2024 December Archive - People's Balita

Archive for December, 2024

ENRIQUE, nagpapasalamat sa co-stars dahil game at walang kaarte-arte

Posted on: December 23rd, 2024 by @peoplesbalita No Comments

AFTER na mag-comedy ni Enrique Gil sa “I Am Not Big Bird,” na isa rin sa siya sa producer, may follow up agad siya, ito yun “Strange Frequencies: Taiwan Killer Hospital,” ang first meta found-footage horror movie at masuwerteng napasama sa ten official entry sa 50th Metro Manila Film Festival, na magsisimula na sa Araw ng Pasko.

“It feels good working on projects that really excite me. Inspiring. You reach a point, instead of being a smart actor, you just want to do it for fun and love the craft. kaya I did this comedy film, this horror film. I am just enjoying,” pagbabahagi ni Quen.

“I haven’t enjoyed as much doing projects in a long time. Something new and exciting para mabuhayan ulit fire inside me.”

Isinama nga ni Enrique sa “Strange Frequencies: Taiwan Killer Hospital,” sina Jane de Leon, Alexa Miro, Rob Gomez, MJ Lastimosa, Raf Pineda, at Zarckaroo Azurin, para ma-experience ang kakaibang horror movie.

At ayon sa kanila mapapanood ang unscripted adaptation ng 2018 South Korean film na “Gonjiam: Haunted Asylum”, na tiyak na magpapasigaw sa loob ng sinehan.

Experience ng actor/producer, “abandon place siya sa Taiwan, kasi hindi control ang weather, pag umulan, babaha sa loob. May mga butas sa bubong, maraming hazzards, may mga paniki, maraming lamok at kung anu-anong insekto.

“Pero super game sila, lalo na ang mga ladies, wala silang karate-arte at all. Thank you so much sa kanila.

“Pero as much as possible gusto namin super safe. Siyempre as a producer, may konti kaming responsibilities kami.

“Dapat rin maging respectful tayo, lalo na nasa Taiwan, ibang kultura yun. Hindi ko maintindihan ang mga multo, basta nagagalit na lang sila.”

Dagdag pa niya tungkol sa na-experience ni Alexa, “meron talaga, wala kasi ako dun sa kotse niya, nasa ibang car kami. Nagulat na lang kami, nagsisibabaan, may nangyari talagang kakaiba, biro nga namin, baka may gusto lang yun Taiwanese kay Alexa.”

Pagbabahagi naman ni Jane “Mag-isa ako pumunta sa isang floor, lahat ng gamit nandoon pa. Ewan ko trip ni Quen mag-isa ako. Iba yung experience, I was so scared. It was very risky for everyone.”

Sey naman ni Alexa, “Naalala ko gano lumabas totoong ugali naming lahat. Jane lumabas pagka protective, ako naman pasaway, Maiinis kayo sa akin.

“Hindi siya improv, being real na siya. Di mo na maiisip umarte, pag takot ka na kasi lalabas totoong ikaw. Napakarami parte ng pagkatao makikita sa ‘min.”

Anyway, co-producers ni Queen sina Dondon Monteverde at Erik Matti sa pinag-uusapang MMFF na for sure magugustuhan ng bagong henerasyon.

At dahil matagumpay ang pagpo-produce tuloy-tuloy na ito ayon kay Quen.

“May serye ako next year, co-production with ABS. Nag-pitch ako ng project sa ABS at nagustuhan naman nila, kaya next year start na kami ng action-romcom.

“Gusto ko action siya, pero action-comedy, medyo may pagka-lightness. Kasi usually super bigat lagi ng mga action so I wanted it medyo siyempre may romcom involved, kailangan ‘yon sa TV eh, pero it’s kumbaga medyo Ryan Reynolds-ish na may lightness but there’s some mafia involved.”

