2025 September Archive - People's Balita

Archive for September, 2025

Maximum tolerance ng mga pulis sa September 21protest, pinuri ng Napolcom

Posted on: September 24th, 2025 by @peoplesbalita No Comments

PINURI ni National Police Commission (Napolcom) ang ipinakitang maximum tolerance ng Philippine National Police (PNP) sa ikinasang rally sa Trillion Peso March.

Ayon kay Napolcom chief Commissioner Rafael Calinisan, nagpapasalamat ang kanilang hanay sa hindi matatawarang serbisyo ng mga pulis para mapanatili na maayos ang rally.

Nakalulungkot ayon kay Calinisan na may ilang grupo ang nanggulo at gumamit ng Molotov cocktails at binato ang mga pulis sa bahagi ng Ayala Bridge sa Maynila.

Nakatanggap pa ng mensahe si Calinisan mula sa officer sa ground.

Sinaluduhan ni Calinisan ang mga pulis sa pagpapatupad ng maximum tolerance sa kabila ng extreme provocation ng mga rallyista. Bilib si Calinisan sa katapangan, propesyunalismo at resilience ng mga pulis.

“Let us give tribute to the men and women in uniform who, despite danger and injury, fulfilled their sworn duty to safeguard lives and maintain order. Their sacrifice reflects the PNP’s unwavering commitment to peace, discipline and service to the community. Kasama ako sa napakaraming Pilipino na nagpapasalamat sa inyong serbisyo. They are truly the protectors of the people.Thankless job ang pagiging pulis. They are always put in harm’s way and their efforts often go unnoticed. But with what happened with the rallies, their sacrifices are brought to the people’s attention. And the people are appreciative of their selfless service,” pahayag ni Calinisan.

Tiniyak pa ni Calinisan ang publiko na mananatiling nakaalerto ang law enforcement agencies sa anumang tawag ng emergencies.

Sa 60th founding anniversary nito… CCMC, NAMAHAGI NG LIBRENG GAMOT, LABORATORY SERVICES

Posted on: September 24th, 2025 by @peoplesbalita No Comments

BILANG bahagi ng pagdiriwang ng ika-60th Founding Anniversary nito, mamamahagi ang Caloocan City Medical Center (CCMC) ng libreng gamot at laboratory services na simulan nitong September 22 hanggang September 26.

Ang isang linggong selebrasyon na Anibersaryo ng CCMC ay magbibigay ng libreng pediatric at dental services, pap smear at libreng early breast cancer detection procedure para sa mga kababaihan, at maging minor surgical process at pamamahagi ng libreng eyeglasses at vitamins para sa mga benepisyaryo.

Hinikayat naman ni Caloocan City Mayor Dale Gonzalo “Along” Malapitan ang kanyang mga nasasakupan na gamitin ang mga libreng serbisyong iniaalok ng CCMC at nagpahayag ng kanyang pasasalamat sa lokal health workers ng lungsod para sa kanilang dedikasyon na magbigay ng de-kalidad na serbisyong pangkalusugan para sa lahat.

“Sa mga Batang Kankaloo, isang linggo pong magbibigay ng libreng mga serbisyong pangkalusugan ang CCMC, kaya sana po ay huwag nating sayangin ang pagkakataon na ito na makilahok sa pagdiriwang ng kanilang anibersaryo,” ani Mayor Along.

“Mula pa noong nagsimula tayong pagtuunan ng pansin ang kalusugan ng ating mga kababayan, mga local health worker po ang ating naging katuwang sa pagbababa ng serbisyo sa ating mga komunidad. Asahan po ninyong hindi lang mga health services ang ating paiigtingin kung hindi pati na rin ang proteksyon ng ating health workers,” dagdag niya. (Richard Mesa)

Navotas, nakiisa sa International Coastal Cleanup Day

Posted on: September 24th, 2025 by @peoplesbalita No Comments

NAKIISA ang Pamahalaang Lungsod ng Navotas sa International Coastal Cleanup Day sa pamamagitan ng pagsasagawa ng simultaneous cleanup activities sa buong Navotas.

Mahigit 700 volunteers mula sa iba’t ibang ahensya at organisasyon, at mga kawani ng barangay ang nagtulong-tulong sa paglilinis kung saan umabot sa 200 sako o 1.5 tonelada ng basura ang nakolekta, karamihan sa mga ito ay plastic bags, straw, at food wrappers.

Nagpaalala naman si Mayor John Rey Tiangco sa lahat itapom nang tama ang mga basura at iwasan ang single-use plastics para mapangalagaan ang karagatan.

Aniya, ang ICC ay bahagi ng Manila Bay Rehabilitation Program, na nagtataguyod ng malinis na kapaligiran at nagpapanatili ng pamumuhay para sa kasalukuyan at susunod na henerasyon. (Richard Mesa)

Riding-in-tandem, nasabat sa patalim, droga sa Oplan Sita sa Valenzuela

Posted on: September 24th, 2025 by @peoplesbalita No Comments

BAGSAK sa kulungan ang dalawang lalaki nang mabisto ang dalang shabu at patalim makaraang tangkain takasan ang mga pulis na nagsasagawa ng Oplan Sita habang sakay ng isang motorsiklo sa Valenzuela City.

