NAGTALA ng malaking panalo ang public relations at public affairs consultancy firm na ALPAS sa 21st Philippine Quill Awards, ang pangunahing parangal sa bansa para sa kahusayan sa business communication, na ginanap sa The Manila Hotel.

Nakuha ng ahensya ng limang pagkilala, kabilang ang Excellence Award at isang Top Division Award, sa kanilang unang pagsali sa prestihiyosong parangal.

Ang Philippine Quill Awards, na inorganisa ng International Association of Business Communication (IABC) Philippines, ay isang prestihiyosong plataporma na kumikilala sa mga programang gumagamit ng kreatibidad at estratehiya upang makamit ang makabuluhang epekto at nasusukat na resulta.

Nakamit ng ALPAS ang Top Division at Excellence Award sa ilalim ng Communication Training and Education division para sa kanilang programang “The Struggle Is Real: Crisis Communications Training” na inilunsad sa ilalim ng corporate social responsibility (CSR) arm ng ahensya bilang tugon sa pagkalat ng maling impormasyon at disimpormasyon sa bansa.

Nakamit din ng ALPAS ang Merit Award sa ilalim ng Communication Skills Division for Corporate Writing para sa kanilang makabagong TALAKAYAN Series, na naglalayong gawing mas malinaw ang mga komplikadong naratibong politikal at gawing mas abot-kamay ang pagkaunawa sa politika bago ang 2025 midterm elections.

Nakakuha ng isa pang Merit Award ang “Health Connect Forum” para sa Sanofi Vaccines Philippines sa kategoryang Audio/Visual sa ilalim ng Communication Skills division. Sinimulan ng Sanofi katuwang ang Pharmaceutical and Healthcare Association of the Philippines (PHAP), Philippine Medical Association (PMA), at Philippine Foundation for Vaccination (PFV), layunin ng kampanya na tugunan ang patuloy na maling impormasyon tungkol sa pagbabakuna at palakasin ang kamalayan sa kahalagahan ng bakuna bilang isang mahalagang kasangkapan sa pagsagip ng buhay.

Nagwagi rin ang ALPAS ng Merit Award para sa Social Media Programs category sa ilalim ng Communication Skills division para sa kanilang digital-led pediatric vaccination campaign na “Batang Bakunado, Todong Protektado!” para sa Department of Health (DOH), katuwang ang United States Agency for International Development (USAID) at Johns Hopkins Center for Communications Programs.

“To be recognized on our first entry at the Philippine Quill Awards is incredibly meaningful to us and to our whole team,” wika ni ALPAS Co-founder at CEO Marzie Marzan. “These awards are a recognition of the outcomes we have achieved that move society and the entire nation forward. This is just the beginning for ALPAS, and we look forward to telling more meaningful stories that matter in the coming years.”

 “At ALPAS, our philosophy has always been to create work that uplifts our fellow Filipinos and to support the development of our country. Our wins validate this approach and show the strength of a team dedicated to building the Philippines towards progress,” ayon kay ALPAS Co-founder at CEO Marzie Marzan. (Gene Adsuara)

IPINAGPALIBAN ng International Criminal Court (ICC) ang pagsisimula ng pagdinig ng ‘confirmation of charges’ laban kay dating Pangulong Rodrigo “Digong” Roa Duterte na orihinal na nakatakda bago matapos ang buwan.

Ito’y matapos na makiusap ang defense panel para sa isang ‘adjournment’ sa grounds na ang 80-taong gulang na si Digong Duterte ay hindi na akma para sa paglilitis.

Sa isang desisyon na ipinalabas, araw ng Lunes ng Pre-Trial Chamber I, kasama si Judge María del Socorro Flores Liera na hindi sumang-ayon, napagpasyahan na iantala ang paglilitis na dapat ay magsisimula sa Sept. 23.

Sinang-ayunan naman ng mayorya ng chamber ang limitadong pagpapaliban ay kinakailangan para mapaglaanan ng oras ang kahilingan ng defense team at iba pang kaugnay na usapin.