Meron na silang napiling leading lady, pero hindi pa puwedeng i-reveal at nakatakda raw mag-shoot ng ilang eksena sa Europe bandang March 2025. (ROHN ROMULO)

MJ, ginawa ang lahat ng pag-iingat para walang madala pabalik ng ‘Pinas

Posted on: December 23rd, 2024 by @peoplesbalita No Comments

“NAPAKAGANDA nung experience na nagkaroon muna kami ng fun nights bago kami sumugod sa Xinglin Hospital,” kuwento ni MJ Lastimosa sa Strange Frequencies: Taiwan Killer Hospital na tungkol sa magkakabarkadang nag-ghosthunting sa bang bansa.

“Kasi doon, medyo nag-warm up na. Nakilala namin yung isa’t isa. Nakapagkuwentuhan na ng mga personal life.

“Kasi individually, iba-iba talaga yung mga experiences namin. Although ako naman, na-train na rin naman talaga ako to be thrown at a situation na ako na lang mag-isa.

“Siyempre sa Miss Universe, I have to do my own hair and make-up. Pumunta ako sa ibang bansa, iba-iba yung lengguwahe ng mga taong nakakasama ko.

“So it’s nothing new, but this time it’s a different scenario in a sense na may content kaming gagawin.

“And eto talaga, yung takot ko, hindi ko akalain na totoo! Kasi hindi ko naman in-expect na papasok ako sa isang place at mag-isa lang ako!

“Tapos in the middle of the night na parang, hahhh, yung mga iyak, talagang totoong-totoo yung iyak.

“Kasi siyempre it’s not… you know… it’s not usual to be na place na totoong haunted at hindi mo alam kung ano ang ie-expect mo.

“So yung ano, parang survival and, at the same time, napakabuting tao rin naman yung mga nakasama ko.

“Si Quen, nakatrabaho ko na rin naman before. So, may ease na rin and yung talagang pagtutulungan namin na gusto naming ma-survive na lang talaga yung place nung haunted hospital na yun.”

Dagdag pa niya, “wala naman akong nakita and first time ko talagang makapasok są haunted hospital. Ni-research ko siya bago kami lumipad doon and legit siya at hindi ‘yun pinapaniwalaan lang. Popular pala siya sa Asia na most haunted place.

“So hindi ko alam ang i-expect ko, meron naman kaming kasamang Tarot reader, na parang ‘wag ka nang magkuwento kung may nararamdaman ka.

“I was very respectful, kasi sabi naman nila if you recognize the presence, maging respectful ka lang na both of you can exist. So, I don’t play with, make joke and make fun. Tapos ‘yun mga tinuro sa amin ng mga Taiwanese na magpagpag, yellow paper na dapat palagi naming baon.

“And thankfully, and sana wala akong binaon pabalik ng Pilipinas.”

Kahit nakakatakot ang mga eksena, lumalabas daw ang pagiging model MJ.

Kuwento niya, “Sobrang nakakatuwa itong film na ito, kasi hindi siya directed by, di ba? It’s a meta horror.

“So, talagang gina-guide lang kami na, ‘Ito sana yung gusto naming gawin niyo, pumunta kayo sa floor na ito,’ ganyan.

“Pagdating namin dun, kami na lang, e. Flashlight at yung camera lang yung baon ko, parang wala talagang crew na nagsasabi sa amin…

“Alam mo yung pag nagsu-shoot ako, naaalala ko talaga yung first MMK ko.

“Pinaulit-ulit ako ng rampa, kasi rumarampa daw ako, hindi raw ako naglalakad. E, kasi ganun yung lakad ko.

“Eto, walang take 2, walang take 3. Pagpasok namin dun, kung ano ako, ako na talaga yun. Kung ano yung reaction ko pag natakot ako, yun talaga yun.

“It’s a film but, at the same time, totoong-totoo siya. Reality siya at the same time.

“Iyon yung I think mas kaabang-abang and sobrang excited din ako… kasi nung napanood ko, medyo raw pa siya.

Maliban kay MJ, nasa cast ng Strange Frequencies: Taiwan Killer Hospital sina Enrique “Quen” Gil, Alexa Miro, Jane de Leon, Rob Gomez, Raf Pineda, at Zarckaroo at mula sa direksyon ni Kerwin Go.

Adaptation ito mula 2018 South Korean film Gonjiam: Haunted Asylum and dubbed as the Philippines’ very first meta found footage horror film. Nakakuha ito ng R-13 rating mula sa MTRCB.

