Filipino MMA fighter Carlos Alvarez, ibinulsa ang bronze – ikalawa para sa Team PH

IBINULSA ni Filipino MMA fighter Carlos Alvarez ang bronze medal sa 2026 Asian Games

Ang medalya ni Alvarez ang ikalawang medalya na nakuha ng Team PH sa nagpapatuloy na regional tournament .

Hindi kinaya ni Alvarez ang kaniyang nakalaban na si Yerkingali Burkutalin, isang MMA fighter mula sa Kazakhstan.

Nagawa ng Kazakhstani na patumbahin si Alvarez sa 2nd round at hindi na nakabangon pa ang Pinoy fighter. Mabalis kasing sinundan ng Kazakhstani ang pagkatumba ni Alvarez, ng magkakasunod na punch combo.

Nagawa pa ng Pinoy MMA striker na dominahin ang unang laban, batay sa score cards ng mga judge, ngunit ang pagbagsak niya sa 2nd round ay naging malaking bentahe sa kaniyang kalaban.

Ang unang medalya ng PH ngayong Asian Games ay nakuha ng women’s soft tennis team, isang makasaysayang panalo ng national team sa regional competition (bronze).