Idedetermina naman ang bagong petsa ng pagdinig matapos na matugunan ang usaping ito.

Sa kabilang dako, nagpalabas naman si Flores Liera ng dissenting opinion, nagsasaad na ang naging kahilingan ng depensa ay dapat na tanggihan at ang confirmation hearing ay dapat na ituloy ayon sa naka-iskedyul.

Ang pagdinig sa confirmation of charges, isang napakahalagang hakbang sa ICC proceedings, layon na idetermina kung may sapat na ebidensiya para ma- establish o mapagtibay ang substantial grounds na nagawa ng akusado sa di umano’y krimen.

Kung kumpirmado ang pagsasakdal, ang kaso ay dadalhin sa Trial Chamber para sa susunod na yugto ng paglilitis.

Sa ulat, nito lamang buwan ng Marso, inaresto at ikinulong si dating Pangulong Duterte sa bisa ng arrest warrant ng International Criminal Court (ICC).

Ito’y kaugnay sa kasong “crimes against humanity” na isinampa laban sa kanya matapos ang ipinatupad niyang “war on drugs” sa ilalim ng kanyang administrasyon.

Ayon sa datos ng gobyerno, tinatayang 6,000 katao ang namatay sa “war on drugs” ng administrasyong Duterte, ngunit ayon sa mga human rights group ay posibleng umabot sa 20,000 ang totoong bilang ng mga napatay.

Bilang hawak na ng ICC si Duterte, siya ang unang lider mula Asya na haharap sa paglilitis sa The Hague. ( Daris Jose)

ITO ang naging pahayag ni Discaya sa pagdinig ng House Infra Committee ukol sa maanomalyang flood control projects.

Kaugnay ito sa pahayag ni Discaya sa pagdinig ng senado kung saan nabanggit ang pangalan nina Romualdez at iba pang mambabatas ukol sa kickbacks sa mga government infrastructure projects.

Agad naman itong itinanggi nina Romualdez at kasamahan nitong mambabatas at dating kongresita.

Sa pagdinig ng Kamara, sinabi nito na kaya nabanggit ang pangalan nina Speaker at Co ay dahil iyon ang sinasabi o kaya ay ginagamit ang pangalan ng mga nakausap niya.

“Baka po nagagamit lang po ng mga pulitiko ang kanilang pangalan… pero wala po akong direct na unawa o capacity na masabi na kay Speaker talaga napupunta ‘yun o kay Zaldy Co. Pero ‘yun ang binabanggit ng mga pulitikong kausap ko,” ani Discaya.

(Vina de Guzman)

TINIYAK ng Department of Budget and Management (DBM) sa publiko ng patuloy na isasaayos ang sistema ng isang online real-time tracker upang masiguro ang “more accurate at efficient monitoring’ ng government-funded infrastructure, kabilang na ang flood control projects.

Sa katunayan, mas maraming government agencies ang nakikipagtulungan ngayon sa DBM para sa implementasyon ng pinahusay na Project DIME (Digital Imaging for Monitoring and Evaluation), isang real-time web-based tool na pinapayagan ang publiko na i-monitor ang mga infrastructure project.

“[DBM] Secretary Amenah Pangandaman assured the public that they can expect stronger and more efficient online monitoring of government infrastructure projects with the support of additional agencies collaborating on the implementation of the Digital Information for Monitoring and Evaluation, or Project DIME,” ayon sa DBM.

Sa kabilang dako, sa Senate Blue Ribbon Committee hearing ukol sa di umano’y maanomalyang flood control projects, araw ng Lunes, sinabi ni Pangandaman na ang Project DIME ay sumasailalim sa patuloy na pagsasaasyo upang magtatag ng technology-enabled validation at reporting mechanism para sa piling government infrastructure projects.

“Meron pong innovation ‘yung sa Project DIME po natin. Hindi po ito kailangan ng satellite kung gusto pong mag-access. At ‘yung unang innovation po dito, sinama na po natin ‘yung UP, University of the Philippines, ‘yung Project NOAH,” ang sinabi ng Kalihim.

