DUDA ang Malakanyang sa kredibilidad ng online videos ni dating Ako Bicol Rep. Zaldy Co kung saan binanggit nito ang pangalan ng iba’t ibang opisyal ng gobyerno kabilang na sina Pangulong Ferdinand R. Marcos Jr. at pinsan nitong si dating House Speaker at Leyte Rep. Martin Romualdez, sa di umano’y iregularidad sa budgeting processes.“Mas maganda pong tapusin muna niya ang kanyang mga video dahil tuwing may napupunang inconsistencies, nagbabago rin ang kuwento,” ayon kay Presidential Communications Office Undersecretary at Palace Press Officer Claire Castro sa press briefing sa Malakanyang.Kaya nga, muling hinamon ng Malakanyang si Zaldy Co na bumalik na sa Pilipinas at ipaliwanag ang kanyang alegasyon sa tamang forum.Si Zaldy Co ay nahaharap sa kasong plunder at bribery sa Ombudsman at ‘subject’ siya sa isang Interpol blue notice request, pinahihintulutan ang mga member-states na mangolekta ng karagdagang impormasyon ukol sa identity o lokasyon ng isang tao.Sinabi pa ni Castro na kapansin-pansin na ang video ni Co ay na-rekord sa iba’t ibang araw, idagdag pa ang pagbabago ng kanyang appearance o hitsura na katibayan lamang na ang kanyang mga sinabi ay adjusted bilang pagtugon sa public reaction.“Kung isang araw lang ito ginawa, hindi dapat nababago ang itsura,” aniya pa rin.Samantala, isa sa tinukoy ni Castro na ‘inconsistency’ ni Co ay ang unang naging pahayag ng huli ukol sa pag-uusap hinggil sa government budgets na nagsimula noong 2022 subalit biglang nagpalit ng timeline, ginawang 2024, isang inconsistency ani Castro na kapansin-pansin at napuna ng mga legal analysts kasunod ng kanyang mga video.Tumanggi naman ang Malakanyang na mag-komento sa pagkaka-ugnay ni Co sa mga grupong nais na patalsikin si Pangulong Marcos sa puwesto at pabagsakin ang administrasyong Marcos. (Daris Jose)

NASAWI ang isang 13-anyos na binatilyo nang nagulungan ng tractor head habang tumatawid sa kalsada sa Tondo, Manila kamakalawa ng hapon.

Sa mismong pinangyarihan ng insidente nalagutan ang biktima na si Amado Del Prado y Nacua, estudyante ng PC8 Area GK Compound, Tondo.

Nasa kustodiya na ng Manila Police District (MPD) ang driver ng tractor head na may trailer na may plate no. ABJ 9923 na minamaneho ni Pedro Operio y Olicia ng 89 M Sioson St., Malabon City.

Sa ulat ni PSSgt Ardee Bautista ng Manila Police District (MPD) homicide section, naganap ang insidente bandang alas-2:35 ng hapon kung saan pansamantalang tumigil ang minamanehong trailer truck ni Operio sa kahabaan ng Mel Lopez Boulevard sa panulukan ng Espanola St., Tondo, Manila upang nag-refill ng tubig sa radiator ng sasakyan ang kanyang helper.
Matapos nakapag-refill, pinaandar ng driver ang kanyang sasakyan na nagresulta sa pagkakabangga ng biktima na noon ay papatawid sa kalsada patungong East to West direction na nagresulta sa kanyang agarang kamatayan . (Gene Adsuara)

INANUNSIYO ng Bureau of Immigration (BI) ang pagkakaaresto ng dalawang Chinese national na nagpanggap na mga Pinoy sa isang operasyon sa Laguna.
Kinilala ang mga naaresto na sina Chen Yian and Hong Ping Ping na nagpanggap na mga Filipino upang illegal makakuha ng permiso ng mga baril.

Ikinabahala naman ito ng mga awtoridad na ang paggamit ng Philipine citizednship documents upang makakuha ng permiso mga baril ay isang security threat at isang detriminal sa national security.
Nahuli ang mga suspek sa Magsaysay Road sa Brgy. San Antonio, San Pedro, Laguna sa bisa ng mission order na inisyu ni BI Commissioner Joel Anthony Viado.
Tatlo pang Chinese nationals ang inaresto na kinilalang si Cai Weixin, Li Rongpo, at Cai Junqiu na nagtatrabaho sa kumpanya na paglabag sa Philippine immigration laws.