Prinodyus ito nina Dondon Monteverde, Direk Erik Matti, at Enrique Gil, mapapanood na simula ngayong Pasko, na hudyat sa pagsisimula ng 50th Metro Manila Film Festival.

Suportahan natin ang Pelikulang Pilipino!

(ROHN ROMULO)

Bagong polymer banknotes, pagtiyak na ‘secure, durable’ ang PH currency – PBBM

Posted on: December 23rd, 2024 by @peoplesbalita No Comments

SINABI ni Pangulong Ferdinand Marcos Jr., na ang pag-unveil ng bagong polymer banknotes ay makapagbibigay katiyakan na ang Philippine currency ay nananatiling “secure, durable, and sustainable.”

Ito’y matapos na tanggapin ni Pangulong Marcos ang unang Philippine polymer banknote series mula kay Bangko Sentral ng Pilipinas (BSP) Governor Eli Remolona Jr. sa isang seremonya sa Palasyo ng Malakanyang, araw ng Huwebes, Disyembre 19.

Ang polymer series ay kinabibilangan ng P1,000 polymer banknote, na ipinakilala noong April 2022, at maging ang bagong polymer denominations na nagkakahalaga ng P500, P100, at P50.

“The first Philippine polymer banknote series, which includes the PHP1,000, PHP500, PHP100, and PHP50 denominations, marks a historic moment for our country. It builds on the success of the PHP1,000 polymer note introduced in April of 2022 and aligns with the global best practice of updating currency features every 10 years,” ang sinabi ni Pangulong Marcos.

“Polymer banknotes are designed to keep up with the demands of everyday life. Unlike paper bills, which wear out after about a year, a year and a half, polymer banknotes can last up to seven and a half years—five times longer,” aniya pa rin.

Sa pagpapakilala sa bagong polymer banknotes, hindi na kailangan pa ng pamahalaan na madalas na palitan ang mga ito, tulungan ang bansa na makapag-impok o makatipid ng pera, bawasan ang basura at makagawa ng makabuluhang kontribusyon sa pagprotekta sa kapaligiran.

Winika pa ng Pangulo na sa pag-upgrade Philippine currency, mahihirap an ang mga ‘unscrupulous individuals’ na gayahin ang polymer banknotes, dahil an rin sa ‘advanced security features’ nito.

Binanggit din ng Punong Ehekutibo, ang makabuluhang pagbaba ng modus ng pamemeke sa mga bansang Malaysia at Vietnam matapos gumamit ng polymer banknotes.

“Another key advantage is security. Counterfeiting has always been a problem for economies around the world, but polymer banknotes are a notable progressive change,” ang sinabi ng Pangulo.

“By upgrading our currency, we are making sure that every hard-earned peso stays safe, whether it is saved, whether it is spent, or whether it is invested,” dagdag na wika nito.

Tiniyak naman ng Punong Ehekutibo na tatanggapin at kakalat ang polymer banknotes kahit pa Ito’y may lupi o tiklop.

Giit ng Pangulo na ang paper banknotes ay patuloy na kakalat at lalaganap at mananatiling balido.

“So, there is no need to worry about that, the cash in your wallet still has its value. The polymer banknotes are simply a step forward—stronger, more durable, better suited for today’s demands, while still preserving the essence of what makes our currency truly Filipino,” ang tinuran ng Chief Executive.

Aniya, ang bagong polymer banknote series ay ipalalabas bago mag-Pasko, tanggap ng Pangulo na ang ‘fresh set of bills’ “would add excitement to our kids when they come and ask for their aginaldo (gift).”

Samantala, sinabi naman ng BSP na ang bagong polymer denominations ay magiging available na sa Dec. 23 subalit “in limited quantities” para lamang sa ‘greater Manila.’

Magiging available naman ang bagong polymer banknotes sa buong bansa simula Enero 2025, kasama ang paper banknotes ng kaparehong denominasyon.

