NAGBABALA si Pangulong Ferdinand R. Marcos Jr. na ang climate change ay ang “most serious threat” na hinaharap ngayon ng sangkatauhan lalo na iyong mga ‘vulnerable nations.’
“For the Philippines, the climate crisis is not a future risk, it is for us a present reality. It reshapes our coastlines, our communities, and even the Filipino psyche,” ang sinabi ng Pangulo sa isinagawang special plenary session ng United Nations General Assembly sa headquarters sa Estados Unidos.
Binigyang diin ni Pangulong Marcos ang mental health impact sa mga kabataan, tinukoy ang 2022 survey kung saan ipinakikita na ang mga kabataang pinoy ay mayroong pinakamataas na vulnerability sa climate anxiety.
Dahil dito, muling nanawagan ang Pangulo sa mga ‘developed at industrialized nations’ na gampanan ang kanilang mga obligasyon na ihinto na ang greenhouse gas emissions at magbigay ng bago at karagdagang pangtustos para sa ‘climate adaptation at loss and damage.’
Binigyang diin ni Pangulo na napili ang Pilipinas na mag-host ng Board of the Fund for Responding to Loss and Damage, sa pagsisikap na tugunan ang loss and damage na iniuugnay sa taliwas na epekto ng climate change.
“And as host country of the Board, we commit to ensure the Fund’s governance maintains equitable, transparent, and needs-based allocation of resources,” ang sinabi ng Pangulo.
Sa kabilang dako, winika ng Pangulo na nakiisa ang Pilipinas sa nagng pagkilos ng International Court of Justice’s (ICJ) na nagpalabas ng advisory opinion ukol sa obligasyon ng mga estado bilang paggalang sa climate change.
“And we were gratified by the ICJ confirmation that States have a legal obligation under international law to prevent climate harm,” aniya pa rin.
Kinukumpirma kasi ng opinyon na ang mga estado ay mayroong obligasyon na protektahan ang kapaligiran mula sa greenhouse gas emissions at kumilos na may ‘due diligence at kooperasyon para magampanan ang obligasyon nito.
Sinabi pa ng Pangulo na taong 2025, naglaan ang Pilipinas ng 18% ng national budget nito sa climate-related expenditures, idagdag pa na nagtatag ang bansa ng Climate Change Expenditure Tagging system para upang subaybayan at i- align ang budget priorities sa National Climate Change Action Plan.
Tinukoy din ng Punong Ehekutibo ang pagho-host ng PIlipinas sa 2024 Asia-Pacific Ministerial Conference on Disaster Risk Reduction at unang International Conference on Nuclear Technology for Controlling Plastic Pollution noong 2024 para tugunan ang climate crisis.
“And as my country confronts its climate vulnerability directly, we extend our hand to other countries. The Philippines welcomes South-South or triangular cooperation, capacity-building arrangements, and the exchange of knowledge and technology,” anito.
“The climate crisis knows no borders. And it is by standing together, uniting in purpose, that we shall survive and overcome,” ang pahayag ng Pangulo. (Daris Jose)

MAMUMUHUNAN ang isang United States (US)-based medical glove manufacturer ng paunang USD200 million para magtayo ng production facility sa Pilipinas.
Plano rin ng manufacturer na ito na palawakin ang operasyon sa oras na ang first phase ay maging matagumpay.
Sa pagsasalita sa harap ng mga mamamahayag sa The Pierre A Taj Jotel sa New York, United States bago bumalik ng Maynila, sinabi ni Pangulong Ferdinand Marcos Jr., na ang Harvard-based U.S. Medical Glove Company (USMGC) ay nagsimula nang maghanda para sa proyekto at nagpadala ng kinatawan sa Pilipinas para simulan ang kontruksyon ng pasilidad.
“The prospective amount is PHP200 million dollars in the beginning,” ayon kay Pangulong Marcos.
“They have already started it. They sent already representatives to the Philippines. They’re already starting to build their first plant and gusto nilang mag-expand pa. They already have found the local partner,” dagdag na wika nito.
Tinuran pa ng Pangulo na ang initial phase ay sisimulan sa mas maliit na puhunan. Gayunman, isinasagawa na ang pag-uusap para sa mas malaking eskpansyon sa oras na magsimula na ang operasyon.
“Once operational, the facility would help ensure a stable domestic supply for various sectors,” anito.
“This is going to be to our advantage dahil magkakaroon tayo ng supply hindi lang para sa healthcare workers pati sa military at lahat nang nangangailangan,” ang tinuran ng Pangulo.
Aniya pa, bukas ang pamahalaan na maggalugad ng mas maraming oportunidad kapag ang manufacturing venture ay maayos ang operasyon.
Sinabi pa niya na nais ng USMGC na madaliin ang konstruksyon ng pasilidad.
“Ang pagtatayo ng ganitong facility ay mabilis lang. Sabi nila basta napagawa na ang building, pagdating ng makinarya na iyan nila, within 48 hours, they will start the process,” ang tinuran ng Pangulo.
Nauna rito, nakipagpulong ang Pangulo sa USMGC executives, araw ng Lunes, unang araw ng Pangulo para sa kanyang two-day working visit sa Estados Unidos.
Samantala, sa isang Facebook post, sinabi ni Pangulong Marcos na ang proyekto ay inaasahang makalilikha ng mahigit sa 2,000 trabaho at makapagbibigay-daan para sa lokal na produksyon ng mahalagang medical supplies.
Ang USMGC ay ang leading American manufacturer ng nitrile at polyisoprene surgical atexam gloves, makikita ang 1.8 million-square-foot facility sa Harvard, Illinois. (Daris Jose)