Ang limang inaresto ay unang dinala sa BI Main Office para sa documentation bago dinala sa BI Warden Facility sa Camp Bagong Diwa Bicutan, Taguig City.
(Gene Adsuara)

KULUNGAN ang kinasadlakan ng walong na kalalakihan kabilang ang tatlong drug suspects nang maaktuhan ng pulisya na naglalaro ng illegal na sugal sa magkahiwalay na lugar sa Valenzuela City.
Sa kanyang ulat kay Valenzuela Police chief P/Col. Joseph Talento, sinabi ni PSSg Janine Buenaventura na habang nagpapatrolya ang mga tauhan ng Bignay Police Sub-Station 7 sa Casarival Northville 1, Brgy., Bignay nang matiyempuhan nila ang dalawang kelot na nagsusugal umano ng ‘Lucky 9’ sa tabi creek dakong alas-2:15 ng madaling araw.
Hindi na nakapalag ang dalawa nang arestuhin nina PCpl Roniel Reyes at PCpl Bryan Bagtas at nakumpiska sa kanila ang bet money at playing cards habang ang isang plastic sachet ng umano’y shabu ay nakuha kay alyas “Raymart”, 29, scraper.
Nauna rito, alas-3:30 ng hapon nang mahuli sa akto ng mga tauhan ng Gen T De Leon Police Sub-Station 2 na nagsasagawa ng Oplan Galugad ang dalawang lalaki na nagsusugal naman ng cara y cruz sa Demetillo St., Brgy., Gen. T De Leon.

Nakuha sa kanila nina Pat. Elmer Olieca at Pat. Julious Cesar Demition ang bet money at pangara habang ang isang plastic sachet ng hinihinalang shabu ay nasamsam kay alyas “Jim”, 44, street sweeper.

Bandang alas-8:30 naman ng gabi nang maaktuhan din nina PCpl John Ray Laredo at Pat. R-Jay Tagnong, kapwa ng Paso De Blas Police Sub-Station 1 ang dalawang binata na nagla-lucky 9 sa F. Lazaro St., Brgy. Canumay West.

Nasamsam sa kanila ang bet money at gamit na playing cards habang ang isang plastic sachet na naglalaman ng suspected shabu ay nakuha kay alyas “Rene”, 25, carwash boy.

Sa Brgy., Maysan, alas-12:15 ng hating sabi nang mahuli rin sa akto ng mga tauhan ni Karuhatan Police Sub-Station 9 Commander P/Capt. Joan De Leon ang dalawang lalaki na nagka-cara y cruz sa Marcelo Street.

Nasamsam sa kanila nila PSSg Usman at Pat. Baladad ang bet money at gamit na pangara habang ang isang plastic sachet na naglalaman ng hinihinalang shabu at nakuha kay alyas “Toper”, 52, ng Brgy. Malinta. (Richard Mesa)

NASAWI ang 26-anyos na bebot nang mahagip at magulungan ng rumaragasang trailer truck sa Malabon City, kamakalawa ng gabi.

Dead-on-arrival sa Tondo Medical Center sanhi ng tinamong pinsala sa katawan ang biktimang si alyas “Alaiza”, ng Sitio 6, Brgy. Catmon.

Nahaharap naman sa kaukulang kaso ang driver ng trailer truck na si alyas “Rodolfo”, 56, ng J.P. Rizal St. Tondo Manila habang na-impound na rin ang tractor head at hila nitong trailer na walang laman.

Sa ulat nina P/MSg Bernardo Bernal at P/MSg Raymond Siatrez ng Malabon Police Sub-Station 4 kay Malabon Police chief P/Col. Allan Umipig, dakong alas-6:15 ng gabi nang maganap ang insidente sa kahabaan ng Gov. Pascual Avenue, Brgy. Catmon.

Lumabas sa imbestigasyon ni PSSg Anthony Codog, habang naglalakad ang biktima sa nasabing lugar nang mahagip at magulungan ng trailer truck na may plakang (NDJ5017) at minamaneho ni ‘Rodolfo’.

Matapos ang insidente, isinugod ang biktima sa nasabing pagamutan nang nagrespondeng rescuers ng Malabon Disaster Risk Reduction and Management Office (MDRRMO) subalit, hindi na umabot ng buhay.
(Richard Mesa)