Matatandaang nito lamang May 2025, nilagdaan ng DBM ang isang memorandum of understanding kasama ang UP at Department of Public Works and Highways (DPWH) para mas mapalakas ang implementasyon ng proyekto sa pamamagitan ng pagsama-samahin ang disaster risk reduction strategies at tiyakin na ang government projects ay matatag sa natural hazards.

Winika pa ni Pangandaman na magagawa rin ng digital platform na palakasin ang partisipasyon ng mga mamamayan sa pamamagitan ng payagan ang pubiko na mag-post ng feedback sa pamamagitan ng website.

Sinabi pa nito na nagpapatuloy ang pag-uusap kasama ang Department of Environment and Natural Resources, Philippine Space Agency, Department of Energy, at Department of Science and Technology para sa ‘improvement’ nito.

Ikinatuwa naman ni Pangandaman ang pagpapahalaga at pagkalugod ng mga mambabatas sa pagsiskap ng DBM na paghusayin ang ‘transparency at citizen participation’ sa pamamagitan ng teknolohiya.

“Natutuwa naman ako na nabalitaan nila ‘yung ginagawa natin (I am happy that they are aware of what we are doing) for Project DIME. We will continue to collaborate with other agencies to make sure na magiging successful ‘yung Project DIME natin,” anito.

Ang Project DIME ay isa sa flagship digitalization initiatives ng DBM, naglalayon na i-promote ang transparency sa pamamagitan ng pagbibigay ng makabuluhang impormasyon ukol sa ‘project status at progreso’ kabilang na ang ‘completion rates, funding sources, mga ahensyang nagpapatupad, at pangalan ng mga kontratista.’ (Daris Jose)

HINILING ng isang dating engineer ng Department of Public Works and Highways (DPWH) na nasa ilalim ng Senate custody sa House Infra Comm na huwag na siyang pabalikin sa senado dahil may ilang sangkot na senador umano sa maanomalyang flood control projects.

“Pwede ho bang ‘wag n’yo na po ako ibalik sa Senate, Your Honor, kasi may mga involved pong senador dito at hindi ko po alam ang magiging kapalaran ko kung ibalik niyo ako doon,” pahayag ni Brice Ericson Hernandez, na una nang na-cite in contempt ng Senate Blue Ribbon Committee.

Tumestigo si Hernandez na ang kanyang dating boss na si Henry Alcantara, ang nagpakuha ng pera na nakakahon ngunit hindi niya alam kung sa kanya napunta lahat iyon.

Nang tanunging kung si Alcantara ang tanging tumanggap, sinabi ni Hernandez na hindi niya mapangalanan ang iba dahil sa pangamba sa kanyang buhay at sa kanyang pamilya.

“Siyempre natatakot din po ako sa buhay ko at sa pamilya ko kasi hindi naman po birong tao ‘yung mga taong involved dito,” pahayag nito.

Siniguro naman ni Ako Bicol Party List Rep. Alfredo Garbin Jr. kay Hernandez na proteksyon. “Engineer Hernandez, you will be protected by this committee as long as you will say the truth,” anang mambabatas.

Sa pagdinig, pinangalanan ni Hernandez sina Senador Jinggoy Estrada at Joel Villanueva na sangkot umano sa anomalya.

Ang Infra Comm ay binubuo ng House Committees on Public Accounts, Public Works and Highways, at Good Government and Public Accountability ay nagsasagawa ng imbestigasyon sa umano’y ghost at substandard flood control projects. (Vina de Guzman)

ITO ang naging pahayag ni Discaya sa pagdinig ng House Infra Committee ukol sa maanomalyang flood control projects.

Kaugnay ito sa pahayag ni Discaya sa pagdinig ng senado kung saan nabanggit ang pangalan nina Romualdez at iba pang mambabatas ukol sa kickbacks sa mga government infrastructure projects.