Ang bagong denominasyon ng polymer series ay paunang mawi-withdraw o’ver-the-counter’ sa mga bangko at sa kalaunan ay magiging accessible sa pamamagitan ng automated teller machines (ATMs).

Sinabi pa rin ng BSP na ipinagmamalaki sa bagong series ang “smarter, cleaner and stronger” features, sabay sabing kabilang sa practical benefits ng polymer banknotes ay “enhanced resistance to counterfeiting at improved durability.” ( Daris Jose)

Kakulangan ng deklarasyon ng holiday, nagpapakita na nais ng CPP-NPA- NDF ng karahasan – Año

Posted on: December 23rd, 2024 by @peoplesbalita No Comments

SINABI ni National Security Adviser (NSA) Eduardo Año na ang deklarasyon ng Communist Party of the Philippines-New People’s Army-National Democratic Front (CPP-NPA-NDF) na walang holiday truce ay malinaw na hangad nito na pagnanais na magdulot ng kalituhan at karahasan.

“(This) simply reflects their persistent commitment to violence and armed struggle, further isolating themselves from the Filipino people’s aspirations for peace and security,” ayon sa kalatas.

Gayunman, sinabi ni Año, na ang deklarasyon ng communist insurgents ay isang “empty declaration” dahil nabawasan na sila ngayon at naging isang ‘single weakened guerrilla front.’

“Such reduction already makes them incapable of launching major operations against security forces or recruiting new members,” ang sinabi ni Año.

“This dramatic decline is the result of sustained government efforts under the banner of NTF- ELCAC (National Task Force to End Local Communist Armed Conflict) and supported by communities to neutralize insurgency and foster inclusive development,” ang sinabi pa rin nito.

Binigyang diin nito na ang peace-building ay nangangailangan ng katapatan at ang aksyon ng CPP-NPA-NDF ay patuloy na nagpapakita ng kakulangan ng sinseridad at commitment sa kapayapaan.

“We call on the Filipino people to unite in rejecting violence and supporting programs that promote peace and development. No ideology rooted in violence and armed struggle will be allowed to threaten the progress and aspirations of the Filipino people,” ang winika ni Año.

Sa kabila nito. tinuran ni Añona ipagpapatuloy ng gobyerno na tutukan ang military operations para durugin ang mga natitirang rebeldeng CPP-NPA-NDF upang sa gayon ay maaaring I-enjoy ng mga mamamayang filipino ang mapayapa at maayos na holiday season ngayong Disyembre. ( Daris Jose)

Online shopping scams, maaari ng report sa pamamagitan ng eGov App -DICT

Posted on: December 23rd, 2024 by @peoplesbalita No Comments

MAAARI ng i-report ang online shopping scams sa pamamagitan ng eReport feature ng eGov Super App sa gitna ng holiday season.

Sinabi ni Department of Information and Communications Technology (DICT) Undersecretary David Almirol na “The newest feature is e-commerce reporting for the Department of Trade and Industry’s consumer protection. The DTI Consumer Protection Office receives real-time reports and responds promptly.”

Sinabi ni Almirol na ginawang simple ng bagong e-Report feature ang proseso ng pagre-report ng scam numbers.

“By simply capturing a screenshot of the suspicious text message along with the sender’s number, users can submit it directly to the government via the eGov App,” ang sinabi nito.

Dahil dito, hinikayat ng DICT ang publiko na gamitin ang eReport at ang eTravel features ng eGov Super App sa gitna ng inaasahang pagtaas ng krimen at byahe sa panahon ng Christmas season.

“One of the standout features of the eGov Super App is the eReport system. Users can easily report different concerns with just a simple click,”ani Almirol.

“Users can report crimes, fire incidents, complaints about red tape, abuse against women and children, among others through the eReport feature of the eGov Super App,” aniya pa rin.

Samantala, ang eTravel feature naman aniya ang magsisilbi bilang unified digital platform para sa mga pasahero na papasok at lalabas ng Pilipinas.

Gagawing simple naman ng feature na ito ang border control, mapahuhusay ang health surveillance, at makapagbibigay ng mahalagang pananaw para sa economic data analysis.

