa bansa ni dating Ako Bicol Party-list Rep. Zaldy Co.
Sa pagsasalita sa harap ng mga mamamahayag sa The Pierre A Taj Jotel sa New York, United States bago bumalik ng Maynila, sinabi ni Pangulong Ferdinand Marcos Jr., na ang pagpapabalik sa bansa ni Co ay nangangailangan ng kooperasyon sa bansa kung saan siya sinasabing natagpuan.
Sinabi ng Pangulo na hindi maaaring direktang ipatupad ng mga awtoridad ng Pilipinas ang pag-aresto kay Co sa labas ng kanilang hurisdiksyon.
“You cannot bring him home because that is not the way it works. We have to ask the assistance of the country where he is in, which is presently Portugal. So, that’s what we have done,” ayon sa Pangulo.
Hindi rin aniya maaaring magpadala lamang ng tauhan ang Philippine law enforcement sa ibang bansa para hulihin si Co.
Winika pa ng Pangulo na naghain na ng request ang gobyerno ng Pilipinas para sa isang Red Notice mula sa International Criminal Police Organization (Interpol) para matunton at malaman ang galaw ni Co.
Ang red notice ay isang kahilingan para sa mga awtoridad na nagpapatupad ng batas na “hanapin at pansamantalang arestuhin” ang isang taong hinahanap ng alinman sa isang bansa o isang international tribunal. Ang mga kahilingang ito ay ibinibigay para sa mga pugante na hinahanap para sa pag-uusig o upang magsilbi ng sentensiya para sa isang krimen kasunod ng desisyon ng korte.
“That’s the process. You do not send your own police to go and pick him up kasi wala namang jurisdiction ang pulis doon sa ibang bansa,” ang sinabi ng Pangulo nang hingan ng update ukol kay Co.
“So, they cannot arrest anyone. So, it will have to be the assistance of the hosting country,” aniya pa rin.
Si Co ay isa sa mga pangunahing akusado sa flood control scam ay pinaniniwalaang nagtatago sa Portugal. (Daris Jose)

NATIONAL FUEL SUBSIDY PROGRAM PARA SA MGA MANGINGISDA, ISINUSULONG NI TIANGCO

Posted on: March 13th, 2026 by @peoplesbalita No Comments

ISINUSULONG ni Navotas Representative Toby Tiangco na i-institutionalize ang isang national fuel subsidy program para sa mga mangingisda sa munisipyo upang matulungan silang mabayaran ang mga gastusin sa gasolina para sa kanilang mga operasyon sa pangingisda.

Inihain ni Tiangco ang House Bill No. 8349, na naglalayong magtatag ng isang permanenteng national fuel subsidy program na nagbibigay ng nakapirming buwanang tulong na ₱2,000.00 sa mga kwalipikadong mangingisda anuman ang klasipikasyon ng barko.

“Fuel constitutes one of the largest expenses in small-scale fishing operations, often accounting for a substantial portion of daily production costs. Volatile fuel prices directly affect fishing frequency, access to productive fishing grounds, and income stability,” ani Tiangco.

“There is therefore a compelling need to institutionalize a nationwide fuel subsidy program that guarantees predictable and equitable assistance to registered municipal fisherfolk,” dagdag niya.

Binigyang-diin ni Tiangco na habang ang mga kasalukuyang programa ng Department of Agriculture at Bureau of Fisheries and Aquatic Resources (BFAR) ay nagbibigay ng tulong sa gasolina sa mga piling benepisyaryo, ang mga naturang programa ay higit na pansamantala lang, limitado ang saklaw, at nakadepende sa taunang paglalaan.

“Providing a uniform monthly fuel subsidy will help stabilize fishing operations, reduce vulnerability to fuel price fluctuations, support livelihoods, and sustain fish production for domestic consumption,” giit ng mambabatas.

“By reducing operational costs and strengthening livelihood resilience, this measure will help ensure a stable and affordable fish supply, alleviate poverty in coastal communities, and advance inclusive and sustainable economic development,” dagdag niya.

Nauna rito, namahagi si Navotas Mayor John Rey Tiangco ng fuel subsidy mula sa Bureau of Fisheries and Aquatic Resources para sa 68 Navoteño na nagmamay-ari ng bangka na kanilang makukuha sa mga piling gasoline stations para magamit nila sa kanilang operasyon sa pangingisda. (Richard Mesa)

Dahil apektado ng oil price hike dulot ng tensyon sa Middle East… P5K ayuda sa PUV drivers ilalarga

Posted on: March 13th, 2026 by @peoplesbalita No Comments

IPINAG -UTOS ni Pangulong Ferdinand Marcos Jr. ang agarang paglalabas ng P5,000 fuel subsidy para sa mga driver ng pampublikong sasakyan na apektado ng oil price hike dulot ng tensyon sa Middle East.

Ito ang sinabi ni Executive Secretary Ralph Recto matapos ang pakikipagpulong sa Metro Manila Mayors kahapon para masiguro ang mabilis na pamamahagi ng subsidiya.

Sinabi ni Recto na ang mga Mayors ang higit na nakakaalam sa tunay na sitwasyon at bilang ng mga jeepney at tricycle drivers sa kanilang mga lungsod kaya mahalaga ang kanilang pagtutulungan.

Sisimulan ang pamamahagi ng fuel subsidy sa Martes ng susunod na linggo. Una umanong makakatanggap ng subsidiya ay ang mga taga-Metro Manila. Kasunod nito ay agad na ipatutupad ang pamimigay sa iba pang rehiyon sa buong bansa base na rin sa direktiba ni Pangulong Marcos.
Prayoridad na mabigyan nito ang mga tricycle drivers na nasa ilalim ng hurisdiksiyon ng lokal na pamahalaan at susundan naman ng mga jeepney operators at drivers, at ng iba pang transport sectors.
Ire-release ang ayuda sa pamamagitan ng Department of Social Welfare and Development (DSWD), gamit ang kanilang Assistance to Individuals in Crisis Situation (AICS) program. (Daris Jose)

Ads March 13, 2026

Posted on: March 13th, 2026 by Francis Paolo Torres No Comments