Kinilala ni Valenzuela Police Acting Chief P/Col. Joseph Talento ang naarestong mga suspek na sina alyas “John”, 23, at alyas “Rey”, 23, kapwa residente ng Brgy., Muzon, SJDM, Bulacan.

Batay sa ulat, habang nagsasagawa ng Oplan Sita ang mga tauhan ng Gen T De Leon Police Sub-Station 2 sa Monvi Avenue, Brgy. Gen T De Leon nang parahin nila ang mga suspek na magkaangkas sa isang motorsiklo para sa verification dakong ala-1 ng hapon.

Sa halip na huminto, pinaharurot umano ng nagmamaneho ang motorsiklo para tumakas kaya hinabol sila ng mga pulis hanggang sa magawang mapigilan at maaresto dahil sa paglabag sa Art 151.

Nang kapkapan, nakuha kay alyas John ang isang patalim at dalawang plastic sachets na naglalaman ng hinihinalang shabu na nagkakahalaga ng P4,488 habang wala namang naipakita ang nagmamaneho na driver’s license at expired na rin umano ang rehistro ng motorsiklo.

Mahaharap ang mga suspek sa kasong paglabag sa Art 151 of RPC (Resistance and Disobedience to a person in Authority) habang karagdagan pa na kasong BP 6 (Illegal Possession of Bladed Weapon) at paglabag RA 9165 (Comprehensive Dangerous Drugs Act of 2002) ang kakaharapin pa ni alyas John. (Richard Mesa)

Terorista nasa likod ng Mendiola riot – DILG, PNP

Posted on: September 23rd, 2025 by @peoplesbalita No Comments

ITINUTURO ng Department of Interior and Local Government (DILG) at Philippine National Police (PNP) ang local terrorist group na nasa likod ng paglusob sa Mendiola at tangkang pagsunog sa Malakanyang.

Ayon kay DILG Secretary Jonvic Remulla, ang pinakamalaking pangamba ng security forces noong araw ng Linggo ay kung sa EDSA People Power Monument ginawa ang panggugulo dahil tiyak na mas maraming masasaktan.

Base sa nakalap nilang intelligence report, target ng mga terorista na magpasabog ng bomba sa Edsa People Power Monument o sa Luneta.

Dahil dito kaya nagtalaga sila ng may 400 mga pulis sa ground na pawang mga naka-civilian ang damit para makita at ma-assess ang sitwasyon.

Ayon pa kay Remulla, mabuti na lamang at sa Mendiola nangyari ang kaguluhan at mas na-contain ang sitwasyon.

“May narinig kaming rally na sinabi nung may hawak ng mic na, ‘O sandali na lang, pupunta na tayo sa Mendiola, dalhin niyo na ang mga lighter ninyo. That is one confirmation that they intend to burn the Palace… The capacity to burn the Palace is very difficult but the intent is there,” ayon kay Remulla.

Sinabi naman ni PNP Chief General Melencio Nartatez Jr. na patuloy ang kanilang imbestigasyon sa anggulong terorista at kung anong grupo ang nasa likod ng marahas na rally sa Mendiola nitong Linggo.

Matatandaang sinunog ng mga rallyista ang container van na nakaharang sa Ayala Bridge na ilang metro na lamang ang layo sa Malakanyang at pinagbabato pa ang mga nakabantay na mga pulis.

(Daris Jose)

Ads September 23, 2025

Posted on: September 23rd, 2025 by Francis Paolo Torres No Comments

23 – 4-merged

Vice Ganda kay Pangulong Marcos: Ipakulong mo lahat ng magnanakaw!

Posted on: September 23rd, 2025 by @peoplesbalita No Comments

Hinamon ni It’s Showtime host Vice Ganda si Pangulong Ferdinand “Bongbong” Marcos, Jr. na ipakulong ang mga magnanakaw kung nais nitong magkaroon ng legasiya ang kanyang pangalan.

Binitawan ni Vice ang panawagan sa kanyang pagdalo sa EDSA White Plains rally kahapon kasama ang ilan pang artista tulad nina Iza Calzado, Catriona Gray at Gabbi Garcia.

Ayon kay Vice, ang taumbayan ang ‘employer’ ng Pangulong Marcos at iba pang opisyal ng pamahalaan kaya dapat nitong sundin ang iuutos ng sambayanan.

Giit ni Vice, nakatuon ang mata ng publiko sa mga kilos ng Pangulong Marcos kaya inaasahan nilang gagawin nito ang nararapat na pagpapakulong sa lahat ng magnanakaw sa pamahalaan.

“Nakatingin kami sa’yo, Pangulong Bongbong Marcos at inaasahan ka namin, hindi dahil sa idol ka namin kundi dahil sinusuwelduhan ka namin at inaasahan namin na tutuparin mo ang inuutos naming mga employer mo,” ani Vice.

Kasabay nito, nanawagan din si Vice sa pamahalaan na ibalik ang death penalty para sa mga korap na pulitiko.

Giit ni Vice, ang mga korap na pulitiko ay mas malala pa sa mga mamamatay-tao.