“It embodies the government’s commitment to efficiency and security in travel processes,” ang sinabi ni Almirol.

Samantala, June 2023 inilunsad ang eGov PH Super App na nagsilbi bilang unified platform para sa mga government services sa bansa. ( Daris Jose)

PBBM, inaprubahan ang 7k gratuity pay para sa COS at JO workers sa gobyerno

Posted on: December 23rd, 2024 by @peoplesbalita No Comments

INAPRUBAHAN ni Pangulong Ferdinand R. Marcos Jr. ang pagtaas o karagdagang sa gratuity pay para sa Contract of Service (COS) at Job Order (JO) workers sa gobyerno.

Dahil dito, makatatanggap ang mga ito ng hanggang P7,000.

Ang pagtaas o dagdag ay magiging epektibo “not earlier than December 15.”

Sa apat na pahinang Administrative Order 28 na nilagdaan ni Executive Secretary Lucas P. Bersamin, sinabi ni Pangulong Marcos na ang JOs at COS employees na nakapagsilbi ng kabuuan o pinagsamang hindi bababa sa apat na buwan ng actual satisfactory service performance ‘as of December 15’ ay may karapatan sa gratuity pay mula P5,000 hanggangP7,000.

“Granting a year-end gratuity pay to COS and JO workers is a well-deserved recognition of their hard work and valuable participation in the implementation of various PAPs of the government, and their pivotal role in the delivery of government services amidst the present socio-economic challenges,”ang sinabi ni Pangulong Marcos.

Ang PAPs ay tumutukoy sa mga programa, aktibidad at mga proyekto.

Ang mga manggagawa na ang kontrata ay nananatiling epektibo ‘as of the same date’ ay karapat-dapat na tumanggap ng gratuity pay.

Taong 2021, itinaas ni Pangulong Marcos ang gratuity pay para sa COS at JO workers, itinaas ito sa P5,000 mula sa P3,000.

Ang mga empleyado na nagsilbi ng mas mababa sa apat na buwan ng satisfactory service ‘as of December 15’ ay puwede pang makatanggap ng FY 2024 Gratuity Pay sa isang pro-rata basis.

Ang COS/JO workers na may tatlong buwan, ngunit mas mababa sa tatlong buwan ng serbisyo ay puwede ring makatanggap ng gratuity pay na hindi hihigit sa P6,000 habang iyong mayroong dalawang buwan, subalit hindi lalagpas ng tatlong buwan ng serbisyo ay maaari namang makatanggap ng gratuity pay ng hindi hihigit sa P5,000.

Ang mga manggagawa na nakapagsilbi naman ng mas mababa sa dalawang buwan ay puwede ring makatanggap ng gratuity pay ng hindi hihigit sa P4,000.

Samantala, ang AO 28 ay kagyat na magiging epektibo kasunod ng kompletong publikasyon sa Official Gazette, o sa pahayagan na may general circulation. (Daris Jose)

Mahigit P1.15B na calamity loan inilabas sa halos 70K miyembro – SSS

Posted on: December 23rd, 2024 by @peoplesbalita No Comments

MAHIGIT sa P1.15 bilyong halaga ng calamity loan assistance ang ipinagkaloob sa halos 70,000 typhoon-affected members sa ilalim ng Social Security System (SSS).

Sa isang kalatas, sinabi ng SSS na ang halaga ay ipinalabas sa mga kinauukulang miyembro, dalawang linggo sa programa.

“The series of extreme weather conditions have immensely affected our members’ financial well-being. In response, many have quickly availed of our calamity loan assistance to replace or repair their damaged properties. We hope that loan privileges provided by SSS will support their full recovery, just in time for the Holiday season,” ayon kay SSS Acting Head for Public Affairs and Special Events Division Carlo C. Villacorta.

Binuksan ng SSS ang calamity loan program sa mga kuwalipikadong miyembro sa lugar na apektado ng tropical cyclones Kristine, Marce, Nika, Ofel, at Pepito.

Ang loan ay ipinagkaloob sa mga miyembro ng SSS na nakatira sa calamity-hit areas na idineklarang nasa ilalim ng state of calamity ng National Disaster Risk Reduction and Management Council (NDRRMC).