Agad naman itong itinanggi nina Romualdez at kasamahan nitong mambabatas at dating kongresita.

Sa pagdinig ng Kamara, sinabi nito na kaya nabanggit ang pangalan nina Speaker at Co ay dahil iyon ang sinasabi o kaya ay ginagamit ang pangalan ng mga nakausap niya.

“Baka po nagagamit lang po ng mga pulitiko ang kanilang pangalan… pero wala po akong direct na unawa o capacity na masabi na kay Speaker talaga napupunta ‘yun o kay Zaldy Co. Pero ‘yun ang binabanggit ng mga pulitikong kausap ko,” ani Discaya.

(Vina de Guzman)

SA kulungan ang bagsak ng dalawang drug suspects matapos mahuli sa akto na nagtatransaksyon ng illegal na droga sa Caloocan City.

Sa kanyang report kay Northern Police District (NPD) Acting District Director P/BGen. Jerry Protacio, kinilala ni Caloocan Police Acting Chief P/Col. Joey Goforth ang mga suspek na sina alyas “Ryan”, 29, online seller at alyas “Gorge”, 19, helper.

Ayon kay Col. Goforth, nakatanggap ng tip mula sa isang concerned citizen ang mga tauhan ng Bagong Barrio Police Sub-Station 5 hinggil sa nagaganap umanong illegal drug activities sa M. Ponce Street, Barangay 132.

Kaagad namang rumesponde sa lugar ang mga tauhan ng SS5 at naaktuhan nila ang mga suspek na nag-aabutan umano ng droga na nagresulta sa pagkakaaresto sa kanila dakong alas-2:00 ng madaling araw.

Nasamsam sa mga suspek ang dalawang plastic sachets na naglalaman ng nasa 5.18 grams ng hinihinalang shabu na may standard drug price value na P35,224.

Mahaharap ang mga suspek sa kasong paglabag sa R.A 9165 o ang Comprehensive Dangerous Drug Act of 2002. (Richard Mesa)

 https://share.google/images/8qhyztvF0hJ2gesls

News 2

Dating DPWH engineer, humiling sa Kamara na huwag pabalikin sa Senado

HINILING ng isang dating engineer ng Department of Public Works and Highways (DPWH) na nasa ilalim ng Senate custody sa House Infra Comm na huwag na siyang pabalikin sa senado dahil may ilang sangkot na senador umano sa maanomalyang flood control projects.

“Pwede ho bang ‘wag n’yo na po ako ibalik sa Senate, Your Honor, kasi may mga involved pong senador dito at hindi ko po alam ang magiging kapalaran ko kung ibalik niyo ako doon,” pahayag ni Brice Ericson Hernandez, na una nang na-cite in contempt ng Senate Blue Ribbon Committee.

Tumestigo si Hernandez na ang kanyang dating boss na si Henry Alcantara, ang nagpakuha ng pera na nakakahon ngunit hindi niya alam kung sa kanya napunta lahat iyon.

Nang tanunging kung si Alcantara ang tanging tumanggap, sinabi ni Hernandez na hindi niya mapangalanan ang iba dahil sa pangamba sa kanyang buhay at sa kanyang pamilya.

“Siyempre natatakot din po ako sa buhay ko at sa pamilya ko kasi hindi naman po birong tao ‘yung mga taong involved dito,” pahayag nito.

Siniguro naman ni Ako Bicol Party List Rep. Alfredo Garbin Jr. kay Hernandez na proteksyon. “Engineer Hernandez, you will be protected by this committee as long as you will say the truth,” anang mambabatas.

Sa pagdinig, pinangalanan ni Hernandez sina Senador Jinggoy Estrada at Joel Villanueva na sangkot umano sa anomalya.

Ang Infra Comm ay binubuo ng House Committees on Public Accounts, Public Works and Highways, at Good Government and Public Accountability ay nagsasagawa ng imbestigasyon sa umano’y ghost at substandard flood control projects. (Vina de Guzman)

MALUBHANG nasugatan ang pitong-buwang buntis na bebot matapos pagsasaksakin ng kanyang live-in partner na umano’y nasa impluwensiya ng bawal na droga sa Navotas City.