“Ang korapsiyon ay higit pa sa terorismo. Ang mga terorista namimili lamang ng lugar at panahon kung kailan aatake pero ang mga magnanakaw sa Pilipinas walang pinipiling araw… araw-araw nila tayong ninanakawan,” dagdag pa ng TV host. (MRA)

Alas men’s volleyball team nagtapos sa pang-19 sa FIVB Volleyball Men’s World Championship

Posted on: September 23rd, 2025 by @peoplesbalita No Comments

NAGTAPOS sa pang-19 na puwesto ang Alas Men’s volleyball team sa 2025 FIVB Volleyball Men’s World Championship.

Nagtala kasi ng kasaysayan ang men’s volleyball team ng talunin nila ang Egypt at ang muntikan ng panalo laban sa Iran para maging third place sa group stage.

Nasa ranked 18 ang France habang ang Brazil ay nasa pang-17.

Nahigitan din ng Pilipinas ang mga powerhouse team na Cuba na nasa pang-20 habang ang Germany ay nasa pang-21 at ang highest-ranked sa Asya na Japan ay nasa pang-23.

Sa kasalukuyan ay nasa ranked 81 sa buong mundo ang Pilipinas.

EJ Obiena, wagi sa World Pole Vault Challenge sa Makati

Posted on: September 23rd, 2025 by @peoplesbalita No Comments

IKINATUWA ng mga lokal na tagahanga ang pagkapanalo ni EJ Obiena sa Atletang Ayala World Pole Vault Challenge na ginanap sa Ayala Triangle Gardens, Makati City nitong Linggo, Setyembre 21.

Sa kabila ng masamang panahon nalampasan ni Obiena ang taas na 5.80 meter, katumbas ng kanyang pinakamahusay na record ngayong season, at tinalo si Thibaut Collet ng France sa pamamagitan ng countback. Pareho nilang naitala ang 5.80m, ngunit si Obiena ang nakakuha ng panalo.

Ito ang kauna-unahang international title ni Obiena sa sariling bansa.

Sinubukan din ni Obiena na lagpasan ang 5.85m (dalawang beses) at 5.90m (isang beses) ngunit hindi ito nagtagumpay. Si Collet, na nagtapos ng ika-lima sa World Athletics Championships kamakailan, ay hindi rin na-clear ang 5.90m sa tatlong subok.

Kapag naaprubahan ang interim release: ‘Third country’, payag na tanggapin si Digong Duterte -VP Sara

Posted on: September 23rd, 2025 by @peoplesbalita No Comments

SINABI ni Vice President Sara Duterte nitong weekend na mayroong ‘third country’ ang pumayag na tanggapin si dating Pangulong Rodrigo “Digong” Roa Duterte, kasalukuyang nakakulong sa Hague Penitentiary Institution o Scheveningen Prison dahil sa kasong crimes against humanity kaugnay sa naging kampanya ng kaniyang administrasyon laban sa ilegal na droga, na ayon sa datos ng pamahalaan ay ikinamatay ng mahigit 6,000 katao sa mga operasyon ng pulisya.

Sa pagsasalita sa harap ng mga Filipino sa Japan, sinabi ni VP Sara na ang third country ay secure na.

Aniya pa, personal kasi siyang nakipag-usap at nakipagkasundo sa mga foreign contact na maghanap ng host country, dahil hindi aniya niya mapagkakatiwalaan ang sinuman sa Pilipinas na tumulong.

“Kung makikita niyo sa ICC (International Criminal Court) website, meron ng third country doon. Meron ng isang bansa na nagsabi na ‘Okay lang,’ na ‘Dito ninyo ilagay si Dating Pangulong Rodrigo Duterte’,” ang sinabi ni VP Sara.

Hindi naman nagbigay ng karagdagang detalye si VP Sara sa sinasabi nitong ‘third country’.

Buwan ng Hunyo nang simulan ng abogado ni VP Sara na hilingin sa ICC ang interim release para sa kanyang ama na si Digong Duterte.

“Medyo natagalan ang pag-file namin ng interim release dahil kinausap pa namin at naghanap pa ako ng tutulong sa akin dahil wala akong mapagkakatiwalaan doon sa Pilipinas. Ginamit ko ang aking mga nakilala sa labas ng Pilipinas dahil sa aking trabaho, nakiusap ako sa kanila na tulungan ninyo kami,” ang sinabi ni VP Sara.

“So medyo matagal ‘yun dahil hindi madali makipag-negosasyon sa isang bansa. Pero sabi ko nga, dahil sa pagdarasal ninyo, may mga good news na nangyari, so mayroong isang bansa na nagsabi, ‘Sige, okay’,” aniya pa rin.

Para naman sa Office of the Prosecutor ng ICC, hiniling nito sa tribunal na ibasura ang hiling na interim release ng kampo ni Duterte, ang kanilang katuwiran, ang patuloy na detensyon kay Digong Duterte ay kinakailangan upang matiyak ang kanyang pagdalo sa paglilitis, lalo pa’t hindi tinatanggap ni Digong Duterte ang ‘legitimacy’ ng legal proceedings laban sa kanya. (Daris Jose)