Sinabi pa ni Villacorta na ang mga miyembro ay mayroong hanggang Disyembre 21, 2024 para magsumite ng kanilang calamity loan applications sa pamamagitan ng kanilang My.SSS account.

At upang maging kuwalipikado para sa calamity loan assistance, ang mga typhoon-affected members ay dapat na:

-mayroong 36 monthly contributions, anim mula rito ay naihulog sa loob ng 12 buwan bago pa ang buwan ng paghahain ng aplikasyon

-naninirahan sa deklaradong calamity area

-hindi pa sumasampa ng 65 taong gulang sa panahon ng loan application

-walang ‘final benefit claim’ gaya ng permanent total disability o retirement

-walang dating utang sa SSS Short-Term Member Loans

– walang outstanding restructured loan o calamity loan

“Meanwhile, individually paying members such as self-employed, voluntary, and land-based Overseas Filipino Worker members must have at least six posted monthly contributions under the current membership type before the month of loan application to qualify for the calamity loan,” ang winika ng SSS.

Matatandaang, sinabi ng SSS na maaaring magbayad ang mga miyembro nito ng kanilang calamity loan sa loob ng dalawang taon o 24 equal monthly installments na may annual interest rate na 10%. (Daris Jose)

Higit P.3M shabu, nasabat sa 3 drug suspects sa Caloocan

Posted on: December 23rd, 2024 by @peoplesbalita No Comments

UMABOT sa P.3 milyong halaga ng shabu ang nasamsam sa tatlong drug suspects, kabilang ang isang High Valaue Individual (HVI) matapos maaresto sa buy bust operation sa Caloocan City.

Sa kanyang report kay Northern Police District (NPD) Acting Director P/Col. Josefino Ligan, kinilala ni Caloocan police chief P/Col. Pual Jady Doles ang naarestong mga suspek na sina alyas “Michael”, alyas “Ardy”, at alyas “Alvin”.

Ayon kay Col. Doles, nakatanggap ng impormasyon ang mga operatiba ng Station Station Drug Enforcement Unit (SDEU) hinggil sa umano’y illegal drug activities ni alyas Michael kaya isinailalim nila ito sa validation.

Nang positibo ang report, ikinasa ng SDEU ang buy bust operation na nagresulta sa pagkakaaresto sa mga suspek matapos bintahan ng P6,500 halaga ng shabu ang isang pulis na nagpanggap na buyer sa Barangay 28, dakong alas-7:01 ng umaga.

Nakumpiska sa mga suspek ang humigi’t kumulang 56 grams ng suspected shabu na nagkakahalaga ng P380,000, at buy bust money na isang tunay na P500 bill at anim pirasong P1,000 boodle money.

Pinuri naman ni Col. Ligan ang oagsisikap ng mga operatiba. “This operation is a clear demonstration of our relentless pursuit to dismantle drug syndicates in the region. The NCRPO remains steadfast in its commitment to combating illegal drugs and ensuring the safety and well-being of our communities.” aniya.

Mahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

SOFRONIO, sabik nang umuwi ng Pilipinas para makapiling ang pamilya sa Pasko

Posted on: December 23rd, 2024 by @peoplesbalita No Comments

HABANG nasa Taipei, Taiwan, hindi pinalagpas ni Miguel Tanfelix ang pagkakataon na gawin ang isa sa sikat na tourist activity dito ang pagpapalipad ng lantern.

Sa kanyang Instagram post, ipinakita ni Miguel ang video nang pagpapalipad niya ng lantern para sa bago niyang primetime show na Mga Batang Riles.

Sinulatan ni Miguel ang kanyang lantern ng “Nasa riles ang tunay na aksyon! Mga Batang Riles.”

Noong December 8, dumalo si Miguel sa “Paskong Pinoy 2024: Piyesta, Musika at Kultura” na ginanap sa Fu Jen Catholic University sa Taipei, Taiwan.

Samantala, makakasama ni Miguel sa upcoming Kapuso action series ang Sparkle stars na sina Kokoy De Santos, Raheel Bhyria, Bruce Roeland, at Antonio Vinzon.