Nakaratay habang ginagamot sa Navotas City Hospital ang 18-anyos na biktimang si alyas “Marie” habang naaresto naman kaagad ni PCMS Roberto Santillan ng Navotas Police Patrol Base-2 ang suspek na si alyas “Kevin”, 32, na umano’y nahuhumaling sa ilegal na droga.

Sa report ni Pat. Noriza Panogalinga kay Navotas police chief P/Col. Renante Pinuela, habang naliligo ang biktima sa banyo ng kanilang tirahan sa B. Cruz St. Tangos North pasado alas-12:00 ng tanghali, nang biglang pumasok ang suspek na armado ng patalim at magkakasunod na inundayan ng saksak ang biktima sa iba’t ibang bahagi ng katawan at leeg.

Nagsisigaw naman na humingi ng saklolo si ‘Marie’ at nang banggitin niya ang salitang “Love”, dito lang itinigil ng suspek ang pananaksak kaya nagawang makatakbong palabas ng banyo ang biktima.

Sumaklolo naman ang lalaking kapatid ng suspek na agad isinugod ang biktima sa naturang pagamutan habang kaagad namang naaresto ang suspek dahil sa mabilis na pagresponde ni PCMS Santillan.

Ayon sa pulisya, sinabi ng suspek na tila may bumubulong sa kanya na gawin ang krimen at hindi niya alam na kinakasama niya ang kanyang nasaksak.

Patuloy namang inoobserbahan ng mga doktor ang kalagayan ng biktima, pati na ang sanggol sa sinapupunan, habang sinampahan ng kasong frustrated homicide in relation to Anti Violence Against Women and their Children Act ang suspek sa Navotas City Prosecutor’s Office. (Richard Mesa)

SINABI ni Executive Secretary Lucas Bersamin na hindi makikialam ang itatayong independent commission ni Pangulong Ferdinand Marcos Jr. sa nagpapatuloy na House at Senate inquiries sa kontrobersiyal na flood control projects.

Ang lilikhaing independent commission ay nakatutok lamang na imbestigahan ang maanomalyang proyekto.

Tinukoy ni Bersamin ang nakatakdang pagpapalabas ng Executive Order (EO) na magtatatag ng independent commission para imbestigahan ang nagpapatuloy na substantard, kung hindi man ghost flood control projects.

“Thank you for this opportunity to say something about this statement of the President. We do confirm that we are working on an Executive Order that will deliver on what the President has started in the SONA (State of the Nation Address),” ayon kay Bersamin sa isinagawang presentasyon ng Office of the President (OP) sa panukala nitong P27 billion budget para sa 2026 sa House appropriations panel.

Matatandaang noong pang-apat na SONA ng Pangulo, nangako ang Chief Executive hahagupitin niya ang mga public officials na nakinabang mula sa infrastructure projects ng gobyerno kabilang na ang flood control projects.

“We are not yet sure when we will come out with an independent commission or body that would continue the query or inquiry into the issues that were raised in his SONA, as well as in later statements that the President made. We do not want to preempt the Congress, especially this House, from doing its own….taking the initiative…also in this respect. We will not be a hindrance there,” ayon kay Bersamin.

“The initial discussions in the Executive is that whatever commission is created by the presidential fiat would have a timeline, a sunset [provision]. And it becomes your privilege to look at it in the same way and maybe pass a law or laws regarding the investigation of these anomalies,” aniya pa rin.

Winika pa ni Bersamin, dating Chief Justice, na ang isinasagawang imbestigasyon ng Kongreso ay bahagi ng oversight function nito.

“This EO [on flood control probe] will not be barring you from doing that because that is your institutional responsibility also. So that is the light in which we would like you to see this proposed EO that the Executive may come out with,” ang dagdag na pahayag ni Bersamin.

(Daris Jose)