INATASAN ni Pangulong Ferdinand R. Marcos, Jr. ang agarang pamamahagi ng
P 5,000 fuel subsidy para sa mga pampasaherong drivers na naapektuhan ng pagtaas ng presyo ng gasolina bunsod ng umiiral na tensyon at gyera sa Gitnang Silangan.
Upang mapabilis ang implementasyon, pinulong ni Executive Secretary Ralph G. Recto ang mga Metro Manila mayors ngayong araw para plantsahin ang mabilis at maayos na pamamahagi ng tulong.
“Bilang mayors, kayo ang higit na nakakaalam sa tunay na sitwasyon at bilang ng mga tricycle at jeepney drivers sa inyong mga lungsod. Kaya mahalaga ang ating pagtutulungan. Sa mabuting koordinasyon at sabayang pagkilos, mas mabilis nating maipaparating ang tulong sa bawat driver na nangangailangan,” ayon kay Recto.
“Sa pakikipagtulungan sa mga mayors, mas mabilis nating maipaparating ang tulong sa bawat driver na nangangailangan,” aniya pa rin.
Sa katunayan, magsisimula sa susunod na linggo ang distribusyon ng fuel subsidy sa Metro Manila, na pangungunahan ng Department of Social Welfare and Development (DSWD) at Department of Transportation (DOTr). Kasunod nito ay agad na ipatutupad ang pamimigay sa iba pang rehiyon sa buong bansa.
Ito ay bahagi ng malinaw na direktiba ng Pangulo na magbigay ng agarang ginhawa at proteksyon sa kabuhayan ng mga sektor na direktang tinatamaan ng krisis sa langis.
Makikipagtulungan ang mga ahensya ng national government at mga LGUs upang matiyak na mabilis, maayos, at direktang makarating ang tulong sa mga drivers na nangangailangan. (Daris Jose)

SINABI ni Pangulong Ferdinand Marcos Jr. na tapos na ang mandato ng Independent Commission for Infrastructure (ICI) pero titingnan pa rin niya kung ano pa ang magagawa nito.
“For now, their brief has already been fulfilled,” ayon kay Pangulong Marcos sabay sabing “Now, what will happen afterwards is – let us see what else that they can do.”
Ang ICI ay nilikha ng Pangulo sa pamamagitan ng isang executive order noong nakaraang Setyembre para imbestigahan ang anomalya sa flood control at iba pang infrastructure projects.
“The ICI is now collating its findings and drafting a final report,” ang winika ng Pangulo.
Inaasahan din na ipadadala ng komisyon ang findings nito sa Department of Justice (DOJ) o sa Office of the Ombudsman depende aniya sa nature ng kaso.
Sa ngayon, ang ICI ay binubuo na lamang ng chairperson nito na si Andres Reyes, matapos na magbitiw bilang miyembro ng ICI sina Rogelio Singson at Rossana Fajardo, noong Disyembre. (DARIS JOSE)

NAARESTO ng pulisya ang 37-anyos na fish vendor na bumaril sa isang overseas Filipino worker (OFW) sa Valenzuela City habang patakas na patungong Samar, Martes ng madaling araw sa isang bus station sa Quezon City.
Nakapiit ngayon sa Custodial Facility Unit ng Valenzuela Police ang suspek at nahaharap sa kasong Frustrated Homicide at paglabag sa Republic Act 10591 (Comprehensive Firearms and Ammunition Regulation Act).