Abangan ang Mga Batang Riles ngayong Enero 2025 sa GMA Prime.

***

SABIK na raw umuwi ng Pilipinas ang kauna-unahang Asian at Filipino na manalo sa ‘The Voice USA’ na si Sofronio Vasquez para makapiling ang kanyang pamilya sa Pasko.

“To all the Filipinos out there, maraming maraming salamat po sa suporta niyo. I can’t wait to go home and celebrate and bring the trophy,” mensahe pa niya.

Sunod na tutuparin na dream project ni Sofronio ay ang kumanta sa isang malaking stadium at manalo ng Grammy Awards.

Malaki ang pasasalamat ni Sofronio sa kanyang coach, ang Canadian singer-songwriter na si Michael Bublé dahil sa payo nito na “just believe in the process and not rush everything.”

***

NOONG August 2024 pa pala engaged sina Selena Gomez at Benny Blanco, pero nitong nakaraang Dec. 11 lang nila pormal na in-announce.

Ang dahilan ni Selena kung bakit after five months pa nila sinabi sa publiko ay dahil ayaw niyang isabay ang engagement nila sa panganganak ng misis ni Justin Bieber na si Hailey.

Ayon sa Daily Mail: “They got engaged in August. And Selena didn’t want their engagement to be linked to Bieber in any way. Because they knew that if they announced it right there, people would link the two news stories. Selena knew there would be people who would accuse her of getting engaged to divert attention away from Justin’s baby and take the spotlight away from him. Even, that people would say she did it because she’s not over him yet.”

(RUEL J. MENDOZA)

PBBM, nagbigay ng P60M para sa mga biktima ng Bulkang Kanlaon— OCD

Posted on: December 23rd, 2024 by @peoplesbalita No Comments

NAGKALOOB si Pangulong Ferdinand Marcos Jr. ng P60-milyon na tulong para sa mga biktima ng mga aktibidad ng Bulkang Kanlaon.

Sinabi ng Office of Civil Defense (OCD) na nagbigay si Pangulong Marcos ng tig-P30 million para sa Canlaon City at Negros Oriental Province.

Ang pag-turnover ng tulong ay pinangunahan ni Special Assistant to the President Secretary Antonio Lagdameo Jr. sa isang miting kasama ang mga lokal na opisyal at mga kinatawan mula sa disaster management.

Ayon sa ulat, naharap sa matinding hamon ang Negros Oriental provincial government sa pagdeklara ng State of Calamity dahil sa legal restrictions dahilan para maapektuhan ang dalawang lungsod o munisipalidad.

Habang ang lokal na pamahalaan naman ng Canlaon City ay naiulat na makakukuha lamang ng suporta para sa internally displaced persons para sa tatlo hanggang apat na araw at ang naturang tulong ay mula sa national government.

“The city recommended that further funds be allocated specifically for response efforts affecting the six local government units involved. Current conditions were complicated by low signal bandwidth in Canlaon City, hindering communication and coordination efforts,” ayon sa OCD.

“Additionally, the Quick Response Fund (QRF) for Canlaon City was already depleting, impacting its ability to provide necessary support,” ayon pa rin sa nasabing ahensiya.

Sa kabilang ako, pinasalamatan naman ni OCD Central Visayas chief at Regional Task Force Kanlaon vice chairperson Joel Erestain si Pangulong Marcos para sa tulong para sa ‘displaced population.’

“This funding will significantly ease the burdens of those affected by the Kanlaon eruption, especially the IDPs who will spend the holiday season in evacuation centers. It is a crucial step in ensuring that our communities receive the support they need during this challenging time.”aniya pa rin.

Winika pa ni Erestain na itinaas ng OCD Central Office ang fuel allocation para sa QRF sa P1 million kada buwan para suportahan ang pangangailangan ng Canlaon City.

“This fuel will be used for relief operations, including transportation, the use of heavy equipment for clearing operations, and generators. In total, this will provide approximately 4,450 liters of gasoline and around 13,350 liters of diesel,” aniya pa rin. (Daris Jose)