Ayon kay Valenzuela police chief P/Col. Joseph Talento, nangyari ang pamamaril ng suspek sa 43-anyos na OFW Lunes ng alas-10:00 ng gabi matapos ang kanilang mainitang pagtatalo na nagsimula nang mangulit umano ang biktima habang nasa impluwensiya ng alak.

Nagtamo ng dalawang tama ng bala sa tiyan at isa sa kanang braso ang biktima na agad isinugod sa pinakamalapit na pagamutan kung saan siya patuloy na inoobserbahan habang tumakas naman ang suspek matapos ang pamamaril.

Mismong ang suspek naman ang nagpahamak sa kanyang sarili nang ikuwento sa katabing pasahero ang ginawa niyang pamamaril na dahilan para marinig ng isang concerned citizen na siyang nagsuplong sa mga tauhan ng Cubao Police Station na nagpapatrulya malapit sa bus station sa Harvard St. sa Cubao, Quezo City na nagresulta sa kanyang pagkakadakip dakong alas-4:30 ng madaling araw.

Nakuha naman nina P/Capt. Robin Santos, hepe ng Station Investigation and Detective Management Branch (SIDMB) ng Valenzuela police sa bahay ng suspek ang hindi lisensiyadong kalibre .22 na kargado ng limang basyo at isang bala sa chamber na ginamit sa pamamaril.

Pinuri naman ni Northern Police District (NPD) Acting Director P/BGen. Christopher Dela Cruz ang pagtutulungan ng Quezon City at Valenzuela City Police Stations sa pagkakadakip sa suspek na umano’y binigyan pa ng pera ng kanyang ama para tumakas patungo sa kanilang lalawigan sa Samar. (Richard Mesa)
Fish vendor na bumaril sa OFW sa Valenzuela, nasabat sa QC

NAARESTO ng pulisya ang 37-anyos na fish vendor na bumaril sa isang overseas Filipino worker (OFW) sa Valenzuela City habang patakas na patungong Samar, Martes ng madaling araw sa isang bus station sa Quezon City.
Nakapiit ngayon sa Custodial Facility Unit ng Valenzuela Police ang suspek at nahaharap sa kasong Frustrated Homicide at paglabag sa Republic Act 10591 (Comprehensive Firearms and Ammunition Regulation Act).

Ayon kay Valenzuela police chief P/Col. Joseph Talento, nangyari ang pamamaril ng suspek sa 43-anyos na OFW Lunes ng alas-10:00 ng gabi matapos ang kanilang mainitang pagtatalo na nagsimula nang mangulit umano ang biktima habang nasa impluwensiya ng alak.

Nagtamo ng dalawang tama ng bala sa tiyan at isa sa kanang braso ang biktima na agad isinugod sa pinakamalapit na pagamutan kung saan siya patuloy na inoobserbahan habang tumakas naman ang suspek matapos ang pamamaril.

Mismong ang suspek naman ang nagpahamak sa kanyang sarili nang ikuwento sa katabing pasahero ang ginawa niyang pamamaril na dahilan para marinig ng isang concerned citizen na siyang nagsuplong sa mga tauhan ng Cubao Police Station na nagpapatrulya malapit sa bus station sa Harvard St. sa Cubao, Quezo City na nagresulta sa kanyang pagkakadakip dakong alas-4:30 ng madaling araw.

Nakuha naman nina P/Capt. Robin Santos, hepe ng Station Investigation and Detective Management Branch (SIDMB) ng Valenzuela police sa bahay ng suspek ang hindi lisensiyadong kalibre .22 na kargado ng limang basyo at isang bala sa chamber na ginamit sa pamamaril.

Pinuri naman ni Northern Police District (NPD) Acting Director P/BGen. Christopher Dela Cruz ang pagtutulungan ng Quezon City at Valenzuela City Police Stations sa pagkakadakip sa suspek na umano’y binigyan pa ng pera ng kanyang ama para tumakas patungo sa kanilang lalawigan sa Samar. (Richard Mesa)

INAPRUBAHAN ng Kamara ang panukala na pagdaraos National Food Security Day tuwing October 16 ng bawat taon.
Ayon kay House Majority Leader Ferdinand Alexander “Sandro” Marcos ng Ilocos Norte, naaprubahan ang House Bill No. 8042, o kilalang National Food Security Day Act, nitong Martes na may 248 votes na pabor, zero againstat isang abstention.
Ang National Food Security Day ay kasabay sa pagdiriwang ng World Food Day, ayon kay Marcos.
“A National Food Security Day is a clear signal that the fight against hunger and high food prices has to stay on the national agenda, with real work behind it, from farm productivity to nutrition and less food waste,” pahayag ni Marcos.
Sinabi ni Marcos na ang pagdiriwang ng National Food Security Day ay upang ma-focus ang gobyerno at ang publiko sa mga ginagawang hakbang hinggil sa seguridad ng pagkain, partikular sa mga problema sa presyo at kakulangan sa supply bunsod ng mga bagyo at sakuna.
Ang nasabing HB 8042 ay iniakda nila Reps. Raymond Adrian E. Salceda, Jose Manuel
Lagdameo, Timothy Joseph Cayton, Ciriaco Gato, Jr., Jennifer Lagbas, Lani Mercado-Revilla, Eulogio Rodriguez, Arlyn Ayon, Robert Nazal, at Sarah Jane Elago. (Vina de Guzman)

IKINUKUNSIDERA ng pamahalaan na ibaba ang mga bayarin sa nga paliparan sa buong bansa para makatulong na mapanatiling matatag ang singil sa pamasahe sa eroplano sa harap ng inaasahang pagdagsa ng mga biyahero sa panahon ng Holy Week.
Ayon sa Department of Transportation, bahagi ito ng mga hakbang na iniutos ni Pangulong Ferdinand R.Marcos Jr. upang mabawasan ang matinding epekto ng tumataas na presyo ng gasolina.
Sa press briefing sa Malakanyang, sinabi ng DOTr Acting Secretary Giovanni Lopez na isinasaalang-alang nila ang pagbabawas ng ilang bayarin sa paliparan dahil sa inaaasahang pagdagsa ng mga pasahero sa Holy Week.
Kabilang na dyan ang landing at take off fee na ipinatutupad ng Civil Aviation Authority of the Philippines (CAAP).
“Una, may mga pagpupulong kami with the airlines natin. Alam din po namin na talaga maapektuhan sila dito and we’re thankful that they’re still holding on. Ganoon pa man, we have to do some mitigating measures also. Not for the airlines necessarily, but more so dun sa epekto sa mga pamasahe sa airfare ng mga gustong bumiyahe,” ayon kay Lopez.
Hindi pa masabi ng Kalihim kung magkano ang maaaring ibaba sa mga bayarin pero ito aniya’y pinag-aaralan na ng DOTR
Ang anumang mabubuong proposal ay ipiprisinta aniya sa board para paaprubahan at posibleng makapaglabas sila ng desisyon para sa posibleng adjustment sa pamasahe sa susunod na linggo.
“So isa sa mga tinitingnan namin sa CAAP, ‘yung ating aviation authority, kung pwede ba namin ibaba ‘yung mga ibang fees. Landing fees, take-off fees, yung mga sa tingin namin na kaya naman namin i-adjust. And that will, I think, that will ripple down doon naman sa airfare. At least may stabilize namin kahit pa paano,” dagdag pa ng opisyal
Nauna nang ini-anunsyo ni Pangulong Marcos ang ilang mga hakbang ng gobyerno para bawasan ang matinding epekto ng pagtaas ng presyo ng mga produktong petrolyo na dulot ng nangyayaring krisis sa Middle East. (Daris Jose)

NEWS 2 ( PHOTO ATTACHED)
Mayor JRT, namahagi ng hard hats sa mga mag-aaral
PINANGUNAHAN ni Mayor John Rey Tiangco ang ceremonial turnover ng hard hats para sa mga mag-aaral sa Navotas City bilang bahagi ng mas pinaigting na paghahanda nito sa mga sakuna tulad ng lindol.
Ani alkalde, naniniwala siya na ang kahandaan ay nagsisimula sa kaalaman at tamang kagamitan. Sa pamamagitan aniya ng mga ganitong hakbang, mas natutulungan maging handa at manatiling ligtas ang mga kabataan sa oras ng emergency.
Dagdag niya, patuloy ang lokal na pamahalaan ng Navotas sa pagpapatupad ng mga programa at hakbang upang matiyak na ang bawat sektor ng komunidad, mga bata, pamilya, at buong pamayanan ay handa at protektado sa panahon ng sakuna.
Layunin aniya ng programa: NavReady — Handang Pamilya, Matatag na Lungsod. (Richard Mesa)